الدراسة بالخارج

[مخاوي الغربة]

السلام عليكم ورحمة الله وبركاته

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟

هل يمكن للبنت ان تذهب للدراسة بالخارج أم لا؟؟؟

تحياتي
مخاوي الغربة

[الــغــزال]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟

ما عندي فكره عن الجامعات الثانيه .. بس الغربه تعلم اشيا ثانيه .. لا يمكن تتعلمها في ديرتك ..

هل يمكن للبنت ان تذهب للدراسة بالخارج أم لا؟؟؟

مو كل البنات ..

:thnQ:

[مخاوي الغربة]

:thnQ: على الرد العقلاني الغزال

[بن لادن]

اولاً اشكرك اخوي على الموضوع ..
ثانياً .. والله في جامعات وايد في البحرين .. بس اكثرهم سيئيين ... جامعة البحرين ما يحتاي اتكلم عنها والجامعات الباقيه صراحة مافي جامعه عدله .. ومب الكل يقدر يدرس برع البحرين من جذي نجوف اكثر الناس يدرسون في جامعه البحرين لان في الديرة واكثر جامعة معترف فيها في البحرين وتكاليفها قليله .. بس اذا الواحد قدر يدرس برع فليش ما يروح لان الدراسه افضل والشغل راح يحصله أسرع لان حتى الشركات ما يعترفون بجامعاتنا ..
اما عن مسأله سفر البنت للدراسة للخارج فما اشجع سفر البنت بروحها وخاصه انها بتكون في غربة وانتوا تعرفون المشاكل اللي ممكن تواجه الواحد برع ديرته اللهم الا اذا بتسافر بتروح بيت حد من اهلها لكن اذا بتسكن بروحها او مع بنات فما اشجع هالفكره .. مب عدم ثقه بالبنت بالعكس ممكن البنت تكون محترمه وماراح يحصل منها اي شي بس اولاً لازم يكون مع البنت محرم في السفر ثانياً البنت بروحها ما تقدر تتحمل الغربه والمشاكل اللي ممكن تصيدها وهي بعيد عن اهلها ..
وآسف على الإطالة
تحياتي ..

[مخاوي الغربة]

شكراً لك أخوي بن لادن على الرد

وآنه أوافقك في أغلب كلامك

:y:

[بحرينيه عسل]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟

انا احس الدراسة برع احسن ..لان في البحرين مافي جامعه عدله الصراحه..
و جامعه البحرين حدث و لاحرج


هل يمكن للبنت ان تذهب للدراسة بالخارج أم لا؟؟؟
اي اذا وياها بنات جماعه احس عادي
انا كنت افكر ادرس برع بس غيرت رايي :walen:

[آخر حبيب]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟

طبعا الدراسه برع احسن.. لان الجامعات في البحرين معظمها (( حدث ولا حرج )). بس يمكن لكن لان في بعض الفئع مايقدرون على تكالف الدراسه بالخارج فماعندهم خيار آخر فيدشونها.

هل يمكن للبنت ان تذهب للدراسة بالخارج أم لا؟؟؟
شوف اخوي اذا كنت تقصد الدراسه في بلاد عربيه مسلمه.. اذا كانت البنيه ثقه تروح تدرس ليش لا ..
اما الدراسه في بلاد اجنبيه ماتعرف الدين ولا عندهم اخلاق مايصلح لا للبنت ولا للصبي انهم يدرسون برع لان اثنيناهم مهددين بالخراااب لان عاداتهم تقاليدهم غير عنا.. حتى لو كانوا ثقه .. لان ماتدري يصادقون ناس عدله ولا .. ((مثل الجليس الصالح وجليس السوء كحامل المسك ونافخ الكير ))

[Nancy]

ye3temed 3ala el shak9..
ya3ney etha kan looooser ytem ehne a7san .. laken etha kan sha6er o ystahel .. yroo7 jam3at goweya bara3.. ohowa e3timad 3ala el nafs o e7sas bel mas2oleya .. o chethee le wa7ed y7es be geemat umma o obooh o his family kho9oo9an etha kan ebroo7a

o el ebnaya etha makan 3alaiha 7arakat fle ba7rain.. etroo7 barra3 tadris.. le2anha men ehnak betet3alam et9eer rabbat bait 3ala o9oola men ghaseel ethyab o 6ubaaa5 o tan6'eef 5o9o9an etha kant t3ish bro7ha..

o ana ma3edney mane3 e3yaley ydrison bara3.. le2anna sha59eyat-hom tkoon goweeeyyya o ykoonoon dependable..

[بو^راشد^20]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟

مافي جامعه عدله الا جامعه البحرين رغم الي يصير فيها واكيد اخوي الدراسة برع احسن بوايد

لكن للرجل فقط لانه بيستفيد اشياء وايد وهناك جامعاتهم متطورة اكثر من الي عندنا وفيها

طبقات مختلفة من الناس بس عيبها الغربة


هل يمكن للبنت ان تذهب للدراسة بالخارج أم لا؟؟؟

مايجوز للبنت الدراسة برع الا بشرط يكون عندها محرم متفرغ لها بس يعني شغلتها مرافقتها

ومساعدتها في كل شي لاني سفر البنت بروحها مايجوز

والحمدالله في جامعات وايد في البحرين صج مب مستوى برع بس على الاقل افضل لها من

السفر

[Ne9 el GoMaR]

http://www.3roos.com/upload/FlowerSet05Line.gif

هلالالالالالالالالالالا وغلالالالالالالالالالالالالا..

أول شي حبيت اشكرك عالموضووع الحلوو..

يالله خلونا مع الاجوبة..

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟
أكييييييييد أحسن من الدراسة بالبحرين:onlinelon.. جوف صج في وايد جامعات بالبحرين.. بس كلهم ماديين الطالب يتخرج بفلوسه.. يعني مو بمجهوده.. وهالنوع نو وي ينجح في شغله:nono:..


هل يمكن للبنت ان تذهب للدراسة بالخارج أم لا؟؟؟
ايييي ليش لاء.. جوف في ناس يقولون ان البنية من تدرس برع تخترب و من هالكلام:lac:..
لكن الوحدة المتربية.. ماظن تخترب.. يعني احين بذمتك الي يدرسون بالبحرين angels..
كلش لاء ماعيب بس والله اكثرهم:نقطط:...!!
يعني متى ماكانت الوحدة محترمة نفسها.. مستحيل تغلط او يغلط عليها احد.. انه هذي قناعتي..
يمكن اكوون غلطانة.. لكن هذي الشي الي احسه.. ;)


تسلم مرة ثانية ع الموضوووع..
يعطيييك العافية:001:..

تشاوزااااااااات،،
نص القمــــــــــــر:$..

http://www.3roos.com/upload/FlowerSet05Line.gif

[مخاوي الغربة]

:بحرينية عسل:
شكراً لج على المشاركة
وطبعاً راينا كلنا معروف في جامعة البحرين
بس يا ريت نتعرف على الأسباب اللي خلتج تغيرين رايج في الدراسة بالخارج و خلتج اتكنسلين
طبعاً اذا ما كانت اسباب شخصية



:آخر حبيب:
شطراً لك على المشاركة أخوي
بس حبيت آقول لك ان الواحد ممكن يحط على نفسه ويتفوق عشان يحصل له بعثة من وزارة التربية ... وخصوصاً اذا كان ما يقدر يتحمل تكاليف الجامعات سواء كان في البحرين أو خارج البحرين
و بخصوص دراسة البنت بالخارج آنه اختلف معاك من ناحية انه في فرق بين الدراسة في الدول العربية المسلمة والدول الأجنبية... لأني بحكم خبيرتي آشوف ان الواحد اذا سافر يدرس برع ما بيخترب الا اذا كان هو نفسه قابل لهذي الشي ولا علاقة لمكان الدراسة بذلك .. وطبعاً اذا كطان الشخص على أخلاق عالية و يعرف ربه زين ما راح يرافج الا ناس عدلة مهما كان مكان دراسته ... والا اشرايك أخوي



:نانسي:
شكراً لج على المشاركة
وآنه أوافقج الراي ان الدراسة برع اتعلم الواحد الاعتماد على النفس وتحمل المسؤولية



:بوراشد:
شكراً لك الشيخ على المشاركة
بس يا ريت اتوضح لنه أخوي رايك شوي
ما فهمت آنه اشلون مافي جامعة عدلة في البحرين الا جامعة البحرين
آنه آختلف معاك واعتقد اذا سمعوك طلبة جامعة البحرين بيخالفونك الراي



:نص القمر:
هلا وغلا
لا شكر على واجب
بس شنو قصدج ان الواحد يتخرج بفلوسه
اللي آعرفه انه في امتحانات يقيم على اساسها الطالب ... وعليه في ناس تنجح وناس ترسب
وبخصوص دراسة البنت بالخارج انتي كلش مو غلطانة و آنه آشكرج على رايج الصريح
وأضيف ان البنت مثل الصبي ممكن تخترب وممكن اتم محرمة وما في فرق بينهم

[Ne9 el GoMaR]

بس شنو قصدج ان الواحد يتخرج بفلوسه
اللي آعرفه انه في امتحانات يقيم على اساسها الطالب ... وعليه في ناس تنجح وناس ترسب

آنه اقصد الجامعات الخاصة.. يعني انه اعرف وحدة بجامعة معروفة..!! ياخذون اوراق الامتحانات من درج الدكاتره ويطبعونهم.. !!
يعني بسهولة يحصلون الدرجة.. وتلاقي الدكاترة يدرون بس مايبون يخسرون الطلاب..

اتمنى انك فهمتني.. و اني اكون وضحت الصورة لك ..

تشاوزاااااااااااات ،،
نص القمـــــــــــــــــــــــــــر:$..

[مخاوي الغربة]

:thnQ: لج على التوضيح نص القمر

بس آعتقد ان الحالة اللي تتكلمين عنها حالة شاذة والله اعلم

[غزالة البحرين]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟
أكيد الدراسة برع أحسن بس من جهة ثانية الغربة صعبة بس بعد لها ايجابياتها... و جامعة البحرين الكل عارف بلاويها و صعوبة الدراسة فيها بس بعد تبقى شهادنها اقوى من الجامعات الخاصة...
هل يمكن للبنت ان تذهب للدراسة بالخارج أم لا؟؟؟
ايي ليش لا.. ما فيها شي.. و اذا البنية محترمة و عدلة بتم جذي في البحرين ولا برع البحرين... ما اجوف فيها شي بس لازم البنت تقدر تتحمل المسؤولية و تقدر تعتمد على نفسها و تعرف شلون تتصرف لما تواجهها أي مشكلة ..
مشكور على الموضوع الحلو مخاوي الغربة :)

[عـيـون الـمـهـا]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟
انا رايي انه جامعه البحرين مافيها دراسة الدكتور احب الوحده واحط لها درجات ولي يكره مايحط لها درجات حتى لو كانت شاطرة وانا اعرف وحده اقول لها الدكتور اهم شي اتين وبحط لج علامه كامله .


هل يمكن للبنت ان تذهب للدراسة بالخارج أم لا؟؟؟
اذا كانت البنت محترمة نفسها شي حلو بتمشي في طريجه اهني تقدر اتسافر بس وحده مو محترمة نفسها وتبي درس في الخارج لانه اتلاقي الحرة اهناك واذا وحده مو محترمة نفسها اعتقد مو لازم اتسافر لانه خطر عليها

[عـيـون الـمـهـا]

وشكرا يا مخاوي الغربة ... على الموضوع الحلو

[PHANTOM-02]

ما ادري و الله

بس اظن الدراسه بره مو سهله

بالذات في هالعمر

بس دراسات عليا اكييد بره احسن :y:

[Ms. SuGaR]

ana rayey men rai ne9 el gumar :y:

[Emany]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟

أنا أييد هالفكره .. و شي أكيد أحسن .. و اذا بتدور لها شغل بتلاقي بسرعه ليش ؟ لأنها دارسه برع .. >> وجهة نظري هذي :)

هل يمكن للبنت ان تذهب للدراسة بالخارج أم لا؟؟؟

اي ليش لا .؟ و أنا مع الي قالوه قبل .. البنت المحترمه ماراح تتغير .. :y:


:cheer: إيماني :cheer:

[Dana]

بالنسبه لي احس من الافضل للبنت تدرس في ديرتها

افضل و احسن و احفظ لها

الشباب يتعبون في الغربه الا البنات

انه صراحه وحده ماقدر ابتعد عن ديرتي و هلي مااقدر مستحييل


تسلم اخووي على الموضوع:)

[angle]

بالنسبه لي احس من الافضل للبنت تدرس في ديرتها

افضل و احسن و احفظ لها

الشباب يتعبون في الغربه الا البنات

انه صراحه وحده ماقدر ابتعد عن ديرتي و هلي مااقدر مستحييل


:)


مشكور اخوي على الموضوع

[Um-5alifa]

ويــــــــــــــه .. بنسافر و بندرس و بنذبح روحنا في الغربة بدوون الأهل و الربع و الديــــــــرة؟ و آخر شي مافي شغل :p
و انا قوول بناتنا في الجامعات و مو جايفين خير بعد إنسفرهم ؟ هههههه ! عشان كلش بعد .. مايردون من السفر إلا معرسين بالسر :walen:

[بحرينيه عسل]

:بحرينية عسل:
شكراً لج على المشاركة
وطبعاً راينا كلنا معروف في جامعة البحرين
بس يا ريت نتعرف على الأسباب اللي خلتج تغيرين رايج في الدراسة بالخارج و خلتج اتكنسلين
طبعاً اذا ما كانت اسباب شخصية






مو اسباب شخصيه ..

بس حزت الحزة اكتشفت اني ماقدر ابتعد عن امي و ابوي و عن ديرتي :)

معلي نكافح اهني في جامعه البحرين بس وياا اهلي اكون و في ديرتي

[رفاعي عوالي]

الدراسه برع أفضل

لكن البنت تدرس برع بدون محرم اول شي هذا حرام فما يحق لنا ان نبدي راينا فيه

[مـــــلاك]

الدراسه برع أفضل

لكن البنت تدرس برع بدون محرم اول شي هذا حرام فما يحق لنا ان نبدي راينا فيه
انا مع اخوي عوالي :y:

والدراسة برع الديرة خطر على البنية .. الوحدة افضل لها تدرس في ديرتها وبين اهلها ;)

[مخاوي الغربة]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟
أكيد الدراسة برع أحسن بس من جهة ثانية الغربة صعبة بس بعد لها ايجابياتها... و جامعة البحرين الكل عارف بلاويها و صعوبة الدراسة فيها بس بعد تبقى شهادنها اقوى من الجامعات الخاصة...
هل يمكن للبنت ان تذهب للدراسة بالخارج أم لا؟؟؟
ايي ليش لا.. ما فيها شي.. و اذا البنية محترمة و عدلة بتم جذي في البحرين ولا برع البحرين... ما اجوف فيها شي بس لازم البنت تقدر تتحمل المسؤولية و تقدر تعتمد على نفسها و تعرف شلون تتصرف لما تواجهها أي مشكلة ..
مشكور على الموضوع الحلو مخاوي الغربة :)


شكراً لج مشرفتنا غزالة البحرين على المشاركة في الموضوع
وآنه موافقج على الكلام اللي قلتيه

[مخاوي الغربة]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟
انا رايي انه جامعه البحرين مافيها دراسة الدكتور احب الوحده واحط لها درجات ولي يكره مايحط لها درجات حتى لو كانت شاطرة وانا اعرف وحده اقول لها الدكتور اهم شي اتين وبحط لج علامه كامله .


هل يمكن للبنت ان تذهب للدراسة بالخارج أم لا؟؟؟
اذا كانت البنت محترمة نفسها شي حلو بتمشي في طريجه اهني تقدر اتسافر بس وحده مو محترمة نفسها وتبي درس في الخارج لانه اتلاقي الحرة اهناك واذا وحده مو محترمة نفسها اعتقد مو لازم اتسافر لانه خطر عليها


شكراً لج عيون المها على المشاركة
وآنه مصدقج في اللي اتقولينه عن جامعة البحرين بعد اللي سمعته من قبل و صار هذي شي عادي تقريباً

[مخاوي الغربة]

ما ادري و الله

بس اظن الدراسه بره مو سهله

بالذات في هالعمر

بس دراسات عليا اكييد بره احسن :y:


شكراً لك فانتوم على المشاركة
بس حبيت آقول لك ان ماميش شي سهل في هالدنيا بس أهم شي التصميم والارادة لتحقيق الهدف
يعني اذا حطيت في بالك انك تدرس برع و تنجح وتخلص دراستك راح تقدر ان شالله

[مخاوي الغربة]

ana rayey men rai ne9 el gumar :y:


حياج الله اختي في المنتدى و شكراً لج على المشاركة
ومادام رايج من راي نص القمر ماقدر أقول لج شي

[مخاوي الغربة]

اشرايكم في الدراسة برع البحرين ... هل هي أحسن أو ان جامعاتنا في البحرين توفر كل احتياجاتنا وما نحتاج للدراسة خارج البحرين؟؟

أنا أييد هالفكره .. و شي أكيد أحسن .. و اذا بتدور لها شغل بتلاقي بسرعه ليش ؟ لأنها دارسه برع .. >> وجهة نظري هذي :)

هل يمكن للبنت ان تذهب للدراسة بالخارج أم لا؟؟؟

اي ليش لا .؟ و أنا مع الي قالوه قبل .. البنت المحترمه ماراح تتغير .. :y:


:cheer: إيماني :cheer:



شكراً لج ايماني على المشاركةفي الموضوع

وآنه أوافقج في كل اللي قلتيه

[مخاوي الغربة]

مو اسباب شخصيه ..

بس حزت الحزة اكتشفت اني ماقدر ابتعد عن امي و ابوي و عن ديرتي :)

معلي نكافح اهني في جامعه البحرين بس وياا اهلي اكون و في ديرتي



شكراً على التفاعل بحرينية عسل
بس خذيها نصيحة مني
خلج في ديرتج بين هلج
تره وايد أحسن لج من الغربة

[مخاوي الغربة]

بالنسبه لي احس من الافضل للبنت تدرس في ديرتها

افضل و احسن و احفظ لها

الشباب يتعبون في الغربه الا البنات

انه صراحه وحده ماقدر ابتعد عن ديرتي و هلي مااقدر مستحييل


تسلم اخووي على الموضوع:)

شكراً لج على المشاركة دانة
وكل واحد منا له رايه

[مخاوي الغربة]

شكراً لك على المشاركة انجل :y:

[مخاوي الغربة]

ويــــــــــــــه .. بنسافر و بندرس و بنذبح روحنا في الغربة بدوون الأهل و الربع و الديــــــــرة؟ و آخر شي مافي شغل :p
و انا قوول بناتنا في الجامعات و مو جايفين خير بعد إنسفرهم ؟ هههههه ! عشان كلش بعد .. مايردون من السفر إلا معرسين بالسر :walen:


ههههههههههههه
شكراً لج على الرد أم خليفة

[مخاوي الغربة]

الدراسه برع أفضل

لكن البنت تدرس برع بدون محرم اول شي هذا حرام فما يحق لنا ان نبدي راينا فيه


شكراً لك على المشاركة رفاعي عوالي
ورايك صح بس أعتقد اذا كانو مجموعة من النسوة الثقات فممكن السفر للدراسة.... اشرايك انت؟؟؟؟

[مخاوي الغربة]

انا مع اخوي عوالي :y:

والدراسة برع الديرة خطر على البنية .. الوحدة افضل لها تدرس في ديرتها وبين اهلها ;)


شكراً لج على المشاركة ملاك
وأكيد الوحدة تدرس في ديرتها أحسن لها
بس اذا كانت واثقة من نفسها فكل شي ممكن وبدون ما انخاف عليها
وبالعكس في بنات أحسن من الصبيان ساعات

[مـــــلاك]

شكراً لج على المشاركة ملاك
وأكيد الوحدة تدرس في ديرتها أحسن لها
بس اذا كانت واثقة من نفسها فكل شي ممكن وبدون ما انخاف عليها
وبالعكس في بنات أحسن من الصبيان ساعات
هلا والله اخوي مخاوي الغربة ..

مافهمت قصدي اخوي .. الأهل مايطرشون بناتهم للدراسه برع الا لأنهم واثقين فيهم وواثقين انهم رايحين للدراسة وتكوين مستقبلهم ومايبون يوقفون في دربهم ..

انا ماقصدت بكلامي سوء الظن بالبنت وأخلاقها.. انا اقصد الخطورة تصير لين بنية تكون بعيدة عن اهلها في ديرة غريبة .. اذا صبيان مروا بمواقف صعبة ومشاكل بسبب شعب هالديرة وماسلموا منهم، فشلون البنية اذا مرت بهالمواقف؟؟ من بساعدها وبيوقف معاها حزتها؟؟

الله حرم هالشي احتياطاً حق سمعتها وكرامتها .. وهالزمن مافيه أمان .. في ناس يصيدهم الطمع لأن قلوبهم مريضة ويعتدون على الأعراض

وهذي حديثين يدلون على تحريم سفر البنية بدون محرم ..
" لا تسافر المرأة إلا مع ذي محرم، ولا يدخل عليها رجل إلا ومعها محرم "
" لا يحل لامرأة تؤمن بالله واليوم الآخر أن تسافر مسيرة يوم وليلة ليس معها محرم "

شكرا على الموضوع ومسامحة على الاطالة :)
تحياتي لك..

[مخاوي الغربة]

هلا والله ملاك

أول شي :thnQ: على التفاعل مع الموضوع

بخصوص دراسة البنية برع آنه آقول انه مادام في ثقة بالبنت فمن الممكن عادي انها تسافر وتدرس برع ... وعن المشاكل اللي ممكن اتواجهها ترى في جهات مختصة ممكن تسهل للبنت هذي الأمورمثل السفارة والملحقية الثقافية الموجودة في البلد اللي تدرس فيه

وآنه آوافقج انه في شعوب صعب التعامل معاها

وبخصوص تحريم سفر البنية بروحها آنه ذكرت في أحد ردودي ان في بعض الذاهب تسمح بسفر البنت بشرط انها تكون برفقة نساء ثقات والله أعلم

يعطيج العافية ملاك على الرد

تحياتي
مخاوي الغربة