@ بزنــــــس @ [الأرشيف]

مشاهدة النسخة كاملة : @ بزنــــــس @

عبداللهEngineer

25-02-2005, 01:08 PM

السلام عليكم ورحمة الله وبركاته

مرة كنت قاعد مع الربع وفتحت لهم سالفة التجارة، وقلت لهم احنا لازم انسوي شر اكة بينا ونتاجر في

مشروع، يوم حسبنا راس المال اللي بيصير عندنا يعني تقريباً 1500 دينار، بس ما لقينا مشروع مناسب...

بغيت رايكم، شنو المشروع المناسب، واشتنصحونا انسوي؟؟؟

prelude2.2v

25-02-2005, 01:17 PM

مشروع حلو

واذا كنت اتحب السفر احلى

1-سيارات من الشارقة :y:

رفاعي عوالي

25-02-2005, 01:25 PM

اخوووي ممم مادري والله يبيلهه قعده

سوو لكم محل يفرمت كمبيوترات و يحط سوفتووير و هالسوالف

PHANTOM-02

25-02-2005, 01:27 PM

هممممممممممممم

ما ادري و الله

بس الله يوفقكم

عبداللهEngineer

25-02-2005, 02:52 PM

prelude: فكرة جيدة، بس ما اظن انه الببيزات تكفي...

رفاعي عوالي: بعد فكرة المحل زينة،بس جنه بعد يبيلها أكثر، احنا نبي شي على قد اللي عندنا الحين...

Phantom: تسلم اخوي على دعائك لنا، والله يوفقك انت بعد ;)

تسلمووون على المشاركة والتفاعل...

Ne9 el GoMaR

25-02-2005, 02:54 PM

:$ ma3ndy fkra

sowwy enshalah el bagy yfedunk

بيبسي دايت

25-02-2005, 02:57 PM

;) محل تكه في الكويت
عشان يفكونه ايوون اهني جنهم متخرعين مساكين ماشايفين خير :p

Dana

25-02-2005, 03:23 PM

عليكم السلام ..

هلا و غلا اخوي :)

انة سمعت تفتح لك محل مال عقارات واايد يدخل فلووس شغل عدل

يعني انت وربعك تحاططوا و فتحوا لكم محل جذي

انشالله قدرت افيدك :$

Ne9 el GoMaR

25-02-2005, 03:24 PM

dana 3aqarat waied yabelah flus

prelude2.2v

25-02-2005, 03:37 PM

اذا كنت زين في التصميم

افتح لك محل
و وحط لك كمبيوتر وصمم لك اعلانات

عبداللهEngineer

25-02-2005, 03:43 PM

نص القمر: مشكورة اختي على المرور، واذا لقيتي لنا فكرة مناسبة طرحيها ;)

Dana: فكرة العقارات وايد حلوة ومربحة، وانا كنت افكر فيها حق بعدين لأنه يبيلها وايد فلووس مثل

ما قالت اختي نص القمر، احنا الحين ندور مشروع يناسب راس المال اللي عندنا

تسلمووون على المشاركة والتفاعل...

بحرينيه عسل

25-02-2005, 08:51 PM

اممممممممممممممم

ماعرف بس محل يفرمت الكمبيوتر اوكو :y:

و ان شاءالله اذا احتجنا شي كله بنطيح عندكم و بنسوي لك دعايه حق الكل شتبي بعد :p

Ms. VIP

25-02-2005, 08:57 PM

محل DVD :y:

بتنجح الف مليون % ..

عاد لي نسبة لاني صاحبة الفكرة :p

عبداللهEngineer

25-02-2005, 10:22 PM

مشكورين على المرور والمشاركة...

أفكاركم حلوة بس يبيلها...

يعني خل انقول انه المحل ما نقدر عليه حالياً، يعني الشغل ايكون حر بدون محل...

شنو ممكن انسوي بدون محل؟؟؟

Nancy

25-02-2005, 11:24 PM

cafe unique..

غزالة البحرين

26-02-2005, 01:34 AM

و انا مع اللي قبلي بما ان انت مجالك الكمبيوتر فهاي الشي وايد زين او تسوون محل حق تلفونات :)
و بالتوفيق مقدما :bye:

s3oodoo

26-02-2005, 01:46 AM

اخوي عبدالله ما ابي احبطك اول شي و لا تفهمني غلط :) و بتتذكر هالنصيحة بعدين انشالله :)

طبعا هذي تعليقي على افكار الربع...

1. سالفة الشراكة فيها نسبه غلط اله اذا كانت فيها قيود و ضمانات.

2. سالفة السيارات من الإمارات يبيلها تعب و خبره في السيارات عدل ... اكيد سمعت عن بعض مشاكل هذي السيارات.

3. محلات الكمبيوتر منتشره اكثر من البرادات و المنافسه صايره شوي مو حلوه يعني لو قلنه انت انت بتخلي الرسوم 5 الى 10 دنانير! بيك محل بيسوي الفورمات و السوفت وير بحوالي 3 دنانير! بس علشان يكسب الزبون!

4. محل العقارات فكره حلوه بس يبيلكم تشتغلون تحت احد تثقون فيه و تاخذون منه خبره على الأقل سنه وحده و تشوفون اذا الموضوع يستاهل انكم تدخلون هالمجال او تشوفون لكم شي احسن.

5. تصميم الإعلانات فكره حلوه و فيها خير يبيلك فريق تسويق شاطر.

6. محل الDVD يربح اذا عرفت وين تفتحه بس راس المال مو اقل من 4000 الى 5000 دينار.

7. كوفي شوب يونيك يبيله راس مال مو طبيعي .. اذا شي يونيك ستاندرد مو اقل من 30000 و اذا راقي من قلب يوصل 70 و 90 الف ... و الكافيات شاحنين الديره يعني لاتنسى انك لازم تقدم شي اهم مايقدمونه..

و بالنسبه حق نصيحتي مثل ماقلت لك لو بتدخلون قطاع العقارات بتكونون وسطاء يعني تشتغلون بالعموله و عن التصميم مثل ماقلت تشتغلون تسويق و تحصلون لكم شركات تتعامل معاكم ...

اخوي هالكلام اللي قلته لك نصايح و اذا بغيت شي زود حاظرين مابقولك هالكلام عن خبره بقوله لك عن معرفه :y: و يعطيكم العافية و الله يوفقكم

اسف على الاطالة :shhh:

s3oodoo

26-02-2005, 01:49 AM

تعليقي على رد غزالة :p

8. محل التليفونات سالفة مو مربحه طوفو فره جد علي او عراد او المعارض او بوكواره حسبو جم محل في الصفة :rolleyes: لي درجة انه في بوكوارة 3 محلات في نفس البناية :rolleyes:

ادري وايد احب اهذر :p

مـــــلاك

26-02-2005, 03:39 AM

هلا والله اخوي عبدالله ..

اعتقد انكم لازم تجوفون اذا في احد منكم يقدر يبدع في شغلة ويخليها متميزة عن الباقي في حال في منها من قبل :)

انا عن نفسي عندي مشروع في بالي محد سواه من قبل .. اهوه جزء من حلمي واهدافي ومخططة حق كل شي له من الحين .. سألت ونظمت كل شي في مخي وعرفت شلون باطبق هالشغلة والصعوبات اللي بواجها وراس المال اللي باحتاجه مع المصاريف .. بس ماباقي الا اشتغل عشان اطبقه ;)

اخترت هالمشروع لأني احس اني اقدر اييب افكار يديدة وحلوة فيه عشان جذي معزمة عليه ;)

واذا حبيت اقولك عنه .. اقدر اتواصل معاك بالرسايل الخاصة :)

احين بيقولون .. صج بنيه مادري اشعدالها :p
تحياتي لك ..

غزالة البحرين

26-02-2005, 04:09 AM

خخخخخخخخ سعودو طلعت مو سهل بس عيل اذا الخبراء تحجوا احنه نسكت...
الله اييسر امورك اخوي عبدالله :)

s3oodoo

26-02-2005, 02:04 PM

على فكره فيه بنوك تمويل تقوم بتمويلك براس المال بس بشرط ان البنك يستلم منك دراسة كامله عن المشروع بالتكاليف و الخساير و الأرباح و مده الدخول في فتره تغطية رأس المال و الأرباح يمكن تستفيدون منها طبعا فيها شروط بس السالفة وايد معقولة :rolleyes:

رفاعي عوالي

26-02-2005, 02:15 PM

اي سمعت ان بيت التمويل الكويتي يسوي هلون

عبداللهEngineer

26-02-2005, 02:40 PM

الغزالة: تسلمين اختي على الفكرة، احنا فكلرنا في التلفونات، انه نشتري ونبيع تلفونات مستعملة، وعندنا واحد انعرفه عنده محل، يعني بيقدر يوجهنا بس الشباب قالوا ما تصلح شراكة...

s3oodo: تسلم اخوي على النصايح، وبالعكس انا محتاج حق كل نصيحة، لأنه احنا ليحين في بداية المشوار، وفكرة بنك التمويل زينة عشان نحصل راس مال جيد، بس ما قلت لنا اشيصلح لنا الحين...

مـــلاك: والله شوقتيني عشان أسمع فكرتج...

مشكوووورين على المرور والمشاركة...

s3oodoo

26-02-2005, 02:53 PM

اخوي عبدالله اسمع فكره ملاك الحين لأن الفكره اللي عندي يبيلها راس مال مو صغير بنفيدك انشالله :y:

عبداللهEngineer

26-02-2005, 03:05 PM

:rolleyes: تسلم لي يا اخوي...

:thnQ: