( كل مدخن هو غبى ) صح ؟ خطأ ؟ تكرم بالمشاركة فضلا [الأرشيف]

نمولة

21-02-2005, 05:56 PM

السلام عليكم

أنا أرى بأن كل شخص يدخن هو غبى (جدا)
غبى من يهلك نفسه بماله أليس كذلك؟

ولكنى أعرف بعض من المدخنين ومنهم من هو ذكى فى أمور كثيرة
فهل من الممكن أن يكون الإنسان ذكى وغبى فى آن واحد؟!

هل المفردة أو التعبير صحيح؟

كيف يمكن وصف شخص بالغباء والذكاء فى نفس الوقت؟

أمر آخر هو
لماذا لاتلقى مثل هذه المواضيع رواجا ومروجين على الانترنت؟!!!
بالرغم من الحجم الهائل للخسائر البشرية والمالية؟!
والتى (حسابيا) تتفوق على كل الكوارث والاختلاسات مهما كبرت

هل المعايير مختلفة ؟
أو هو الهوى والغايات والاجندات التى تقرر نوع المشاركات والتفاعل معها؟

لماذا لا تجد أى مشاركات فى أى من منتديات الانترنت تعالج وتناقش مواضيع كالتدخين أو القيادة الرعناء والتى تتسبب بحجم مهول أيضا من الخسائر المادية والبشرية!

قضايا إجتماعية هامة ومؤثرة كالطلاق وقطيعة الرحم والأخلاق العامة للمجتمعات تأخذ زوايا بعيدة ومهملة من المشاركين وطرح سطحى روتينى لا يبحث بعمق وصدق فى الجذور والحلول
!!!!!!

أرجو من الصادقين المدركين لسلم الاولوليات أن يعطو مثل هذه المواضيع حجمها المستحق قياسا بفتكها وضررها

مع صادق دعواتى لكل مدخن بالشفاء العاجل

bad0o0ra

21-02-2005, 07:34 PM

awafe8 namola

iltad5een ente7ar bas 3la sneen mo marra wa7da

o mafy ensan 9a7y yethba7 ro7a

:thnQ:

Ne9 el GoMaR

21-02-2005, 09:03 PM

ana fe rayy mo bs '3bi ela maynon

y3ni 7aram y'6y3 9e7tah mn bain ydeh

allah y3ql 3ala shababnaa

thnx namola 3l maw'6ooo3

بوزايد

21-02-2005, 09:19 PM

ana fe rayy mo bs '3bi ela maynon

y3ni 7aram y'6y3 9e7tah mn bain ydeh

allah y3ql 3ala shababnaa

thnx namola 3l maw'6ooo3

الله يسامحج
انه بارد بعدين علي الموضوع لين رجعت
يصير خير:999:

الذيب الآسيوي

21-02-2005, 09:28 PM

الله يسامحج
انه بارد بعدين علي الموضوع لين رجعت
يصير خير:999:

انا بعد برب :@

Dana

21-02-2005, 09:39 PM

اممممممممممممممم

اهوا يمكن لحظه طيش يجربها في المراهقه عقب ما يقدر يهدها يصير له ادمان!!:rolleyes:

مانقدر نحكم عليه اهوا غبيي بس ماعنده اراده عشان يهدهاا;)

هاي رايي :)

AmoOona

21-02-2005, 09:50 PM

انا عندي اهو فيه من الغباء او العمى مثل مايسمونه
بس اكثريتهم لو بتلاحظون انه يعتبر ضعف شخصيه
لان الشخص المدخن يدخن لعدة اسباب منها
اثبات الرجوله وهاذي اكثرها اتكون بين سن المراهقه ( دليل على انه كبر)http://www.asmilies.com/smiliespic/smoking/024.gif
اذا التدخين اثبات الرجوله عيل بعض النسوان ليش يدخنون؟؟؟ اثبات انوثه مثلاً!!
او عنده مشكلات ومايقدر يحلها فيقوم يطلع حرته بالجقاره وهاذي بعد من ضعف الشخصيهhttp://www.asmilies.com/smiliespic/smoking/000.gif
وبعض المدخنين يحاولون انهم يقطعون التدخين بس مايقدرون لان مثل ماقلت شخصيتهم ضعيفهhttp://www.asmilies.com/smiliespic/psmilie/013.gif
وبعضهم عناد وانا هاذي ما اسميه عناد اسميه غباء لانهم يقولون كل الاخبار عن التدخين جذب وهاذي اهي قمه الغباءhttp://www.asmilies.com/smiliespic/smoking/003.gif

وعلى سؤالج اذا يصير ان الشخص يكون غبي وذكي في وقت واحد
انا اقول لج اي
لان الله سبحانه خلق حق كل انسان قوه في شئ وضعف في شئ ثاني
يعني عالم الرياضيات اتشوفينه مو ماهر في التجاره مثلا
والتاجر اتشوفينه مو ماهر في الطبخ .... الخ الخ الخ
فالمدخن اتشوفينه ذكي في اشياء ثانيه وغبي بسلامته وصحتهhttp://www.asmilies.com/smiliespic/smoking/008.gif
بس المدخن الذكي اهو اللي ينتبه على روحه قبل فوات الاوان ويقطع التدخين http://www.asmilies.com/smiliespic/psmilie/015.gif
وانا اعتبر هالانسان اللي قطع التدخين اهو الشخص ذو الشخصيه والاراده القويهhttp://www.asmilies.com/smiliespic/psmilie/012.gif

ومسامحه على الاطاله
http://www.asmilies.com/smiliespic/psmilie/020.gif اختي على الموضوع

Ne9 el GoMaR

21-02-2005, 09:51 PM

لحظة لحظة احيين انتو هديتو كلام كاتبة الموضووع و جفتو كلامي
هههههههههههههه ياحليلي ماقصد شي..
لا تبون الصج انه كنت صاجة في كل كلمة قلتها..
جوف يا بوزايد.. و انت يا الذيب..
قولي فايدو وحدة حق التدخيين !! غير انها تريحكم ومادري بسوالفكم والله..
بس عن المضار انه لو اكتب من اليوم لين باجر ماراح اكمل..
يكفي الرحة الخايسة الي تعلق فيكم..
غير الصوت الي يخشن كل ماتدخنون..
كل شي في صوب والامراض الي يسببها.. من سرطانات و .. و ... الله يكافينا شرهم بس..
غير يضعف قدرتكم عالانجاب..!! سواء للمرة او الريال...
يعني كل هالمضار و ماتبوني اقول عنكم ميانييييييييييييين..!
لا سمحولي انتو ميانيييييييين و نص الي تضيعون صحتكم.. عشان راحة مؤقتة..
الله يهديكم بس..!!
نمولة الغالية ثنكز ع الموضوووع الحلو..

Schneider

21-02-2005, 09:57 PM

الحمدلله انا ماجربت ولا ابي اجرب عشان مادمن عليه ...

مكتوب على القوطي تحذير سبب رئيسي لامراض القلب والشرايين وسرطان الرئة !! :walen:

ابعد عن الشر وغني له ...:p

Ne9 el GoMaR

21-02-2005, 10:03 PM

الحمدلله انا ماجربت ولا ابي اجرب عشان مادمن عليه ...

مكتوب على القوطي تحذير سبب رئيسي لامراض القلب والشرايين وسرطان الرئة !! :walen:

ابعد عن الشر وغني له ...:p

schinder a7san lk walaa

دلوعة الرفاع

21-02-2005, 10:12 PM

اااااكيد غبي ...:walen::p
مايفكرون قبل مايجربون .. التدخين مايسبب الا الامراااااااض...:n::(:@

PHANTOM-02

21-02-2005, 10:54 PM

انا الحمد لله

ما ادخن و لا اشتهي الجقاره

احنا على ايام الطفوله

خلينا الوالد يهد التدخين

يعني مو حلوه انه تمر الايام

و بعد كل هالسنين انا اللي ادخن :n:

بحرينية عنيدة

21-02-2005, 11:01 PM

ممكن مانقول عنهم اغبية بس انقول ان ماحصلوا التوعية الصح لو كانوا ادخنون صغار بس المفروض لين كبروا خلاص اعرفون ان هذي اضر بصحتهم فهني نبتدي انقول عنهم اغبية :p

شنايدر انت كده :y:

وفينتوم انت بعد :y:وعلى فكرة حتى احنا خلينه ابوي يقطع السيجارة :rolleyes:

طلال البحرين

21-02-2005, 11:14 PM

انا اشوف انه ماتقولون عنهم اغبياء .. ومابي اقول الاسباب ..
بس اختي نص القمر .. صكيتي عليهم :y: وينكم اخوي الذيب و بوزايد :rolleyes:

7amo0o0dz

21-02-2005, 11:20 PM

mo '3aby

ykon mestahter

5air ilkalam ma8al o dal

:p

:thnQ:

بحرينيه عسل

21-02-2005, 11:27 PM

بعض الشباب لين تصير لهم مشكله يروحون يدخنون و عقب يدمنون
و الي بس تجربه و عقب يدمن
و الي يقلد ربعه
يعني اسباب وايد تخليهم
بس لازم الواحد يفكر قبل مايسوي شي
هل هالشي في صالحه و لا لأ
و طبعن مافي مقارنة بين مضار التدخين و فوايده لانه بالأساس ماله فوائد ..
غير على قولتهم يزيح الهم ..و هاذي شي من اوهامهم يعني لما متضايق يروح يدخن ياخي سووا لك شي غير التدخين مافي ؟!!!!؟

مشكورة اختي على الموضوع

و ياريت كل الشباب يتبهون على صححتهم الي اهيا الزم ما عليهم :)

الحمدلله انا ماجربت ولا ابي اجرب عشان مادمن عليه ...

مكتوب على القوطي تحذير سبب رئيسي لامراض القلب والشرايين وسرطان الرئة !! :walen:

ابعد عن الشر وغني له ...:p

:y: :y: :y:

بن لادن

21-02-2005, 11:39 PM

احب اقول تجنبوا الجقارة الأولى لأن الجقارة الأولى ممكن سبب في ادمان الشخص سنين او ادمانه على طوول .. واكثر المدخنين ابتدوا التدخين ايام المراهقه .. مادري ليش توجد رغبة عن المراهقين انهم يجربون الجقاره حتى آنة ياتني رغبه في وقت من الأوقات لكن الحمدالله ماخليت هالرغبه تأثر علي وقلت شنو بستفيد اذا شربت هالجقاره واذا شربت وحده باشرب 1000 .. وعلى قولة الشباب ان الجقاره اتييب الراس .. اول شي يشربون مالبورو ابيض بعدين احمر لأن الأبيض صاار ما اييب الراس وعقب الأأحمر بعد ما اييب الراس ويشربون شي اقوى واخطر ...
لي متى ... ؟
الم يأن الأوان يا اخي العزيز ان تقضي على الزقاراه قبل ان تقضي هي علييك .. فكر ماهي الأمراض اللي ممكن تصيبك في المستقبل ؟ ؟ يمكن ما تسبب سرطان او شي .. لكن مممكن انها تسبب لك جلطة بالمخ او بالقلب لا سمح الله وبعدها الله العالم شبيصير بحالك ؟؟
فكر بوالدتك اللي تدعي لك الليل والنهار انك تترك هالسم وانك بتريحها اذا عرفت انك تركت هالآفه لا تقول ما اقدر أو صعب كل شي بالإراده يصيير لو انت صج ناوي تقطع تقدر .. يمكن في لحظة أثرت عليك هالجقارة لكن لا تخليها تأثر عليك طول عمرك صير انت أقوى منها وهدها ..
والله يبعد عنا وعنكم كل شر ان شاء الله :)

بوزايد

22-02-2005, 12:16 AM

اختي Dana
انه اولا مادخنت الجقاير في لحظة طيش ولا في سن الراهقه

AmoOona
الريال ريال الى اذا كان شاك في روحه
انه اطلع حرتي في الجقار ولا اطلع حرتي في غيري
لانه ما احب اضر غيري

Ne9 el GoMaR
عن الريحه الخايسه في شي اسمه
علوج و عطر
بالعكس اي صوت الي يخشن ذي
نص المطربين الي يغنون في العالم يدخنون و عندي اثباتات

اخوي شنايدر
برز روحك باجر بامر عليك باوديك القوه
علشان اخربك
صدقني ما بتندم

دلوعة الرفاع
مادري اختي اذا انتي تقرين اخر الاخبار و الابحاث في الجامعات الامريكيه و الاوربيه
انه اكثر علماء في العالم كانو مدخنين و حتي العلماء الحالين اكثرهم مدخنين
و عندي ادله

بحرينية عنيدة
اختي انه دخنت الجقاير يوم كان عمري 20 سنه وانه الحين
جريب بادش الـ22 سنه يعني على ما اعتقد مو ياهل

طلال البحرين
اخاف بس صكت علينه

7amo0o0dz
كل واحد ادره بصحته

بحرينيه عسل

اي نعم انه واحد من ذيله الي اول ماتصيدني مشكله ادخن اطلع حرتي فيها
انتي لو صايدج ربع الي صادني جان من زمان انتحرتي بعيد الشر عندج

بن لادن
اخوي لا لم يأن الأوان
انه ليحين مافكر بس مجرد تفكير اني اقطع الجقاير

و مسامحه اذا غلط على واحد فيكم عذروني لانه انتو الي يبتو السوالف
حق روحكم

واكرر اعتذاري

وشكرا نموله علي الموضوع

الذيب الآسيوي

22-02-2005, 12:22 AM

انا ابي اعرف اشلون اتحكمون على الي يدخنون انهم أغبياء ؟؟؟؟ :@
بس عبالكم الجقارة الي اتضر ؟؟
باعطيكم مثال ..
البيبسي كل من يشربه ومضر .. وأخطر من الجقاير ...

تدري انك اذا شربت 7 قواطي بيبسي ورا بعض تختنق وتموت ؟؟ لكن عمرنا ماسمعنا ان 7 جقاير تذبح :rolleyes:

ثاني شي انا اعرف رفيــج يدي يمكن عمره 80 سنه واكو يدخن يمكن خذ له 50 سنه يدخن ماصاده شي ..

الموته موته وحده ..

ثاني شي لازم للمدخنين أسباب يدخنون عشانها ..

يعني مثلا الدخاان احسن شي عقب الوجبات .. يعني عقب الغدا شيشة :y: يا سلاام :p

واذا الواحد يفكر ومهموم لازم جقارة يعني اتهدي الاعصاب :sad:

ويقولج بين كل 8 أطباء في العالم طبيب واحد مدخن .. هذيله أطباء بعد :rolleyes:

وتقريباً 90% من العلماء يدخنون :rolleyes:

كاسترو حاكم كوبا .. شخصية سياسية معروفة واذا قال خطبة أقل شي 4 ساعات ومشهوور بسيجاره :y: وأجود أنواع السجائر من كوبا ..

نرجع حق محور حديثنا ... شنو مقياس الغباء في المدخنين ؟؟؟

انا من الاول ثانوي ادخن يعني يمكن الحين 6 سنين ادخن ..
في المدرسة طالع السادس على المدرسة :p
والاول كان يدخن دبل علي :walen:

اصلا اذا باتحجى ماباخلص ;)

بحرينيه عسل

22-02-2005, 12:23 AM

بحرينيه عسل

اي نعم انه واحد من ذيله الي اول ماتصيدني مشكله ادخن اطلع حرتي فيها
انتي لو صايدج ربع الي صادني جان من زمان انتحرتي بعيد الشر عندج

الله يهديك ..
الواحد اذا صارته مشكله ياخذها فرصة علشان يتقرب من ربه اكثر
و في اشيا وايد تقدر تسويها غير التدخين
اشيا تقربك من ربك علشان تنسى الهم و يخفف عليك الله الي صادك
يعني ماتوقع انه هالشي الحل الوحيد
و لا كلامي غلط؟!؟
و الله يهينك في حياتك و يبعد عنك المصايب

بحرينيه عسل

22-02-2005, 12:28 AM

الذيب ياي ..
انت مقتنع في الكلام الي قلته؟!؟
انا مو مقتنعه
لان كلامك ما يقنع الا الي يدخنون مثلك

الجقااااااارة اهيا سبب رئيسي لسرطان الرئة و امراض القلب و الشرايين

هاذي شي ماتقدر تقول عنه لا

لانه على القوطي كاتبينه!!!!!!

الذيب الآسيوي

22-02-2005, 12:34 AM

بحرينية عسل ..
اذا الله كاتب حق احد السرطان بيصيده لو مايعرف الجقارة شنو بعد :)
كل شي مكتووب :)

bad0o0ra

22-02-2005, 12:35 AM

ilmu'3aneyeen eli yda5non dayman ykon nefas'hum '63eef!!

o lat7e6on il jegara ma3a ilpepsi o '3aira
9ej il pepsi mumkin yethba7
bas cham nesbat enna yethba7

ana sharba 7 pepseyat o matheba7ny

iljegara mo 3an enha tethba7
ehya tmare'6 hathy il salfa

ya3ny ta3theeb

sh7adekum

fel a5eer hathy 7urreya sha59eya

o kel wa7ed ysawy eli yabby

:)

e7na 5athna il jegara kamaw'6o3 ne8ash la2anna m'6erra

o nafs il shay 5athna il pepsi o na8ashna

o bagy wayed ashya

methel il sheesha o '3aira

way3ny fe nas ma3 o nas '6ed 3ashan chethy enna8esh

:y:

بوزايد

22-02-2005, 12:38 AM

الله يهديك ..
الواحد اذا صارته مشكله ياخذها فرصة علشان يتقرب من ربه اكثر
و في اشيا وايد تقدر تسويها غير التدخين
اشيا تقربك من ربك علشان تنسى الهم و يخفف عليك الله الي صادك
يعني ماتوقع انه هالشي الحل الوحيد
و لا كلامي غلط؟!؟
و الله يهينك في حياتك و يبعد عنك المصايب

اختي من قال ان انه كافر او ماصلي
اختي انه واحد اعرف ربي ودل باب المسيد وين يصير
و من قال انه ماتقربت من ربي
اصلا مافي شي زاح الهم عني غير تقربي من الله
بس انه اتكلم عن الجقاير لانه اطلع حرتي فيها احسن ماطلعه في واحد غيري

بحرينية عنيدة

22-02-2005, 12:41 AM

اول شي اقول حق اخوي بوزايد انت ماغلطت على احد بس ابديت راييك.واقولك الواحد اللي افكر بمنطق وصح مايفكر اذا استحمقت باحط حرتي في اجغاير اذا استحمقت روح صلك ركعتين يمكن يدهون بالك.اما الجغارة مو الحل اخوي :)

وابتعد عن شنايدر ورى تخرب الصبي :p

الذيب ياي هذي اللي رفيج يدك حالة وحدة بس لكن في مجلات وجرايد تكتب نسب ماتخيلها اللي اصيدهم سرطان في الرئة وغيرها... بعييد الشر عنكم فلا تاخذ رفيج يدك مقياس وقدوة لان اللي اسويه غلط في غلط واللي يبت امثلة عليهم بعد مو مقياس لان هذي الشي مضر والكل عارف.انا اسمع اخواني شلون اكحون اعورني قلبي والله لكن ماقدر اقولهم غير النصيحة وانشالله انتي بعد تتقبلونه :)

والحذر واجب وندري ان الموت بيد الله سبحانه بس بعد الواحد لازم احافظ على صحته

ومسامحة اذا طولت :$

جود المحرق

22-02-2005, 12:43 AM

ana fe rayy mo bs '3bi ela maynon

y3ni 7aram y'6y3 9e7tah mn bain ydeh

allah y3ql 3ala shababnaa

thnx namola 3l maw'6ooo3
[/QUOTE]

بحرينيه عسل

22-02-2005, 12:44 AM

اختي من قال ان انه كافر او ماصلي
اختي انه واحد اعرف ربي ودل باب المسيد وين يصير
و من قال انه ماتقربت من ربي
اصلا مافي شي زاح الهم عني غير تقربي من الله
بس انه اتكلم عن الجقاير لانه اطلع حرتي فيها احسن ماطلعه في واحد غيري

انا ماقلت انك كافر و لا قلت انك ما تصلي !!!
بس قصدي انك تزيد تقربك من الله
و هاذي بيغنيك عن اي شي ثاني .....

الذيب الآسيوي

22-02-2005, 12:49 AM

انا عندي نظرية يمكن غلط شوي .. بس انا مؤمن بها ..

انا يعني شاب عمري عشرين سنة ..
صج ان كل يومي في القهوة ودخان ..
لكن والله ان السيف مارحته من سنة ونص تقريباً ...
اللهم سينمات عقب الساعه 12 هذي واايد وايد اتصير .. لكن ان اروح السيف بافتر ..
ولا الدانه ولا المعارض مب صووبي ...

انا افضل اتم في القهوة ..
يمكن اتقولون اشفيه ذي طلع عن الموضوع .. بس انا احس ان التدخين في سني ذي يلهيني عن واايد بلاوي يسوونها الي في سني :rolleyes:

جود المحرق ..
هذي رايج اوكي .. بس لاتدخنين انتي وخلينا احنا الميانين

بوزايد

22-02-2005, 12:50 AM

ana fe rayy mo bs '3bi ela maynon

y3ni 7aram y'6y3 9e7tah mn bain ydeh

allah y3ql 3ala shababnaa

thnx namola 3l maw'6ooo3
[/QUOTE]

مايحتي تقولين مينون
المينون الي مايعرف
يحكم علي الناس
ولي فوق راسه بطحه يتحسسه

بحرينيه عسل

22-02-2005, 12:57 AM

هههههههههههههههههه شكلها بتصير هوشة اهني

بس انتوا الي تبون تبينونه انكم الي تسوونه صح و مافيه شي

اوكي كلمن بعقله راضي :)

انا اعلن انساحبي مع انه too late

خلاص شكلي انحطيت في البلاك لست عند الذيب ياي و بو زايد :shhh:

كل شي و لا زعلكم

الذيب الآسيوي

22-02-2005, 12:59 AM

عزيزة وغالية بحرينية عسل ..
ولا زعل ولا شي الا موضوع .. احنا اكبر من جذي :y:

بحرينية عنيدة

22-02-2005, 12:59 AM

خخخخخخخخخخخخخخخخخخخخخخخخخخخ ولو فوق راسه بطحه يتحسسه

المهم ميانين اغبية اهما ادرى بصحتهم وسلامتهم :rolleyes:

بس قبل مامشي باقول لكم شي مادري يمكن افيييد في شي .انا يوم كنت صغيرة عمري سنتين تقريبا او يمكن اصغر صادتني ضيجة مزمنة يعني كلش ماتروح وابووي كان ادخن بشكل فظيع بس تعرفون اهو ماكان يدري ان فيني ضيجة وكان عادي ادخن داخل البيت او انا معاه لين مادشيت في شبه غيبوبة من كثرة ماستنشقت دخان.

ادري يمكن اتقولون احنا لا بس برع اندخن بس فكر فيها عقب لين الله عطاك وتزوجت تتوقع ان الطفل اللي مرتك بتشيله في بطنها مابيتضرر.يعني مو بس قاعدين اتضرون نفسكم واتضرون غيركم بعد

وفي الاخير ابوي من سمع هلون قطع الجغارة عشان صحة هله قبل مايفكر في صحته :)

بوزايد

22-02-2005, 01:00 AM

لا اختي انه بالعكس احترم الي يبادلني في النقاش
بشكل منطقي او مثل مايقولون بالعقل

اعتذر لج اذا انه غلط عليج

بحرينيه عسل

22-02-2005, 01:02 AM

اشـــــوه

لا غلطتوا و لا شي :)

عبداللهEngineer

22-02-2005, 06:31 AM

انا الحمدلله، ما احب الجقاير من الله وهذي نعمه أشكر الله عليها، ومع العلم انه الوالد مدخن،

لكن ساعات اقول في نفسي، ليش مايفكر، واضح انه الشي ذي مضر، لكن مب راضي ايهده، بس

مستحيل أقول عن ابوي انه غبي، حاشاه بوعبدالله...

انا ما بطول مثل ما طول غيري، لأنه كل مايقولون شي ايردون عليه...

وكل اللي باقوله اهو خير الكلام، كلام الله عز وجل

قال تعالى: (( الذين يتبعون الرسول النبي الأمي الذي يجدونه مكتوباً عندهم في التوراة والإنجيل

يأمرهم بالمعروف وينهاهم عن المنكر ويحل لهم الطيبات ويحرم عليهم الخبائث ويضع عنهم

إصرهم والأغلال التي كانت عليهم فالذين آمنوا به وعزروه ونصروه واتبعوا النور الذي أنزل معه

أولئك هم المفلحون)) 157-سورة الأعراف

أظن ان الآية معناها وااااااضح مثل الشمس، وأظن بعد انه الجقاير مب طيبات، تكفي ريحتها

وانها أكييييد من الخبائث<<< وهذي مب فتوى من عندي...

وأدعو ربي حق اخواني بوزايد والذيب وغيرهم انه ايفككم منها...

وتسلميييييييين أختي نمولة على الموضوع...

شيخة الزيــن

22-02-2005, 08:34 AM

بوووه صار الطق وانا محد :walen:

ماعندي شي اقووله اكثر من اللي قلتووه عن مضار الجقاير وشتسوي في الرئة وهالحجي :unsure:

بس ترى اللي يجقر مستحيــــــــــــل يقتنع >> سألوني لان وااااااااايد احن على هالسالفة :rolleyes:

بس شي واحد احبه في الجقارة .. ريحتها :aa_crazy: بس عاد اذا كانوا مدخنينها امس وعليها شوي عطر :aa_crazy:

ان شاء الله كل واحد مدمن شيشة وجقاير يهدهم :shhh:

عابر القارات

22-02-2005, 10:23 AM

za3noon

22-02-2005, 02:35 PM

السلام عليكم ورحمة الله وبركاته

تحضرني قاعدة شرعية

من هدي خاتم الأنبياء
اللي ماينطق عن الهوى
وكل كلامه وحي يوحى

كلمتين بس : ( لاضرر ولاضرار )

يعني لاتضر نفسك ولاتضر غيرك

واللي يدخن يضر نفسه وغيره ينضر أكثر منه

وهاي الكلام مثبت من خلال بحوث طويله وعالميه

أحب أسأل أخواني : بو زايد والذيب ياي (أذا سمحوا لي )

أبهاتكم يدخنون

ومن علمكم التدخين

لاتقولون أحنا أخترنا (مستحيل) .

أعرف واحد الله يستر عليه ويهديه

يشرب جقاير وشيشة

عيزت وياه

مو راضي يقتنع

يقول آنه ما أبي أقطع

تتوقعون ليش يقول ما أبي

لأن أرادته ضعيفة

وما يحب يجرح كرامته

فيقعد يقص على روحه

لا ويناقش ليش ومن وين ووين الدليل .......الخ

والأيمان بتعريف أهل العلم هوقول مبين و فعل زكي يزيد بالطاعات وينقص بالمعاصي

قالى الأمام الشافعي :

شهدت بأن الله لاشيء غيره
وأشهد أن البعث حق وأخلص
وأن عرى الأيمان قول مبين
وفعل زكي قد يزيد وينقص

فهل تعتقد يا اللي تدخن أنك تفعل الحسنات أكثر من المعاصي
اللي هي ما تنعد ومنها التدخين

أما قول اللي يفضل التدخين على السيف والدانه

فهو مع الأسف دخل بأرادته في قوله عز وجل
( الذين ضل سعيهم في الحياة الدنيا وهم يحسبون أنهم أحسنوا صنعا )

وبعدين ترى مو عيب أنك تغلط

العيب أنك تستمر على الغلط

في ناس يتعلمون أن الجقاير مضرة
ببلاش
وناس يتعلمون بأغلى حبايبهم
ما يعرف قدر الجقارة ألا اللي فقد عزيز بسبتها

الله يبعد عنكم وعن المسلمين الشر

آنه ما أقول أنك غبي

لكن

أقول

كون ذكي وتعلم ببلاش

نموووووووووووووووووووووولة

سنكيووووووووووووووو

بن لادن

22-02-2005, 03:30 PM

اخوي الذيب ياي .. تقول انها تلهيكم عن بلاوي وايد الجقاره كلش مالها دخل انها تلهيكم عن بلاوي ثانيه انت اللي ماتبي تسوي البلاوي الثانيه لو انت ماتبي تسوي هالبلوه العوده التدخين جان مابتسويها كل شي بإرادتك ...
وتقول ان واحد عمره 80 سنة يدخن وما مات هذي الله كاتب له عمر.. ومانقول لك ان كل واحد يشرب جقاره لازم يمووت راح تصيدك امراض من هالجقاير وراح تشوف نفسك لين كبرت عقب 20 او 30 سنه بعد عمر ً طويل تتعب وكل يوم بتحس انك تتعب اكثر .. يدي ريال عود كان يدخن ومب وايد بس يدخن .. قبل كم سنه صادته جلطه في المخ ومن يومها ماترقع قام يمشي على عكاز والدكاتره كلهم قالوا ان السبب الرئيسي الجقارة وهو الحين يسب ويلعن في اليوم اللي شرب فييه .. ما اقولك ان راح تموت لكن انت لازم تاخذ بالأسباب .. واذا انت حاط انها عاديه ومافيها اي شي ما راح تتركها طول عمرك .. اقعد يوم مع نفسك وفكر عدل صدقني بتعرف ان مامنها فايده
آنه ما اقول انت غبي انك شربت يمكن في لحظة صار كل شي بس انت توك شباب يعني الوقت جدامك لازم تفكر صح لا تفكر ان كل الشباب يشربون وان شي عادي وماراح يضر وان الموته موته وحده ..
وبعدين المفروض اهم شي يمنعك انك تدخن ان الدخاان حرااام لا تقول انه مب حرام ومب مذكور بالقرآن بس كل العلماء اتفقوا انه حرام لأن الله قال ولا ترموا بأنفسكم إلى التهلكه ..

http://www.tawhed.ws/r?i=1950

http://www.your-doctor.net/pulmonary/smoking.htm
ياليت تقرأ اللي بهالرابيطيين وتغير نظرتك عن التدخيين

والله يهديكم ويهدي الجميع من هالآفه

AmoOona

22-02-2005, 05:26 PM

احنا مانقول ان اللي يدخن اهو غبي في دراسته؟؟
بس انقول مايعرف مصلحته
والغباء ماتنقال بس حق الدراسه
وبعدين في بعض شيوخ الدين قالوا ان الجقاره مكروهه
واتمنى بس يحرمونها

وبعدين شنو يعني اطلع حرتي بالجقاره
عيل وين كلام الرسول عن ضبط النفس والحلم عند المقدره؟؟
قالها سوها بالجقاره؟؟
تقدر بمليون طريقه وطريقه انك تضبط روحك
عيل اللي مايشرب جقاره لين يستحمق يكسر الدنيا ؟
انا اشوف ان اللي يدخن اكثر عصبيه من غيره <--اللي اعرفهم بس ما اعرفكم انتوا

وبعدين في مليون طريقه وطريقه انك تلهي روحك عن الاغلاط
مو بس بالتدخين

لحد الحين مافي احد قنعني بالجقاره وموائدها

ومسامحه اذا زعلتوا

الذيب الآسيوي

22-02-2005, 05:45 PM

في النهاية يبقى التدخين حرية شخصية

Ne9 el GoMaR

22-02-2005, 05:47 PM

yuma ba67a oo yet7asashaa :sad:

mast7ml anaa:P

hehehe bu zayed t7asast-ha oo n9 :P

chof ent gelt 3e6ar..:S

3abalik el 3e6ar 3l re7an el 5aysa yenfa3..!!

ela et9er el re7a a5ys. :n: .!!

allah yahdekum oo yab3dkum 3nha..!!

maskin schinder mo tro7 weyahum :p :p

hey mo tz3lon mny :$ eny gelt maynon oo ma3rf shno..!!

bs sam7ony hathy wejhat na'6rii ;)

byez

بحرينيه عسل

22-02-2005, 05:57 PM

عبدالله و زعنون ..
كلامكم ما عليه كلام :y:

Ne9 el GoMaR

22-02-2005, 05:58 PM

ee wala abd3tow fe el rad :y:

بيبسي دايت

22-02-2005, 06:44 PM

اصلا المدخنين مو أغبيا اصلا اهمه اكثر ناس عارفين اضرار التدخين بس يمكن تعودوا على هالشي ,, :(
انه اكثر شي يعور قلبي اذا شفت صبي يدخن :sad: انقهررر وماقدر اسوي شي

حراام شباب تضيعون روحكم جذي

اخذوها نصيحه من اخت لكم (حاااولوا ) تهدون التدخين وشغلوا نفسكم بأشيا ثانيه ;)

AmoOona

22-02-2005, 07:10 PM

طبعا حريه شخصيه
وانتوا غالين علينا علشان جذي ننصحكم
وفي النهايه هاذي اجسادكم وانتوا احرار

نمولة

22-02-2005, 07:29 PM

مشكورين اخواني واخواتي على المرور ولي تعقيب على بعض الردود

انا ابي اعرف اشلون اتحكمون على الي يدخنون انهم أغبياء ؟؟؟؟ :@
بس عبالكم الجقارة الي اتضر ؟؟
باعطيكم مثال ..
البيبسي كل من يشربه ومضر .. وأخطر من الجقاير ...

تدري انك اذا شربت 7 قواطي بيبسي ورا بعض تختنق وتموت ؟؟ لكن عمرنا ماسمعنا ان 7 جقاير تذبح :rolleyes:

ثاني شي انا اعرف رفيــج يدي يمكن عمره 80 سنه واكو يدخن يمكن خذ له 50 سنه يدخن ماصاده شي ..
الموته موته وحده ..

ثاني شي لازم للمدخنين أسباب يدخنون عشانها ..

يعني مثلا الدخاان احسن شي عقب الوجبات .. يعني عقب الغدا شيشة :y: يا سلاام :p

واذا الواحد يفكر ومهموم لازم جقارة يعني اتهدي الاعصاب :sad:

ويقولج بين كل 8 أطباء في العالم طبيب واحد مدخن .. هذيله أطباء بعد :rolleyes:

وتقريباً 90% من العلماء يدخنون :rolleyes:

كاسترو حاكم كوبا .. شخصية سياسية معروفة واذا قال خطبة أقل شي 4 ساعات ومشهوور بسيجاره :y: وأجود أنواع السجائر من كوبا ..

نرجع حق محور حديثنا ... شنو مقياس الغباء في المدخنين ؟؟؟

انا من الاول ثانوي ادخن يعني يمكن الحين 6 سنين ادخن ..
في المدرسة طالع السادس على المدرسة :p
والاول كان يدخن دبل علي :walen:

اصلا اذا باتحجى ماباخلص ;)

ما قلنا ان البيبسي ما يضر .. بس مو مثل التدخين
ومن قال ان 7 جقاير على قولتك ما تذبح؟؟
اهي بس تذبح؟؟ كلمة تذبح قليلة عليها
اهي الوحدة بس لها شكثر آثار مو بعد 7 :sad:
السرطان والامراض الرئوية وضيق التنفس وانسداد الشرايين .. الخ ما تذبح هذي؟؟ السرطان بمجرد انه يصير بالرئة خلاص يموت ماكو أمل للحياة بعد

وفي ناس وايد يدخنون لمدة مئات السنين بس لازم تظهر الآثار ،، لاااااااازم ،،
ومن قال ان الجقارة تهدي الاعصاب؟؟
عندك القرآن يريح الاعصاب احسن .. واذا ما تبي افضل شي واهو القرآن تقدر تسمع لك موسيقى هادئة تريح الاعصاب او تقعد يم البحر افضل من السيجارة

ومن قال ان كل الأطباء والعلماء يفكرون تفكير صحيح .. يعني اذا واحد من الاطباء او العلماء ذبح نفسه احنا وراه يعني؟؟ في اطباء وايد ينطلقون لطريق الحرام احنا وراهم يعني؟؟ لازم نفكر شوي

الله يهديك اخوي وتترك هالعادة السيئة:walen::(

نمولة

22-02-2005, 07:34 PM

الله يهديك ..
الواحد اذا صارته مشكله ياخذها فرصة علشان يتقرب من ربه اكثر
و في اشيا وايد تقدر تسويها غير التدخين
اشيا تقربك من ربك علشان تنسى الهم و يخفف عليك الله الي صادك
يعني ماتوقع انه هالشي الحل الوحيد
و لا كلامي غلط؟!؟
و الله يهينك في حياتك و يبعد عنك المصايب
اخوي بو زايد ما اقدر اضيف شي على الكلام اللي قالته اختي والكلام اللي قلته حق اخونا الذيب ياي

الله يهديكم يا رب

نمولة

22-02-2005, 07:38 PM

بحرينية عسل ..
اذا الله كاتب حق احد السرطان بيصيده لو مايعرف الجقارة شنو بعد :)
كل شي مكتووب :)

الله ما قال ارموا نفسكم بالنار وقولوا قدر ومكتوب
يعني مثال بسيط
في فرق اذا واحد صاده مرض السرطان كقضاء وقدر من اسباب غير التدخين لان المرض متحجج هالايام مثل ما يقولون وبين واحد ليل نهار يدخ وبعدين يقول قضاء وقدر

انا اخوي الله يرحمه توفى بسبب السرطان بالرئتين رغم انه ما مرة دخن .. اهني نقول قضاء وقدر

الله يهديكم بس

نمولة

22-02-2005, 07:40 PM

نمولة

22-02-2005, 07:47 PM

اخوي عبد الله وزعنون وبشكل عام " الشباب المبتعدين عن هالعادة السيئة"
الله يثبتكم على دربكم ويبعدك عن طريق الهلاك :)

واخواني اللي يدخنون ادعوا من كل قلبي انكم تفكرون في صحتكم

والوقاية خير من العلاج

:y:

Ne9 el GoMaR

22-02-2005, 09:49 PM

=)

كفيتي و وفيتي نمووووووووووولة

بحرينيه عسل

23-02-2005, 12:53 AM

يعطيج العافيه اختي نموله :y:

angle

23-02-2005, 02:01 AM

:نقطط: لا تعليق

رفاعي عوالي

23-02-2005, 03:22 AM

ابي اقول شي
الله يقول في كتابه انه حرم الخبائث

و التدخين من الخبائث
يعني التدخين
حراااااااااااااااااااااااااااااااام

نمولة

23-02-2005, 02:44 PM

:) صح

غزالة البحرين

23-02-2005, 10:51 PM

يا كرهي للجقاير و ريحتها !!! :@
اللي يدخن بصراحة انسان ضعيف شخصية و ما عنده ارادة :n:
و يذبح روحه بروحه.. الجقاير ما ايي من وراها الا الامراض و السرطان و الخياس... و لا اجوف فيها شي حلو يخلي الشباب هلايام ميتين عليها >_>
و عني انا مستحيييييييييل ارتبط بواحد يدخن لاني مو مستعدة اجوف ريلي يموت جدامي !!! و فوق هاي كله بيضرني و يضر عياله !!
البعض يقولج انا ادخن لاني ريال او اني بثبت رجولتي و هذي اللي انا اعتبره الغباء بعينه و علمه :n: و لا عمره كان التدخين الوسيلة اللي الواحد يثبت فيها رجولته... او اللي يقولج بنسى همومي و مشاكلي.. ههه حلوة هذي احين الجقارة اهي اللي بتهديك و تريح أعصابك !!! الا بتذبحك...
و في النهاية
كل واحد هو حر ... انت انسان عندك (مخ) تفكر فيه و تعرف مصلحتك( مع اني اشك ان المدخن يعرف مصلحته) و تعرف اللي ينفعك و اللي يضرك... فاذا كانت امراض القلب و الشرايين و السرطان تنفعك... بس عيل تحمل اللي بييك.. بس لا تحسف في يوم من الايام و تقول يا ريتني هديتها...
كــــل واحـــــد عــــقــــلـــه فـــــــي راســــــه و يــــعــــرف خــــلاصـــــه ...يعطيج العافية نمولة على تواصلج الدائم معانه :thnQ: