شو يكون موقفك يوم تنصدم في شخص تحبه ؟؟

[عيوز البحرين]

السلام عليكم ورحمة الله وبركاته

شحالكم ؟؟ عساكم مرتاحين ؟؟




بس أريد أعرف موقف كل واحد فيكم لما تحب شخص من كل قلبك



وتحسب انه ملك لك وحدك



تحسب انه بيضحي بكل ما يملك عشانك


وآخرته تكتشف انه يلعب عليك


ويريد يقضي وقته الفاضي


هل بتنهار ؟؟

ولا شو بيصير فيك ؟؟

والسموحة :

عيوز البحرين

[بو عيسى]

عيوز البحرين.. اول شي تسلمين على الموضوع

ثاني شي وقت الموضوع كلش موشي لي انا "لان امس صادني شي..............."

الله يسامحها على العموم..

انا ماراح انصدم ولا اتضايق لاني اعرف روحي اذا حبيت "حبيت من قلب" ومااقصر..

والواحد مفروض مايندم على شي زين سواه..

مشكورة اختي

[migo is back]

والله يعتمد على الشخص

انة اول شي بمشي معاه اللعب

بشوف اخرتها ويااه

لانه اول شي بكون راضي عن نفسي

مابقصر عليه بشي

وبعدين بقوله انت مو قد الكلااام

خخخخخخخخخخخخخخخ


وبعدين عطه السين

لين تبي تكلمه كلمه ولين تبي تسفه له سفه له

يعني بمزاجك لانه مايستاهل الاحترام

[rapter_3]

تسلمين على الموضوع

والله ماقول الا شي وااحد

الي نساك انساه

[شنوفة]

هيهيهي يخسي اصلن .. للحين ما ولدته امه اللي يجرحني << ايوا ام حديد :7aded:

والله لخلـــــــيه يكلم روحــه وهو مايدي :vip_gby:


:vip_haha:

[بــنـت الـنــور]

اذا كلمت واحد وحبيته من قلبي
وتركني وكان يلعب علي

ماباسوي شي بس اهوه الخسران انه خسر وحده مثلي

وماباقوله شي غير انك مو ريال وبس

لاني خنت اهلي وكلمتك والحين انت اتخونيي؟؟؟
ترى الدنيا دواره وفي الف ريال في الدنيا

[اقرع بو كشه]

اول شي ثااانكس عيوزة على موضوعج الفله

لكن انه ماصار لي هالشي ( الحمدلله )

لكن اذا اكتشفت انه شخص خانني ماراح ابين له اني منصدم

عشان ما يحس رووحه شخص مهم والحيا ماتسوى شي بدونه

وبامشي وياه اللعب بس باكون عارف اكلم من وما اعطيه اكثر من اللي يستاهله

وباعتبره لعبه اتسلى فيها وقت الملل واقطه وقت اللي اتملل منه

تقبلوو مروري وتحياتي

اقرع بوو كشه

[نوران]

و الله مـا اتـخـيـل شـلـون حـالـي بـتـكـــــــــون .. :(

و مشـكـــــوره اخـــتي على طـرحـج لـلـمـــــوضـوع ..

[غنات الروح]

يمكن يصيدني اكتئاب جم يوم
لكن بعدين بارجع فرش و لا جنه صار شي
و انه ما اهتم حق هاي الامور وايد


ثانكس عالموضوع

[بنت الحمايل143]

انا انصدمت في وحدده كانت معاي من الابتدائي ردة فعلي انها طاحت من عيني وما قهرت روحي واصلت حياتي وطبقت المثل الي يقول طنش تعش

ومايهزك ريييييييييييييييييييييييييييييييييييح يا مركب هوانا لااااااااااااه ما يهزك ريح

[عيوز البحرين]

الله لايقول ان شالله

السموحه بوعيسى :vip_b9eee

تسلموون على المرور

:victory:

[!!جمال الروح!!]

انا اقول :
من باعك برخيص انته بالتراب بيعه ...
واقول له :
والله لو جيتني ماشي على جمر الندم .. ماعود لك دام اسمك مع الادناس انكتب ..
فعلا انا راح اتضايق بس مو عليه .. انا راح اتضايق على وقتي الثمين اللي ضيعته مع هالشخص
اي كانت علاقتي فيه وراح استانس واايد في نفس الوقت لاني بعرف طينة هالشخص وماراح انخدع فيه اكثر ..
وماراح ارد عليه ولا ارد له الصاع صاعين لاني افضل اني اترفع عن مستواه الداني وانا اللي ربي
اكرمني بمنزلة عاليه يشهد لها كل اللي يعرفووني ...
يمكن تقولون غرور بس انا اقول حلو ان الواحد يعرف قدر نفسه .....

[عيوز البحرين]

زين تسوين جمال

تسلمين اختي على المرور

:victory:

[بو عيسى]

تسلمين عيوز البحرين .. لاسموحة ولا شي .. موضوعج تحفة

[~ εммo ~]

اول شي تسلمين على الموضوع

طبعا اول شي بدون تفكير بنصدم وبتضايق لاني عطيت هل شخص ثقه وماكان قدها وانا وفيت له وكنت صريحه وصادقه معاه .. لكن بعدين لما بفكر بجوف انه مايستاهل اللى اسويه عشانه نفس ما اهو هان عليه انه يصدمني انه بتهون على عشرته

[*مذهلة*]

اذا كلمت واحد وحبيته من قلبي
وتركني وكان يلعب علي
ماباسوي شي بس اهوه الخسران انه خسر وحده مثلي
وماباقوله شي غير انك مو ريال وبس
لاني خنت اهلي وكلمتك والحين انت اتخونيي؟؟؟
ترى الدنيا دواره وفي الف ريال في الدنيا


:vip_imwit
:vip_imwit
:vip_imwit

[جوزيه البحرينيه]

انصدمت وايد وانجرحت اكثر بس لما خان رجع لاني متاكده انه يحبني


صبرت عليه والحمد لله الصبر مفتاح الفرج وانفرجت والحين اعيش معاه احلى ايام حياتي


والله لا يفرق بينا قولو آمين :2:

[رفاعية دلوعة]

انا الصرااحة انصح كل بنت في عمري او اصغر انها تحب واحد ولا تعطي الشباب ويه لانهم كلهم مثل بعض حتى لو تعطينه كل شي بعد يهدج ويخليج توليين اهو بس قاعد يتسلى فييج ويعتبرج اداة لتسليتة بعد جم اسبوع يمل منج ومايعطيج ويه وانا وحده صديقتي صار لها موقف مثل ذي
مسكينة قعدت في البيت اسبوع لاتاكل ولاتكلم الناس مسكينة
انصح كل بنت انها ما تعطي الصبي ويه علشان اهو مايسوي فييج هالشي...
ومشكورة اختي على الموضوع

[النـــجـــلا]

اللي خلقه خلق ألف غيره واللي مثله ماعليه حسوف

تسلمين زوزي عالموضوع

[VaMpIrE_911]

ماعتقد لأني ماقط جربت

شكراً على الموضوع

[شيخة البيض]

اول شى اختي مشكوره عن الموضوع
او الصج انا صار فيني هل موقف او والله تميت متكدره يمكن حق اسبوعين حتي اعز رفيجه عندي كانت اتقول لي اشفيج متضايقة لكن كنت ما حب اتكلم عن الموضوع لان وايد اتاثر منه.. الصراحة الدنيا ما تسوى عوار راس

[عيوز البحرين]

:( شيخه البيض

على العموم تسلمون على المرور

:vip_imwit

[قائد الغزلان]

صج انه بازعل عليه بس لو جس في غلطه ويته تسامح مني
اكيد باقبل اعتذاره مو علشان انه انا احبه لا بس الله يسامحه
وعن نفسي انا مسامحه مدام الله يغفر ويسامح وانا البشر ماسامح

واذا ماحس في غلطته مرده في احد بيسوي هذي اللعبه عليه
واسال مجرب ولا تسال طبيب :aa_crazy:

[شيخ VIP]

مثل مايقولون خيرها بغيرها

[Mirage]

:vip_haha:
عادي اكمل حياتي
مب اهوا الشخص الي بوقف حيااتي

[عيوز البحرين]

صح ميرااج

تسلمون على المرور

:victory: