سؤال موجه إلى البنات... شتسوين لو انحطيتي في هالموقف؟؟

[غزالة البحرين]

سؤال يدور في بالي و ابي البنات يعطوني رايهم فيه :unsure:
نفترض انه فيه شخص تقدم لج و انتي تحبينه و هو يحبج لكن في نفس الوقت تدرين انه أعز صديقاتج تحب هذي الشخص...
انتي في هالحالة شتسوين و انتي تدرين بمشاعر صديقتج... و في نفس الوقت الشخص ذي يحبج و انتي تحبينه... توافقين عليه ولا لا ... وشلون بتتصرفين ويا صديقتج هذي...
انتمنى من الكل يشاركوني بارائهم :)

[بنوته رفاعية]

شعلي انا من رفيجتي !!! :mynon:

احين هو يحبني وانا احبه :love2: خلاص يعني السالفة منتهيه ..

بالراحة باوافق عليه :malak: ومفروض رفيجتي تستانس لي لان باخذ واحد احبه ..

[غزالة البحرين]

هلا اختي بنوتة رفاعية :thumbup: انتي أول وحدة ترد عليي في أول موضوع أنزله في المنتدى اليديد :aa_Dance2
مشكوورة على ابداء رأيج... و انا أجوف أنه كلامج صحيج... لانه مشاعر الحب بينج و بين ذي الشخص متبادلة...
بس لو انتي انحطيتي في موقف الصديقة هذي... اللي تجوف صديقتها تتزوج الانسان اللي تحبه... شنو بتسوين؟ :unsure:

[Ms. VIP]

اول شي احس ان انا لو احب واحد ورفيجتي بعد اتحبه .. بيصير في تفاهم بيني
وبينها من البداية .. مب حزة الحزة .. :)

واذا مثلا صارت هالحالة، كل شي بالتفاهم ينحل واحس ان رفيجتي بتقتنع، لان لو يبيها تقدم لها
اهيا مب لي انا .. :)

مشكورة اختي على الموضوع :y:

[بنوته رفاعية]

الله لايحطني في هالموقف :sad:

بس اهم شي هالصبي يحب من ؟!!! اذا يحب رفيجتي وتقدم لها خلاص الله يهنيه معاها >_>

بعدين انا شلي احب واحد تحبه رفيجتي :007: حق عوار القلب بس

تسلمين على هالموضوع :thnQ:

[يـغـار قـلـبـي ♥]

ana tawny small 3la hal swalef lool

[غزالة البحرين]

هلا اختي Ms. VIP : صدقتي بكلامج... صح المفروض البنية ورفيجتها يحطون النقط على الحروف من البداية مثل ما قلتي... عشان ما تصير فيه مشاكل بعدين :)
بنوتة رفاعية: ان شاء الله محد يمر بهالموقف لانه أدري صج موقف صعب و كريه :sad: و اهم شي انه الوحدة تتنمى الخير حق رفيجتها لانه ذي الشي مقدر و مكتوب و هي نصيبها جذي
`*-GiRl ThUg-*`: خخخخخخخخ يمكن انتي صح توج صغيرة على هالسوالف بس ترى كل صغير يكبر :p

[سفوووج]

مادرى والله شقول غزالة انا صبى مو بنت :p

لكن العقل يقول انها تقول لها ان هذا الشخص تقدم لها :sad:

لكن ما تقول لها انها تحبه علشان لا تكسر قلب البنت :shhh:

جذى احسن عدل علشان تعرف بطريقة بسيطه :unsure:

[Sarsora]

اول شي احس ان انا لو احب واحد ورفيجتي بعد اتحبه .. بيصير في تفاهم بيني
وبينها من البداية .. مب حزة الحزة .. :)

واذا مثلا صارت هالحالة، كل شي بالتفاهم ينحل واحس ان رفيجتي بتقتنع، لان لو يبيها تقدم لها
اهيا مب لي انا .. :)

مشكورة اختي على الموضوع :y:




وياج :y:

[عنود الصيد]

هههههههههه
انه باوافق لانه اهوا ما يحبها
:p :d

[AlBadra]

والله الموضوع حلو وفيه وهقه بعد :shhh:

بس أشلون انا بحب شخص وأدري ان رفيجتي اتحبه أكيد مابقبل لأن مستحيل هالأيام تحصلين صديقه وفيه الا اذا انا حبيته قبلها ههههههههههههه وهي نحيسه اتصير السالفه غير :p

[غزالة البحرين]

سفوووج:في حالة ان البنت طبقت اللي قلت عليه... الصديقة بتقول لها رفضيه ولا تتزوجينه...و لا شرايك؟
Sarsora:عدل كلامج :3fya:
عنود الصيد:مشكورة على مشاركتج ويانه أختي... ورايج مثل رايي :clap:
AlBadra: من ناحية انه الموضوع فيه وهقة صدقتي...بس المشاعر والاحاسيس هذي محد يقدر يتحكم فيها... يعني الانسان ما يقدر يقرر يحب من... هذي الشي يصير بروحه... بس احترم فيج وفائج و تقديرج لمشاعر الصداقة اللي بينكم... :)

[جود المحرق]

اول شي احس ان انا لو احب واحد ورفيجتي بعد اتحبه .. بيصير في تفاهم بيني
وبينها من البداية .. مب حزة الحزة ..
الصراحة انا وياج....:y:
بس إذا وحدة تدري إن رفيجتها تحب اللي تحبه وساكتة :n:
لا وأكره شي إذا وحدة تعرف إن 2 يحبون بعض و تخرب بينهم وتخلي الصبي يحبها وبعدين تقول أهو يحبني أنا مايحبج!!! و لوكان يحبج جان خطبج أنتي مو أنا!!!!!
اتا وحدة أكره البنات اللي جذي (طايحين من عيني):n:

الله لا يحطنـــــــــــــــــــــي في هالموقف أنشــــــــــــــــــــــــالله :( ...

thanx 3almaw'6oo3 7ada fan

[tumtum_57]

جود المحرق .. انا وياج.. :y:

[سفوووج]

لا تسمع كلامها عيل نحاسة ههههههههههه :d

[الخداع]

:shhh: الموضوع صعب

[سفوووج]

:y: عادى ايزى :p

[algadeed]

و وعليه محد لاعبين فيه الا الصبي :sad:

وحده بترضى به و وحده لا :(

وعليه علينا :'(

يعني الرجال شذنبه :n:

[Marioma]

اول شي احس ان انا لو احب واحد ورفيجتي بعد اتحبه .. بيصير في تفاهم بيني
وبينها من البداية .. مب حزة الحزة .. :)

واذا مثلا صارت هالحالة، كل شي بالتفاهم ينحل واحس ان رفيجتي بتقتنع، لان لو يبيها تقدم لها
اهيا مب لي انا .. :)

مشكورة اختي على الموضوع :y:




انا بعد وياج :y:

[Emany]

مشكورة حبيبتي غزاله ع الموضوع ..

أول شي .. مثل ماقالت بنوته رفاعيه .. مابحب واحد رفيجتي اتحبه .. >_>

و حتى اذا صار اهيا حبته باتفهم معاها .. و اذا كانت ...... مب راضيه تفهم :n:

مافي الا نخير الريال يبي من فينا .. :shhh:

الله لا يقول ويحطنا بهالمواقف ..

:cheer: إيماني :cheer:

[جروح الشوق]

انا اضم صوتي لصوت الخداع ..

الموضوع صعب !! :shhh:

لكن خل ناخذها بعقل .. ونفكر فيها شوي..

انا احب واحد .. وهو يحبني .. وتقدم لي !!

واعز صديقاتي تحب هالشخص !!

السالفه مب راكبه .. بس باقولكم رايي :p

اذا الله لا يقول انحطيت في هالموقف..

اولاً صديقتي بما انها قريبه مني راح تعرف كل شي من البدايه ..

واذا طلعت تحب هالشخص ( جنه فلم هندي :lol: ) بحاول اتفاهم وياها..

وباخذ منها السالفه ..

واذا طلعت صج تحبه .. فباقوله SORRY

انــا مـن اجل الحب ما اخسر رفيقي .. ولا اغير عن طريقه طريقي :love2:

واذا الله ما كتب لهم نصيب .. الله يوفقه من اللي تكون من نصيبه ;)

وثانكس عالموضوع :bye:

[ملاك الشوق]

مدام هي رفيجتي يعني هي تعرف اني احبه و هو يحبني ... و هي لو كانت صج رفيجتي تستحي على ويها و اتنعز عنه مب تروح تحبه:aa_hosha: نفس الشي اذا انه عرفت انه هي تحب وااحد ما بروح احبه

يعني هي تعرف ان حبنا من طرفين ... لكن هي من طرف وااحد ... و لو هي صج رفيجتي بتستانس لي لأن خذيت اللي احبه

لكن لو طلع انه يحبها هي بعد ... باخلي لها ... لأن انه وحدة ما ارضى اتزوج وااحد يحب وحدة غيري

تسلمين غزالة على هالموضوع :)

[رفاعي عوالي]

الصراحه
الصديق لازم يتفهم انه يحب من طرف واحد

و لكن انه حب من طرفين

الصديق السنع بيفهم صديقه و ما بييب له طاري السالفه

[غزالة البحرين]

جود المحرق: الصراحة انا وياج و هالفئة من البنات اللي يحاولون يفرقون بين اثنين يحبون بعض كلش ما أحبهم :mad: بس بعد لو الصبي حبه حق البنية حب قوي ما بيأثر فيه شي... مشكورة على المرور أختي
;)
tumtum_57: مشكورة على المرور أختي و ردي لج يندرج تحت ردي لاختي جود المحرق :)
سفوووج: هههههه ضحكتني :d
الخداع: اي هو صعب... و لأنه صعب نبي ناخذ رايكم فيه... ما قلت لنه شرايك أخوي؟ :unsure:
algadeed: ههههههههه ليش تقول جذي اخوي... الريال ماله ذنب... هو بيختار البنت اللي يحبها... البنية هي اللي بتنحط في موقف صعب و محرج مع صديقتها :unsure:
Marioma: مشكورة على مرورج أختي... و التفاهم هو احسن طؤيقة عشان ينحل الموضوع :)
Emany: العفو حبيبتي... بس بعد ارد اكرر انه انتي ما تقدرين تتحكمين في مشاعر الحب... يعني مو بكيفج تقررين انج تحبين هلانسان او ما تحبينه بس لانه رفيجتج تحبه :oo... و المفرض انها تتفهم الوضع... و مثل ما قلتي الصبي له دور مهم لانه الاختيار بيكون له هو في النهاية...
جروح الشوق:ممممم ردج يختلف عن باقي الردود... يعني انتي إخترتي انج ترفضين الشخص الي تحبينه عشان خاطر صديقتج... بس هل فكرتي انه الشخص اللي رفضتيه هذي ما يحب رفيجتج لكن يحبج انتي.. و انه رفضج له ما يعني ارتباطه فيها لانه ما يجمعهم شي؟؟ و بجذي انتي خسرتي الانسان اللي يحبج و تحبينه و في نفس الوقت تضحيتج عشان رفيجتج بتكون بدون معنى لانه هالشخص ما يحبها... يعني باختصار.. لو انتي مرتبطة فيه بيكون وايد أحسن... على العموم احترم وجهة نظرج ؟أختي و تسلمين على الرد :)
ملاك الشوق: هلا والله نورتينا :aa_Dance2 .... بس الله يسلمج في نوع من البنات تدري انه صديقتها تحب واحد و هو يحبها بس ابد ما في احساس... و الصديقة الوفية مثل ما قلتي هي اللي بتفرح عشان صديقتها... بس وين تلاقين بنات هلون في هالزمن؟؟ اما اذا كان يحبنه ثنتينا... فشي طبيعي اكيد ما ابيه... الوحدة تبي واحد تكون هي كل شي في حياته... مو يحبها و يحب رفيجتها بعد :aa_bomb:
رفاعي عوالي: اييدك في رايك اخوي... يعطيك العافية على مشاركتك معانه :)

[بو جابر]

اول شي احس ان انا لو احب واحد ورفيجتي بعد اتحبه .. بيصير في تفاهم بيني
وبينها من البداية .. مب حزة الحزة .. :)

واذا مثلا صارت هالحالة، كل شي بالتفاهم ينحل واحس ان رفيجتي بتقتنع، لان لو يبيها تقدم لها
اهيا مب لي انا .. :)

مشكورة اختي على الموضوع :y:


:console::onlinelon

[جروح الشوق]

اختي انا مب القصد من رفضي تضحيتي لرفيجتي..

لان ادري ان الارتباط مب شي سهل..

لكن قصدي اذا هالشي راح يزعل صديقة عمري..

ما راح افرط فيها عشان ارتبط بهالشخص..

وبعدين يمكن نصيبي مب معاه .. والله كاتب ان هالشي يصير..

يعني زبدة كلامي.. انا راح ارفض عشان ما اخسر صديقة عمري

واجرحها وهي تجوفني مع من اختاره قلبها :luv:

مب عشان اترك له المجال انه ياخذها .. لان لو اهوه مفكر فيها

جان خطبها قبلي ;)

وتحياتي للجميع :)

[غزالة البحرين]

راعي الاكورد: مشكوور على المرور أخوي و يعطيك العافية ;)
جروح الشوق: رايج على عيني و راسي والله :) و أحترم فيج تقديرج و وفاءج للصداقة :$ تحياتي لج اختي :)

[بحرينية عنيدة]

انشالله مايصيدني هالموقف

اذا رفيجتي صج اتحبني المفروض تستانسلي وبعدين مابصيدني هالموقف لان ذوقه كلش غير عن ذوقي يعني مابتحب واحد انا احبه :p

مشكورة على الموضوع :thnQ:

[مذهلــه]

ان شاءالله ما نحط في هالموقف ..
واكيد رفيجتي بتتفهم الموضوع اني احبه واهوا يحبي ..
وان اهو لو يبيها جان تقدم لها ..

[غزالة البحرين]

بحرينية عنيدة: ان شاء الله ما تنحطين في هالموقف أختي... و ما دام أنج واثقة انه ذوقها غير عن ذوقج عيل خلاص انتي في أمان ;)
مذهلة: والله هذي اللي المفروض يصير بس في نوعية من الصديقات للاسف يرفضون يتقبلون هالشي :sad: ... تسلمين على الرد أختي :)

[بنت ابوها]

يعني الحين احنا شنو ذنبنا البنات :@ :@ :@ :@

[غزالة البحرين]

ما فهمت قصدج أختي؟؟

[RoSe]

احسن شي الصراحه و المواجهه عشان لا
تخسر لا رفيجتها ولا حبيبها...يعني تحاول تفهم رفيجتها
انه هالريال يبيها و هي تبيه و اتشوف رده فعلها على الموضوع
و تحاول تقنعها انه هالشي نصيب و انه الله بعوضها خير:)
و لو رفيجتها بنت عاقله اكيد بتتفهم هالشي و بتفرح لفرح رفيجتها
و تسلمين اختي على هالموضوع و ياما تصير هالسوالف و المواقف
في هالدنيا:)

[كتكوتة البحرين]

انا اقول انه الصداقة مهمة وايد بس ابصراحه اقول انه لو كان ايحبهه اهيه ممكن استغني عنه لكن اهوه ايحبني و متقدم لي بوافق عليه و انا باتفاهم مع صديقتي انشالله تفهمني و انا لو كنت مكانهه جان فهمت من اولهه لانه اهوه ما ايحبني ايحب صديقتي
و انشالله ما اجوف نفسي صج في هالموقف
و :thnQ: غزالة البحرين على الموضوع

[Um-5alifa]

أول شي لازم اقول له عن رفيجتي؟؟؟
و أخلي إفهمها إنه يحبني آنه.. مو إهيا ..
و عقب اقول حق رفيجتي إنه لو كان هالشخص يحبج جان هديته!! بس هو يحبني آنه!

[بنوته محرقيه]

السلام عليكم ورحمة الله وبركاته

اي اوافق عليه لانه ايحبني واحبه :y:.. اما اذا كان مايحبني وايحب رفيجتي فهني انه بارفض:nono: ... واصلا رفيجتي ليش بتحط عينها عليه اذا كان اهوه يحبني وانه احبه :n:

ومشكورة على الموضوع اختي غزاله :thnQ:

[غزالة البحرين]

تسلمووووووون بنات على ردودكم الحلوة و تفاعلكم مع الموضوع :thumbup:
RoSe:صاجة أختي ما في أحسن من المواجهة و الصراحة في هالمواقف اللي وايد تصادفنا في حياتنا... عشان محد يخسر احد و محد يزعل أو يشيل في خاطره...
كتكوتة البحرين:هو أكيد كلما كانت الصديقة إنسانة واعية و متفهمة أكثر كلما صار أسهل على البنت أنها تقنع رفيجتها بهالموضوع :) و كلما كانت متهورة و أنانية بتصير السالفة أصعب و أصعب :n:
Um-5alifa:مبين عليج مو من النوع اللي يتنازل عن شي يحبه أختي و هاي شي زين لأن الواحد نادرا ما يلقى شخص يحبه و يتمسك فيه عدل في هالايام :$

[غزالة البحرين]

بنوته محرقيه: عليكم السلام و رحمة الله أختي ... و قرارج صح في موافقتج عليه إذا هو يحبج صج و رفضج له إذا كان يحب رفيجتج... و لو كل صديقتين بيتعاملون مع بعض بهالطريقة جان ما صارت الخلافات و المشاكل بين اي اثنتين ... مشكورة على الرد أختي ;)

[Ne9 el GoMaR]

tawna 3aalla hal kalaam :$

[غزالة البحرين]

هههههههههههههههه يحليلج أختيNe9 el GoMaR يمكن هو صج تو الناس على هالكلام بس ما تدرين الله لا يقول يمكن يصيدج هالموقف في المستقبل ما فكرتي شبتسوين حزتها ؟

[D.Q.]

tawna 3aalla hal kalaam :$

ana m3ach :p

[نمولة]

تونا نونوز عالبطيخ ههههههه بس انا عجبني رد اختي جروح الشوق من الناحية العقلية :y: بس من الناحية القلبية ما ادري ما جربت :p

انا صراحة ما اؤمن بحب قبل الخطوبة او الزواج فمستحيل اتعرض لموقف جذي:) الا اذا كان اللي متقدم لي تحبه رفيجتي فهذا شي ثاني :rolleyes:

بس انا عندي لكم الحل الأمثل :d

يا يتزوجونه ثنتينهم ويعيشون حالة حب غريبة فريدة من نوعها تمتزجها الغيرة التي يحبها الله :d او يتركونه ثنتينهم ويعيشون بعذاب ويكبرون وينسون ويتزوجون :p وكل واحد ياخذ نصيبه ;)

الله لا يقول ويصيدنا مثل هالمواقف :rolleyes:

[Dana]

بللللللللل

حده مأساه جذي
بس دام اهوا يحبني و احبه و يبيني انه خلاص لازم رفيجتي تفهم هالشي و بالعكس تبارك لي :)


يعطيج العافيه حبيبتي على الموضوع الحلو :)

[بيبسي دايت]

بعد اذا الصبي والبنيه يحبون بعض واهو تقدم لهه رفيجتهه ليش ترز الفيس :lac:

اصلا مالهه ويه تتكلم ,, تكبر وتنسى ;)