موقف في حياتك

[PHANTOM-02]

السلام عليكم ورحمة الله وبركاته

شلونكم شباب و بنات المنتدى

طبعا مثل ما الكل يعرف حياه الانسان عباره عن مواقف تصيده
و تصرفات يسويها

معظمها تكون عاديه
و بعضها يكون نقطه تحول في حياة الانسان
و يكون دايما حاضر في الذاكره


هل مر عليك موقف في حياتك خلاك تعيد التفكير في كل اللي سويته ؟؟؟؟؟؟؟؟
غير نظرتك للامور ؟؟؟؟؟؟؟؟
احدث تغيير في حياتك ؟؟؟؟؟؟؟

و شنو هالموقف ؟؟؟؟؟؟؟؟؟؟


و اذا ما صادك
شنو تتوقع الشي اللي ممكن يتسبب في هالتغيير ؟؟؟؟؟؟
مثلا كلمه من شخص عزيز ؟؟؟؟
زواج ؟؟؟؟؟؟
صدمه عاطفيه ؟؟ <<<<<<< خخخخخ :1aa:


اتمنى اشوف مشاركاتكم


تحياتي <<<<<<<<<PHANTOM-02

[Dana]

انت شكلك تبي فضايح:1aa:

انه حاليا قاعده اتصير لي ظرورف احسها بتغير مجرى حياتي

اولن لو بروح حق حالة الدراسه .. ترى كلش مب مستقرة هالكورس راسبه في مادتين!:sad:
ماعرف شبيصير فيني بانطرد؟ بواصل ؟ باروح جامعه خاصه؟ ولا باتم في البيت
بس عاااد خل الباقي سر :$

<<الكل بيصيح على حالها:sad:

[za3noon]

يه يه يه
أش هالمواضيع هاذي

يعني تبي تيريرنا في الحجي
لين تذكرت شي ريفع الراس بارجع
:sad:

[PHANTOM-02]

دانه

الله يعينج و الله على جامعتنا العزيزه
كسرتي خاطري


ZA3NOON

صديقي العزيز
اذا الموضوع مو عاجبك
نشيله
افا عليك بس


لا تصدق :p
خخخخخخخخخخخخخخ

[PHANTOM-02]

يا جماعه
لا تفهموني غلط
انا مابي فضايح ولا شي

السالفه و ما فيها اني شفت فلم :y:
صارت فيه سالفه هلون
قلت يمكن هالاشيا تصير في الصج بعد

و سيده نزلت موضوع في المنتدى

خخخخخخخخخخخخخخخخخخخخخ
خخخخخخخخخخخخخخخخخخخخ
خخخخخخخخخخخخخخخخخخخخخ

[za3noon]

المواقف وايد بس أهمها :

أول مرة أروح مقبرة
وأشهد جناة ودفن

وفاة الوالد غيرت وايد أشيا في حياتي
وطبعا علمتني أشيا أكثر
ما أتوقع من في عمري يعرفها


اللهم أرحم موتانا وموتى المسلمين
وأغفر لهم وأرحمهم وأكرم نزلهم
اللهم أغسلهم بالماء والثلج والبرد
وأجعل قبورهم رياضا من رياض الجنه
ولاتجعلها حفرا من حفر النار
اللهم أبدلهم دورا خيرا من ديارهم وأزواجا خيرا من أزواجهم
وأبدل اللهم سيءاتهم حسنات
برحمتك يا أرحم الراحمين

[PHANTOM-02]

الله يرحمه و يرحم جميع موتى المسلمين

ويشملنا برحمته

:thnQ: على مشاركتك za3noon
الواحد لما يتحمل المسؤوليه و هو صغير
يتعلم اشيا اكثر بوايد عن غيره

[بنت العز]

:rolleyes: ممممممم ...... فكرت وايد لأن وايد في مواقف

بس اظن اصعبها راح اييبي بعد هالكورس لما اتخرج من المدرسه واحاتي الجامعه وشنو بدرس وفي وين والليسن والسيارة ورفيجاتي اظن كل واحد فيهم راح يغير حياتي 100 درجة ..... الله يستر ويسهل علينا كلنا :y:


:thnQ: مشكور عالموضوع الحلو

[PHANTOM-02]

بنت العز

ما اظن انه الانتقال من مرحله المدرسه الى الجامعه
شي ممكن ياثر على حياتج و غيرها تغيير جذري

لانه يكون شي عادي

نفس النتقال من الاعدادي للثانوي

الا اذا بتدرسين بره

الله يوفقج انشاله
و :thnQ: على المشاركه الحلوه

[PHANTOM-02]

بعدين التغيير 180 درجه
مو 100 بس

خخخخخخخخخخخخ
خخخخخخخخخخخخ
خخخخخخخخخخخخ

[بنت عبدالعزيز]

اللهم أرحم موتانا وموتى المسلمين
وأغفر لهم وأرحمهم وأكرم نزلهم
اللهم أغسلهم بالماء والثلج والبرد
وأجعل قبورهم رياضا من رياض الجنه
ولاتجعلها حفرا من حفر النار
اللهم أبدلهم دورا خيرا من ديارهم وأزواجا خيرا من أزواجهم
وأبدل اللهم سيءاتهم حسنات
برحمتك يا أرحم الراحمين

اللهم آميــــــــن

عظم الله اجركم اخوي za3noon... :(

و Phantom ما على بالي شي ألحين..
شنو الفلم إلي شفته ؟ يمكن إذا طلع ان شفته يكون يا على بالي اشيا يوم اشوفه ولا شي :teehee:

[غزالة البحرين]

مممممممم ما اظن انه صار لي شي من اللي تقووله :rolleyes:
ما زلنا في الانتظار لنقطة التحول او الشي اللي بيغير مجرى حياتي :d
اذا تذكرت شي بقول لكم... يعطيك العافية على الموضوع أخوي :)

[PHANTOM-02]

بنت عبد العزيز

و الله ما اعرف اسمه
واحد من هالافلام الانجليزيه
اللي يحطونهم في التلفزون :p

:thnQ: على المرور
و بانتظار ردج


غزاله البحرين

يعني افهم انج تبين حياتج تتغير ؟؟؟ :shhh:
و شنو الشي اللي ممكن يتسبب في هالتغيير ؟؟؟

:thnQ: على المرور

ادري ان الموضوع صعب شوي
و يحتاج انك تراجع حياتك :walen: و لكن
سبحان الله يمكن نطلع بفايده :y:

تحياتي <<<<<<<< PHANTOM-02

[سفوووج]

نقطة تحول ؟؟ امممممممممم مادرى

الحين يمكن متوقع تصيير لى لانى بنتقل لحياة جديدة ;)

[PHANTOM-02]

:thnQ:
على المرور خيو سفجفج

[مـــــلاك]

السلام عليكم ورحمة الله ..

هل مر عليك موقف في حياتك خلاك تعيد التفكير في كل اللي سويته ؟؟؟؟؟؟؟؟
غير نظرتك للامور ؟؟؟؟؟؟؟؟
احدث تغيير في حياتك ؟؟؟؟؟؟؟
اي .. مروا علي 3 مواقف احس غيروا نظرتي حق وايد اشيه

و شنو هالموقف ؟؟؟؟؟؟؟؟؟؟
1- لما حسيت اني جريبه من الموت .. تشهدت في هذي اليوم .. وعقب هالتجربة تعلمت وايد اشيه واتجهت حق ربي واحاول احافظ على صلاتي لأن في اي لحظة يمكن اموت
2- لما طاح ابوي بسبة المرض .. الحمدلله قام بالسلامة .. بس حسيت اشقد كنت مقصرة في حق ابوي الغالي اللي احبه واللي له معزة كبيرة في قلبي
3- لما دخلت وحدة في حياتنا وعفست كل شي وضرتني وخلت اهلي كلهم ضدي .. الحمدلله فترة وعدت وكلنا تعلمنا منها

و اذا ما صادك
شنو تتوقع الشي اللي ممكن يتسبب في هالتغيير ؟؟؟؟؟؟
وفاة اي شخص عزيز علي


تحياتي ..

[angle]

اوووه وايد اشياء غيرت مجرى حياتي... :d

اول شي دراستي كنت ادرس قانون في جامعة البحرين ولو كنت مسوية اوكي جان الحين انا بكاليريوس وبتخرج جريب بس مامشيت ودخلت جامعة ثانية وغيرت تخصصي وتوني اول كورس وهاي بسبة عدم تفكيري الجاد بالشي اللي يصلح لي واقدر اعطي فيه من البداية وله جان ماصار اللي صار كله :p

ثاني شي قاعدة امر بمرحلة صعبة في حياتي الحين راح تغير مجرى حياتي كليآ والله يسهل هالمرحلة ويعديها على خير ان شاء الله والحمدلله على كل حال

:bye:

[angle]

اوووه وايد اشياء غيرت مجرى حياتي... :d

اول شي دراستي كنت ادرس قانون في جامعة البحرين ولو كنت مسوية اوكي جان الحين انا بكاليريوس وبتخرج جريب بس مامشيت ودخلت جامعة ثانية وغيرت تخصصي وتوني اول كورس وهاي بسبة عدم تفكيري الجاد بالشي اللي يصلح لي واقدر اعطي فيه من البداية وله جان ماصار اللي صار كله :p

ثاني شي قاعدة امر بمرحلة صعبة في حياتي الحين راح تغير مجرى حياتي كليآ والله يسهل هالمرحلة ويعديها على خير ان شاء الله والحمدلله على كل حال


ثالث شي ثقتي تغيرت فالناس من بعد ما خانتني اللي كنت حاسبتها اختي وازيد من اختي وكنت اعزها وايد وبعدين اكتشفت من تصرفاتها انها مو قد صداقتي ومحبتي لها اكتشفت انها حسودة وتتكلم عي من وراي وتكرهني وتطنز علي وانا ماكنت اسوي لها شي غير اني كنت اوقف يمها بوقت الحاجة واساعدها في اي شي تبيه او محتاجته يعني مثل ماتقولون على نياتي معاها..الله يسامحها..من عقبها حسيت الصديق الوفي نادر وثقتي صارت معدومة بالناس وهالشي غير مجرى حياتي وغيرني:ok:


:bye::thnQ:

[qshem]

والله انا ما احب اتكلم على الماضى لانى اعتقد انه شى وراح

بس اكيد ان فى حياة الانسان حجات لازم ما يقدر ينساها وبعد تأثر فى حياته

انا بتكلم بكل صراحه لانى اعتقد ان المنتدى هذا زى بيتى وانتوا زى اسرتى واعز انشاء الله

انا اغرب موضوع مر على فى حياتى انى حبيت وحده وعمرى يمكن ست سنين يعنى كلمة احبك

تعلمناها سوى تعلمنا شلون الغيره شلون الحب شلون الوله شلون الواحد يحس انه فى الدنيا مهم

فيه احد يسأل عنه فيه احد يستناه فيه احد يقوله انت عمرى وانا عايش على شانك

هذا الشعور كان متبادل مننا احنا الاثنين يعنى انا وهى

تدرون ............ مرت علينا السنين كانها ساعات

انا كان عمرى ست سنين وهى سبع سنين

وسنه ورى سنه لين كبرنا والحب يكبر يكبر

تدرون احنا فى مشتمعات محافضه ان اهلها واهلى كانوا يدرون عن علاقتنا بس كانوا يقولن جهال ويكبرون

احنا نضحك عليهم ونقول مساكين احنا انخلقنا لبعض ...............

من الاشياء الى تموتنى كل ما اذكرها انها كانت تدرى انتى مثلا اعرف بنت لعب يعنى ايام الجهل

وكانت تقولى مو مشكله اعرف الى تبى بس قولى زى لما تقول لصاحبك شفت البنت هذى وكذا بس انا عارفه فى الاخر انا لك انت بس وانت فى الاخير لى انا كذا كانت هى تقول



اه اه ا ه


خلاص ما اقدر اكمل