هــديــه ..

[~ εммo ~]

السلام عليكم ..



عندي لكم سؤال بسيط ..



تخيلوا انه احد ياب لكم هديه .. يعني نتخيل انه هل موقف صار في الجامعه مثلا او في المدرسه .. يعطيك الشخص الهديه وتكون مغلفه ..
:vip_gift:


اكيد بتيك هل افكار انه شنو داخل هل هديه صح :unsure:


عندك صبر تنطر تروح البيت تجوف شنو داخلها ؟؟ ولا فضولك مايسمح لك ؟؟


او انك ماتهتم عادي تنطر لي البيت ؟؟


او انك تفتحها جدام الشخص نفسه ؟؟





:vip_kreh: يلا انتظر ردودكم عشان ايب لكم هدايا

[إنسانه بسيطه]

الااااااااااااااااي:shock2:

هـــــــديه:blush:


أبي أبي أبي:aa_Dance2


أكييييييييد يعني مافيني صبر:biggrin23


بابطلها في نفس الوقت:aa_Dance2


أسرع من البرق بعد:vip_kreh:



حدي فضوليه في هالسوالف:aa_Dance2


واكيد احب اعرف في شنو تذكرني الشخص اللي ياب لي الهديه :blush:

[بريق الماس]

اكيييييد ابي اعرف شنو داااخل الهديه خاااصة اذا كانت المناااسبه احبها وماظن اني اقدر انتظر لي البيت سيده بابطلها جدااام البنيه عشاان اهيه تستاانس وياي بعد اذا جافتني مستاانسه :):) :d

[عيوز البحرين]

اي اكيد ابي اعرف

وانطر امته ارجع البيت

:aa_Dance2 :aa_Dance2

[^_^ мεмo]

اول شي بسوي روحي ككلش مومفتكره عشان مايقولون متخرعه
خخخ
وعقب باروح مكان مافي ناس وببطلها

[Sho0shi]

مااافيني صبر ابيييي بسررعة افتح الهدية بس مو جداااااااامه لما تروح سيدة ابطله

[aka_256]

بانطر لين ارجع البيت وافتحها

مشكووره

[قائد الغزلان]

اي اكيد ابي اعرف

وانطر متى ارجع البيت

[Angelic Face]

اول شي بسوي روحي ككلش مومفتكره عشان مايقولون متخرعه
خخخ
وعقب باروح مكان مافي ناس وببطلها


:biggrin23 انا بعد

[دلوعة حبيبي]

واوووووووووووو هديه شيء والله

انا بصراحة مره صارت لي ان شخص اول مره في حياته ايب لي هديه وكنا في مكان عااااااام ومعاي اموونه فاستحيت اجوف هديتي لكن اموووووووونه اووووه بطلتها وجافتها ولا عليها من احد

ساعات ابطل الهديه بس مب جدام الشخص لا استحي ليه صرت بروحي ابطلها

بس ودي في هالوقت بسررررررررعة هالشخص يذلف عن ويهي علشان اجوف شنو خصوووووووصا اذا الكارتون عووووووووود يا الله عالفضوووووووووول يالله عالوقت اللي مايمشي بسررررررعة


خخخخخخخخخخخخخخخخخخخخخخخخ


مشكوووووورة اختى عالموضوع

[عماني وكلي فخر]

تسلمين اختي على الطرح الجميل
التميز في مواضيعك ليس بجديد عليك
دائما تفاجأئنا بما هو جديد ومفيد
والأروع التميز والروعه في طرحك
وان شاء الله دووم تستمرين على هذا المنوال..

اما بخصوص السؤال ::

عندك صبر تنطر تروح البيت تجوف شنو داخلها ؟؟ ولا فضولك مايسمح لك ؟؟
او انك ماتهتم عادي تنطر لي البيت ؟؟
او انك تفتحها جدام الشخص نفسه ؟؟

بصراااحة ما راح انتظر لين اوصل البيت راح افتحها على طول
عندي فضوول بطريقة فضيعه راح افتحها جدااام الشخص اذا سمح
لي افتح هديته ..

لكِ ارق التحاايا واطيب الأمااني
يعطيج العاااااااااااااااااااااااااااااافية

[:!: Pinky Girl :!:]

بصببر لما ترووح وسيده بفتحها

عاد هالفتره الي بصبر فيها

قلبي اقرقع ابي اعرف ونسبة الفضوول واصله التوب

واوافق انسانه بسيطه الراي في حال اذا كان شخص اوكي وكلووز معاي :blush:

[~ εммo ~]

تسلمون على الردود الحلوه كل واحد منكم يستاهل هديه

[اقرع بو كشه]

بس يمشي خظوتين عني الا انه فااتق الهديه

فضولي حدي وماعندي صبر

هههههههههههههههههههههههههه

[المالح]

لين وصلت البيت وعينت من الله خير بافتحها ..

اخر مره عطوني هديه يوم كنت في الاعدادي مال المتفوقين >_>

:01:

[احمد المطيري]

انطر لمن ارجع البيت

[رفاعي عوالي]

سيده ابطلها و لا افتكر:d

[نوران]

انـا بـنـطـر لـلـبـيــــــــت ..

:mf_wink:

[rapter_3]

والله
انة لين يعطوني هديه اوديها البيت بس تصيدني حووووووسه


لازم اعرف شنهو داخلها:biggrin23

[محرقيه سمرة]

ههههههههه
لا انا لين يعطووني هديه ماافتحها
اصبر لين مااروح البيت وتالي افتحها
صح ان تصيدني فضوول وابي اعرف شنو الهديه
بس ايود روحي ليه البيت
ثانكس بطووو على الموضوع

[*مذهلة*]

انا استانس وايد على الهدايا
ولاني وايد فضولية ما انطر للبيت و افتحها :aa_crazy:
بس اكيد مافتحها جدام الشخص اللي يابها
انطره يروح بعدي افتحها

[فقدناكـ]

اي اكيد ابي اعرف

وانطر امته ارجع البيت

[RANA88]

صج ان بيصيدني فضول وابي اعرف شنو داخلها بس باصبر

[swan]

هلا وغلا

بصراحة بكون متشوقه اعرف شو فيها
بس بصبر الين ارجع البيت واعرف شو هي :d

ويسلموا ايديك اختي بطوط عالموضوع الحلووووو
والله يعطيك العافية

دمتم سالمين

[بنت@@@القبايل]

والله امس جايبين لي هديه

و بقولكم شصار

امس و اثناء ما كنت اتصفح بحرين في اي بي

جان يرن تلفوني

الا من ؟؟

رفيجتي تقولي عندج شي احين قلت لا قالت خلاص احين باييج

الا فديتها جات و جابت معاها هديه

عطتني ياها خذتها و قتلها ثنكيو كلفتي على روحج

و حاطيتها على الطاوله

الا تطالعني جذي >_> >_>

تقولي فجيها قتلها استحي افجها جدامج

تقولي اقولج فجييها احين .... <<< حشا مب يايبت لي هديه الا جايه تهاوشني :vip_b9eee

جان ابطلها و الاقي هالشي الحلو الذوق مثلها


http://www.bahrainvip.net/up-pic/uploads/4bd039e926.jpg


جان تقولي هذولا اللي بالفريم انا و انتي خخخ :15: :15:

[بنت الكويت]

راااح افتحها على طوول
لان الهدية ماراح تكون الا من شخص يغليني واغليه :)

يسلموو على الموضوع

[mashmo5a]

اذا من شخص غالي اكيد بابطلها بسرعة البرق اذا شخص عادي يععني بانطر للبيت لا :aa_Dance2

[اموت فيكم]

ايه هدية والله حلوة الهدية حتى لو كانت وردة بس ربعي مايعطوني هداية امغلفة كلها مفتوحة يعني بدون تعب

[راعية الsl]

baba6ilha gabil la asalim 3alaihum :blush:
la shda3wa bs 9ij baba6ilha jdamhum 3adi bs itha 3ed melad 3oad la a7ib aba6ilhum a5er
shay :)

[المتواضع]

افتح الهدية لما يكون الوقت مناسب

مثلاً لما اكون بالبيت

[الاميره]

صااااااااار فيني هالموقف وصلت لي هديتين مناسبة نجاحي بالليسن الهديه الاولى طلبت مني صاحبتها اشوفها يمها وثانيه لاء كان غلافها روعه وابي اختفظ بالغلاف ونظرت لما ارد البيت وفتحتهااا وحتفظت بالغلاف
بس كان عندي الوقت الطويل انظر متى ارد البيت ودي اعرف شنو فيهااا :)

[Ne9 el GoMaR]

هههه حلو موضوعج خفيف :aa_crazy: ...

انا ماراح افتحه جدام البنية .. باصبر لين ارد البيت ..

و انا بطبعي هلون ادوس على فضولي .. و صج ماحب اشوف الهدايا الا و انا بروحي ..

[CooKie]

اول شي استحي اول ماجوفها ( ويه مستحي)

بعدين اقول ليش كلفتو على عمركم ( جذابه الا من الله تبينها)

و بعدين يحنون علي فتحيها
اقولهم هاا

لالا في البيت احسن اخذ راحتي


اول مايمشوووون



الا مااااااااااااااااااجعه الهديه

لالا اتغشمر


بس افتحها
و اتشقق

و عاااشوووووو

[SugaR]

هممم اهو اول شي يعتمد على المزاج :aa_crazy:

بس لو انه ادري من صاحب الهدية باصبر للبيت وبعدين بافتحها بروحي ,, بس اذا صاحب الهدية طلب مني افتحه جدامه هاي شي ثاني طبعاَ :d

اما اذا وصلتني هدية من شخص ماعرفه آفتحها اول ما احصل الهدية لان الفضول بيذبحني ماستحمل انتظر لين ما وصل البيت :aa_crazy:


ثانكس على الموضوع :206f:

[butterfly-166]

يعني لا تلمحوووون و تقطون نغراات ان عيد ميلادي الشهر الياااااي ترا معروفه حركات المفاجآت
هع
هع
هع

شبتييبون لي؟؟ ها ؟؟ ها ؟؟؟



انا فضوليه بعد احب اعرف شنو اللي داخلها ماقدر اصبر لين اروح البيت تحكني يدي

ببطلها (اذا حلوه و عجبتني بقول وااااااااااااااااااااااااااااااو حلوه و باطيح في اللي ياب الهديه ثانكس و شكرا)

ولكن..... اذا ماعجبتني وايد بقول الاااااااااي وااااايد حلو :rolleyes: :01:)) هع اتغشمر الهديه تفرح الناس معنويا


لو تييبون لي قوووطي مغلف راضيه :rolleyes: <<شلخ

[راعي الماكس]

خخخ مافتحها في البيت ولاجدام الشخص لووول

بنطره يرووح بعدين افتحها قبل مارووح البيت

:biggrin23