الجاممعة تكرر مأساة الكورس السابق

[المشتط]

الجامعة قاعدة تتلاعب في الطلبة بشكل غير معقول ، يعني الواحد هالكورس ماراح يقدر ينزل اكثر من 4 مواد ............. تحيا جامعة البحرين ..... الظاهر جامعة البحرين قاعدة تستخدم النظام الاكاديمي الامريكي في الدراسة .... يعني حدك تنزل ليك 12 ساعة .........
والبلوة الجديدة انه لي الحين مانزلت الجداول ويش نسوي احنا ؟؟؟

الطلبة يوم السبت بيتفاجئون وماعندهم وقت للتغيير ....


أين دور مجلس الطلبة من حل هذه المشكلة ؟؟؟؟؟؟؟؟
هل مجلس الطلبة من الموالين ؟؟؟؟؟؟؟

[za3noon]

السلام عليكم ورحمة الله وبركاته
لحظة لحظة لحظة
شفيك جذي فالت ؟
من وين يبت هالكلام ؟
أو بالأصح من قال لك هالحجي؟
وبعدين ياخوي طريقتك فيها شي غريب
وايد حاط على الجامعة !!!
ترى المنتدى مو مكان خراطه
اللي فيه حرة على أحد
أيي ويهد
خل مواضيعك مفيدة
وهدفك واضح

ولاتحاول تجرح أحد
وأهلا فيك في المنتدى أخو عزيز متى ما عزيتنا
وهم عزيز أذا ما عجبناك


الكلام يمثلني شخصيا وما يمثل راي المنتدى

[الــغــزال]

هد اعصابك اخوي ..

والله ايسر امورك ان شاء الله ..

انا بالنسبه لي ما ابي غير 4 .. :)

[غزالة البحرين]

انا ابي 5 مواد :sad: ابي اتخرج يا عالم :sad:
إن شاء الله الخبر ما يكون صحيح.. و يطلع هالكلام مجرد إشاعات :(

[شيخة الزيــن]

عزة الله خلصنا وتخرجنا :sad:

اوووووووف من هالجامعة :999:

[مـــــلاك]

من قايل لك هالكلام اخوي المشتط ؟؟!! وشفيك هاد جذي؟؟!!

التسجيـــــل ليحين مابدا .. وانت اتحجه كأنك مراكض يومين حق جدولك ..

الأزمة اللي صارت الكورس اللي طاف مابتكرر وانا متأكدة من هالشي ..

اللي صار ان الكل عنده 4 مواد وتقدر تضيف زود ..
واذا عندك 4 مواد مايصير تسوي drop ..
ولكن تقدر تسوي replace عشان ماتصير خربطة ..

هذي الكورس وايد احسن من الكورس اللي طاف .. ومايصير تحكم قبل لا يبتدي التسجيل ..

احنا قد مانقدر نحاول نساعد الطلبة ونوصل صوتهم حق قسم التسجيل عشان يتصرفون ..

قسم التسجيل يستفيد من المواقف الصعبة اللي مرينا فيها عشان مانطيح في نفس الأزمة مرة ثانية .. ونحتاط اكثر عشان ماتكرر ..

مرة ثانية اعيد حجيي ..
التسجيل ليحين مابدا فلاتحكم قبل لا تجوف شنو بيصير يوم السبت لما 30100 طالب بيون عشان يطبعون جداولهم ..

هذي الكورس قسم التسجيل حاولوا قد مايقدرون ان يعطون الـ30100 طالب كلهم حقهم واشتغلوا على جداولهم ايام وايد .. ولو انت تشتغل معاهم جان حسيت شوي ..

وعلى ذي كله يمكن يطلعون قرارات في فترة التسجيل عشان يسهل عليكم تغيير موادكم بدون اي مشاكل ..


تحياتي لك ..

[المشتط]

اووكي مو مصدقيني ...........................
كلكم بتشوفون السبت وبتقولون انا قلت :n:

اختي ملاك انتي عضوة في مجلس الطلبة ؟؟
اذا انتي عضوة تقدرين اتساعدينا

وانا أطالب باعتصام يوم السبت

[مـــــلاك]

اي اعتصام الله يهداك بس !!

انت اول كورس في الجامعه؟؟ ولا شالسالفه؟؟

انا مو من مجلس الطلبة ولا شي .. انا مع التسجيل ..

انا نزلت موضوع مثبت تقدر تروح تجوفه عشان اوصل مشاكلكم حق قسم التسجيل واحاول اجوف لكم الحلول ..

اخوي .. الكورس اللي طاف صارت ازمة اشكبرها .. ولكن قدروا الطلبة يضيفون اكثر من 4 مواد اخر الأيام ..

وذي الكورس قالوا ان يصير .. وخصوصاً اللي بيتخرج لاااازم بحطون لهم ..

تحياتي ..

[Ne9 el GoMaR]

الله يساعدكم..


:)

[:!: Pinky Girl :!:]

:sad: :sad: :sad: :sad: :sad:


صج هالحجي

اذا صج رحنا فيها ولا بنتخرج


:sad: :sad: :sad: :sad:


ان شاء الله اكوون كلامج صح اختي ملاك

[مـــــلاك]

اخواني وخواتي ..

انا باكون كل يوم متواصلة معاكم عن طريق هذي الموضوع ..
http://bahrainvip.com/vb/showthread.php?t=978

وحجيكم كله بيوصل حق الموظفين والأخصائيين في قسم التسجيل ..

انا منزلة هالموضوع عشان مايصير فيكم هالاحباط والكدر ..
تفاءلوا بالخير تجـــدوه :)

تحياتي لكم ..

[Marioma]

صج انك مشتط :unsure:


تدري .. انت لازم يخلونك تشتغل فالتسجيل علشان تحس بمعاناة الموظفين مساكين اللي حتى فالاجازات يشتغلون

الله يعطيهم العافيه

[المشتط]

ان شاء الله انا باحط مشكلتي
انا خامس سنة لي تخصص رياضة
انا اقدم من موظفينكم

والي يشتغلون في التسجيل فقال دم
((( مو كلهم في فقال دم وفي ناس اوكي يعني )))

[Marioma]

:نقطط:

[za3noon]

يللا شفت شلون أعضاء المنتدى حليوين
هذا هي sister ملاك تأكد لك أنه ما بيصير شي من اللي قلته

وطبعا أنت مستانس
كل عضو دش موضوعك
صار خايف ويطبخ لين يوم التسجيل
والبركه في موضوعك

يزاك الله خير
ماتم أحد ما يشره على التسجيل الحين
هاذي ولين الحين ما بدأ

خووووووووش
تبي تعتصم
يللا (جونقر ) روح من قابضك
خوب على أدناة الدون أعتصام

[شيخة الزيــن]

خخخخخخخخخخخخخخخخخخخخخخخ :closedeye

za3noon اشفيك هديت فيه ؟!! :aa_crazy:

ياخبر بفلوس عقب جم يوم بيصير بلاش وبنجوف من اللي حجيه عدل وصح ;)

[المشتط]

زعنون انا اقوول احترم نفسك لادوس في رمتك الحينه
ويش دخلك انته في الموضوع ؟؟؟
انا ماشوف تحت اسمك مكتووب مشرف شي استغفر الله العظيم
صدق اوادم ماتستحي

[مـــــلاك]

لاااااااااا ..

بدينا بالغلط الحين ..

شباب .. بس سدوا السالفة ..

السبت يبتدي التسجيل واي مشاكل تواجهونها حطوها في موضوعي ..

ومافي اي داعي حق هواش في ذي الموضوع .. كل واحد مهتد على الثاني ..

اخواني زعنون والمشتط ..

ولي يسلمكم يلله مابي اجوف ردودكم عقبي وخل يقفلون الموضوع لأن خلاص انتهينا منه ..

الله يعطيكم العافية ان شاء الله ..

تحياتي لكم ..

[الــغــزال]

اخوي za3noon و المشتط ..

الموضوع مايستاهل تحرقون اعصابكم عليه ..

الله ايسر اموركم و ان شاء الله ما بيصير الا كل الخير

:bye:

[المشتط]

والله بس عشانش ملاك ماني راد عليه
المفل يقول ....................

القافلة تسير ..................


ويصيدها بنشر :d

[za3noon]

يأخي

:secret:

شكرا




وعموما يا جماعة متأسف
القصد مو هواش وshow للعضلات
القصد أنكم تتفائلون وما تحطون في بالكم
أنكم ما بتحصلون مواد



يقول أنتوني روبنز في كتاب قدرات بلا حدود (بما معناه) :

( نتائج أي تجربه لأي شخص تعتمد على التصور الشخصي للتجربه
فلو كان تصورك تجاه الموضوع أيجابي فذلك سيجعلك تفكر بصورة أيجابية
وسيؤدي الى أفضل انتائج
طبعا التجارب السابقة تؤثر بشكل كبير
لكن يجب أن نتدرب على أن نتحكم في طريقة التفكير
أيجابية كانت أم سلبية )
أنتهى

متأسف مرة ثانيه sister ملاك وsister الغزال
وشكرا

[مـــــلاك]

تسلمون على تعاونكم .. وان شاء الله مايصير الا كل خير :)

الله يعطيكم العافية :d

تحياتي لكم .. :bye:

[Carlito Cool]

الموضوع كووول :y: لكن الهواش مو كوول :n:

[الــغــزال]

يتراوالي الموضوع منتهي ..

[عبداللهEngineer]

أخوي مشتط ، ياريت قبل لا تكتب اي خبر ، تتأكد من المصدر...

ويا جماعة ما يسوى انكم اتهاوشون على سالفة ماتسوى...

وخلاص اعتبروا الموضوع منتهي.