المساعد الشخصي الرقمي

مشاهدة النسخة كاملة : اقترح مشروع !

الــغــزال
22-01-2005, 02:11 AM
السلام عليكم

الكل يتمنى ان بلادنا تكون من احسن الدول .. و كثير منا يفكر بوجود مشاريع مختلفه في مملكتنا

فحبيت اطرح عليكم هالموضوع و انشوف افكاركم و مقترحاتكم .. من خلال اجابتكم على هالاسئله :


مشروع تتمنى ان يكون في البحرين ..؟؟ و شنو ناقص بلادنا ؟؟

مالذي يعجبك و مايعجبك في مملكتنا الغاليه ؟؟
RoSe
22-01-2005, 03:22 AM
موضوع جدا حلو و جدا مهم:) تسلم اخوي

و انااا اول مشروع اقترحه انه الجاااااااامعه التعبانه
جماعه البحرين مو بس يكبرونها و يعدلون شوارعها انا راضيه
ادرس في صف متر في متر فيه 40 طالب بس الدكتور يكون
طبيعي و مدرس حقيقي نستفيد منه و من مقرره..لازم يعيدون النظر
في دكاتره و مدرسين جامعه البحرين.

ثاني شي اقترح و بقووووه---> حدي مشتطه
انه جسر الملك فهد يصكووووونه في الويكند و في الاعياد و المناسبات
صج الارباج بتقل وااايد بسسسس ترا شوارعنا هالضجيه و مجمعاتنا
ولبها لنا الصراحه...زجمه يا دنياااااا زحمه
السعوديين او الخليجيين حياهم الله اب اي وقت بس تراا الزحمه مو طبيعيه
فعال الاقل في الماسبات يتسكر الجسر نرتاح شوي خاصه انه شوارعنا ضيجه
لانه قاعده اتعدل يا زعم!!!!!!

و ذي اللي عندي الحين و اذا تذكرت شي بقوله عقب:)
سفوووج
22-01-2005, 04:14 AM
اى والله الجامعة ذابحتنى :sad:

:'(
شيخة الزيــن
22-01-2005, 06:23 AM
مممم .. انا شخاطري فيه ؟!! :unsure:

اي !!

ديرتنا جزيرة والبحر من كل صووب وماعندنا بلاج الله عادله >_>

بلاج الجزائر من سنة يدي .. الحوض الجاف درررررررررررررب :aa_crazy: .. بعد وين ؟؟ اي بحر الزلاق وعسكر :n:

خل يسوون لنا شي الله عادله على البحر ... ويفضل ان يكون في بلاج للنساء فقط او يوم حق العائلات :y:
يـغـار قـلـبـي ♥
22-01-2005, 11:02 AM
اي والله صح كلامج
رفاعي عوالي
22-01-2005, 01:26 PM
1- يسوون نفس مليزيا في الجزر
دور ما دار البحر كله فنادق و منتجعات
2- ملاهي محترمه بدال عذاري و المائيه
3- يلقون حل حق الجامعه
4- ما يبدون في جسر قطر الا لما يعدلون الشوارع


خوش موضوع ياللا يا جماعه كل واحد يكتب
Schneider
22-01-2005, 02:54 PM
1- يسوون نفس مليزيا في الجزر
دور ما دار البحر كله فنادق و منتجعات
2- ملاهي محترمه بدال عذاري و المائيه
3- يلقون حل حق الجامعه
4- ما يبدون في جسر قطر الا لما يعدلون الشوارع



معاك رفاعي عوالي :)
مذهلــه
22-01-2005, 03:19 PM
يعطيج العافيه يالغزال على هالموضوع ..

1. مدينه ترفيهيه :p .. مب شرط مدينه .. بس على الاقل في مكان الواحد يروح له بدال عذاري والمائيه ..
2. جامعة البحرين يحرقونها .. ويسون لنا وحده في الديره الله عادلها .. ودكاترتها اوادم .. ومايقبلون فيها وايد طلبه كل كورس ..
3. نبي اماكن حلوه على البحر .. بما أن البحرين جزيره يعني وين مانروح لازم نلقى بحر الله عادله .. بحر نظيف .. ماعندنا مكان .. وين نروح يعني .. البندر :shhh:
4. يكبرون شوارعنا .. السيايير كل يوم عن الثاني قاعده تزيد .. والناس بعد يزيدون .. ومافي مكان ..
5. يحطون ليتات في طريج البر .. لان بصراحه وايد ظلام .. ومانقدر نقول ان البر مكان معزول .. لان هالايام الزحمه اللي صايره في البر اخس من زحمة السيف ايام العيد والاربعاء والخميس ..
هذي الاشياء اللي حالياً اتذكرهم .. اذا تذكرت شي زود بقولكم اياه .. :thnQ:
رفاعي عوالي
22-01-2005, 04:04 PM
5. يحطون ليتات في طريج البر .. لان بصراحه وايد ظلام .. ومانقدر نقول ان البر مكان معزول .. لان هالايام الزحمه اللي صايره في البر اخس من زحمة السيف ايام العيد والاربعاء والخميس ..

ما أوافقج
حلاة البر ظلمه :d
مذهلــه
22-01-2005, 04:43 PM
اي اكيد حلاة البر بظلمته .. عيل شيحببنا في البر غير الظلام والهدوء :y:
مب لازم ليتات .. بس على الاقل يحطون في الشارع ذلين الدوائر الصغار اللي فيهم ليتات .. في وسط الشارع وعلى اليمين وعلى اليسار .. على الاقل الواحد يجوف الشارع وينه ..
لان في اوادم مادري شلون بعد :n: .. يبطوون عيونا بالديم فوول ولا يهتمون ان بهالطريقه احنا مانقدر نركز في الشارع ويمكن اندش في جبدهم :sad:
أقرب الناس
22-01-2005, 05:56 PM
ثاني شي اقترح و بقووووه---> حدي مشتطه
انه جسر الملك فهد يصكووووونه في الويكند و في الاعياد و المناسبات
صج الارباج بتقل وااايد بسسسس ترا شوارعنا هالضجيه و مجمعاتنا
ولبها لنا الصراحه...زجمه يا دنياااااا زحمه
السعوديين او الخليجيين حياهم الله اب اي وقت بس تراا الزحمه مو طبيعيه
فعال الاقل في الماسبات يتسكر الجسر نرتاح شوي خاصه انه شوارعنا ضيجه
لانه قاعده اتعدل يا زعم!!!!!!

و ذي اللي عندي الحين و اذا تذكرت شي بقوله عقب:)



اهم شي هالاقتراح .. :lol:
الــغــزال
25-01-2005, 03:45 AM
مشكورين على الردود :)
Um-5alifa
06-02-2005, 06:01 PM
والله مملكتنا وايد فيها أشياء قاصرة ... :n: يعني كل إلي قلتوا و زيادة عنه لازم يسوون مهرجان :ksh5a: مثل مايسوون (الكويت :kuwait: هلا فبراير) (قطر :qatar: مهرجان الأغنية) (الإمارات :uae: دبي مهرجان التسوق) (عمان بعد قام سوقهم :oman: مهرجان مسقط) (السعودية :ksa: جدة غير) يعني بس البحرين الكجرة مافيها مهرجانات ....؟؟ و تلفزرون البحرين لازم يحرقونة ؟؟ :adev: لأن مافي شي .. انا عندي إقتراح ؟ ليش هالموظفون في الأعلام؟ بس إثنين يكفوون !! حق BTV لأن مافيها شي؟ إنشفرها أحسن !! ((وين البرامج العدلة )) و كل ماإييبون مطرب او مطربة شردوهم و مادري شنو (مثل سالفة نانسي عجرم) والله فشلوناا؟ صج تخلف...؟ و حتى يوم يابوا مال سوبر ستار في العيد الوطني المسرح كان إخرع :aa_bomb: ظــــــــــلااااااااااااااام مافي إضاءات كلش و الديكور جييب و كجرة لأخر درجة!!؟
خاطري في يوم أفتح قناتنا و أجوف شبابنا عندهم برنامج و نشوف وجوه جديدة مثل برنامج <تلفزيون الأطفال> مال الكويت كلا مراهقين و ييهال ..
مو إحنا في نص السيف و مسابقات مو شي مال ييهال؟ يوبة نسيتوا شبابنا؟ كلا ييهال!! :yay:


لكن من يسمع !!
هوليه نوتي
01-04-2007, 02:29 PM
انه ابي دزني لاند في البحرين و ابي برج ايفل و الاهرام و سور الصين في البحرين و ابي حدائق بابل و نهر النيل :biggrin23
Spirit Kingdom
01-04-2007, 02:38 PM
مممم

تأسيس جامعة موسيقية لدراسة الموسيقى هالشي غير متواجد عندنا و تاسيس مدينة اعلاميه

كاملة ..

ثانيا بعدين نبي مهرجان مثل دول الخليج ماعندنا شي فشله :n:

:lol: وبس اي مهرجان موسيقى ضخممم
القيصر
01-04-2007, 02:41 PM
موضوع قديم >_>
Miss Fa6oom
01-04-2007, 02:45 PM
هلا هلا ..

مشكوورة على الموضوع اختي ..

..

مملكتنا الحبيييبة ما فيها اماكن ترفيهية . بس الحين بيفتحون منتزه عين عذاري ..

..

و مثل ما قالت ام خليييفة .. يسوون مهرجانات مثل هلا فبرايل و غيرها ..

يعني لازم يكون حركة في الديرة ..

يا ريت يسوون سكك حديدية .. و يحطون قطار بدال النقل العام و التكاسي

:3fya: :3fya: :3fya:

احلى شكلهم ..

:3fya: :vip_kreh:

ومادري اذا تذكرت شي ثاني سوف أأتي ..

و ميرسي

:aa_crazy: :aa_crazy:
جاسوسة المحرق
01-04-2007, 03:05 PM
1- يسون نوادي لنا و مراكز نقضي فيها وقت فراغنا ..
2 - يسون لنا منتجع نفس البندر بس نبيه محترم <_< و نبي شاليهات مثل الاوادم
3- مهرجانات مثل غيرنا
4 - انا وايد اسمع عن الجامعه العجيبه خل يغيرونها قبل لا ندشها << اذا فكرت بعد ادرس فيها
5- يزيدون الدوريات في كل مكان خصوصاً من عقب الساعه 10 و نص في الليل عشان تخف الجرايم
6- يحطون لنا اماكن ترفيهيه غير هالسيف و المائية و البحري لاعت جبدنا بصراحه
7 - انا اقول خل يعدلون في قناتنا .. لأن الواحد ما يشتهي يفر عليها بسبب برامجها يا يعدلونها يا يمحونها من الوجود

و ســلامتكم