الصيــــــــــــــــــــــــــــــــــــــــــــــ ات

[مخاوي الغربة]

السلام عليكم ورحمة الله وبركاته

قوة شباب و بنات........... شخباركم؟؟؟

اليوم حبيت اتكلم وياكم عن ظاهرة انتشرت بكثرة في الفترة الاخيرة في البحرين ....... ألا وهي ال(صيات:9aya:).
بس في البداية أحب أوضح لكم الصية:9aya: من وجهة نظري...

من هو الصية:9aya:....؟؟

هو انسان يبي يحط على روحه قروض و سلف ... تدرون ليش ؟؟؟ علشان يشتري الكروزر الجي .. وطبعاً الكروزر بدون غترة ملفوفة وعقال عوي و أريل طويل و تاير بالون عنده مثل الفرس بليا سرج.... و طبعاً ما ننسى الشعر الطويل (الله يخلي دهن الناريل ) واذا الله عطاه لحية وما طلع أملط فيحمد ربه لأنه بيكون صية فول أوبشن.

واعتقد كلنا انعرف المثل اللي يقول( الواحد ما يرده الا أصله) ... مابي أحد يعتقد ان آنه قصدي من هالموضوع التعدي والغلط على الصيات الأصلية واللي أصلهم البدو اللي كانو عايشين في شبه الجزيرة واللي حالياً توزعو في بعض دول الخليج مثل قطر و الامارات. يعني آنه قصدي ان احنه لازم انعرف من اللي ممكن نتقبل انه يكون صية أو لا... والواحد قبل لا يسوي روحه صية خله يقرا اسم جده أول و يتأكد من أصله .. وترى المثل يقول(اللي يتبرى من أصله ...:نقطط:) ... والمفروض الواحد يفتخر بأصله مهما كان ولا ينتحل أصل غير أصله لأنها بصراحة قلة حياء قبل لاتكون قلة ذوق.

أول لين جفنه واحد خليجي من هالصيات كنا نتطنز عليهم وعلى اللي مسويينه في روحهم ... بس الحين الله يهدي شبابنا ... صارو كلهم يتصنعون و يسوون روحهم بدو و هم أصلاً... :نقطط: .

وآنه اظن ان السبب في انتشار هذي الظاهرة ضعف الشخصية وعدم الثقة بالنفس لدى بعض الشباب ... واللي زاد الطين بلة ان بنات ديرتنه صارو يبدون اعجابهم بهالصيات... فنجوف الشباب يتفننون في (الاصطياي) عشان يرضونهم.

ومن الآخر ... أغلب الصيات اللي انجوفهم الحين في البحرين هم أشخاص ناقصين عقل وما عندهم ثقة في أنفسهم والسبب اختلال التوازن في مخهم ... من جذي يلبسون عقال عوي مثل عقولهم.

شنو رايكم في مدى انتشار هذي الظاهرة في البحرين؟؟؟ وهل هي ظاهرة ايجابية أم سلبية ؟؟ وماهي أسبابها؟؟

الرجاء اذا كان في أحد من الأخوة الأعضاء (صية:9aya:) الرد على الموضوع عشان نتعرف على رايه و طريقة تفكيره.

امسامحة على الاطالة و شكراً
بانتظار ردودكم

تحياتي
:9aya:مخاوي الغربة:9aya:

[بو جابر]

لا تعليق
:shhh: :shhh: :shhh: :shhh:

[Ne9 el GoMaR]

7ady t3bt oo ana aktb rad oo 2a5er shy kila tema7ah:'(

:ok:el mohem thnx o5oooy 3l maw'6oo3 el fared mn no3ah..

awal shy 7abet agolak ena el shabab el 9ayat 3ala goltak mo ga3den ysawon shy '3ala6..

;)or 3aib 3ashan ng3d enkbar el maw'6ooo3...

y3ni ehm mojard ysoon ashya2 ent thekrt-hum fe maw'6o3k oo hal ashya2 mat'6r a7d bl maraa:rolleyes:...

lakin mo kil mn hab oo db ysawy ro7a 9aya:n:..!!

:thumbup:y3ni fe nas "3arab a9eleen:9aya:" bdow hathelan low lebso oo tklmow 3ady cuz a9lhm che

:nono:lakin el fashla thelak ely ygldoon...

oo ana wa7da a7b el 9ayaat 5a9a ely yrkbon Range Rover:luv:..!!

7adhum coOol..!!

oo tra el maw'6oo3 may59 thega or sha59eya..!!

y3ni ana fe rayy enah el shabab yabon y'3yron el look malhum la akthar oo la agl...

:)thnx m5away..!
:001:ya36eek el 3afyaa

[بيبسي دايت]

:victory: بصراحه الموضوع كشخه

وانه رايي من رايك اخوي مخاوي ,, الصبيان هالايام مب عارفين شيسوون بروحهم عشان يلفتون الانظار وانه رايي انهم يقرون هاي المثل (مد ريولك على قد لحافك) ادري بتقولون شدخل!!! يعني اقصد الي يرزون روحهم وايد واهم مو قده ;) وصح كلامك ان مو اي واحد يناسب له ,, حاسبوا شباب لاتسوون روحكم برنامج :d

تسلم اخوي ع الموضوع :y:

[راعي المعاني]

السلام عليكم والرحمه


مساك الله بالنور والسرور

طبعا موضوعك جديد وشي حلو انك تطرقت له ,, بالاول الصيه مثل ما تقول (البدو) لما يلبس العقال بطريقه او يتكلم بطريقه فهي نابعه من انه يتفاخر ببداوته بين الناس لانه اصله ومثل ما يقول الشاعر خالد الفيصل ( كل يعود لاصل جده ومرعاه ) ...
فما اشوف فيها شي انك تطلع بصورتك الاصليه التي تربيت عليها من يومك , يقول الشاعر طلال السعيد
لي الفخر
حنا بدو
حنا عمى عين العدو
حنا البداوه وضعنا
واهل الوفا هم ربعنا
حنا نتفاخر باصلنا

ولا هد سيفه ينثني
ولا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل الى جيل انتقل
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
حنا البداوة عيدنا
ماناكل الى صيدنا
مانعيش عالة مجتمع
نموت مانمد ايدنا
حنا بدو
حنا البداوه بدمنا
مانسمي احد عمنا
حتى ولو منهو يكون
لو هو زعل ماهمنا
حنا البدو
حنا البداوة عمرنا
محداً بيصبر صبرنا
لانها مصنع للرجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا
حنا بدو متماسكين
وهذي نتيجه وصلنا

لآخر القصيده ,,, صح لسانك يا طلال فالبدو لهم حق التفاخر ,, طبعا انا معاك انه في ناس تتصنع البداوه يمكن لاجل نقص فيهم لانه الانسان لزوم يتفاخر باصله وما يتهرب منه مهما كان وهالشباب يظنون انه مقامهم بيرتفع بين الخلايق لما يلبسون مثل البدو ويقلدونهم لكنهم اذا طلعو على حقيقتهم وردو لاصلهم الناس بتحترمهم لانهم تفاخرو باصلهم مهما كان ,,,


هذي من جهه ومن جهه ثانيه ذكرت انه البدو يتمركزون بقطر والامارات وسكت انا معاك بقطر الكثير بس البحرين بيها الكثير من البدو ومنهم


العتوب: مفردها عتبي.وهي اقوى قبائل البحرين واكثرها عددا.وتنتمي الأسره الحاكمه في البحرين لهده القبيله, كما ينتمي لها الأسرة الحاكمة في الكويت
وهم أقسام العتوب هي:

آل خليفة “ حكام البحرين وينتمون الى العتوب. والعتوب حلف يضم بطوناً وأفخاذاً تنتمي لعدة قبائل عربية هاجرت من مرابعها في نجد. واستقرت على ضفاف الخليج العربي.من فروعهم:

ال عبدالله من ال خليفه: مسكنهم البحرين الأحساء وقطر...في قطر منهم سعادة السيد/ محمد بن حمد آل خليفة سفير دولة قطر بمصر سعادة السيد/ ناصر بن حمد آل خليفة سفير دولة قطر لدى المملكه المتحده...
ال سلمان من ال خليفه: المحرق والمنامه والحد والرفاع... ينتمي لهم جلالة الملك حمد طول الله عمره

ال فاضل:مسكنهم المحرق والمنامه وجميع انحاء البحرين...

الجلاهمة ... إحدلى قبائل العتوب ، من الجميلات ، من المرعي ، من العبية ، من البجايدة ، من السلقا ، من العمارات أبناء سهيل ، من شعب بشر ، من عنزة . وهم من سكنة الهدّار سابقاً . يتوزعون بين الكويت والبحرين والسعودية وقطر وتضم هذه القبيلة كل من اسرة الصباح الحاكمه في الكويت واسرة الخليفه الحاكمه في البحرين والجلاهمه في الكويت والبحرين والمملكة العربية السعودية
.ومن فروعهم :
- آل شاهين
- آل محمد
- آل عذبي
الجلاهمه: مسكنهم المنامه والمحرق والحد ويوجد لها خمس بيوت بالكويت وبيتان في قطر.......

ال بن علي البنعلي ومنهم الهتمي وهي من بني سليم وهم من اقدم من سكن البحرين وقطر.. وينتمون لحزب العتوب...ولهم صله قريبه بلمعاضيد حكام قطر
ومن فرعوهم: الغانم,البن هتمي آل بن طريف, آل بن مقبل، آل سلامة، آل طلح، آل سالم, ال سيف, ال فاضل

آل مسلّم مفردها مسلّمي ، فرع من آل حميد ، من بني خالد ، يقيمون في قطر وبرأس الرمان والمحرق والحد في البحرين والأحساء.
منهم " جبر بن محمد المسلم " من سكان الحِدْ في البحرين وله مجلس معروف إلى الآن.
وهم عشيرة صغيرة في قطر والبحرين ، وقد كان المسلميون كثيرين ومتنفذين في قطر ، حيث كان شيخ البحرين قد اسكن عدداً منهم حوالي سنة 1850م في الدوحة وذلك لموازنة نفوذ عشيرة السودان هناك ، وكان مجيئهم فيها يبدو من فويرط والحويلة ، وقد بنوا قلعة الدوحة الحالية التي عرفت سابقاً بإسم قلعة آل مسلم ، كما أسسوا حي الدويحة

المناعي: وهم المنانعة : مفردها ( منّاعي) ينتسب المنانعة إلى ( مانع ) ، وهو مؤسس الدرعية ومجدد بناء الأحساء والقطيف وقطر وعُمان ، وهو أول من بنى فيها القلاع المنيعة والحصون والأسوار ... ، كان مستقلاً بالأمارة سنة ( 850هـ - 1429م ). هاجرت القبيلة بعد حكم مانع إلى شرقي الجزيرة العربية ...
نسبهم ...
القول الأول ، أنهم من تميم .
القول الثاني ، أنهم من ذرية ( مانع ) المنتسب إلى آل علي ، من مسلم ، من عنزة.
آل بن عجمي ، ومنها "سالم بن درويش المناعــــــــي " شيخ المنانعة في البحرين. ومن أل بن عجمي....
مسكنهم في البحرين في قلالي...وقي قطر بفريج المنانعه وسلطه

الرميح: ومفردها رميحي قبلية عربية صريحه النسب وهم في الاصل من شمر وكانوا من سكان شمال الجزيرة وهذه القبيلة مقرها الرئيسي قطر والبحرين موطنها في قطر منطقة ام الماء بشمال قطر وفي البحرين بمنطقة جو وعسكر ويعتبر ابو عبود هو شيخ قبيلة البورميح

البوكوارة (الكواري) و واغلبهم ينتمون الى المشارفه وعزوتهم الاد مشرف ويرجعون الى بني تميم...في يسكنون المحرق الحد


الخليفات:مفردها خليفي... يعود نسبهم ال بني عبيده في اليمن...يسكنون حالة الخليفات


ال أسلطة مفردها سليطي ، وهم ذرية " سليط " واسمه كعب بن الحارث بن يربوع بن حنظلة بن مالك بن زيد مناة بن تميم..... والسلطة تتفرع إلى عدة فروع ، منها ( آل نصر,الحيي,الشاعر, الفضالــــه ) ... ، وفي قطر والبحرين أماكن تسمى بإسمهم ، فالأولى بها فريق أو فريج يسمى باسم القبيلة ، والثانية توجد بها ( حالة ) تسمى حالة السلطة.

الذواوده:مفردها ذوادي يدخلون ضمن بني خالد وجمعهم الذواوده.....مسكنهم في المنطقة الشرقية والجسرة والحد في البحرين وكذلك رأس الرمان ، شيخهم في البحرين محمد بن هلال بن عبدالله بن عيسى الذوادي. ولهم يبت او اثنين في قطر....

ال جودر: يعود نسب آل جودر الكرام إلى قبيلة الجبور ، انتقلوا من الجزيرة العربية إلى البحرين عام 1202هـ فسكنوا منطقة الجدور وهي منطقة بين قرية جو وقرية الدور ، ثم انتقلوا إلى المحرق ، ثم أنتقل جزء منهم إلى قلالي تحت زاعمة شيخهم محمد بن صالح بن فارس الجودر في عهد الشيخ محمد بن خليفة آل خليفة فروع آل جودر :
1) آل فارس .
2) آل خميس .
3) آل جمعة
لكبسه(كبيسي)هي قبيلة عربية يعود نسبها إلى الحارث من عبيده من قحطان...منهم العجاج والقطامي.
الدواسر: مفردها دوسري. يرجع نسبهم الى قبيلة الدواسر المعروفه والتي يرجع نسبها الى جذمي العرب(عدنان .. وقحطان... الدواسر في البحرين هم أكثر القبائل السنية بعد العتوب عدداً، وقبيلتهم هناك تعتبر الثانية بين قبائل البحرين من حيث الأهمية السياسية......يقال إن دواسر البحرين هاجروا من نجد تدريجياً باتجاه الشرق بعد أن قضوا سنين عديدة في الطريق عند جزيرة الزخنونية وأخيراَ وصلو إلى البحرين سنة 1845م
النعيم: ومفردها نعيمي: ترجع اصولهم الى الشام ومنهم حكام عجمان والبوشامس
وهم انساب ال خليفه
منهم:الجبر,الحيي,الهجن,الرمازين, المهنا. شيخهم من ال جبر.............ويسكنون الخليج بأكمله ولهم تواجد بسوريا والأردن وايران....وهم حكام عجمان..............

البوعينين : هم ابناء عمومة لبوعينين قطر والمنطقة الشرقية ( الجبيل ) بالمملكة العربية السعودية وهم غنيين عن التعريف والان هم يعدون من بني وهم من بنوا مدينة الدوحة ويسكنون مدينة الوكرة وهم من الصبيح من بني خالد ومنهم ال خاطر.......يسكنون بالبحرين المحرق

الزياينه: مفردها زياني.......والاسم كما يقال مشتق من كلمه زياينه وهو مكان قريب من مكه المكرمه.......جدورهم تعود الى بني خالد.........مسكنهم المحرق....اتو مع العتوب من البحرين الى قطر

الساده: مفردها سيد...وهم اشراف يعود نسبهم الى الى الحسين بن علي....ويسكنون الحد وبدوله قطر بالرويس...

العجمان:مفردها عجمي وهم من يام

هواجر: بني هاجر ( هاجري) وهم من شريف من قحطان

كعبان: مفردها كعبي...قبيله صغيره في قطر والبحرين تعود اصولهم الى واحه البريمي.....

الموالك(مالكي) ويرجعون الى بني مالك من جهينة من قضاعة

المضاحكه: مفردها مضيحكي...... يقال انهم من سلاله الضحاك بن قيس ملك العرب قبل الأسلام...يسكنون البحرين في البسيتين المحرق...يعملون على الصيد والطواشه

المعاوده: قبيله صغيره تسكن البحرين....وهم عرب من احفاد العنزه في نجد....يسكنون محرق

آل ضاعن: هي قبيلة صغيرة جداً من العرب في البحرين ، ويقال إنها انحدرت من شخص اسمه ( ضاعن ). لهم عشرة منازل في المحرق ، وقد اطلق اسمهم على أحد الأحياء فيها . وهم يمتهنون صيد اللؤلؤ

الجميري: عائلة القمرة أو الجميري من العوائل العريقة في مملكة البحرين هي تسكن في فريق القمرة وهو الحي الذي يسمى بسمها ويقع الحي أوالفريج في وسط المحرق بين فريق بن هندي المري........ وهم في الحقيقة ينتمون الجعشان من فخذ الكدادات من ال محمد من بني هاجر ولهم ابناء عمومتهم من الجميري الكدادات في ام الساهك والنيعرية في المملكة العربية السعودية والكويت وكبيرهم في ن(كلمة غير لائقة)يه الله يرحمه هو هادي بن محمد بن خليفة الجميري ال جعشان الكدادي ال محمد الهاجري وكان كبيرهم في البحرين سعد بن عمران بن نجم الجميري ال جعشان الكدادي ال محمد الهاجري.........................


مرة: (مري) وهم من قبيلة يام

الجناعات: مفردها جناعي....على صله مع قبيلة السهول في نجد.......مسكنهم المنامه


ومن العوائل العربيه........العريفي,بوبشيت,السبيعي,البو فلاسه,التميمي,النصف وكثير منهم.....

طبعا وفي الكثير من العوايل (القبايل ) ما ذكرتها .

في النهايه الكل المفروض يتفاخر باصله مهما كان لانه اصله

تسلم عالموضوع اخوي ويعطيك ربي الف عافيه

[غزالة البحرين]

وايد اجوف ناس هلون بس اول مرة ادري انه يسمونهم صية ... اصلا اول مرة اسمع هالكلمة :unsure:
بصراحة اللي يسوون جذي ما عندهم ثقة في نفسهم .. انا اتكلم عن اللي يقلدون غيرهم يعني.. اشحادك احين اتسلف و تاخذ قرض و كاله عشان هالسوالف.. و احس انهم يبون يلفتون نظر البنات بأي طريقة خصوصا انهم يدرون انه معظم البنات معجبين بهالفئة من الشباب :rolleyes:
عموما هالنوع من الشباب اللي يحاول يتظاهر بشي مو فيه ما يعجبني... احسهم اشخاص (مزيفين)...
:thnQ: على الموضوع أخوي

[AmoOona]

انا بعد وايد اشوف ناس يسون روحهم بدو بالغصب
يعني مو ضروري حلو ان الواحد يعتز بروحه
وانا ما احب اللي يحط عقال عوي وشعر طويل
شنو هالمسخره خخخخخخخخخخخخخخخخخ
ثانكس على الموضوع

[آخر حبيب]

اصلا تغيير اللوك مو معناته ضعف شخصيه الخ...
وكل واحد وكيفه .. واصلا الكل طايح في تطويل الشعر والغترة ....الخ...
لان هذي احين تقدر اتقول ((موضه)) مثل ما البنات لما ينزل لوك يديد يطيحون فيه ويسمونه الموضه احنا بعد الشباب عندنا (( موضه)) !! ومب كل مايسوون الشباب قلتوا يبون يلفتون انظار البنات هه هه

مشكور اخوي على الموضوع

[غزالة البحرين]

وانا ما احب اللي يحط عقال عوي وشعر طويل
شنو هالمسخره خخخخخخخخخخخخخخخخخ
ثانكس على الموضوع
انا بعد اتفق معاج في هالنقطة... اكره شي عندي لين اجوف صبي شعره طويل صج تلوع جبدي منه >_> و يطيح من عيني... و احسه بناتي :n:

[مخاوي الغربة]

لا تعليق
:shhh: :shhh: :shhh: :shhh:


شكراً على المشاركة أخوي
بس آنه ما فهمت شنو قصدك

[مخاوي الغربة]

نص القمر شكراً لج على المشاركة في الموضوع
وعلى طاري انج عدتي كتابة الرد مرتين ... تره آنه تمحى مرتين و انحط في المرة الثانية

وبالنسبة لردج ... احنه متفقين من ناحية ان مو كل من هب و دب يسوي روحه صية
بس المشكلة انه اللي آنه آقول انهم يسوون روحهم بدو يتصنعون الكلام بعد
فما يكفيهم انهم يعوون العقال بيعوون لسانهم بعد

[مخاوي الغربة]

بيبسي دايت انته الكشخة والله

واظن انه راينا واحد :y:

[مخاوي الغربة]

وعليكم السلام والرحمة أخوي راعي المعاني
الله يمسيك بالنور و السرور

الصراحة أذهلتني بهالرد الروووووووووعة و المعلومات القيمة :y:

تحياتي لك
مخاوي الغربة

[مخاوي الغربة]

غزالة البحرين شكراً لج على المشاركة في الموضوع

الصراحة ما عندي تعليق على انج أول مرة اتسمعين هالكلمة :walen:
وآنه أأيدج ان اللي يسوون روحهم جذي أشخاص مزيفين :y:

[مخاوي الغربة]

أمووووونة شكراً لج على المشاركة في الموضوع

وآنه اتفق وياج ان هالأشخاص اللي يقلدون البدو مسخرة

[مخاوي الغربة]

مشكور أخوي آخر حبيب على الرد

بس ما أعتقد انه تغيير لوك و بس
بس شكلك منهم أخوي :p

[مذهلــه]

حـــــــلاة الثــوب رقعتــه منــه وفيــه ..
اولا: حبيت اشكر اخوي مخاوي الغربة على الموضوع اللي يمثل شريحه كبيره من شبابنا ..
ثانيا: ودي اعبر عن اعجابي برد اخوي راعي المعاني وتجمعيه لهل الكم الهائل من المعلومات القيمه عن عدد كبير من عوايل وقبايل العرب ..
وبالنسبه حق الموضوع ..
فأنا اعتبره تخلف من الدرجه الاول وتقليد اعمى .. لان احنا قاعدين نجوف هالايام الشباب بمختلف اعمارهم واجناسهم يقلدون ويزعمون بأنهم ينتمون لأهل الصيـّه .. بتقليدهم بعوي العقال .. وركب الكروزر .. وتطويل الشعر .. واصطناع طريقه ولهجه مقاربه للهجتهم .. :n:
يعني اذا نلاحظ ان عيالنا الحين واهما صغار مايعرفون معنى صيـّه بس قاعدين يقلدون اللي يجوفونه من هالمناكر ..
وماعتقد ان الصيــّه موضه ..! انما تقليد للغير بسبب الفراغ يمكن وصغر السن واللاوعي ..
كلمه اقولها لكل الشباب اللي يتصنعون هالشي ..
صدقوني ترى .. حـــــــلاة الثــوب رقعتــه منــه وفيــه ..
ومهما سويتوا ومهما فعلتوا .. مــردكــم اصلكــم ..
واللي يتهــرب من اصلــه يقــط عمــره بحـر احســن لــه :p

[za3noon]

السلام عليكم ورحمة الله وبركاته


تسلم ياخوي على هالموضوع



المشكلة سلمك الله أن ذلين الشباب

أغلبهم من الفاشلين في الحياة



تلقاهم متخرجين من الثانوي عقب 5 سنين دراسه




ومايشتغلون



والمادة متوفرة




يعني بأختصار




سناطوين موقفة





وطبعا لما الواحد يعرف أنه خرطي





مشكلة عودة



لكن بعضهم يرجع لعقله


ويفهم أن الناس بالأخلاق مو بالأشكال


ومثل ما قال المصطفى -صلى الله عليه وسلم - : ((من بطأ به عمله لميسرع به نسبه )


أما سالفه الشعر الطويل


فهاي موضة قبيحة


يا تلاقي واحد ليييييييييييييييين

أو واحد غجري حددددددددددددددددددددده


لا وتلاقيه وصخ وحالته حاله



يازعم بدوي


ترى البداوة مو وصاخة وهباله


البداوة أصالة

والبدوي شاعر

حساس

أخلاقة عاليه


وين ذلين عن البدو


وبعدين ترى البدوى من سكن البادية


يعني اللي في البحرين كلهم حضر



بس أصولهم بدوية



أقصد بأصولهم يعني أجدادهم



من قبل 50-200 سنه





أما النياسين والكروزرات


صارت لزيمة للصيات


تعال لهم ويا البعران والخيول


خرطي ما يعرفون لهم







يا خوي أحنا نحتاج لشباب متفتحين


وفاهمين


مو مثل هالأشكال


مايرافجون ألا الصية أمثالهم

الديرة ناقصة تفجج


كل جم ألف نفر صاروا حزب بروحهم


لو فكرنا بشكل سليم



وساوينا الناس بعضهم ببعض

وخلينا مقياس الريال أخلاقه وعلمه


ذيج الحزة ممكن ننهض بأمتنا

ونرجع أيام عز العرب والمسلمين






الله يهديهم

[بن لادن]

والله كفيتوا ووفيتوا اخواني
يعطيكم الف عافيه :)

[بو جابر]

ما شاء الله على اخوي راعي المعاني ..........خوش معلومات

بس اقولك ......في البحرين مافي واحد اصله بحريني بدوي :d :p

[رفاعي عوالي]

والله صدقوني البدو الأصليين لما يشوفون هالمهازل يضحكون عليهم

[مخاوي الغربة]

اول شي لا شكر على واجب مذهلة
نورتي الموضوع بردج

ومرة ثانية أعبر عن شكري لراعي المعاني على المعلومات القيمة اللي ذكرها

وأتمنى من كل شباب نا انهم يستفيدون من نصيحتج

تحياتي
مخاوي الغربة

[بو جابر]

والله صدقوني البدو الأصليين لما يشوفون هالمهازل يضحكون عليهم

هههههههههههههههههههههههههههه

بتقولون لي جذاب اذا قتلكم جدي بدوي و لحق على الخيام :shhh: :shhh: :d

[بن لادن]

اخوي راعي الأكورد اقرا رد اخوي راعي المعاني عدل وبتعرف ان في ناس اصلهم بدوي ... ما اقولك اجدادهم بس اصلللهم يعني اصل قبيلتهم من اللي عاشوا في شبه الجزيرة العربية ..
تحياتي ..

[مخاوي الغربة]

وعليكم السلام ورحمة الله وبركاته أخوي زعنون

الله يسلمك أخوي

وآنه أوافقك في الراي ان هذي الاشكال من الفاشلين في الحياة بس معاهم مادة
والمشكلة انهم ما يقلدون البدو في الصفات الزينة ... ما ياخذون الا الصفات اوالمظاهر الخارجية بس

وبالنسبة للي بيرجعون عزة الأمة فما آعتقد انه بيكون من هالأشكال :n:


تحياتي ل زعنون
مخاوي الغربة

[مخاوي الغربة]

بن لادن شكراً لك على المشاركة

وآنه معاك في اللي قلته حق راعي الأكورد :y:

[مخاوي الغربة]

راعي الأكورد مادري اشفيك اليوم بس أتمنى انك تقرا الردود عدل وبالأخص رد راعي المعاني

[مخاوي الغربة]

رفاعي عوالي شكراً لك على المشاركة بس كنت اتمنى انك اتفيدنا برايك في الموضوع أكثر من جذي

[بو جابر]

بن لادن
اوكي انا ما قلت شي بس هذا اقول انه يعني اجداد اجدادهم مو مولودين في البحرين مولودين في نجد وهذي الي ابي اوصله اوكي انا ما اقولكانهم مو بدو..........

[راعي المعاني]

تسلمين مذهله وهذا واجب علي ..والصراحه ردج لا رد عليه كفيتي ووفيتي وانا اايدج في كل اللي قلتيه ونفس ما قلتي


حـــــــلاة الثــوب رقعتــه منــه وفيــه ..


يعطيج ربي الف عافيه


تحياتي ل مذهله

[Ne9 el GoMaR]

mashalaa 3alik ra3y el ma3any kafet oo wafet :rolleyes:

hehe oo ana agra el redod tethkrt shy..

tra mo shr6 kil wa7d 3ayletah mn ely thekrt-hum bdowy la2an fe nas tawhum 7a6eh lihum hal family name..!!

methal wa7da ma3ana alaah yahadaha bs..!!

3rj el bdow tawa wa9lha..!! thb7tna oo ehya ttklm yaza3m methlhum 3abalha fn

allah yahdeha bs

anyway thnx m5away :bye:

[prelude2.2v]

اي مشكور اخوي على هاي الموضوع

وانا املاحض مشكلة ثانية فيهم بعد

ايبين لك انة امقفل ......... باشرح لكم يعني شنو امقفل

يعني حاط في عقلة قفل ويتمشى

يعني مايفتكر في شي :@

ومايهزة شي :@

ولا اتحصلة صاف على شارع صخير

ومبطل اغاني بدوية قدييييييييييييييييييييمة

وحاط نوع العصاية على حضنة

وآخر شي تلتفت لا وهو ............ واحد من الخودموني.... يعني من الجماعه :$

على العموم خلوها مستورة

تحياتي :)

[AmoOona]

خخخخخخخخخخخخخخخخخخخ

حلوه خودموني
اي والله انا اعرف اشكثر ناس يتبرون من اصلهم ما اعرف ليش
الله يخلف عليهم بس :thnQ:

[رفاعي عوالي]

هههههههههههههههههه حلوه ذي خدموني
لا المشكله مو في اللي يغتر
الغتره و الثوب ستايل و أرز وايد على الريال من الجينز و الفانيله
المشكله اللي لما غترلك قام يتصنع لك و قام يعوي كلامه مثل ما يعوي عقاله
و ما بس ما عنده الا ياخيييييييييييييييييييي حننننننننه
في ناس اهمه اصل هلون
لكن في ناس بلعماله يعوون لسانهم و عقالهم
و هذي كلللللللله ACTTTTTTTTTTTTTTTT
البدو الأصليين رجال و أشداء
لكن ذلين المصتيين بتحطهم في خيمه في الصيف بقولووون وااااااااااااااي حرررررررر نبي AC الCruiser و اذا جافو عقرب او حيه في البر قامو و صاحو مثل النسوان

[مخاوي الغربة]

نص القمر ضحكتيني والله :d
هذي توها واصل لها العرج رفيجتج

:thnQ: على الرد الحلو أخوي بلريود
اتصدق آنه هذي الأشكال كلش ما أدانيها مولية

:thnQ: على الرد المشاركة رفاعي عوالي
بردت حرتي فيهم :d

[Ne9 el GoMaR]

لكن ذلين المصتيين بتحطهم في خيمه في الصيف بقولووون وااااااااااااااي حرررررررر نبي AC الCruiser و اذا جافو عقرب او حيه في البر قامو و صاحو مثل النسوان

looooooooooool 9a7 lsank :rolleyes:

[محرقاوي]

:thnQ:

[بحرينيه عسل]

انا مالي في هالسوالف :walen:

بس ييت اقرى الردود

مخاوي يعطيك العافيه على الموضوع


راعي المعاني ..
مشكور على المعلومات

[Dana]

قوة مخاوي

أولن تسلم على هالموضوع الحلو :) ..

مثل ما قالوا الي قبلي ذي بس حق الشو يعني الغالبيه تحب البداوه من جذي اهوا يقلدهم

لكن وينهم او وين البداوة

البدو عزوة و نخوة و سند و قت العسار

لين صار شي تلاقيه اول واحد يشرد!!


يعطيك العافيه اخوي :)

[مخاوي الغربة]

محرقاوي
مشكور أخوي انكرديت علي
بس مرة ثانية لين رديت على أي موضوع مرة ثانية رجاءً أخويس اترد عدل أو ما ترد من الأساس

بحرينية عسل
الله يعطيج العافية الشيخة ويشرفني ردج على الموضوع بس

Dana
الله يقويج الشيخة
شكراً لج على المشاركة في الموضوع
وصدقتي يوم قلتي ان هالأشكال لين صار شي تلقاهم أول نا يشردون

تحياتي
مخاوي الغربة

[مخاوي الغربة]

نعيد طرح الموضوع:biggrin23

[Mirage]

اخوي صيه :biggrin23
بس ماعليه ديون و لا شي
خووووووووووووووووووش صبي


و راعي المعاني الف شكر على المعلوومات :mf_wink:

[مخاوي الغربة]

عاد أخوج عزيييييييييييز ميراج:aa_crazy::biggrin23

بس ما عرفنا رايج:rolleyes:

[The General]

مشكور اخوي مخاوي الغربه على الموضوع :01:

[مخاوي الغربة]

العفو يبه الجنرال:biggrin23

[CaRaMeL]

خلووووهم على الأقل لين ياو بيكشخون, يكشخوون بثوب وغترة وعقال مب بجينز او برمودا وفانيلة

[مـــــلاك]

:Jumpy:

احلى رد عجبني "نعيد طرح الموضوع :biggrin23" خخخخخخخخخ :biggrin23


الله يسلمك اخوي مخاوي ..


انا ماحب الصيات (أو اللي يسوون روحهم) :biggrin23 ..

فـ ..

يفضل ان يكون فلكسبل في جميع الحالات و المناسبات (التغيير مطلوب) :biggrin23


يعني احب ستايل اخوي ..

شعر خفيف .. لحيه خفيفه .. او بدون لحيه .. او سكسوكه خفيفه :biggrin23 ..

يلبس الثوب والكبك كشخه .. الغترة بيضة او حمرة جفنجي (تعجبني هذي) أو اي شي غير :biggrin23 ..

والعقال ملكي .. النسفه عجيبه .. الغتره فيها نشه مادري شسمه بس مو يابسه وايد عشان ماتوقف :biggrin23 ..

جنه مابقى شي ماقلته :biggrin23 ..

امبله .. الغتره مقاس 58 خخخخخخ ..

المهم .. وشحلوه يصير اخوي .. كأنه شيـــــخ :biggrin23


بس تعال جوفه من وراء الكواليس ..

كل فانيلات مانشستر وبرشلونه وPull and Bear وزارا وهالسوالف الكاجوال خخخخخخخخ :biggrin23


امممممممممم اللي ابي اوصل له ..

ان الثوب والغترة احلى على الصبي .. لكن مو على طول كل كل كل ثوب وغترة :rolleyes: ..


يعني مثلاً ..

تروح مكان عادي مافيه شي .. فريج .. بحر .. مباراه .. القعده العاديه مع الربع << البس كاجوال أو ثوب :biggrin23

بتروح طلعه مع الربع أو مع الأهل .. أو زيارة حق الأهل .. أو مناسبه .. أو عزيمة << البس ثوب وغترة (العقال سيده) :biggrin23


هذي رايي المتواضع .. والحمدلله اخواني طلعوا فلكسبل :biggrin23


سامحني على الاطاله .. ومشكور ياشيخ القبيلة على الموضوع :biggrin23

[مخاوي الغربة]

انزين كرمل كلنا نكشخ بثوب وغترة و عقال

آنه مب قصدي على جذي بس ذيلين غير

[مخاوي الغربة]

ملاك

:biggrin23ههههههههههههه:biggrin23

;);););)

كلامج صح 100% وآنه وياج في كلمة قلتيها والصراحة هونتي علي شوي لأن الردود أغلبها ضدي

وأهم شي العقال سييييييييييييده:biggrin23

لأن اللي عقاله عوي مخه عوي بعد:aa_crazy:

[بنت@@@القبايل]

مهما يلبسون و يسوون القبيلي قبيلي معروف
من كلامه و افعاله و سلومه

اما المتصنع مكشوف امره و مفضوح

و على قول المثل با زيد معروف

يعني لي شفت واحد يتكلم و هذرته زايده و يقول حنا عيال قبايل تلقى الاخ الا ....
اما القبيلي معروف بين هله و ناسه و مايحتاج يقول الا اسم قبيلته

انا ماني متعصبه بس ماحب المتطفليين

و للأسف احين في ناس راحوا المحكمه و غيروا اسمائهم و انتسبوا لقبايل تلاقيهم كانوا يشتغلون عندهم
يعني من الاخر اختلط الحابل بالنابل

[مـــــلاك]

خخخخخخخخخخخخخخخخ

عجبني المثل الأخير :biggrin23



الحمدلله ان في ديرتنا .. واللي اهيه جزيرة المحرق .. معضم الشباب عاديين ومايسوون روحهم صيات :rolleyes: ..

وحتى لو كانوا من عايلات العرب .. بس بعد شكلهم ولبسهم يكون عادي ومتواضع ومافيه اي تصنع :rolleyes:



اخوي مخاوي .. قط مرة سمعت بمحرقي يسوي روحه صيه؟؟ :rolleyes:

انا ماسمعت ولاجفت ان في وايد محرقيين .. بس سمعت ان في مناطق في مملكتنا مشهورين فيهم :rolleyes:




اما لو صج في محرقي .. مطول شعره لي جتوفه .. وعقاله عوي .. وميود خيزران .. وراكب له بيكب نيسان :biggrin23 ..

احس لو يجوفونه شباب المحرق الطيبين جداً .. ببهدلونه وبيحطون عليه وبخلونه نكتة الموسم :biggrin23

[مخاوي الغربة]

اي والله اختلط الحابل بالنابل:boz:

[بنت@@@القبايل]

ترا هالمثل ينقال في هالموقف بالذات :mf_wink:

[مخاوي الغربة]

ملاك

الحمدلله ان في ديرتنا هالأشكال ذي قليلة بس تره اهيا موجودة فعلاً

وفي بعض الشباب مال محرق عندهم نياسين بس ما يتصنعون مثل ذيلاك

انا ماسمعت ولاجفت ان في وايد محرقيين .. بس سمعت ان في مناطق في مملكتنا مشهورين فيهم

وين قصدج ؟؟؟:shhh:

مادل آنه:lol: .... وين تصير ذي المناطق:aa_evil::ANSmile30:biggrin23

[بنت@@@القبايل]

انا اعرف يعني على قولتكم خدموني و ساكنين في الرفاع

تدرون الرفاع الشرقي مليان خدموني بس زين ان الديوان هالسنين مايسمح ببيع ارض الا عن طريقه

[مـــــلاك]

مافيها شي اذا خدموني ولا عجم ولا هوله ولا عرب سكنوا في نفس الفريج ولا المنطقة ..

"لا فرق بين عربي واعجمي الا بالتقوى"

موحلوه نجوف روحنا ان احنا احسن من احد غيرنا .. خصوصاً ان احنا كلنا اعيال ديرة وحده :)

[مـــــلاك]

مخاوي .. شتقول .. ماسمعك .. اهم شي ان تصير عقب جسر الشيخ عيسى :biggrin23

[مخاوي الغربة]

خخخخخخخخخخخخ:01:

لاتحاتين آنه طفت الجسر والخليج والبحر الأحمر بعد:aa_crazy:

:biggrin23:biggrin23:biggrin23

[CaRaMeL]

أهـــا.... قصدك ان أصولهم مب عربية... ومع ذلك يسوون روحهم بدو

هو غلط... المفروض الواحد يعيش حياته طبيعي ويفتخر بأصله

بس على الأقل يوم ياو بيتشبهون تشبهوا بشي عدل

أنا اللي يقهرني لين شفت عيال عوايل عربية أصيلة يلبسون لهم بنطلونات وسلاسل ويتشبهون بـ 50 سنت وطخته ويكرهون في روحهم

[ChunKy]

شيي الموضوع :Jumpy:


تسلم راعي المعاني على الرد الي سكت ناس :aa_crazy:

في ناس اتميل العقال 180 درجه يمين لووووووولي بش بش .. انا ماخليه سيده .. احس روحي مذيع .. لول .. اعدله شوي يمين يعني مايتلاحظ بس انا الاحظه ..

امممم بعد حبيت اقولك .. ترا في الاساس كلمة صيه هاذي توها متواجده يعني مب من قديم الزمان :aa_crazy:

والحمدالله والشكر على التصنع .. ياما ناس جتوري صارت شحالك لوووووووولي بش بش ..


امم وعن الستايل يعني .. انا ساعات ثوب غتره .. ثوب حمدانيه ثوب كاب .. جينز .. بدله !! يعني اغير !! :p شعر طويل صارت مره بس مب طويل نفسهم .. شوي عن خاطري :aa_crazy:


تسلم على الموضوع .. ونص القمر .. اهم شي الرنج روفر :01:

[Emany]

الصراحه انا وحده ماشتهي الصيات .. والا الغتره مادري جم طولها!! :Jumpy:

خل يطولون شعرهم معلي مافيها شي.. بس شله العقال عوي؟ :walen:


زين أنا خبري في البداو مايروحون مولات وبوكواره ولا مكان؟ لكن هذولي بكل مكان تلاقيهم!! يا سبحان الله :unsure:

عاد صج أحلى شي إذا تجوف صيه جوكليت :_giggle:

هاي راي وبكل صراحه عنهم!! مادري شله يتصنعون والا غصب يبون يسوون روحهم بداو!!

وعن ستايل الشباب أحلى شي عليهم كاجوال والا بدل.. >> ماتحب الثوب :shhh:

تانكيوووو مخاوي

[Mirage]

مادري انتوا شعابلكم الصيات
ايماني الصيات مب غتره طويله و العقال و عوي و شعرهم طويل

و ليش يعني البدو مايروحون مولات و البوكواره
حلاال على الغير و حرام علييهم
عادي حالهم مثل حال باقي الناس:mf_wink:

[Emany]

ميراج..

الصيات حالهم حالنا اي.. بش شله يتصنعون؟

وبعدين هاي مجرد راي شخصي.. ومب شرط رايي يكون مثل رايج!! :)

[Mirage]

احترم رايج الشخصي

بس على العموم الي مايعرف الصيات اقوله
الي مايعرف الصقر يشويه :biggrin23

[رفاعي عوالي]

خخخخخخخخخخخ
نعيد طرح الموضوع حلوه ذي

مثل ما قلت في ناس اهمه اصلهم هلون متعودين من ما اهم صغار على هالسوالف

لكن في ناس ماخذه السالفه موضه و رجوله

واحد قزر و هو صغير يسمع انجلينزي و يتكلم انجلينزي و يحك الشنب و يلبس سلاسل
و احين تشوفه عاوي عقاله و خيزرانته في يده


و تعقيب على حجي ملاك اقول ان اكثر الصيات المتصنعين اهمه من المحرق
و ثل ما قال الجنك تبين الدليل اخذيلج فره صوب الفورمولا و حوفي النياسين و جوفي وين يتجهون.

[رآعـيـة الـنـآقـه]

صيـــــــــــــــات :blush::blush:

خخخخخخخخخخخخخ .. حدي احبهم :rolleyes::rolleyes:

واكثر شي الاريل اللي حطونه اللي واصل السما .. ;)

[بنت@@@القبايل]

رفاعي عوالي

بقولك انا اشوف صبيان لمحرق مهب صيات و لا يطولون شعورهم و بعدين لمحرق فيها عرب و قبايل كثير مفكر ان لمحرق خاليه منهم

عندك البوكواره و المنانعه و البن هندي و المعاوده و السلطه و النعيم و المسلم و البوفلاسه و فيها دواسر بس كمن بيت يعني انا اللي اعرفهم 3 يمكن و كثير كثير من العرب

يلبسون غتره و عقال نعم بس عقاله عوي لا حشا ماشفت

و هذي الظاهره انتشرت في الجامعات ذي يطالع ذي و هلم جره


و عن الاخت اللي قالت ليش يعني مايصير يسكنون في فريج واحد : مخاوي الغربه كان يسأل وين المنطقه و انا رديت عليه بس هذا الموضوع كله

[مخاوي الغربة]

جنكي

مشكور على ردودك أخوي بس سا ريت ترتقي لمستوى الحوار وتحترم آدابه:aa_grr:
أخوي راعي المعاني ما سكت أحد برده في الموضوع ... بالعكس رده كان يتفق معاي في أشيه وايد ويا ريت ترجع تقرا الموضوع من البداية لأنك فهمت السالفه غلط شكلك :rolleyes:

ايمانيييييييي
مفهومج تره غلط
مب كل واحد لابس غترة وعقال يعني صية
لأن احنه أصلاً الثوب والغترة والعقال أصلنا وهذي لباسنا من زمان وما فيها شي اذا غيرها ولبسنا الجينزات و ..... الخ

رفاعي عوالي
كلامك حلو ... بس آنه ماشوف انه هالأشكال من المحرق ... آنه ما انكر ان محرق فيها بس الغالبية العظمى من الرفاع

الـ ش ـريرة
الحمدلله والشكر:rolleyes:
ترى العقل زينة يمه:biggrin23

ومشكورين على التفعل مع الموضوع

:bye:

[ChunKy]

هي الحبيب .. محترم اداب الحجي قبل مادش موضوعك يالحلو .. ف رجائا جوف انت الي تقوله وسط موضوعك عشان تجوف ردي جذي .. مب ياي من نفسي واكتب الحجي ... يعني اشكره انت وملاك تقصدون الرفاع .. !! معروفه يعني .. بس رديت عليك براي واذا مب عاجبك جان ماطرحت الموضوع لأنه اكيد بهالموضوع بتقبل أكثر من راي وفي راي انت ضده وفي راي انت معاه ;)


وحياك الله يامخاوي الغربه .. :_Salam:

[ChunKy]

بنت القبايل .. اي محرق مب صيات ولا الرفاع صيات .. يعني تبون نلبس جينز وسلاسل جنه الله يعزكم جلاب نمشي وكبوس على صوب و مانقول السلام عليكم ونهلي ابعض ب كلمة واتس اب وحركات ؟؟ تبين الصراحه انا هاذي الي اجوفه في محرق .. يعني مو كلهم بس في جزء .. حتى الرفاع في جزء .. في كل مكان يعني .. وانتو شغالين على العقل والغتر .. :Jumpy:

[مخاوي الغربة]

الله يحييك الجنك

أخوي ما طرحت الموضوع الا آدري انه بتصير نقاشات وطرح لمختلف الآراء
بس هذي ما يعني انك تغلط على أهل محرق

آنه وملاك ذكرنا انه أغلب الصيات من الرفاع بس ما غلطنا على أحد
وأهل الرفاع على عيني وعلى راسي

انت قلت ان أهل محرق ما عندهم سنع في ردك
وماعتقد ان أي أحد عنده سنع بيقول هالكلام

:aa_grr:

[بنت@@@القبايل]

جنكي شفيك الله يهدالك الا تقلب الكلام !!!!

انا قلت خل يلبسون جينزات و تي شيرتات و سلاسل

من الافضل ان تقرا بتروي

انا دافعت عن المحرق و قلت ان فيها عرب و قبايل
و بعدين من قال اني ضد الغتره و العقال اصلن هذي سلوم العرب !!!!

:bye:

[ChunKy]

حبيب قلبي انا ماغلطت انا اقولك راي انه اهل محرق من فئة الشباب مب كلهم .. اغلبهم قرديه !! :biggrin23

ومايعرفون سنع اهل البحرين ...



واذا انتوا تسمون اهل الرفاع وحركاتهم صيات في هذا لانهم اغلبهم ينحدرون من اصول عربيه بدويه :bye:

والكل يطالعهم ويتشبه فيهم :mf_wink: مادري ليش تصدق :biggrin23

لكن الغريبه ان في مجموعه من اهل لمحرق وهم اهل الغوص يتشبهون بالبدو وهم مالهم اي عرج بالبداوه :rolleyes:

بنت القبايل .. الله يهداج دافعتي عن محرق ؟؟ جيف قالب حرب عليها انا .. :aa_crazy: .. فيها قبايل وفيها بيسر وفيها وفيها :shhh:

[ChunKy]

اي نسيت ارد على كلامك مخاوي

انت قلت ان أهل محرق ما عندهم سنع في ردك
وماعتقد ان أي أحد عنده سنع بيقول هالكلام

يعني تقصدني انا ماعندي سنع عشان جذي قلت الحجي ؟؟ لوووولي بش بش.. ادرسك من الدرس الاول لي اسويلك امتحان نهائي في السنع .. ف ياريت يعني لو اتكرم وتصك هالباب :bye:


وفديت قلبك لا تشيل بخاطرك على الحجي مجرد حوار حاد :victory:

[مخاوي الغربة]

لا أخوي آنه آشوف انك تخطيت حدودك واقصر الشر لا اييك الكلام السنع

[ChunKy]

:shock2:


الله يسامحك .. :rolleyes: ... ليش يعني كلام الحق يزعل ؟؟ يعني انت قاعد تقولي اني انا ماعرف السنع عشان جذي قلت .. لوول؟؟؟ مخاوي يبا كله موضوع حوار قلتلك لا تشيل بخاطرك .. و حلوه منك الكلام السنع .. :biggrin23


الظاهر ماتعجبك الردود الصريحه :rolleyes:

[ChunKy]

http://bahrainvip.com/vb/images/smilies/rofl.gif مخاوي عصب لوووووووولي بش بش http://bahrainvip.com/vb/images/smilies/rofl.gif

[مخاوي الغربة]

ويسامح الجميع

[ChunKy]

:boz: بدا يحاجينا من طرف خشمه :boz:

[بنت@@@القبايل]

جنكي

زين انك قلت ان في قبايل في المحرق :_Salam:

و دل العرب و القبايل الكرم و السنع فعلاً و قولاً

فشلون تجي و تناقض نفسك و تقول ان لو واحد من المحرق و جاه ضيف مابيعرف يقلطه و يقهويه

على ذلك لازم تقول بعض من هل المحرق مايعرفون ذي الشي

مو المحــــرق كلهاا

و بعدين شكثر هوله في الرفاع من قال كلهم عرب

[ChunKy]

وشدعوه محرق اولها واخرها عرب الحين .. :biggrin23 .. بس اعطيج مثال على الاغلبيه الي في محرق يعني .. عشان مثل ما مخاوي وملاك ينقزون على الرفاع لازم نقول احنا بعد .. حلال عليهم حرام علينا ..


وصح معاج الحق انا عميت ماخصيت .. بس المفهوم يعني انه اغلبيتهم .. :_Salam:


احم بس بقولج تقولين شدعوه الرفاع عرب.. كفايه الحكم فيها ;)

[بنت@@@القبايل]

اضف لمعلوماتك ان الحكم في البدايه كان في المحرق :mf_wink::mf_wink:

واذا قريت تاريخ البحرين بتلاقي الحروب اللي قام فيها الفاتح كانت بمساعدة المنانعه و الجلاهمه و هم من المحرق
و كثيرون ماذكر اساميهم و اذا تزور المحرق بتشوف قصورهم موجود لحد الآن :_Salam::_Salam:

[مخاوي الغربة]

أخوي أصل الحكم كان محرق وليلحين في شيوخ في محرق وهذي مب موضوعنا

والرفاع مب كلها عرب يبه... أصلاً اهي متروسه هوله وسوريين وأرادنة:biggrin23

ولا تييب حق روحك الكلام

[بنت@@@القبايل]

مخاوي الغربه و جنكي

نبي اسلوب ارقى من جذي

هذا حوار ولازم نحترم بعضنا عشان نقتنع بوجهه نظر كل واحد

مافي داعي للأساليب 0000 اللي مهب حلوه

[بو جابر]

كلنه عيال ديره وحده اسمها البحرين :bahrain:

[مخاوي الغربة]

ما تشوفين شيقول :999:

[ChunKy]

:aa_crazy:لوولي بش بش .. ندري انه الحكم قبل في محرق ... شدعوه قايلكم انا سوري


ودرينا اليلاهمه ومادري من ... على العين والراس ..


بس يقولك المثل الجنكاوي ... نحن الحاضر والمستقبل والباقي يتغنى بالتاريخ ;) ...


احم واضيف لمعلوماتج بنت القبايل .. بيت عيسى بن علي :biggrin23 الي كان فيه الحكم وهاذي الي تقصدينه ؟؟ ههه لعبنا فيه :bye:

[ChunKy]

قلعة احمد الفاتح في الرفاع ;)


والحكم انتقل من محرق " المحرقه قديماً " الى الرفاع " رفيعة الشان " بسبب المكان الافضل للحكم :rolleyes:

[بنت@@@القبايل]

و غيره يا جنكي

عيسى بن علي

و بيت العنود زوجة سلمان اللي ماجابت منه ذريه

و ابراهيم بن محمد

خليفه بن علي اللي مجلسهم احين يبونه هل قطر " نولد في محمد بن جاسم "



و الكثير

[راعي المعاني]

يا جماعه طلعنا من موضوع الصيات اللي كان هو صلب الموضوع الى موضوع محرق والرفاع ومن يسكنهم وجم عربي يسكن الرفاع وجم عربي يسكن المحرق والهوله وعقب دخلتو في اشياء ثانيه يا جماعه شوفو روحكم انتو بحوار راقي لا تنزلون لهذي النوع من العصبيات ,,,,


بعدين ملاك غلطتي اختي يوم قلتي ما شفنا احد يصطي بالمحرق كلهم من خارج المحرق ومن يصير خارج المحرق غير الرفاع يعني هل المنامه او المدينه يصطيوون فالقصد كان عن هل الرفاع , انا ما ادافع عن حد لحساب حد لكن ليش نتعصب لاشياء مثل هذي وننسى انه احنا بالنهايه بحرينين .


اختي بنت القبايل الحمدلله العربي يعرف روحه وهذي عاداته وتقاليده اللي تربى عليها فما في داعي تقولين الرفاع فيها هوله لانه الهوله بكل مكان بالبحرين واحنا نعتبرهم اخوانا وما ننتقص من قدرهم ابدا فاسلوبج كان فيه انتقاص لحقهم ( الرفاع فيها هوله ) وفي اعضاء كثيرين هوله فما اعتقد ان هالشي صحيح وما في فرق بين عجمي وعربي الا بالتقوى ...


الحمدلله عربي وافتخر باصلي بس ما يمنع ان الهوله بعد يفتخرون باصولهم كل انسان يفتخر بنفسه .



وان اناشد الاداره توقف الموضوع اللي طلع ما بداخل الناس من غل و طيح اقنعتهم ومجاملاتهم ,,,


والله المستعان