تمللـــــــــــت...<<<ليش؟؟؟ [الأرشيف]

مشاهدة النسخة كاملة : تمللـــــــــــت...<<<ليش؟؟؟

عبداللهEngineer

03-02-2005, 02:20 AM

السلام عليكم ورحمة الله وبركاته،،،

- حبيت أتكلم عن مشكلة اتصيد الكثير منا، ألا وهي قضية الملل من الدراسة...

تلقى الواحد منا اول ما يتخرج من الثانوي، متحمس حق الجامعة ومتفائل، وأول ما تبتدي الدراسة تلقاه

ايراجع وايحضر، واجوفه نشيط ومتحمس...لكن أول ما تمر عليه السنة الأولى اتجوف انه نار الحماس

والنشاط اللي كانت فيه تخبو شوي شوي لين ما تنطفي عاد بعدين خلاص، ما تفرق معاه حضر

المحاضرات ولا لأ، واذا قصر في التستات تلقاه عادي ولا جنه صاير شي جنه فقد احساسه، والتفاؤل

انقلب يأس، ورفيجنا هذي يا يكمل ويتخرج بمعدل تعبان أو يطلع ويروح يشتغل...

ليش الحماس ما يكون مستمر على طول لي التخرج؟ وليش ذي الحالة ما كانت اتصيدنا على أيام

المدرسة؟؟ على أيام المدرسة كان الواحد اذا رسب ينحرج وما يعرف وين ايودي ويهه من ربعه، أما في

الجامعةالرسوب بالهبل وعاااادي ولا جنه صاير شي....

فيا ترى شالأسباب اللي أدت حق هالشي، واذا في حلول حق هالمشكلة...

يللى نبي نسمع منكم، ويا جماعة ياريت ما ننسى الحلول...

مذهلــه

03-02-2005, 03:03 AM

بالنسبه لي .. جامعة البحرين اهيا السبب :n:

الــغــزال

03-02-2005, 07:59 AM

والله لما تغيب اسباب النجاح اكيد بيكون الفشل هو النتيجه ..

و مثل ما قلت اخوي من كثر ما صرنا نسمع ان فلان رسب و فلانه رسبت صار شي عادي :n:

والوضع الحالي في الجامعه مايحتاي بعد :نقطط:

و انا مابقدم حلول لكن نصيحه للطلبه ..

اذا تحس انك مو ماشي في التخصص غيره من البدايه ..

والشخص الناجح هو اللي ينجح في ظل الظروف الصعبه ..

والله يوفق الجميع :)

Marioma

03-02-2005, 10:25 AM

السبب من الجامعه.. ومن الدكاتره العجيبين :n:

Sarsora

03-02-2005, 11:56 AM

انا مع مريومه الصراحه جامعه البحرين تذبح طموح الواحد :n:

Marioma

03-02-2005, 12:20 PM

انا يوم دشيت الجامعه كان عندي طموح ..

بس الحين دخيل الله ابي انجح واتخرج بسرعه.. مايهمني لا معدل ولا شي

Sarsora

03-02-2005, 12:27 PM

انا يوم دشيت الجامعه كان عندي طموح ..

بس الحين دخيل الله ابي انجح واتخرج بسرعه.. مايهمني لا معدل ولا شي

اي والله

+*دانوووه*+

03-02-2005, 05:10 PM

والله ياخوي صدقت في كل كلمه قلتها :y:

احين تلقاهم يرسبون ومتشققين بعد :d ( وفرحانين اوي )

تره صج مثل ماقلت الواحد منه اذا دش الجامعه يحس انه عادي يحصل بي دي سي .. يعني لانه اشكره محد بيسألك لين اشتغلت جم مجموعك انت ؟ مايهم اصلا :sad: وبعدين مب نفس المدرسه قد ماتتعب تحصد الثمار .. ا هني بالعكس كل دكتور او دكتوره ومزاجها يعني عمرهم ماهتموا بدرجات او بتعب .. فشله نعور قلوبنه على شيء مايسوه .. صج ندرس ونتعب عمرنه بس اخر شيء درجات مأساه :sad:

يله شنسوي .. امرنا لله

:thnQ:

Nancy

03-02-2005, 06:24 PM

le2ana endesh el jame3a o 3abbalna madrisa le7eeen o 5o9oo9an entow ya el e9bayan ana cheft eb3ainy fi el medares kho9oo9an etha 7okooma eshlone ynaj7oonkom be ldaz o ya36oonkom darajat 3ala baitza

ana kent dasha el jam3a 3abaly nafs el madrisa badres 7ag el midterm wel final o ella an9am eb my grades...

bas kubart o 3eraft geemat el derasa o gemt eshway ahtam akthar o adres eshway azyad achoof el 7imdela kel shay mashye
o yamkin ba3ad enta mekhtar major maynasbek mat7eba ao mo 7ag mukhek.. ghayer ur major o btchof el farg like i did

o entebeh fel classes hay shay wayed wayed mohem ala ywafegkom:D

عبداللهEngineer

03-02-2005, 08:18 PM

تسلمووون جميعاً على التفاعل، وسامحوني اذا تأخرت في الرد...

وان شاالله لي عودة للموضوع، فانتظروني...

:!: Pinky Girl :!:

04-02-2005, 12:33 AM

اخوي انا توني سنه اولى ومتملله من الدراسه

انا بعد اقوول السبب الجامعة لان دكاترة مو شي وبعد لان المواد الي الواحد ياخذها في الدبلوووم اغلبيتها مالها سالفه ولا دخل في تخصصه ولان سنواات الدراسة وااايد الدبلووم سنتين ليش؟؟؟؟؟ وصراحة انا اقووول لو الجامعة تلغي المقررات الي مالها دخل في التخصص مثل الهستوري والاسلامك والعربك وغيرها يعنيانا عندي الافضل الواحد ياخذ مواد تخصصه بس..... هاي غير اسئلة الا متحانات الي تغث وصعبه والكميه الي لازم ندرسها حق الامتحااان واااايد وغير بعد كثره الاكوزات وغيرها ... وغيرها..

تسلم اخووووي عبدالله :thnQ: :y:

غزالة البحرين

04-02-2005, 12:46 AM

صج والله كثرة الرسوب اتخلي هالشي يصير عادي عند الكل
و الصراحة الدكاترة مب شي و امتحانات صعبة و الجامعة كلها مشاكل في مشاكل و كله ظالمين الطلبة في الدرجات و يسوون لهم كيرف داون >>> يعني احنه ناقصين بروحها درجاتنا نازلة >_>
اذا تذكرت شي بعد بايي :n:

مـــــلاك

04-02-2005, 12:53 AM

ليش الحماس ما يكون مستمر على طول لي التخرج؟ وليش ذي الحالة ما كانت اتصيدنا على أيام

المدرسة؟؟ على أيام المدرسة كان الواحد اذا رسب ينحرج وما يعرف وين ايودي ويهه من ربعه، أما في

الجامعةالرسوب بالهبل وعاااادي ولا جنه صاير شي....

فيا ترى شالأسباب اللي أدت حق هالشي، واذا في حلول حق هالمشكلة...

يللى نبي نسمع منكم، ويا جماعة ياريت ما ننسى الحلول...
انا كنت وايد احب المدرسة .. وكنت حدي متكدرة اني باتخرج ..

بس الكل قال لي الجامعة غير .. الجامعة احسن .. الجامعة جو ثاني احلى ..

من الحجي اللي كنت اسمعه تخيلت ان دراستي بتكون في الجامعه غير عن المدرسة ..
وباحط على روحي عدل وكل شي جد .. وباييب ذاك المعدل .. وباتخرج بسرعة عشان اشتغل ..

من اول كورس دشيت .. مو راضيين يعطوني التخصص اللي ابيه وماعطيني تخصص اكرهه ومب راضيين يحولوني حق اي تخصص جريب مني ..

بعد اسبوع مراكض قدرت احول .. بس مو حق التخصص اللي ابيه .. حق تخصص مواده تقريبا متشابهه ..

انزين .. بدت الدراسه .. والدكاتره اللي صادفتهم اشكال وانواع ..

دكاتره مايعرفون يشرحون .. دكاتره ما ايون .. دكاتره يتنغرشون ويتلصقون .. دكاتره نافخين روحهم .. وبعض الدكاتره زينين وحليوين وعندهم ذمه ..

انيي حق المواد ..

بعض المواد تدرسهم تحسهم سهلين وتدخل الامتحان وتقدم وضامن انك مسوي زين ..

تعال حق النتيجة .. تطلع عينك من الاحبااااط !! .. ذابحة عمري ومقدمة زين اخر شي جذي ..

هذي الحجي اول الأيام اللي النجاح مايعجبني .. عقب قمنا نجوف الـF صرنا نقول يالله انيب D بس ..

وانا الصراحة ماييب الـF الا اذا الدكتور مب شي ..

اهم شي عندي دكتور المادة .. اذا حط لي العداوة انا احطها له اكثر ..

وهالكورس انا مادري اشصادني .. وبروحكم بطلتوا عينكم علي ..

نفسيتي كلش ماتسمح لي اني ادرس .. صادني احباط وملل بسبة هالجامعة ..

درجاتي كلش مب شي في التستات والمدتيرم .. قلت يعني الدرجات جذي جذاك تحت ..

قمت قلت باسوي حركة وبارسب روحي وباعيد الجدول كامل ..

كنت اقول حق ربعي ان جدولي الكورس الياي بكون نفسه بس ماصدقوني ههههه ..

لي سويتها صج وبطلوا عينهم علي شلون قلبي بارد جذي ..

من ذي كله نستنتج .. ان جامعة البحرين اهيه السبب في حجيك كله اللي قلته ..

وانا لو اروح جامعه ثانية ادري اني بامشي وباييب احسن الدرجات لأني مو كسلانة :p

والله يوفقنا ويصبرنا .. واقدر اتخرج منها عالأقل بدبلوم واشتغل لي ادناة شغلة واطلع لي BMW بفلوسي وابرد فيها حرة عمري اللي ضاع في جامعة البحرين << ااااه هالطول دعوه خخخخخخخخ :d

مسامحة على الاطالة ومشكور على عالموضوع اخوي عبدالله :)

تحياتي ..

بو جابر

04-02-2005, 01:15 AM

بالنسبه لي .. جامعة البحرين اهيا السبب :n:
:sad: :sad: :sad: :sad:

شيخة الزيــن

04-02-2005, 02:11 PM

السبب من الجامعه.. ومن الدكاتره العجيبين :n:

عدل حجي رفيجتي :sad:

عبداللهEngineer

04-02-2005, 02:48 PM

مشكوووورين على تفاعلكم...

أغلب الردود تقول السبب من الجامعة ومن الدكاترة وانا معاكم في هالنقطة...

بس ما جفت حلول، يعني لي متى بنتم جذي، كله منج يا جامعة وكله منكم يا دكاترة وتحلطم على

الفاضي واتجوف الـgpa مواصل انحداره...

لازم انتحرك على روحنا، عشان جذي انا ياتني فكرة وابي رايكم فيها...

اشرايكم انسوي منافسة بين الأعضاء، كل عضو ايي واقول لنا اشسوى في الكويزات او

التستات اللي قدمها، واشلون استعد لها، حتى لو الواحد ما سوى زين، ايقول لنا انه ما سوى زين

ويذكر لنا الأسباب اللي اهو مسؤول عنها مثلاً انه ماراجع عدل، يعني يعترف بالغلط اللي سواه

ويوعدنا انه راح يبذل جهده المرة الياية أما اذا كان الغلط أو الخلل اللي صار اهو غير مسؤول عنه

فيذكر لنا انه سبب خارج عن الارادة، بس هذي مب معناته انه كل ماصار شي انقول سبب خارج

عن الارادة، لأنه اذا الواحد ما يعترف بأخطائه وكله ايقط على الغير ما بيستفيد شي...

والهدف من ذي الفكرة، انه انشجع بعضنا بعض ونرجع الحماس ونقضي على الاحباط واليأس...

وياريت انه انكون جادين وانه نستمر عليها من بداية الفصل الى نهايته...

اشرايكم...

شيخة الزيــن

04-02-2005, 03:30 PM

ماشاء الله عليك .. فكرة حلوة ;)

بس بالنسبة لي ماعتقد اني باواصل عليها لي اخر الكورس لاني بسرعة اتملل :sad: وماحب ادرس

عبداللهEngineer

04-02-2005, 03:39 PM

معليه اختي شيخة الزين، احنا أول شي خل نبتدي، وبعدين مع التشجيع اللي بيصير والتنافس

بنحاول انه نستمر ان شاالله بدون ملل اواحباط...

عابر القارات

04-02-2005, 04:07 PM

يعطيك العافيه صديقي عبيد
من غير ماتكلم وابدي رايي
انت عارف كل المصاعب اللي صايدتنه
وماقول الا الله يعين الباقي
:thnQ:

عبداللهEngineer

04-02-2005, 04:11 PM

ايي والله، الله يعينا كلنا...

:thnQ: على المرور صديقي عابر...

الــغــزال

04-02-2005, 04:58 PM

وايد عجبتني الفكره .. تسلم اخوي :thnQ:

Ms. VIP

04-02-2005, 05:00 PM

فكــــرة حلــــــوة .. :y:

مشكور اخوي عبدالله .. :d

عبداللهEngineer

04-02-2005, 05:03 PM

شكراً على تفاعلج الغزال... :)

وننتظر البقية...

:!: Pinky Girl :!:

04-02-2005, 11:52 PM

اهي فكره حلوووه بس انا مادرس وااايد يعني ماشط عمري حق الدراسه وبسرعة اتملل ... لكن الله اعين ... تسلم اخوي عبدالله

شهد البحرين

04-02-2005, 11:59 PM

يعطيك العافية اخوي عبدالله على طرح الموضوع :)

اخوي بختصار انة كنت 3 كورسات بجامعة البحرين صادني شئ خلاني اكرة هالجامعة واكرة الدراسة الزبدة اني كنت ابي احول تخصصي ومو راضيين يحولوني :(

وبس من نوع الي كرهت الجامعة خلاص وماشتهي احضر ... قررت بعدين اكمل دراسة في جامعة ثانية مع ان كان معدلي بجامعة البحرين 3.3 يعني وايد وايد زين بالنسبة لي لاني مو ذاك الزود شاطرة .. وبس رحت سجلت في AMA والحمدلله الحين مرتاحة ومستانسة :)

الزبدة ان الملل مو من الدراسة الملل من الجامعة نفسها يعني اذا الواحد كره الشئ خلاص مابيقدر يعطي فيها....

:thnQ: اخوي عبدالله:)

غزالة البحرين

05-02-2005, 12:13 AM

تسلم اخوي وايد حلوة الفكرة و انا وايد متحمسة حق الدراسة الكورس الياي ( ما شاء الله عليي ) :rolleyes: عشان ايصير معدلي فوق ال 3 و هالفكرة ذي بتزيد حماسنه و بتخلي كل واحد منه يشجع الثاني :y:

عبداللهEngineer

05-02-2005, 12:32 AM

فطمطم: معليه، وايد ناس ما يحبون ايدرسون، لكن لين جفتي فلان يدرس وفلانةتراجع، بتشجعين وبتقولين ليش انا ما اصير مثلهم...

شهد البحرين: أختي سواء كان الملل من الدراسة أو من الجامعة، احنا نبي نقضي عليه...

غزالة البحرين: اييي هذي الروح اللي نبيها، كلها حماس وتفاؤل، وان شاالله الله يوفقج وترفعين معدلج...

بو جابر

05-02-2005, 12:51 AM

عبداللهEngineer

05-02-2005, 12:58 AM

شكراً على ردك راعي الأكورد...

وننتظر البقية...:friends:

PHANTOM-02

07-02-2005, 02:54 AM

خوش فكره يا عبدالله

و انشاله بنشوف ثمارها الفصل الياي مع الاعضاء

:thnQ:

عبداللهEngineer

07-02-2005, 11:11 AM

Phantom-02 : شكراً على ردك عزيزي، وان شاالله تحقق الفكرة الهدف المرجو منها...

AmoOona

07-02-2005, 02:01 PM

انا بصراحه كنت من اللي شادين حلهم وسمتانسين انهم بيدخلون الجامعه
بس الحين متحسفه اني خلصت مدرسه
بصراحه المدرسه على دراستك اتيب درجات يعني اتشد على روحك اتحصل امتياز
تقعد تلعب واتخربط ما تنجح
بس في الجامعه لا لو تذبح روحك مافي فايده ما اتيب الدرجات اللي تتوقعها
بعدين لو بتلاحظون ان حق كل ماده ممكن اتحصل دكتور او 2 اهم الزينين
اما البقيه ما اعرف اشلون حصلوا شهادات مايعرفون يشرحون ولا يدرسون
واكثر الطلاب يعتمدون على شرح المدرس يعني اشلون بادرس ماده والمدرس
مايعرف يشرح اما على ايام المدرسه لا والله المدرس يشرح عدل عدل عدل
بصراحه الجامعه اتيب احباط حق الواحد واتحسسه انه مو شاطر
مع ان الكل يعرف ليش جامعه البحرين تتبع هالسياسه
بس شنو انقول نبي بس نتخرج ما نبي اتم فيها اكثر

ومشكور اخوي على الموضوع

Dana

07-02-2005, 03:07 PM

انه بصراحه انصدمت يوم دخلت الجامعه
ولا شي فيها عدل :walen:
يعني غصب الواحد يتملل ماله بارض يدرس يدري مرده لو شسوة ما بيعطونه درجات يستاهل هالمجهود الي بذله :n:
ماقول الا صبرُ جميــــــل والله المستعـــان :shhh:
و فكرتك اخوي وايد حلوة تسلم عليها :thnQ:

عبداللهEngineer

07-02-2005, 03:25 PM

Amooona: هذي حال الكثير من الطلبة اليوم، لكن احنا نبي نتغلب عليها عشان نتخرج ونفتك، وتسلمين على مشاركتج...

Dana: وايد ناس انصدموا، بس مثل ما قلت، الحين احنا لازم انكمل، شكراً على ردج اختي...