والله فــشـــلــونه البحرين

[Um-5alifa]

السلام عليكم ورحمة الله وبركاته


مثل ما تعودنا نسمي ديرتنا البحرين بأمنا لأن اكيد كلنا نموت عليها و هي ربتنا و عشنا على خيرها :bahrain:

لكن للأسف الشديد :sad: إن في وايد أشياء مو زينة في ديرتنا الحبيبة !!:sad:

مثل المظاهرات و العنف إلي يصير :aa_hosha:

و هاذي غير الخمور إلي صايرة مثل العصير يبيعونة بكل مكان !! :shock2:

و المخدرات مثل ماتشوفون زايدة :aa_evil: كل يوم بالجريدة ,, مصرع شاب بحريني بسبب جرعة زائدة؟
أو مثلاُ يصيروون كمية كبيرة من المخدرات بالشقق !!

يعني كلش مافي رقابة !!؟ و إذا بيسجنونهم كلها جم شهر و يهدونهم هاذي القهر؟ مايقولون يعني بيكررون الفعلة؟؟

وحوادث الإغتصاب زايدة؟ الصراحة الواحد يخاف يمشي في زرنوق بروحةhelp:: !!!

يعني انا والله تفشلت لما وحدة من رفيجاتي (إهيا خليجية) يعني مو بحرينية , بس تقول انا رحت الجمعية و شفت الخمول يبيعونها هناك فتعجبت ... حتى بالفنادق إمصففين الويسكي و كأنه بيبسي يعني كلش عادي؟؟

إذا بيستمر حالنا جذي والله بتتشوه صورة بحريننا الغالية و العزيزة :sad:


يعني الناس إذا ياو البحرين وين إيروحون غير السكن بالفنادق؟ فكلهم يشوفون أشياء الواحد يتفشل منها .. و الديسكوهات زايدة و البار ؟؟ و ماعندنا معالم سياحية كلش؟:نقطط:



و اتمنى إني اسمع آرائكم

[حماني]

http://ftws.net/buf5ooth/pic/hi.gif



انا لله وانا اليه راجعون
هذا الي احنا نقدر نقوله
بس المفروض الحكومه تتصرف :shhh:



http://ftws.net/buf5ooth/pic/bye.gif

[Um-5alifa]

إي والله يا اخوي حماني
المشكلة الحكومة شكلها تشجع على هالشي؟ سكوتها غلط :sad:

[Dana]

جوفي حبيبتي
الواحد الي ما يطيع ربه يضيع!!
كل شي تتحجنه عنه من قلة الوازع الديني
لو الحكم في الديرة على الحكم الديني الصح
جان حرمت بيع الخمور
و لو طبق الحد الشرعي للزنا جان ما تفشى هالشي و صار كلش عادي
و لو طبق حد السرقة لو ما زادت هالبوايقة حتى بيبان البيوت يبوقونهم شالمصخره؟!!
ما أقول الا الله يهدي الجميع و نتثبت في دينا لانه اهوا الي بيرفع شانا
تسلمين على الموضوع

[آخر حبيب]

سلام...
مشكورة اختي على هالموضوع لكن مافي يدنا شي انسويه .. المفروض هذي الشيي ايي من الحكومه.. لان المفروض ان الحكومه تمشي على شريعه الدين .. والخمر و ..... محرم في كتاب الله، وعلى المخدرات وهالاشيه هذي من قله الايمان عندهم .. وحالات الاغتصاب وو .... الله يهدي كل الشباب والبنات.. ويستر عليهم

:9aya::نقطط:

[بحرينية عنيدة]

ماعرف شازيد اكثر من اللي قالوا اخواني

واي والله قهر يحبسونهم شم شهر واطلعونهم ولا في حالة الاغتصاب ليش هلكثر بنات الديرة عندهم رخاص اللي مابتعاقب الفاعل على فعلته الا بشم شهر

:thnQ: على الموضوع

[Um-5alifa]

مشكورين على ردودكم .. وإنشالله الحكومة يتحركون شوي؟؟
والله يعجبوني السعودية يقصون يد الحرامي؟ مو إحنا إطلعونة بكفالة :@ :@

[رفاعي عوالي]

يقولج اختي من امن العقوبه مادري شنو المثل

يعني الصراحه الحكومه غلطانه

لأن ما في رادع

كل من باق و صار مدمن و اغتصب بحبسونه و لما إيي العيد او رمضان إفرااااااااااج

تعالوا مايصير جذي
لازم ما يهدونهم و ما يعطونهم ويه

و بالنسبه للخمور فهذي مشكله مو بس لأن حرام
بس لأنه اذا وقف الخمر في البحرين الاقتصاد ينزل :shhh:
والله احسن شي شركة الخمر اللي كانت تبيع في عوالي برخيص صكوهه :d

[Um-5alifa]

هههه أي إقتصاد ذي إلي على الخمووور :@ والله انا مافهم بهالسوالف؟ الإقتصاد ينزل مادري شنو ؟؟ بس إذا إرتفع إقتصادهم بالخمور بيرتفع ميزان السيئات عندهم..

[Marioma]

no comments

:نقطط:

[bigboss080]

اي والله واحين الفاحشة الي خربت الزينين سهال اكادمي باللعليكم شنو هالمهزل ذاك اليوم رابطة مادري شنو احمد صلاح الدين ليش انتخابات مجلس النواب؟؟

ماشايفين خير وبعد مو كلشي على الحكومة حتى الناس بعد ماشاء الله مسكيتين في بعض السوالف :@

لكن شنو اسوي

[غزالة البحرين]

يقولج اختي من امن العقوبه مادري شنو المثل
:d
من أمن العقوبة أساء الادب يا رفاعي عوالي :)
شقولج أختي.. و الله حالة ديرتنا كلش صاير مب شي... و اهم سبب في رايي انه ما في وازع ديني و اذا واحد ما عنده ايمان و لا عنده ضمير يعني أكيد ما عنده أخلاق من جذي تجوفينه لو شيسوي كله عنده هالشي عادي... عادي انه يبوق و يشرب و يغتصب و يتعاطى مخدرات... هذي من جهة الشباب... و من جهة الحكومة ترى كلش ما في عقوبات رادعة...يعني خصوصا سالفة البوق اللي زايد في الديرة هالايام يحبسونهم جمن يوم و يطلعونهم عقب بكفالة جنهم يقولون لهم ردوا بوقوا مرة ثانية !! و سالفة اللي اعتدى على وحدة من بنات الجامعة و ما عاقبوه و لا سووا له شي مجرد انهم منعوا من السفر ...بعد كل هذا و ما تبين الجرايم تنتشر...
لا حول و لا قوة الا بالله :(
مشكورة أختي على الموضوع :thnQ:

[الجابري]

والله مارايح أزيد شي على اللي قلتوه غير إني أقول
ان انه حدي منقهر على النواب اللي للحين مو أمسويين شي حق هالمصخره وخاصه الخمور اللي صارت منتشره أبشكل يخوف ،الصراحه الى متى يعني ، ونوابنه شنو ناطرين بالظبط عشان يتحركون ،،أبغي أفهم يعني ؟؟؟ :@

:thnQ: على الموضوع أختي أم خليفه :thnQ:

[Ne9 el GoMaR]

والله ماظن ان الي راح اقوله بكوووون احسن من الي قالوه اخواني..
لو كان في رادع.. جان ماصار كل ذي..
لكن من يسمع :n: ..!!
ثنكز عالموضوووع

[Um-5alifa]

مشكورين على ردودكم .. والله و إنتوا الصاجين مافي رادع لهم كلش؟؟ الحكومة وايد خايفة على مشاعر الحرامية!!
والنواب من إستووا إختربت البحرين ؟ كل شي عندهم حرام و ممنوع !!؟
بس شي واحد إلي سووه صح ((تعويض الإجازات)) ;)

[bad0o0ra]

ba3ad e7na shnegdar nsawy

la7awl wala guwa

bas walla kel shay 9ayer chenna 3ady

ya3ny 9ar 3ady tchof wa7ed sakran fel sekka
mathalan
walla ma2sa

bas shnegdar nsawy e7na

thanx 3al maw'6o3

[bigboss080]

والله عدل كلامكم بس شباب احنا لو كل واحد وقف عن هالسوالف ان شاء الله الديرة بتكون احسن وشباب مثل ماقل عاديث تحصل واحد سكران ولا مو عاقل بالسكة وخاصة المعروف الي تشوفه يم اخر فرصة ولا سوق محرق (( جعفروو )) هذي واحد سكران وعادي يعني

والله ذكرتوني مرة حلمت فيه :)

[Um-5alifa]

يعطيكم العافية على مشاركاتكم .. و مثل ما قلت اخوي bigboss080
: احنا لو كل واحد وقف عن هالسوالف ان شاء الله الديرة بتكون احسن

[راعي المعاني]

المفروض يكون التحرك من الحكومه وهم ما ننسى دور الآباء لانه التربيه من الصغر على العادات والتقاليد الصحيحه بتجنبنا كل هذه الاشياء الناتجه عن الانحراف الخلقي لنقص التربيه والاهمال في العنايه

الله يهدي الجميع

تحياتي