رايكم شباب اذا ممكن؟؟!

[شهد البحرين]

السلام عليكم شباب شخباركم؟؟؟ <<< ترى الموضوع للشباب فقط بس عادي اذا البنات يلقون نظرة عليه هههه

المهم ندخل في الموضوع :)


بغيت رايكم في البنت الغير متحجبة... يعني عادي تاخذ لك وحدة مو متحجبة؟؟؟


يلة ننتظر رايكم :)

[طلال البحرين]

يعطيج الف عافية اختي شهد البحرين على الموضوع ..

بصراحه انا رايي الحجاب وايد مهم للبنية .. وخاصه انه يبين مدى تعلقها في دينها ..
وتتستر عن الناس .. ويكون احفظ للبنية من كلام الناس .. ويمكن في بعض الحالات القليلة اللي تشوف فيها الوحده اللي مو متحجبة اشرف من وااايد متحجبات .. بس انا بالنسبة لي مابي اتزوج وحده الا وتكون متحجبه وتخاف ربها ..

[طلال البحرين]

وبزيد على اللي قلته اذا كانت الوحده مو متحجبه بحجبها غصب .. :d

[Mercedes]

مشكوره اختي شهد على الموضوع :)

انا عن نفس مابي اتزوج وحده مب متحجبه ... شرطي الاساسي متحجبه وعارفه ربها ..

تحياتي ;)

[بو جابر]

بغيت رايكم في البنت الغير متحجبة... يعني عادي تاخذ لك وحدة مو متحجبة؟؟؟

انا رايي في البنت الغير متحجة ... مو كل بنت غير متحجبة يعني مو محترمه بعض الغير متحجبات احسن من المتحجبات و العكس صحيح .........طبعا انا راي ما اقول حق البنت الغير متحجبة انه غير محترمة...نطلب لها الهداية اما............من ناحية اني اخذ وحده غير متحجبة فان اقول لكم هذي في علم الغيب يعني مااقدر اقول اني باخذ وحده متحجبة .........لانه بعد كم سنة مايندره شنو بيصير لانه اشوف ناس وايد ما قامو يخلون بناتهم ما يلبسون الحجاب........وهذي ظاهر زادت في البحرين ...........بس طبعا اكيد انا عن نفسي الي اتمنها انه تكون قبل اي حجاب او شي ثاني اهم شي الاخلاق لانه المظهر اقدر اني اتفاهم معاها واقنعها .......صدقوني البنت ماهي بي الجمال ......اهم شي حلات الروح والاخلاق.....انا ان شاء الله فهمت وقصدي ....من الي ابيها اكيد بتكون متحجبة و بعد ذلك ان شاء الله البرقع :)

مشكوره اختي شهد البحرين على الموضوع

تحياتي
راعي الاكورد

[رفاعي عوالي]

آنه الصراحه اذا بتزوج البنت بتزوجها بأخلاقها و مو بحجابها
و اذا اهي تخاف ربها ليش ما اتزوجها (حتى لو مو متحجبه )
مردها بتتحجب
لأنها مادام تخاف ربها تعرف انها لازم تتحجب
بس ما فيها شي اني أتزوج وحده مو متحجبه

[سفوووج]

الحجاب مو دليل على الاخلاق

ساعات ويا الحجاب او بدونه ممكن تكون البنت اخلاقها رفيعه وممكن العكس

والشئ نفسه ينطبق على الشباب تلاقيه على الموضه لكن نذل واخلاقه لس :n:

الاخلاق فوق كل شئ سواء للشباب والبنات :)

واحترام النفس والذات والدين والتربية والاهل والعقيدة يكون بالاخلاق الحميدة :)

مشكورة شهودة على الموضوع الحلو :y:

[Marioma]

نبي موضوع للبنات :rolleyes:


"تبين تتزوجين واحد يلبس ثياب والا يغتر !!" :p

[عابر القارات]

انا عن نفسي ابيي متحجبه
وعلى قولة طلال البحرين احجب غصب اذا سفوور
يعطيج العافيه

مريوما <<< اخاف بس :walen:

[Marioma]

عابر القارات .. لاتخاف :rolleyes: :p :shhh:

[za3noon]

السلام عليكم ورحمة الله وبركاته



سلمكم الله الحجاب مو شرط من شروط ((( زعنونة )))


ولو أني أفضله


وبعدين ترى الحجاب قناعة وايمان (بوجوب الحجاب)


يعني أذا طلعة زعنونة مو متحجبة


ما بيغصبها زعنون على الحجاب



كل شي ممكن حله بالأقناع والنقاش




خلوني أحصلها أول


:aa_crazy::aa_crazy::aa_crazy:

[راعي المعاني]

الحجاب قبل اي شي هو صون للمراه ,,, (الحجاب قبل الحساب ) ,,

طبعا اخلاق المراه بحجاب او بدونه مانقدر نقيسه ومتفاوت بس البنت اللي تتحجب تحصن نفسها من آفات الدهر وغدره ونفس ما نعرف الزمن مايرحم ,,

الصراحه رايي تكون متحجبه ,,, واختلاف الراي ما يفسد للود قضيه

يقول الشاعر ناصر القحطاني

اتشحن بالسواد فتفردن بالبياض ,,, في رده على الشاعر المغربي اللي يستهزا بنساء العرب المحجبات ,,,

تحياتي ل شهد

[بن لادن]

آنة بتزوج وحده محجبه ان شاء الله ..
آنة ما اقلل من قدر الغير محجبات .. في محجبات ما شاء الله اخلاقهم من احسن ما يكون ..
بس الحجاب استر واحفظ للبنت .. وما اعتقد ان الأسلام بيفرض شي مافيه مصلحه ولا منه فايده ... والحشمة الله امرنا فيها لانها تبعد عن البنت وايد اشيا ومصايب .. حتى الشباب اللي ممكن يتحرشون بالبنات اذا شافوا وحده متحشمه ما بيقربونها .. صحيح على البنت نفسها وشخصيتها لكن كل شي الا الستر اهم شي الستر
الله يحفظ بناتنا ويستر عليهم ان شاء الله
وتسلمين شهد على الموضوع

[Sarsora]

مريومه ضحكتيني :p

[آخر حبيب]

الحجاب ستر حق البنيه وانا واحد مو ماخذ الا بنت متحجبه ..
هذي مو يعني ان اللي مو متحجبات اخلاقهم مو زينه !!
والله فرض الحجاب على كل مسلمه ..

[Ne9 el GoMaR]

أحم أحم..

أدري ان الموضووع حق الشباب.. بس عندي مداخلة اذا ممكن :$ ..

أول شي ثنكز شهودة..

و ماشاءالله على شباب منتدانا طلعو فاهميين..

و فعلا الواحد مو على شكله على اخلاقه..

بس الواحد الخلووق.. ليش مايكمل اخلاقه و يتحجب.. !!

يعني المتدين اكيد راح يعرف ان الحجاب فرض.. و الخلوق كلمة تنطبق ع الي يتحلى باخلاق نبينــا.. و يسوي الي قالنا عليه...

سو ليش ما يتحجب و يكون خلوق من برع و داخل...؟!؟!

ما ظن الحجاب راح يأثر ع شكل الشخص.. الواحد ينقاس بروحه و صفاتنه من داخل مثل ماقال راعي الاكورد...

يمكن احيين الي يعرفني.. بقول look whoz talkin..


بس انه عمري ماقلت ان الحجاب مو فرض و أنه مؤمنة انه واجب.. و اني راح اتحجب قرييب..

بس نصيحة للي يقولون اهم شي اخلاق الوحدة.. !! يعني لو صج اهي خايفة ربها و خلوقة راح تتحجب..

بس هذي الي حبيت اقوله ..

انشاءالله ماطولت عليكم :p !!

الله يهديـنــــــــــــــــــــــا ..


تشاوزاااااااااااااااات ،،
نص القمـــــــــــــــــــــــــــــــر:$..

[شهد البحرين]

مشكوررررررين على المرور :thnQ:

وفي انتظار آراء البقية :)

[الذيب الآسيوي]

اذا محترمة عادي اخذها ...
يعني كمبدأ بس انها غير متحجبة
وايام الخطوووبة بعد خلها بدوون حجااب احسن :p

بس اذا عرسنا بــاغشيها بعد مب احجبها :@


ثاانكيووو

[Bucheery]

انة مابي متحجبة

ابي وحدة كووووول :y:

[s3oodoo]

عادي ماتفرق عندي :rolleyes:

[الهوليه]

انه بعد ابي واحد محجب:p

[BU JaяяaH]

أولا مشكورة أختي شهد البحرين على الموضوع :y:

والله ياجماعة مثل ماقال اخوي سفوووج ان الحجـــاب مو دليــل على الأخلاق

بس أنا صـراحة ما ابي غير المتحجبة :lol:



تحياتي



Bu Jarra7"3rad

[الفارس]

اشكر اختي شهد البحرين على طرحها هالموضوع

بالنسبه لي الحجاب مو مقياس لاخلاق البنت ، في بنات متحجبات لكن مثل مايقول المثل

من فوق هالله الله ومن تحت يعلم الله ، اذا البنت متربيه وخلوقه وتخاف ربها فهذا الشي مايمنع

اي شاب انه يتزوجها و ممكن تكون زوجه اصلح من اي بنت متحجه شكلياً ، يعني حجابها بس

مظهر ، لكن بعد لحجاب اصون واحفظ للبنت من كلام الناس .

لازم البنت تلبس لحجاب عن قناعه ، وانه بدوري باحاول اقنع زوجتي واذا ماقتنعت على راحتها .

مع تحياتي ...

الفارس:y:

[الكوهجي]

مشكووووووره اختي شهد على الموضوع ..

الكل يعرف ان الحجاب فرض على كل مسلمه .. لان الحجاب استر واحفظ للبنت

بس هذي مايعني ان كل وحده مو متحجبه .......... :shhh:

بالعكسسس .. انا جفت مو متحجبات اخلاقهم احسن من بعض المتحجبات بألف مررررره :shhh:

:shhh: ونفس الشي حق الصبيان .. يعني مو كل صبي مو ملتحي = مو ملتزم ;)

و بس

:thanx2:
على الموضوع

[رفاعية كول على طول]

مريووووووووووومه انا ابي واحد مغتر ههههههههههههههههههههه

:y: :y:

[بو عيسى]

مشكورة شهد على موضوعج الحلو والمهم :thanx2::thanx2:

انا بصراحة عادي عندي سواء تكون متحجبة أو لا ,, لان الحجاب مو دليل على اخلاق البنية. :_breakfas:_breakfas

ياما وياما بنات متحجبين وهم ولا يدرون بالدين. :022::022:

يعني في الاخــــــــــــــــــــــير انا مايفرق عندي الاثنيــن.

Bu Isa 82

[جـــود البحرين]

الحمد الله المتحجبات في ازدياد ;)

بس النيه .. الله اعلم ابها ..

:thanx2:شهد البحرين