هـل تتزوج من فتاة تكتب في المنتديات ..!!

[العمري]

بسم الله الرحمن الرحيم


اللهم صلي وسلم على محمد وعلى آله وصحبه وسلم

السلام عليكم ورحمة الله وبركاته

في البداية اتمنى من الاعضاء خصوصا الشباب المشاركة في الموضوع

وفيه اسئلة ياريت تجاوبون عليها بصراحة ..

هل تتزوج فتاه تكتب في المنتديات ؟؟؟؟

جاءت اليها أمها ووجها يتهلل فرحا وقالت بنيتي لقد جاء
فلان وابنه لخطبتك الجم الفرح الفتاة اخرس لسانها ونطقت
عيناها ببريق السرور : الان سيتحقق حلمي ابني بيتا من
السعادة واربي جيلاً يكون قطعتا مني اربيه على ناظري يكون
عونا لي في الدنيا وذخرا لي في الاخرة لم تبت تلك الليلة فهي
لاتحتاج النوم بعد ان تحولت احلام نومها الى حقائق تداعب
يقضتها.........................

وافق ابوها على الخطبة وتمت الرؤيه الشرعية سر بها
العريس وسرت به وابتدى الجميع يوزعون رقاع الدعوة لليلة
الفرح الموعودة

ذهب العريس الى عملة اخبر بعض اصحابه بأنه سيتزوج
ابنة فلان بارك له الجميع وفي اليوم التالي جاءة احد زملائه
وقال له الله الله انت اذن ستتزوج الكاتبة الفلانيه التي تكتب في
المنتدى الفلاني نظر العريس الى زميله متعجباً عن من
تتحدث وماهذا الكلام؟؟؟؟؟؟؟

قال زميله خطيبتك كاتبه في منتدى بالاسم الفلاني ؟

قال وما ادراك ومن اعلمك ؟

قال اختي تعرفها واسرت لها بذلك ؟

وهي تكتب باسم مستعار

اتريد ان ندخل الى المنتدى لنشاهد مواضيع خطيبتك ؟

قال العريس والعرق يتصبب ولما لا؟

فتح الزميل المنتدى استخرج بالبحث جميع مواضيعها ثم بدأ

الاثنان في التصفح

فهاهي ترد على فلان وتشكر فلان وتتناقش مع فلان

وتضحك من طرفة فلان

وهذا فلان يمدح ماتكتب ويثني على ماتقدم وهي ترد عليه

بالثناء والشكر

احمر وجه الخطيب وخرج من المكتب

واتصل ببيت خطيبته

وقال لامها هل تسمحين لي ان اكلم

خطيبتي قالت امها لامانع اخذت البنت الهاتف وقلبها يخفق

ويداها ترتجفان تخشى

من سماع الكلام المعسول او ان لاتملك القدرة على الرد وهو

يحدثها عن بيت المستقبل؟

لكنه فاجاءها بسؤال واحد

هل انتي الكاتبة الفلانية في المنتدى الفلاني ؟؟؟؟؟؟؟

قالت نعم انا هي

قاطع حديثها وقال اسف انا لا اتزوج فتاة انتر نت
وأطبق السماعة........................................... .....................
حالة قد تمر يوما ما على اي فتاة :s[

أسئلة للنقاش::
=-=-=-=-=-=-=-=-=-=-=-=-=-=-=-=-=-=-=-=-=

س1 / هل هذا التصرف من الزوج خاطيء ام لا ؟؟
وما تصرفك انت تجاه موضوع مثل هذا ان كنت شاب ام فتاة ؟

س2 / ماهي الأسباب التي تدع فتاة الأنترنت محاربه ؟؟
وما هي نظرة المجتمع تجاه الفتاة في هذا الزمن

س3 / هل يوجد في نظرك فتاة صالحه على الأنترنت ام الكل سواسية ؟
=-=-=-=-=-=-=-=-=-=-=-=-=-=-=-=-=
في انتظار التفاعل في هذا الموضوع

ولكم مني كل الشكر والتقدير

دمتم بود

اخوكم
العمري

[za3noon]

السلام عليكم ورحمة الله وبركاته

والله يا بو ياسر شاقولك
الظاهر أن أخونا معقد من الأنترنت
أو أنه غبي وجاهل
طيب ما يشوف بعينه أنها ما تكتب شي غلط
ولا هي في منتدى مشبوه ولا هم يحزنون

وبعدين من قال أن بنات المنتديات ما يصلحون للزواج
الأنترنت بحر
فيه الشين القبيح
وفية الزين البديع
وبعدين ترى منتدياتنا فيها
شيخات البنات
ذهب

أقره ردود البنات وبتشوف كلامي صح وللا غلط

تحياتي لsister اتي
بنات bahrain vip
أخوكم za3noon

[العمري]

احلى شي الرد وكلمة بوياسر

اول مرة استانس صج من رد احد في المنتديات

وجهة نظرك جميلة وحلوة والله يبارك فيك

[za3noon]

يه
عزيز وغالي
بس من اليوم ورايح
ما أناديك الا بوياسر

[العمري]

:thnQ: ماتقصر من طيبتك

[Sarsora]

ايه علينا بنات المنتدى مافينا شي.... والف واحد يتمنى وحده منا... قاعدين على منتدى نرد جدام خلق الله احسن من البنات اللي يدخلون الشاتات والله يعلم بللي يسوونه :n:

[Marioma]

عدل كلام سرسوره :y:

[Sarsora]

:d

[رفاعي عوالي]

شالتخلف
حتى على المنتديات سوو سوالف

عيل شنو بعد فتره بقولون البنيه اللي تبطل التلفزيون مو زينه :shhh:

[بنت عبدالعزيز]

ههههههههههه...

احسن أفــــك حق ما تنبلش بواحد متخلف...

هههه :p

[بحرينيه عسل]

ايه علينا بنات المنتدى مافينا شي.... والف واحد يتمنى وحده منا... قاعدين على منتدى نرد جدام خلق الله احسن من البنات اللي يدخلون الشاتات والله يعلم بللي يسوونه :n:

:y::y:

[Nancy]

heheheh hathee akeeed ya so3ooode ya eg6erey.. esh hal takhalllof!!! hehe ana wala fi 7ayatey fakkart enna hay shay el wa7ed beefakker feeeh... its her personal life o elaikom el ajweba:

س1 / هل هذا التصرف من الزوج خاطيء ام لا ؟؟
bedooon tafkeeeer hatheee ensan taaaafehhh o ahdafa fle 7aya wahya jedan jedan o looooser men galbbbb
وما تصرفك انت تجاه موضوع مثل هذا ان كنت شاب ام فتاة ؟
wa333 ana mabby wa7ed halone! ya3ney low adrey enna kel el reyayeel halone yfakrooon 3alney ma3arrrast enshala !!!

س2 / ماهي الأسباب التي تدع فتاة الأنترنت محاربه ؟؟
el takhalllof
وما هي نظرة المجتمع تجاه الفتاة في هذا الزمن
kel mujtama3 o lah tafkeeera.. elli ychooofha el khaddama eli lazem tag3ed o takhdem fle bet.. weli ychofha el 6amoo7a elli teshtoghol o to9al el mana9eb.. o elli bas yfakker fle sharaf ma sharaf welli 7adhum yzeedoon el 6eena balla o yft7oon 3yoon banat-hom 3ala shya low makanow chethee chan machafowha

س3 / هل يوجد في نظرك فتاة صالحه على الأنترنت ام الكل سواسية ؟
6ab3an fi banat zaineen o ashraf men el sharaf ebnafseh...

hehe el 9ara7ael mo'6oo3 khalaney ASHTA6666 men galb hehe awal amra adrye enna fi nas chethee thank you el 3oamry

=-=-=-=-=-=-=-=-=-=-=-=-=-=-=-=-=

[بنوته محرقيه]

وعليكم السلام ورحمة الله وبركاته .. :)

اانزين البنيه ماسوت شي شاركت في المنتدى حرام وله عيب .. واصلا اهوه يقدر يعرف اذا كانت زينه او شينه من طريقة ردودها .. الصراحه انه اعتبرالي سواه تخلف . :n: . وفي كل مكان فيه الزين وفيه الشين .. مااقول الا الله يهديه ويكبر يعقله ..


شكرا لك اخوي العمري على الموضوع :rolleyes:

[غزالة البحرين]

مثل ما قالوا اللي قبلي قمة التخلف اللي يفكر بهالطريقة و من متى صارت الكتابة في المنتديات عيب ولا حرام بالعكس إحنه هني نحط مواضيع و نتناقش فيها و كل واحد يقول رايه فيها بصراحة فوين الغلط في هالشي و شاللي ممكن يخلي هالفئة من الشباب ترفض انها تتزوج من وحدة تكتب في المنتديات ؟؟

س1 / هل هذا التصرف من الزوج خاطيء ام لا ؟؟
اكيد خاطئ و خاطئ و خاطئ :n:
وما تصرفك انت تجاه موضوع مثل هذا ان كنت شاب ام فتاة ؟
لو كنت شاب اكيد ما بفكر بهالطريقة الرجعية الانترنت وسيلة من وسائل الاتصال و من فينا ما يستخدمه بعدين المنتديات ما فيها شي ابدا و ما اجوف انها تمس بالبنت ما دام انها ما تكتب شي غلط اما لو كنت بنت و اكتشفت انه اللي يبي يتزوجني يفكر بهالطريقة او انه يبي يفرض علي انه اترك الكتابة في المنتديات فبقوله مع السلامة !! و احمد ربي ان اكتشفت هالشي قبل ما ارتبط فيه و ابتلش فيه بعدين ...
س2 / ماهي الأسباب التي تدع فتاة الأنترنت محاربه ؟؟
في رايي السلوكيات غير الاخلاقية اللي تصدر من بعض البنات مثل سوالف الشات و البال توك و القصص الللي نسمعها كل يوم عن البنات و الانترنت.. الا فلانة مصورينها و ناشرين صورها عن طريق الانترنت و اللي تعرفت على شاب و خدعهاو وايد من هالقصص اهي اللي خلت الناس تنظر حق البنت اللي تستعمل الانترنت كأنها وحدة مشبوهة او مسوية جريمة بالرغم من انه هالشي غلط مو كل وحدة ستخدم الانترنت تستخدمه في هالسوالف فيه الزين و فيه الشين..
وما هي نظرة المجتمع تجاه الفتاة في هذا الزمن؟
على حسب كل مجتمع يختلف عن الثاني

س3 / هل يوجد في نظرك فتاة صالحه على الأنترنت ام الكل سواسية ؟
طبعا في فرق في بنات وايد زينين و يستخدمون الانترنت حق البحث و الدراسة و الكتابة في المنتديات مو كل وحدة تستخدم الانترنت معناته انها مب زينة او تستعمله حق سوالف الشات بس
يعطيك العافية على الموضوع أخوي :)

[Ne9 el GoMaR]

تخلــــــــــــــــــــــــــــف.. :y:

[Emany]

وعليكم السلام و الرحمه ..

ترى هذا الريال في قمة التخلف .. و تفكيره كلش منحط :oo..

شفيها البنت يعني ؟ و الله إلي يجوفه يقول مسويه مصيبه و هالبنت "عار" عافان الله :@ ..

مثل ماقالت أختي سرسورة .. والله اذا اهي كتبت تكتب جدام الخلق كله و مب بالخش :no:..

مشكور أخوي عمار .. :)

:cheer: إيماني :cheer:

[عبداللهEngineer]

السلام عليكم ورحمة الله وبركاته ،،،،

مشكور اخوي العمري على الموضوع...

س1 / هل هذا التصرف من الزوج خاطيء ام لا ؟؟
وما تصرفك انت تجاه موضوع مثل هذا ان كنت شاب ام فتاة ؟

تصرفه خاطئ 100%، أصلاً وين العيب في انه البنية تكتب في منتديات، وهذي الزوج ما عنده سالفة

الصراحة ويعاني من ضيق في التفكير، يتراوالي هذي بيحكر مرته في البيت، وما بيخليها تطلع الا حق

بيت أهلها، وسيدة من بيت أهلها ترجع البيت على طول...


س2 / ماهي الأسباب التي تدع فتاة الأنترنت محاربه ؟؟
وما هي نظرة المجتمع تجاه الفتاة في هذا الزمن

أولاً من قال انه فتاة الانترنت محاربة، و اذا بنحارب فتاة الانترنت عيل خل نحارب فتى الانترنت، الانترنت

تقنية ،والتقنية لها ايجابيات وسلبيات مثله مثل التلفزيون والنقال، يعني انا أقدر أطلع انواع ثانية حق

الفتاة: فتاة التلفزيون وفتاة النقال، وما اجوف أحد محاربهم...


س3 / هل يوجد في نظرك فتاة صالحه على الأنترنت ام الكل سواسية ؟

أكيد في فتاة صالحة على الانترنت، ومب فتاة وحدة الا فتيات...

[Um-5alifa]

وعليكم السلام و الرحمة ...

بصراحة تصرف الزوج ماعجبني ؟ و تصرفة خـــــاطئ!!!؟ اصلاً هالبنت إجتماعية و الشكر و الثناء في المنتديات مو عيب بالعكس؟؟ والله مايستحي يعني يبي وحدة متخلفة ماعندها كمبيوتر ولا شي؟



س1 / هل هذا التصرف من الزوج خاطيء ام لا ؟؟ طبعاُ خاطئ و نص !؟
وما تصرفك انت تجاه موضوع مثل هذا ان كنت شاب ام فتاة ؟ والله عادي الأنترنت مو خراب؟ يعني أي واحد يدخل بألأنترنت معناته خلاص هاذي شخص مو زين و لا أحد بيتزوجه!؟



س2 / ماهي الأسباب التي تدع فتاة الأنترنت محاربه ؟؟ محاربة شنو بعد!!وما هي نظرة المجتمع تجاه الفتاة في هذا الزمن ؟؟ والله كل واحد له نظرته و الزمن تغير النت كلش عادي


س3 / هل يوجد في نظرك فتاة صالحه على الأنترنت ام الكل سواسية ؟ لا طبعاُ في وااااااايد بنات زينين و محد مثل الثاني.. في بنات ينشرون الخير في النت و في بنات ينشرون الفساد في النت=-=-=-=-=-=-=-=-=-=-=-=-=-=-=-=-=

[العمري]

:thnQ: يزاكم الله خير على التفاعل والرد

[راعي المعاني]

السلام عليكم والرحمه

تسلم اخوي على هالموضوع الشيق الصراحه ونفس ما تفضلو الشباب والبنات الصراحه هذا الانسان خاوي لانه يطالع الظاهر طيب الشباب يكتبون بالمنتديات يعني البنات ما توافق عليهم ,,,

دام ان البنت محترمه وتكتب باحترام وترد باحترام وفي حدود المعقول والاصول لا مانع بالعكس المنتدى متنفس للبنت يبعدها عن اشياء ثانيه ممكن تكون خاطئه

هذا رايي واختلاف الراي لا يفسد للود قضيه

تحياتي

[مخاوي الغربة]

وآنه بعد أوافق أخوي راعي المعاني في رايه
وتصرف الزوج ذي خاطئ بالمرة
لأنه في كل مكان يوجد الصالح والطالح
ومثل ما يقولون أصابعك مو سوى
بالعكس آنه اعتقد ان البنات اللي يكتبون في المنتديات محترمات
وأحسن من اللي يدشون الشات وهالسوالف
على الأقل يكتبون جدام الناس
ويبين من كلامهم اذا كانو محترمين او لا


شكراً العمري على الموضوع :thnQ:

[سفوووج]

انا اتشرف انى اتزوج بنت يكون عندها شخصية قوية ورأى

سواء فى المنتدى تكتب او فى الجرايد او اى مكان

مدام فى احترام :y:

[angle]

الريال اللي بيفكر جذي فهو اكيد متخلف ومتحجر حده

الله ماعطه العين عشان يقره ردودها ويعرف اذا اهية اوكي او لا واهية مو قاعدة اسوي شي بالخش وخايفة منه اهية قاعدة تكتب على الملئ والكل يقره ويجوف

والزين كله والعقل في بنات المنتدى والحمدلله :y: والله ماعطه العقل وكمله به عشان يفكر ويمييز الشي العدل واللي مب عدل واحنه اهني كلنه عدل ا شاء الله :)

:thnQ:

[بحرينية عنيدة]

اول شي اقووووووول السلام :)

وثاني شي من صجه ذي يعني اللي العرق تصبب منه ليش لان اللي تقدم لها تكتب في المنتدى بصراحة من كثر ماقهرني فما اقول لا تعليق على هذي الريال :n:

وثالث شي انا من رايي الباقي ان احسن من الشات وماشات وهالخرابيط :n:

:thnQ: أخوي على الموضوع

[سفوووج]

:y:

[PHANTOM-02]

هاي على النت و هلون

شبيسوي عيل اذا كانت تشتغل و معاها زملاء عمل ؟؟؟؟؟؟

[angle]

صاج اخوي :rolleyes:

[آخر حبيب]

س1 / هل هذا التصرف من الزوج خاطيء ام لا ؟؟
وما تصرفك انت تجاه موضوع مثل هذا ان كنت شاب ام فتاة ؟

اكيد خاطئ..
اول شي اشوووف مشاركاتها اذا كانت ماتتعدى حدوودها اتقببل هذي الامر برحابه صدر .. واذا ماكانت تعدى خطوطها وانا مب مرتاح لهذي الامر اقولها بس لاتكتبين

س2 / ماهي الأسباب التي تدع فتاة الأنترنت محاربه ؟؟
وما هي نظرة المجتمع تجاه الفتاة في هذا الزمن

يمكن من اللي انشوووفه في alchaaat من قلة ادب الخ..
البنت لازم تعرف حق الانترنت واذا ماتعرف له تعتبر متخلفه .. من وجهة نظر المجتمع طبعا

س3 / هل يوجد في نظرك فتاة صالحه على الأنترنت ام الكل سواسية ؟

والله على الانترنت في الزين والشين من بنات وصبيان