صادني شي وعور قلبي

[بو عيسى]

السلام عليكم ياجماعة ,, شخباركم؟؟؟ هالايام زايدة مواضيعي "ادري"

يمكن كانت مواضيعي القديمة فيها ضحك وعادية,, بس هالموضوع غيييير ووايد "حساس" ويعور

القلب.. :vip_b9eee :vip_b9eee

عندي رفيج عزيز علي لي درجة ماتتخيلون,, ويشتغل معاي يعني 24 ساعة مع بعض,,

اليوم صدمني بخبر عور قلبي وماكان بالحسبان "بطلت حلجي 5 دقايق ومو قادر اتحجى"

هو و حبيبته اللي كانت معاه من فترة 3-4 سنوات,, افترقوا !! وهم مافي يدهم ولاشي من

السالفة,, هي سالفة عناد "أهـــــــــــــل" طرف واحد منهم,, وقالي كلمة هي :

"لي طاح الجمل كثرت سجاجينه" :vip_b9eee :vip_b9eee

بس والله مايستاهل اللي صار له لانه كان وايد مخلص معاها وحياته كلها كانت عشانها!!

وكان كل شي يسويه لها وعشانها ومو عشان غيرها ولايفتكر باحد سواها!!

بس شتقولون ياجماعة الله يجازي اللي كان السبب.. :vip_b9eee :vip_b9eee

انا ابي احد يعطيني حل عشان اقدر اساعده واخفف عليه اشوي!!

[DaNNy]

اخوي بو عيسى الحل عند حلال المشاكل :vip_haha:

"ربي و ربك ورب العالمين "

قال الله تعالى : ( فقلت استغفروا ربكم انه كان غفارا * يرسل السماء عليكم مدرارا * ويمددكم باموال وبنين ويجعل لكم جنات ويجعل لكم انهارا ) صدق الله العظيم.

مالك إلا تدعي ربك بإخلاص نية و إن شاء الله ربنا بيكتب كل خير :001:

و ترى أكثر دعوة مستجابة هي دعوة المسلم لأخيه المسلم في ظهر الغيب. الله يهدي سرهم و يوفق بينهم :2:

[فقدناكـ]

لا حول ولا قوة الا بالله :vip_b9eee

كسر خاطري والله


الله يساعده ان شاء الله

[احمد المطيري]

:vip_haha: ما ادري والله

[راعية الsl]

كلام داني وايد حلو و كل الي قالته ماشالله عليها صح
قولة هل كلام لان الله سبحانه اذا اراد شي يقوله كن فيكون فخله يدعي في كل صلاة
و يستغفر و ينوي باستغفاره ان الله يفرج ضيقه

[aka_256]

:vip_b9eee :vip_b9eee :vip_b9eee :vip_b9eee :vip_b9eee :vip_b9eee :vip_b9eee

مسكـــــــــــــــــــــــــــــــــــــين

الله انشالله يهدي الاهل

[um bader]

بوعيسى الله يعافيك بغيت منك شوية تفاصيل عن الموضوع وانشالله نلقى حل لهم .......... بانتظار ردك....... وعندي سؤال رفيجك باقي عليها او في باله انه يشوف حياته مع وحده غيرها

[(((نحوووله)))]

أنا مع داني .. ما لكم إلا رب العالمين .. هو مقلب القلوب

لا تشتكون لفلان وعلان .. عندكم رب العباد

وما تدري عسى ان تكرهو شيئا وهو خير لكم

يمكن الله ما كتب لهم القرب من بعض

لأنه له حكمه فيها خير لهم .. عليهم بالصبر

والإيمان بكتبة الله

[^_^ мεмo]

مسكيين عور قلبي :vip_b9eee

داني كفت ووفت:vip_imwit

والله يهدي الاهل انشالله :(

[:!: Pinky Girl :!:]

:( :(

وعليـــه

الله اصبره

ومثل ماقالت داني

ماله الا الدعاء

واذا له نصيب بياخذها

هاي شي محدد من يوم مااهو في بطن امه

اذا نصيبه انه ياخذها بياخذها

والله يصبره ويسر له اموره

[i'm lover]

صراحة الله يعينه
أنا مستغرب من الأهل
إذا الواحد يحب بنتهم وبيعيشه أحلى عيشه
يرفضونه والله حرام
الله يعينه بس لاييأس;)

[~ εммo ~]

:(


كلام داني ونحوله عين العقل


مشكله لما الأهل يوقفون في طريج عيالهم هذي بأثر على نفسه عيالهم يعني في هذي الحاله بأثر على البنت وعلى الصبي اللى يبيها :(

[اقرع بو كشه]

مساكيــــــــــــــــــــــــــــــــــن

[CaRaMeL]

لا حول ولا قوة الا بالله

المفروض الأهل يكونون أعقل من جذي

أوافق داني في كلامها وعندي زيادة شوي

انا سمعت عن اثنين كانوا يبون بعض بس أهل البنت كانوا رافضين وقام الصبي طلب من شخص يتوسط له عند أهل البنت, وفعلا وتوسط والحمدلله وافقوا وهم الحين متزوجين

فاذا رفيجك يعرف أحد يعز على الشخص الرافض وايد خل يكلمه حق يتوسط له.... يمكن يستحي شوي ويوافق


الله يوفقهم ويكتب لهم اللي فيه الخير لهم

[.. AnGeL ..]

:(
مساكين والله عورو قلبي

مشكله الأهل لين يوقفون في طريج سعادة بنتهم

الله يعينهم ويصبرهم

[بو عيسى]

ثانكس على ردودكم وماقصرتوا وغصبا علي ترى منزل الموضوع.. لاني حبيت اتشارك معاكم بالحلول..ومثل ماقلت لكم انه عزيز علي...

ام بدر انه بشرح اشياء من السالفة يمكن ماقلتها,,

انهم تعرفوا على بعض من 4 سنوات,, وتقدم لها اكثر من مرة والام كله رافضه مع انه صبي زين ومتخرج بكالوريوس ومن احسن الشباب مصلي وعارف ربه وعنده بيت والللللللللللللله ومن ملكه الخاص,, بس مادري الام اشتبي اكثر؟؟!!

يعني في هالزمن اللي نفسه شوي,, ومحد بقادر يرد كلمة الام لانها وايد متسلطة..
وتبي واحد حق بنتها راعي فلوس ومن الناس "الهــــــــــــــــــاي كلاس" يعني تبي صبي "خيالي" والحين هو قاعد ينساها كثر مايقدر لان هو سوا اللي عليه واكثر وماقصر في شي.. انا ماقول ذي الكلام لانه رفيجي انا اقول هالكلام من اللي شفته بالضبط ومازيدت ولا كلمة يمكن نقصت شوي.. وازيدكم من الشعر بيت: ان الام كلمته مرتين عشان يهد بنتها وهي ماتبيه "تصدقون انتوا؟؟"

عالعموم هذي بعض التفاصيل ياام بدر.. وانتظر حلولج

وثانكس مرة ثانية

[RANA88]

قووووووووووووووووووووبش :shock2:

وعليه عور قلبي :vip_b9eee

المهم صبي زين ويخاف ربه شتبي حق بنتها ازيد يعني !!!:walen:

الله يساعدهم انشالله:2:

بس البنيه لازم اتكلم امها يعني ووين باقي اهلها ابوها واخوانها ؟؟

[أسووله]

لا حول و لا قوة الا بالله
الله يهدي اهلهم ان شاء الله
وقوله مايياس يعني كل واحد يحاول من صوبه
و اذا الله كاتب لهم انهم بياخذون بعض
لازم بي هاليوم و اللي بيكونون فيه مع بعض
الله كريم و عليهم بالصبر و الدعاو الله يوفقهم
و ان شاء الله نسمع الاخبار الحلوة
آميييين يارب العالمين

[عيوز البحرين]

اهم شي انه صبي خايف من ربه

وهاي وين تحصل مثله ها الايام

الله يهديها ان شالله ياارب

وتواافق

والله يعين رفيجك

مالكم غيرر الدعااء

:(

[المأمون]

جزاج الله خير اختي داني ويبارك فيج ويكثر من امثالج

يأخي صل على النبي

واترك عنك هذة الاشياء التافهه

شبابنا يا ناس ضايع في الخرابيط
حبيبتي حياتي يا عمري الدنيا ما تسوى من غيرج انتي امي وابوي وكل طوايف هلي

هذي كلام يا ناس لازم يدور بين اشخاص ما في اي شي يربطهم سو ء العلاقه الغير شرعيه
هداكم الله واصلح حالكم

وياخوي بسم الله على قلبك

واذا الاهل غير راضين على زواج او ارتباط صديقك , اهم اكيد على درايه في اشياء غير مقتنعين فيها
مثلاً ( الشخص لايعمل او غير متعلم او ليس على دين ولا يصلي او الاخلاق ....الخ)
والله اعلم

لا اريد الاساء يا اخي ولكن هذا الواقع

وانظر الله كلام الاخت داني وهو احد الحلول المباركه

وارجو السموحه

[@دمعة شوق@]

مسكين والله
هذي حال الدنيا
صعب تحصل اثنين يحبون بعض ومايفترقون
لازم يي شي في يوم يفرقهم
بس ماقولك الا تنصح رفيجك وتقوله انه يصبر ويرضى بالي كاتبه الله له
لان الله مايكتب للواحدشي الا وفي الخير
ويمكن هالشي في خير لرفيجك
مايدري
الايام بتبين هالشي
اللهه يساعده انشاءالله

[ريــمــه]

:vip_b9eee :vip_b9eee :vip_b9eee :vip_b9eee :vip_b9eee :vip_b9eee
:vip_b9eee :vip_b9eee :vip_b9eee :vip_b9eee :vip_b9eee :vip_b9eee
:vip_b9eee :vip_b9eee :vip_b9eee :vip_b9eee :vip_b9eee :vip_b9eee

[القيصر]

يأخي صل على النبي
واترك عنك هذة الاشياء التافهه
شبابنا يا ناس ضايع في الخرابيط
حبيبتي حياتي يا عمري الدنيا ما تسوى من غيرج انتي امي وابوي وكل طوايف هلي
هذي كلام يا ناس لازم يدور بين اشخاص ما في اي شي يربطهم سو ء العلاقه الغير شرعيه
هداكم الله واصلح حالكم


مشكور و ما قصرت أخوي جمال
و إذا ما تزوجها يتزوج غيرها, الديرة متروسة!!

[بو عيسى]

يعطيكم العافية كلكم

[بو عيسى]

وباقولك اخوي جمـــــــــــــال 73 انت الظاهر ماتقرا عدل!!؟؟ او انك تنسى بسرعة..!! "الله يحفظك"

انت قلت: واذا الاهل غير راضين على زواج او ارتباط صديقك , اهم اكيد على درايه في اشياء غير مقتنعين فيها

مثلاً ( الشخص لايعمل او غير متعلم او ليس على دين ولا يصلي او الاخلاق ....الخ)

والله اعلم


(اقرا الموضوع عدل قبل ماترد ياخوي)

[بحريني]

وايد أسباب تخلي الأهل يرفضون الشاب اللي متقدم حق بنتهم، حتى لو كان كامل والكامل الله

يمكن تكون فيه كل المواصفات الزينة بس الأم أو الأبو مب مرتاحين له "اذا كانوا جايفينه طبعا" .. مع أنهم المفروض يجوفون أخلاقه قبل مايحكمون عليه من الشكل أو المظهر.

يمكن الأم في بالها أحد ثاني بس ماتبي تقول.

يمكن ويمكن ويمكن .. اذا قعدنا نفكر في الأسباب بنتعب.

رفيجك عنه حلين ..
-يا انه ينساها وأدري بيكون حل صعب في البداية، بس صدقني بينسى وبعيش حياته خلال شهرين أو ثلاثه بالكثير.
-أو انه يحاول ويحاول ، تره كثر الدق يفج اللحام.

والله ييسر أموره وأمور جميع المسلمين

[بو عيسى]

بحريني تسلم على هالرد الحلو... ويعطيك الف عافية

[الآنسة الصغيره]

الله يكون في عونهم ويكتب لهم الاحسن انشاء الله

[um bader]

بصراحه يابوعيسى انه وايد مستغربه من هالاهالي اللي يوقفون في طريج بناتهم واولادهم والله اني اعرف اوادم اهلهم يفضلون انهم يتمون عوانس على انهم يتزوجون لكن ان الله مع الصابرين .........
بس انه اللي فهمته من كلامك ان رفيجك شخص وايد محترم ومتمسك بالبنت معناها ان البنت مستحيل تخلي بروحه واذا هي تحبه اكيد هي مستعده توقف معاه وانه اقول انهم يلجؤون حق ناس قريبين من اهلها ويكلمونهم او طرف يقدر يأثر براي الام ,,والابو انه ماعرفت شنو موقفه واذا هو ماله راي لازم البنت تحاول تتجرب منه وتصارحه وتكسبه في صفها والله انهم الاثنين يعورون القلب ولازم مايتركون بعض لأنهم وايد محتاجين حق بعضهم في هاللحظات والله اني بادعي لهم من كل قطعه في قلبي انهم يجتمعون مره ثانيه وانشالله يارب نسمع منك اخبار حلوه عنهم........ الله معاهم ومع الجميع

[بو عيسى]

تسلمين ياام بدر ويعطيج الف عافية.. انا باحاول اوصله اللي قلتيه لي

[إنسانه بسيطه]

هلا اخوي بوعيسى

بس بغيتك اتقول حق رفيجك يحط في باله شي واحد


أن اذا لهم نصيب في بعض بياخذون بعد


اذا الله كاتب ان اهمه بياخذون بعض

بياخذون بعض غصبا عن الكل


بس مو معناة أن اهمه تموا مع بعض 3 او 4 سنوات ان خلاص اهمه مكتوبين حق بعض




اللي الله كاتبه بيصير



يمكن البنيه من نصيب واحد ثاني


ويمكن اهوه بيلقى الي احسن منها واللي الله كاتبها له



(ولو اجتمع القوم على ان يضروك بشيء ماضروك اللا بشيء قد كتبه الله عليك)



والله اييسر له ولك يارب وللمسلمين:2:

[um bader]

بو عيسى والله انه مادري ليش بعض الاهالي يفصلون ان بناتهم يعنسون ولا يتزوجون بارادتهم بس كل اللي اقدر اقوله اني ماعتقد ان في بنت بتشوف ان الشخص اللي جدامها يحافظ عليها وصاينها ومتمسك فيها بترضى انه يضيع منها انه مادري شنو موقف البنت بس احس انها مابتخلي رفيجك بروحه والمفروض انهم يلجأون حق احد يقدر يأثر على الام واذا الابو كان جريب من البنت تحاول تكسبه واللي صبر 3 او 4 سنوات مو صعب عليه انه يصبر شوي بعد والله اني ادعي لهم من كل قطعه في قلبي واذا كانو من نصيب بعض لا الام ولا غيرها بيقدرون يوقفون في دربهم........ الله معاهم ومع الجميع

[um bader]

سوري بو عيسى على تكرير الرد بس ما كان يظهر عندي سوري مره ثانيه الظاهر خرفت

[بــنـت الـنــور]

الله يساعدك

[النـــجـــلا]

ليش كلكم مع الصبي ومحد ياب طاري البنت؟؟
يمكن هي مسكينه بعد تعاني ولا احد داري عنها

انا اعطيكم guarantee انهم اذا هالقد يحبون بعض وهدوا بعض على شي مالهم خص فيه برجعون حق بعض وجنه العيد

صدقني بوعيسى تره كل المشاكل اللي من هالنوع كانت النتيجه وحده : انهم مايقدرون يبتعدون عن بعض ويرجعون نفس الاول واحسن

انا انشالله بادعي لهم وبانتظر ردك ان انشالله تبشرني انهم ردوا لبعض مرة ثانية عشان تفرحنا كلنا

يعطيك العافية وانا حبيتك زووود لأن اللي يخاف على رفيجه ومصلحته نادرين فهالزمن

الله يعطيك العافية وعساك دووم عالقوة

[قائد الغزلان]

الله يهديهم لاهل
خله يتصل حق فوزيه في الري
سيره الحب

[دلوعة حبيبي]

اخوي الغالي تسلم عالموضوع اللي اكثر الشباب والشابات في زمنا يعانون منه

الغالي بوعيسى اول شيء حط شيء في باله ان اذا في نسيب بينه وبين البنت لو هي فالصين وهو فالبحرين راح ياخذها ولا احد راح يمانع وان هو لو يحبها ليش يتخلون عن بعض بالعكس لازم يتمون مع بعض وكل واحد يصر على رايه ان يبي الثاني >> وانا احس اذا الصبي يصر على رايه اسهل من البنت بس ماظن ان اهل البنت بيزوجون البنت بالغصب ولا الصبي بيزوجنه بالقصب خلهم يتمون مع بعض ويحاول هو واذا كان مايبي يرد لها خله هو يحاول مع اهله او هي خلخها تحاول مع اهلها ليه وافقوا او حسوا بلين من طرف الاهل خلهم يقولون حق بعض ...

وفي طرق وايد ممكن يسونها علشان الاهل يرضون ممكن انهم يزعلون ويضربون عن الاكل وغيره وماظن ان الاهل راح يوقفون في سعاده اعيالهم الا اذا كان السبب مقنع او عوووووود اللي يمنع الزواج فلا حول ولا قوة ...


ولكن فالنهايه ارجع واقولك اذا هو له نصيب معاها محد راح يمنعهم من بعض ..

[دلوعة حبيبي]

رجعت مره ثانية




ليش مايسوي استخاره اذا همه يصلحون حق بعض او لا ؟؟؟؟؟؟؟؟

احسن له ولها


هاي الحلول اللي عندي واذا فكرت بارجع مره ثانية

[بو عيسى]

ثانكس كلكم

[ماعندي سالفه]

سلامة قلبك اخوي والي الله كتبه مانقدر نعدله
والله يصبره ان شاء الله

[ميرندا ليمون]

السلام عليكم
اخوي بو عيسى لو لبنية من رزقه ونصيبه ما صار اللي صار
ان الله يزوجهما في السماء قبل الارض لو كانوا مكتوبين لبعض
والله يعينه

[سنيوريتا]

مسكيين وعليه عوور قلبي
الله يهدي اهلها بس

[el-ba6a]

وييييييييييييييييييييييي مسكيييييييييييييييييييييييييييييين:(

بس اخوي بو عيسى اذا تبون تحلوون المشكله جوفو الاسباب اللي خلت
اهل احد الاطراف انه يفرقونهم وجوفو شتقدروون تسوون

هاي الحل اللي ممكن يساعد:vip_b9eee

والله يجمعهم مرة ثانية:2:

[بو عيسى]

تسلمون لي

[...][ pinklips ][...]

ما عرف شاقولك

بس لا حول ولا قوة

و حسبي الله ع اللي كان السبب

[shy girl]

:(:(:(:(:(:(:(:(:(:(:(:(:(:(:(
مسكييييييييييينه و البنيه مسكينه بعد :(
انشالله يرضوون
في وايد ناس في البدايه مايرضون الاهل يعني كللللش
عقب فترة يجوفون مافي فايده ( لان الصبي يبيها صج والبنيه تبيه ) يرضووون
لا ينساهاااا و البنيه ماتنساااه ويرد يحاول مع اهلهاااا الف مرة بعد :(

[دلوعة بلدها]

مسكييين .. كسر خااطري