غلاء المهور

[الجنرال393]

السلام عليكم ورحمة الله وبركاته
السبب الرئيسي وراء تاخر سن الزواج بين الشباب الى جانب التعليم الجامعي طبعا هو غلاء المهور
والطلبات اللي تكسر الظهر اللي تطلبها العروس واهلها(مو كلهك)

بالنسبة للاهل فاقولهم يخففون على الشباب شوي والبنات كذلك لا يستغلون الفرصة ان الصبي شاريهم ويقصون ظهره من الطلبات.

فما ادري شنو رايكم يا شباب ( بنات وصبيان ) فيما قيل..................... المايك عندكم
ادري اني كتبت وايد فصيح بس عادي مشوا اللعب:lol:

[مذهلــه]

يعطيك العافيه اخوي على الموضوع ..

اظن ان متوسط المهور في البحرين يتراوح بين 1500 دينار الى 2000 دينار .. هذي بالنسبه لأكبر شريحه يمثلها المجتمع البحريني .. اما الـ High Class فنخليهم على صوب ..

يعني المفروض من البنت واهلها مايتشرطون على الريال .. ويكسرون ظهره بالطلبات والمهر اللي ماله داعي ..
يعني اهما مايبون الا راحة بنتهم وسعادتها .. فليش يخربون عليها بيدهم واهي بعد ليش تخرب على عمرها بيدها ..
يمكن الريال ماعنده .. وبيروح يتسلف من هني وهناك .. وبيمع على روحه اقساط مالها اول ولا تالي بس عشان يرضي البنت واهلها ويطلع العرس بالمستوى المطلوب واللي يتمون يتحجون عنه الناس لي السنه اليايه ..
وعقب العرس لين عاشت البنت ويا زوجها .. بتم الزوج يحاسب على كل فلس وبيقصر عنها طبعا بسبب القروض والاقساط ..
فأقول حق كل بنيه شحادج .. ارضي بحال ريلج احسن واوفر لج :p وترى المظاهر مابتفيدج .. وانتي اللي بتعيشين مع ريلج مب اهما ..

[حماني]

صح اسانك اخوي الجنرال393
والله ان في شباب وايد يبون يتزوجوون بس المشكله في المهر و الطلبات الي ماتخلص........وهذا سبب من اسباب الفساد الي بعض الشباب وقع فيه و الي قاعدين نسمع عنه في البلد....و حتى انه سبب من اسباب العنوسه..


:thnQ:

[راعي المعاني]

انا مع مذهله وحماني الصراحه ,,

يقول الرسول عليه الصلاة والسلام

اذا اتاكمك من ترضون دينه وخلقه فزوجوه

وبعدين بالنهايه المهر مهما ارتفع بيكون مردوده عكسي على الاثنين لانهم ببداية حياتهم ويبيلهم يبتدون شوي شوي ,,

لكن اذا كان الريال مرتاح ماديا ما في مشكله واكيد هي تستاهل ,,,

والقناعه قالو عنها كنز ما يفني


تحياتي للجنرال

[الجنرال393]

السلام عليكم ورحمة الله وبركاته

انا اشهد انك غالي ونشوفك باجر في مكانك الكشوخي عشان نشوف شلون عن المشروع

[غزالة البحرين]

ظاهرة غلاء المهور انتشرت بشكل كبير في مجتمعنا للأسف الشديد :(
و ما خذنه من وراها الا زيادة نسبة العنوسة بين البنات غير عن الفساد الاخلاقي و الجرائم الاخلاقية اللي وايد نسمع عنها و نجوفها بسبب ان الشباب مو قادرين يتزوجون بسبب غلاء المهور :sad:
اهم شي الاخلاق هي اللي بتحدد سعادة البنت مع هالشخص لا البيزات ولا العرس اللي في اكبر فندق و لا سفرهم لي اوروبا في شهر العسل بيضمن لهم سعادة بنتهم ...
هذي غير انه الريال يتم يسدد في اقساط عرسه و هالشي بروحه بيأثر على علاقته بزوجته و بيخليه يكرهها لان خلته يشيل عبء فوق طاقته...
يعطيك العافية أخوي الجنرال ما شاء الله عليك داش بمشاركاتك و مواضيعك بقوة و ان شاء الله دوم تتواصل معانه جذي :clap:

[مـــــلاك]

للأسف هذي هي المشكلة اللي منتشرة في مجتمعنا ..
وهي اللي مسويه عقدة عند معظم الشباب .. اما بسبب مطالب البنت أو أهلها ..

قال الرسول صلى الله عليه وسلم: ( إن أعظم النكاح بركة أيسره مؤنة )

المفروض الكل يقبل بالمتوسط اللي بين 1500 و2500 ولا يزيد .. لأن هذي الزيادة اللي مالها داعي بتكون لها اثار على مجتمعنا :@

البنت او اهلها يطلبون هالزيادة حق الفشار .. اهم شي لما بتوافقون على اللي متقدم حق بنتكم انكم اتكونون متأكدين من اخلاقه انها زينه ودينه ويخاف ربه وانه يقدر يحافظ على بنتكم ويسعدها :@

ترا غلاة البنت ماتطلع بالفلوس ، لأن لو جم يدفع الريال مابيقدر اييب غلاة البنت عند اهلها ..
اشذنب هالريال اذا كان يبي يتزوج ويحب هالبنيه ولكن مايقدر يتزوجها لأن مايقدر اييب مهرها؟؟
يعني اذا الاثنين يحبون بعض وراضيين في بعض ، ليش يالأهل تخلون زوج بنتكم يعيش حياته في تسديد الديون؟؟!!

لا وعقب سالفة المهر اتيي المطالب .. ابي الخطوبة في فندق وابي اسكن بروحي وابي حنة وابي جلوة وأبي عرس في فندق كشخة وأبي اسافر .. اشدعوة .. ماخذه وزارة المالية :walen:

ليش كل هالخساااااااااااااير؟؟؟؟!!!!! حق الفشار وجوفوني ترا محد قدي :@
قال الله تعالى : (ان المبذرين كانوا اخوان الشياطين وكان الشيطان لربه كفورا)

اهم شي يكون في تفاهم بين الزوجين ولازم كل واحد يقدر وضع الثاني والبنت ماتطلب اكثر من استطاعه الريال .. وطبعاً الريال بسوي اللي يقدر عليه عشان يسعد مرته ويبين لها معزتها عنده واكيد مابقصر عنها .. بس اهم شي الأهل مايتدخلون الا في الأشية المعقولة >_>

مسامحة على الاطالة ..
تحياتي ..

[بحرينية عنيدة]

الموضوع عجيب

انا بعد استغرب على البنات الا ابي 7000 دينار مهر شدعوة يبا بتشتري سيارة الناس تشتري ريال ماتشتري فلوس

وانا مرة سالت ابوي شم تبي مهر لي اقولي مايهمني لو 50 دينار اهم شي ريال زين واحبج،انا اهني اطمنت :p

بس صج انا ابي اسوي حفلة يعني يا خطوبة او عرس،او ابي اسافر بعد بس اذا ريلي مايقدر بعد شاسوي وخصوصا اذا احبه :d

[غزالة البحرين]

عنيدة عيل لو تسمعين وحدة من رفيجاتي شتقول شبيكون موقفج؟
الله يسلمج اتقول اختها لما انخطبت ريلها عطاها مهر 30000 دينار :rolleyes: يا كبرها عند الله هالمهر ذي كله و مسوية الخطوبة في بيتهم و العرس في صالة.... اشكره جذب و بس يطلعون هالسوالف حق الفشار >_>
الله يهديهم ان شاء الله :(

[بحرينية عنيدة]

خخخخخخخخخخخخخخخخخخخخخ

30000 دينار وفي صالة بعد لا حول الله هذي اعتقد يوم قالت لج طوفة بيتهم انقضت :p

ماقول الا حمدلله والشكر والله يهدي الجميع :)

[غزالة البحرين]

اي والله شلخ كل وحدة اكبر من الثانية بس الواحد شيقول :walen:

[شمـ البحرين ـوع]

في اهل وبنات على بالهم ان الزواج صفقة ... راس مالها لازم يكون كبير وغالي

ما يدرون انهم يجنون على حياتهم بهذي الطريقة