الهدايا

[الجنرال393]

السلام عليكم ورحمة الله وبركاته
زادت هاليومين المجاملات بين الربع بالهدايا اللي لها داعي واللي مالها بصراحة ...........

الهــــــــــــــــــــدية وسيلة حلوة تعبر فيها حق اي احد يعز عليك عن معزتك له او حبك له
لكن......................................

الشي لين زاد عن حده ينقلب ضده
الناس صاروا يسترون اسياء غالية ويتبادلونها مع انها فوق طاقتكم بغرض الفشار والمظاهر
ما اقول الا الله يعينهم

اتمنى اسمع رايكم بخصوص هالموضوع
ومشكورين....................................

[بنت عبدالعزيز]

مو بس عشان الفشار والمظاهر...
لان في بنات لما بنت تعطيهم هدية وماتعجبهم نوع إلي يستهزئون
ان وووويه شوفي هذي شنو يايبت لي هدية... ومدري شنو...!!
فوايد بنات احس يضغطون على نفسهم بس عشان ماينحطون في هل الموقف...

:akel:

[الجنرال393]

:thnQ: على الرد بس لازم انتوا كبنات اتقدرون ظروف بعضكم خصوصا ان معظمكم ما يشتغل

[مذهلــه]

الهديــه بمعناتهـــا مب بقيمتهـــا ..

واللي يفكر بطريقه ثانيه بعد .. الله يعينه :n:

[الجنرال393]

:3jeeb:
صح لسانج ومشكورة على المشاركة

[راعي المعاني]

انا مع قلم مذهله ورايها ,, الهديه ولو كانت كلمه يمكن تعبر عن اغلى الجواهر لو كانت نابعه وخالصه من القلب ,,, المهم بقيمتها المعنويه مو الماديه

تسلم على موضوعك اخوي الجنرال

تحياتي ل الجنرال

[الجنرال393]

السلام عليكم ورحمة الله وبركاته

انا اشهد انك سنااااااااااااااافي:thnQ:

[بنت عبدالعزيز]

هو صح إلي اتوقولنه... وهو الفروض طبعاً
بس الموضوع إلي طرحاه الجنرال ان ليش الناس يشترون اشيا غاليه فوق طاقتهم ... ألخ

وبعدين ساعات ناس ايبونلك شي غااالي...
و ما يعجبك ماترتاح.. ان تحـــــس ان مب من قلـب...!!

على عكس واحد ثاني يايب شي بسيط واتحسه من قلبه...
يعني حتى لو ماكنت اتحب الهديه (مثلاُ ترجيه برتقاليه وانتي ماتحبين هل الون) راح تستانسين وايد وبتحبينها.... :$

[راعي المعاني]

:bye: من طيب اصلك الجنرال

[شيخة الزيــن]

غلاة الهدية من غلاة اللي يايبها لي :$

[الجنرال393]

السلام عليكم ورحمة الله وبركاته
في هذي انا معاكم وصح لصانكم يا ( بنت عبدالعزيز ويا شيخة الزين) حتى لو يهدوني قرشة بيبسى مقام اللي يايبها ما راح ينقص اذا كان اصلا عزيز عليي

[مـــــلاك]

الغالي حق الغالي ;)

الصراحة ..
اهم شي الهدية تعجب الشخص اللي باهديها له وتخليه يستانس ..
حلو لما تعرف ذوق الشخص العزيز عليك أو الشي اللي بخاطره عشان تفاجئه فيه ..
هالشي بخليه يستانس اكثر وببين معزته عندي لأني يبت هالهدية لأني ادري انها بتونسه ..
لو كان الشي اللي بخاطره غالي .. احاول اييبه له لو يكلفني كل فلوسي ..
ووناسة الغالية تسوى اكثر من هالفلوس كلها .. ووناستي من وناستها :)

و الغالية شهد البحرين عرفت شنو تييب لي في عيدميلادي :d :y: :$

[غزالة البحرين]

والله الواحد هالايام صار يفكر الف مرة قبل لا يودي اي هدية لازم يحط في باله سعرها و شكلها و ذوق اللي بيهديها له عل و عسى تعجبه >_>
عن نفسي ما باهتم وا ادقق وايد في هالاشية خصوصا أنه ( كل واحد و ظروفه و الناس قدراتهم المادية تختلف عن بعض )... كفاية انه هالشخص فكر فيني و ييت على باله و تذكرني بهدية... مهما كانت بسيطة :$ :$ حتى لو كانت كلمة حلوة :$
و لو كان عندي شخص عزيز و غالي على قلبي وايد بحاول قد ما اقدر اني أخذ له شي يسوى و يستاهل صج انه التعبير عن الحب مو بالهدايا لكن اكيد كلما زادت معزة هالشخص و غلاته في قلبي باهتم في هالشي اكثر و اكثر :)

[شمـ البحرين ـوع]

اذا كان هذا الشخص عزيز وغالي عندي .. اكيد بهديه هدية غالية تعبير عن هذا الحب والمعزة .. بس طبعا الهدية بتكون حسب امكانياتي .. وبعدين الهدية في معناتها مو بقيمهتا ..