هــل تحتفــل بالـ Valentine ؟؟

[مذهلــه]

http://www.schery.wz.cz/Web/Tatty%20Teddy/images/Valentine.jpg

مســاء الخيــر ..
في البدايه حبيت ان الكل يشاركني في هالموضوع اللي صار شي مهم ويوم في السنه يمر ولكن مب مثل باقي الايام ..
كل المحلات التجاريه والمجمعات والناس تستعد لهذي اليوم ..
وكل عاشق يشتري هديه لمعشوقته والعكس ..
ويغلب على هدايا الـ Valentine اللون الاحمر والورده الحمره ..
اكثر الناس يدرون ان الاحتفال بهاليوم حرام وغلط .. لان هالشي مب لنا احنا المسلمين هالشي ياينا من الغرب ومن اليهود .. وبعد يتبرزون ويشترون هدايا ويحتفلون فيه ..
يعني هالشي صار تقليد اعمى بالدرجه الاولى ..

ســــؤالــــي حــق كــل عضــو وعضــوه في المنتــدى ..

هــل تحتفــل / تحتفليـــن بالـ Valentine ؟؟

ولمـــــــاذا ؟؟

اتمنى من الكل يشاركني ويقول رايه بصراحه من ذكر السبب ..

والله يهدي الجميع ان شاءالله :)

[رفاعي عوالي]

يجب على الكل ان يحتفل في هذا اليوم
فقبل ان يكون Valentine
فإن هذا اليوم هو يوم تأسيس و اعلان مملكتنا الغاليه

يوم اعلان
مملكة البحرين

و في هذا اليوم
سيزور سيدي صاحب العظمه الرفاع و المنطقه الجنوبيه
و سيكون هناك احتفال كبير
و من ما سمعت انه راشد الماجد بغني فيه

[Dana]

انه ما احتفل بصراحه
ماجوفه ذي عيد
بس اذا احد اييبلي هديه ماردها ليش لا :d

[za3noon]

أحتفالنا يكون بأعلان مملكتنا
مو بيوم الحب
ذي اليوم حق الأجانب اللي ما يجوفون زوجاتهم وأزواجهم ألا مرة في السنه
تلاقي الزوج عندة جم حبيبة والزوجة نفس الشي
وما يتلاقون الا في هاليوم
الله يصلح شبابنا
ويفكرون باللي يفيدهم


بالنسبة لي كل يوم عيد
كل يوم أكمل سنه
من نفس اليوم العام

واللي أحبهم -طبعا مو بنات- أي وقت ممكن أعبر لهم عن شعوري

[Emany]

أنا خلي أحصل لي واحد يحبني و أحبه .. بعدين باحتفل وياه :01:

انيي للجد ..

أنا ماحتفل فيه و ماعتقد راح أحتفل فيه ..

ليش ؟ ماحس انه له داعي .. و اقتباس من كلام اخوي z3noon .. راح أعبر للي أحبه بأي وقت .. مب شرط في ذي اليوم .. :luv::love2:

مشكورة أختي مذهله .. :001:

:cheer: إيماني :cheer:

[بحرينية عنيدة]

أنا بعد ماحتفل فيه ولا اعتقد راح احتفل فيه لان كل يوم بالنسبة لي عيد حب بالنسبة لشخصين يحبون بعض :)

:thnQ: على الموضوع مذهلة

[سفوووج]

والله حزة الحزة يوم ارتبط ببنت بحتفل وياها بالليوم اللى ارتبطت فيها فيه :$

يعبر اكثر من يوم كل من بالعالم يحتفل فيه :p

ومشكووووووورة

[بحريني]

لم أحتفل قط ولن أحتفل بهذه المناسبة التي أجدها عادة دخيلة على مجتمعنا الخليجي، بالاضافة الى انها مناسبة قد تدعوا الى الفساد من خلال لقاء الحبيب بحبيبته ولن نخوض في تفاصيل ما قد يحدث بهذا اللقاء.


شكرا أختي على الموضوع :)

[عبداللهEngineer]

عن نفسي أنا ما احتفل به، لأنه مثل ماقلتي انه حرام...

وأصلاً فكرة يوم في السنة أحتفل فيه بالحب مالها معنى، أنا لو أحب صج جان كل يوم عندي عيد حب،

وأييب الورد والهدايا بمناسبةومن غير مناسبة، وأقول كلمة أحبك كل يوم وكل ساعة بعد، مب أنطر

عيد الحب عشان اقول أحبك وأييب هدية...

[حماني]

لا لم احتفل و احاول ما احتفل ههههههه

[مذهلــه]

يعطيكم العافيه على المشاركه ..
وانا في انتظار راي باقي الاعضاء :)

[بنت العز]

أول شي مشكوره عالموضوع الحلو

وثاني شي انا أخالف كل اللي سبقوني في الراي ...

بالعكس اشفيها اذا احتفلنا بهاليوم يمكن يجدد المشاعر في قلوب الطرفين وهذا شي حلو أكيييد ... فليش نسكر على عقولنا ونعتبر هالشي غلط وممنوع بالعكس نحتفل فيه في حدود الدين والشرع مو لازم نصير مثل الأجانب و أجوف ان حلو الواحد يعبر للثاني عن مشاعره في يوم مكتوب في التاريخ :y:

وتره عادي احنا اذا ماحصلنا احد نعطيه هديه قزرنا نشتري حق بعض ونتبادل :p


ومشكورييين :rolleyes:

[عبداللهEngineer]

بنت العز، ما تدرين انه الاحتفال بهالعيد حرام؟؟

وكلامج عن تجديد المشاعر، معناته انه الطرفين راقدين طول السنة وينتظرون هاليوم عشان ايطلعون مشاعرهم حق بعض...

واذا على التاريخ، نقدر انحط تاريخ اليوم اللي بنسلم فيه الهدية، وبتكون في منتهى الرومانسية...

فكرة عيد الحب نفس فكرة عيد الأم، سوو عيد حق الأم والناس صارت ما تزور الأم الا في هالعيد، يعني مرة في السنة، هذي حجي عاد أجوف امي مرة في السنة بس...

زبدة الحجي: احنا مسلمين، وما عندنا الا عيدين: عيد الأضحى وعيد الفطر، ولازم ما ناخذ كل شي ايينا من الغرب...

[Mercedes]

انا عن نفسي ما احتفل في هذي العيد وإنشاءالله بتم على طوول جذي :y:

[DaNNy]

أنا خلي أحصل لي واحد يحبني و أحبه .. بعدين باحتفل وياه :01:

انيي للجد ..

أنا ماحتفل فيه و ماعتقد راح أحتفل فيه ..

ليش ؟ ماحس انه له داعي .. و اقتباس من كلام اخوي z3noon .. راح أعبر للي أحبه بأي وقت .. مب شرط في ذي اليوم .. :luv::love2:




زبدة الحجي: احنا مسلمين، وما عندنا الا عيدين: عيد الأضحى وعيد الفطر، ولازم ما ناخذ كل شي ايينا من الغرب...

:y:

[الجابري]

والله انه عن نفسي ما أحتفل أو أنتظر هذا اليوم عشان اروح واقول حق اللي احبه أحبك ، وانه إذا كنت أحب شخص معين رايح يكون بالنسبه لي كل يوم في حياتي أهو عيد للحب.....



وأييب الورد والهدايا بمناسبةومن غير مناسبة، وأقول كلمة أحبك كل يوم وكل ساعة بعد، مب أنطر

عيد الحب عشان اقول أحبك وأييب هدية...

[غزالة البحرين]

و انا رايي مثل اللي قبلي ...
لما احب واحد ما بنتظر انه ايي يوم في السنة و احتفل فيه معاه بالعكس بيكون كل يوم لنا هو عيد حب و مو محتاجين انخصص يوم نحتفل فيه بحبنا :)

[Um-5alifa]

خلف الله علي ماعندي واحد يحبني :sad:

وإذا إرتبطت بواحد بحتفل باليوم إلي حبينا بعض لأن الحب مو حرام ((صح))؟؟ و الوردة تكفي :$ يا لاسلام على الرومانسية يا أم خليفة

ههههههههههههههههههههههههههههههه :01:

واللله يـــوم 14 فبراير أحلى يوم عندي؟؟ و عند كل البحرينين لأن في هاليوم عيد حب مملكتنا لأن صارت مملكة :bahrain:

[PHANTOM-02]

اخـــــــــــــــاف احتفل بالفلانتين :p

انا تاريخه ما اعرفه

بس خبري انه مسوينه على عيد ميلاد واحد مال كنيسه " قديس "
اسمه فلانتين

يعني العيد كلش ماله سالفه بالحب

شلون انقلب من عيد ميلاد اادمي و صار عيد حب ما ادري ؟؟

من جذي اظن انه ماله سالفه الواحد يحتفل بعيد الحب

;)

[بنت عبدالعزيز]

ههههه لوووول @ Phantom :tongue1:

و

لا ما حتفل ولا بحتفل...

شل السخافة....

الواحد يحتفل التاريخ إلي عرس فيه/انخطب ...
or whenever he feels like it...

مب بس مع الخيل يا شقرا...

Monkey see Monkey doo


:p

[بنت العز]

ثنكيووو اخوي عبدالله على قرائتك لرايي وانا قلت كلمة والظاهر انت مالاحظتها عدل

قلت مافيها شي نحتفل بهاليوم بس مانحتفل مثل الكفار وبحدود الدين وعيد الأم على قولتك نفس الشي انا ماقلت لك زور امك مره في السنه والحمدلله عاداتنا وتقاليدنا مخليتنا عايشين معا امنا في بيت واحد وحتى لو عرسنا وطلعنه عنها بعد كل يوم بنجوفها ... بس حلووو ان نسويلها يوم يخصها لانها تستاهل .... ولاحظ اني قلت يوووم مو عيد ;)

مشكورين

[الذيب الآسيوي]

:sad: :sad:

[بنوته رفاعية]

وااي انتوا !! وايد مكبرين السالفة :unsure:

ماعتقد فيها شي لو الواحد اشترى هدية حق اللي يحبه :love2: حق صديقه او حتى اخوه و اخته :console:

هو في النهاية يوم حــب حق كل من :luv: :d

[عبداللهEngineer]

:) اوكي انا معاج...

بس ليش ايكون الاحتفال محدد بهاليوم، ليش نحتفل معاهم؟؟؟

ومثل ما قالت اختي بنت عبدالعزيز، ايكون أفضل لو احتفل كل زوجين بذكرى زواجهم...

ولا اشرايج؟؟؟

[Bucheery]

انة واحد احتفل :y:

[angle]

والله انه عن نفسي ما أحتفل أو أنتظر هذا اليوم عشان اروح واقول حق اللي احبه أحبك ، وانه إذا كنت أحب شخص معين رايح يكون بالنسبه لي كل يوم في حياتي أهو عيد للحب.....


إقتباس:
المشاركة الأصلية بواسطة عبداللهEngineer

وأييب الورد والهدايا بمناسبةومن غير مناسبة، وأقول كلمة أحبك كل يوم وكل ساعة بعد، مب أنطر

عيد الحب عشان اقول أحبك وأييب هدية


الواحد يحتفل التاريخ إلي عرس فيه/انخطب ...
or whenever he feels like it

لين الله كتب ان شاء الله لازم يصير كل يوم عيد حب وكل يوم احتفال..ورد وقلوب..شموع وهدايا واحمر في احمر ويحيا الحب :thumbup:

:ok:

[بنت عبدالعزيز]

لين الله كتب ان شاء الله لازم يصير كل يوم عيد حب وكل يوم احتفال..ورد وقلوب..شموع وهدايا واحمر في احمر ويحيا الحب :thumbup:
:ok:
لوووووووووووول
عاشت الرومانسية

:lol:

[angle]

:$ :$

[دلوعة الرفاع]

هههه.. والله انا محتفل فيه...مب متفرغه هههه...:aa_crazy::$

:thnQ: