الحب والزواج

[شمـ البحرين ـوع]

هل تقبلين الزواج من شخص وانتي تحبين اخر....

عندما يتقدم لخطبتك شاب ويقول أهلك انه مفصل تماما على مقاسك
وتزغرد أمك وتضمك الى صدرها وأنت في احضانها تستمعين الى نبضاتها وهي ترفرف من الفرح وفي كل نبضة تدعو لك بالسعادة !!!
ولأول مرة ترين الدموع تتلألأ في عين والدك العزيز ويأتي ويمسك بيدك بقوة ويقول ألف مبروك

في هذه الحالة
هل تقبلين بالزوج الذي اختاره أهلك وتخونين قلبك ؟؟؟؟
أم ترفضين الزواج وتئدي الفرحة في قلوب أهلك؟؟

يالله بنات نبي نسمع ارائكم ... لا مانع من دخول الشباب للاستفادة

[Dana]

هلا وغلا شمووع :)..






هل تقبلين بالزوج الذي اختاره أهلك وتخونين قلبك ؟؟؟؟
بحاول وياهم قد ماقدر و اعرف اهلي ما يغصبوني على شي اهم شي رايي لانه هاذي حياتي:y:

أم ترفضين الزواج وتئدي الفرحة في قلوب أهلك؟؟
انه مابرفضه سيده جذي مثل ما قلت لج بحاول اقنعهم بروح لهم بالسياسه:$


يعطيج العافيه على الموضوع :)

[بحرينيه والنعم]

في موضوع وايد اشوفه قاعد يتكرر واحب اخذ رايكم فيه...


الصراحه لو كان عندج حبيب تحبينه ويحبج وهو مو مقصر معاج في شي, وتقدم لج واحد محترم وزين ومكون نفسه واخلاقه عشره على عشره وماينتفوت...

ياترى هل بتوافقين عليه؟؟ او بتنتظرين حبيبج وهو اصلا مو مكون نفسه؟؟؟

ولو تقدم لج حبيبج واهلج رفضوه... في ذي الحاله بتوافقين على الخطيب؟؟او بتقولين باتحدى كل شي وبانطره؟؟

طبعا بتكونين في موقف لا يحسد عليه... حبيبج اللي تحبينه... والخطيب اللي كلن يحلم فيه...

احب سمع آراءكم في هالموضوع

[بحرينية عنيدة]

انا اقول تنطر الحبيب وخصوصااذا كان اعاملها احسن معاملة واحبها،والصبي اللي متقدم لها صج زين لكن في واايد صبيان زينين بس اللي احبه واااحد :)


:thanx2:

[غزالة البحرين]

بانطر حبيبي طبعا شيسوى علي اخذ واحد ثاني حتى لو مكون نفسه و عقب اصير فيني نفس هدى >>> هدوء و عواصف و اييني اكتئاب و حالة :(
و أهلي ما بيرفضون الانسان اللي احبه الحمدالله اهلي مو من هالنوعية اصلا و ما دام انا عارفة ان الانسان اللي احبه ريال و كفو بعد ليش بيرفضونه ...
اصلا احس خيانة اللي تحب واحد و هو احبها صج و تهده عشان واحد ثاني مع ان حبيبها عنده نوايا صادقة تجاهها :n:

[زعتورة]

:y:شــــــــــــــــــــي الموضوع بحرينيه والنعم :y:

ياترى هل بتوافقين عليه؟؟ او بتنتظرين حبيبج وهو اصلا مو مكون نفسه؟؟؟


والله اختي اذا كنت انا واثقه من حبيبي ان يبيني وقاعد يسوي المستحيل عشان يكون روحه

وايي يتقدم لي اكيد بانطره حتى لو 10 سنين لكن اذا واحد قاعد ومايحط على روحه في

الدراسه ولا يدور له شغل ومو قاعد يحاول ويتعب على روحه اكيد مابانطره لان باحس ان مو من

صجه يبيني




ولو تقدم لج حبيبج واهلج رفضوه... في ذي الحاله بتوافقين على الخطيب؟؟او بتقولين باتحدى كل شي وبانطره؟؟



على حسب السبب الي رافضينه بسببه بيتنا يعني اذا كان الصبي فيه عيب في اخلاقه وهما

سالو عنه وطلع واحد مب زين اكيد ماباعارض بيتنا وبادوس على قلبي وبانساه لان هذي عشرة

عمر مو يوم او يومين بس اذا كان عشان اي سبب ثاني سواء شكلي او مادي اكيييييد بانتظره

وباحاول اني اقنع بيتنا بطريقه باي طريقه وباتحدى كل شي وبانطره طبعا :y:

:thanx2:

[جـــود البحرين]

بنتظر الشخص اللي احبه طبعا :$

[مـــــلاك]

انا اذا على أمي .. بتيبب على واحد عنده اربع سيايير خخخخخخخخخخخ :d

لا .. ان شاء الله بامشي مع قلبي وعقلي .. اذا كنت احب ومتأكدة ان بيتنا بوافقون عليه ..
باخليه اهوه يتقدم لي اول ما افكر اني اتزوج واخبر بيتنا اني مستعده اتزوج الحين ;)

خوووب الحين مافي امل افكر اتزوج .. لين اشتغل واطلع لي سيارة ههههههههه :p

الله يعطينا على قد نيتنا ونرتبط بالزوج الصالح اللي يسعدنا ان شاء الله .. بدون اي خلاف مع الأسرة ;)

شكرا على الموضوع :)

تحياتي ..

[بحرينية عنيدة]

لا أكيــــــــــد برفضه اذا كان قلبي متعلق بواحد

وماعتقد بيتنا بينكسر خاطرهم لان اهم شي راحتي وسعادتي ومتى ما انا اخترت الشخص اللي يرضيني واللي احبه اهني بكونون مستانسين زدموع الفرح في عيونهم :)

وماعتقد ابوي بيستانس هلكثر لو على ابوووي خلاني عنده مايعرسني :p


:thanx2:

[غزالة البحرين]

ما اخون قلبي لو شيصير لان أدري بعيش طول عمري ندمانة على هالشي... بس هذي ما يمنع ان ساعات في ظروف تحصل في حياة الانسان و تغير قدره :(

[رفاعي عوالي]

موضوع اختنا بحرينيه و النعم يحوي نفس مضمون موضوع الحب و الزواج
http://bahrainvip.com/vb/showthread.php?t=2700

يعني موضوعين كررين
يعني حبذا لو مشرفة الحوار تحذفه عشان ما تزيد عندنه المواضيع اللي نفس الشي:rolleyes:

[bad0o0ra]

hali mabeya'39bony 3la wa7d mabby

etha adry enna uhma bewaf8on 3la eli a7ebba akeed maba5tha

lakn etha eli a7ebba kan mt8ademli o raf'6eena hali

fabawafe8 3la the la2anna fe kela il 7altein mabakon m3a eli a7ebba

o latgoloonli magdar ansa

mbala bagdar ansa bethat etha knt mstansa ma3a eli hali e5taroh lei

:thanx2:

[مـــــلاك]

تم دمج الموضوعين لاحتوائهم على نفس الـsubject :)

تحياتي ..

[رفاعي عوالي]

عجبتني كلمة الsubject نياهاهاهاهاها:d

ملاك زين سويتي دمجتي الموضوعين

:shhh:آخر تعديل بواسطة مـــــلاك ، اليوم الساعة 03:09 AM. :shhh:

[مـــــلاك]

ههههههههههههههه ونسيت اكتب عن التعدييييل .. سااااامحني :p
انك وانت كاتب "بحرينيه والنعم" غلطت في الحرف الأخير بدون قصد وعدلته عشان محد يفهمك غلط .. عاااادي وايد اخربط في التايبنغ انا :d

[الكوهجيه]

اولا اشكركم خواتي على طرحكم لهلموضوع
وانا رأي طبعا مثل رايكم يعني حرام وحده تحب واحد وتخلص له واهو نفس الشي وبعدين تصير من نصيب واحد ثاني:( بيكون بس جسدها مع الشخص اللي تزوجته لكن لكن قلبها وعقلها مع الشخص اللي حبته وتمنته بيوم يكون لها الزوج وابوالعيال:$;)
وطبعا الاهل الواعيين مابيغصبون بنتهم على واحد ماتبيه لان بيحاسبون لمشاعرها حياتها المستقبليه..

[بو عيسى]

انا اشوفكم يالبنات كلكم بتنتظرون ,, مايندرا كلام ولا صج

على العموم الله يرزقنا بوحدة تنتظر نفسكم لانه الاغلبية مستعيلين

:thanx2: على الموضوع

[غزالة البحرين]

لا أخوي اذا الوحدة حست ان هو فعلا ( ريال) :rolleyes: و يستاهل ... بتنتظره ترى ... بس لازم هالانتظار ذي ما يطول وايد... و على الاقل لازم تعطيها شوية أمل أنك قاعدة تسوي شي عشان ترتبطون في بعض :)

[fido]

اكيييييييييييييد برفضه :@

[Sarsora]

انا اكيد بنتظره.. دام اهوه زين وولد ناس وقاعد يشتغل على روحه ويحبني مافي امل اخليه يضيع مني :rolleyes:

[رفاعي عوالي]

صح كلام سرسوره ;)
المفروض الكل يفكر هلون

[Sarsora]

:rolleyes:

[Marioma]

الحمدلله امي وابوي يعرفون ان مافي داعي ايبون لي واحد مفصل علي


يدرون ان انا مابي الا واحد احبه ويحبني




والله يكتب اللي فيه الخير والصلاح

[قطوة محرقية]

بصراحة الواحد ما ياخذ اله نصيبة واللي الله كاتبه.. يعني لو ثنين يحبون بعض وذبحو روحهم عشان يكونون لبعض مايصير الا اذا الله كاتب..
واشوه هلي ما يغصبوني على شي،، فاذا كنت احب معليش بانتظره يتقدملي بس مو يمصخها 10 سنين.. سنتين بالكثير.. هالشي بيصير اذا انه متأكده انه بيتقدملي.. بس اذا مو أكيد يبه مارفس النعمه بريولي..
مابي أعنس واعيز وانه انتظر خخخخخخخخ

[Marioma]

:y:

[الدلوعه]

اكييد بتكوون ردة فعل اهلي بالموافقه والسعاااده اذا كان الخطييب يتحلى بالمواصفاات اللي اهم يبونها لكن لو كنت انه على علاقه مع اخر او حتى لو كان الخطييب احسن من اللي انه ابيه من الناحية الماديه فأنا لا اهتم ولا ابالي لاني في النهايه اعرف الشخص اللي بيسعدني واللي بيوفر لي الحياه الكريمه والهانئه اللي تليق بمستوااي المعيشي لا اقل منه
واكييد اهلي بياخذوون بمشورتي مابيغصبوني على حد انه مابيه او بيحترموون رايي وقراري
:thanx2:

[بحرينيه والنعم]

مسامحه على تكرار الموضوع... لأني بصراحه كنت لازم اقرا كل المواضيع وانا طبعا ماقريتهم:$

اشكر كل اللي ردوا علي وشكر خاص للأخت ملاك على انها خبرتني بالتكرار:thanx2:

تحياتي لكل الاعضاء:d

[مـــــلاك]

حاضرين لج اختي بحرينيه .. هذي واجبي :d

تحياتي ..

[مـــــلاك]

السلام عليكم ورحمة الله وبركاته

شباب كلكم ..

لحد يرد برع الموضوع لأن مانبي الموضوع ينصك ..

تم حذف جميع الردود اللي برع الموضوع ..

تحياتي ..

[مها القطرية]

اذا الشخص اللي اتمناه شاريني .. و انا واثقة منه .. ننتظر .. عااادي ..

لكن اذا كان مو مهتم .. و انا ذابحة عمري :walen: فرحة أهلي أهم .. خخخخخخخ

[RANA88]

شموع...
هل تقبلين بالزوج ال>ي اختاره لك اهلك وتخونين اهلك؟
اكيييييييييييييييد لا اصلا دام اهلي يبون سعادتي مابيغصبوني على شي ما ابيه وخصوصا الزواج
بحرينيه ...
اكيد بنطر الحبيب لان مافي احد يبي غير راحه البال وراحه البال مع اللي تحبينه والليالي الحلوه والايام والتضحيات ما بتهون علي علشان واحد غيره تقدم لي...
:$:$:$