عادات اهلي ما تناسبني [الأرشيف]

مشاهدة النسخة كاملة : عادات اهلي ما تناسبني

- Girl -

09-09-2006, 08:59 AM

السلام عليكم
شخباركم
انشاءالله طيبين
ع العموم انا اليوم ياية لكم عشان نتناقش في امور العادات والتقاليد اللي تتحفظ بها اهلنه

في ناس وايد يتضايقون من عاداتهم وتقاليدهم اللي تنفرض عليهم
وبالاخير يطلعون من شور اهلهم
يعني انه لما اقعد مع صديقاتي يلفت نظري كلامهم وتشكيهم على اهلهم وانا استغرب من هالشي
ولما اسالهم يقولون لي ان عائلتهم وايد متحفظة ومايخلونهم على راحتهم ويخافون عليهم من اي شي لدرجة ان ما يخلونهم حتى يطلعون يشترون لهم شي

في ناس وايد تتشكى

فأنتو وبكل صراحة شرايكم بعاداتكم وشنو اللي يضايقكم في بعض من هذي العادات والتقاليد
اكيد في احد ما تعجبه بعض الامور فياريت توضحون لنه

انطركم

:victory:

!i!كــوكــي!i!

09-09-2006, 10:48 AM

انا صرااحه اجوف الاهل متقيدين بهالعادات والتقاليد الا خوفا على عيالهم و المحاوله بالمحافظه عليهم
وانا اقوول لما امي اتقوولي مابيج اتطلعين مع كذا بنات في المكان الفلاني لازم اول شي احاججها شوي :blush: لكن بعدين استوعب امي ما سوت هالشي او الا منعتني منه الا اهيا وعارفه شلي يصلح لي وشلي لا
والعادات عادات ,, كما احنا مجتمعنا مجتمع اسلامي وعاداتنه وتقاليدنه ما اتغير
ما تقدرين اتقولين لا احنا الحين في زمن التطور ولازم يخلوونه على كيفنه
لان اذا خلوا كل واحد على كيفه بتخرب الدنيه
ثنكيوو على الموضوع

Game Over

09-09-2006, 01:04 PM

والله شاقووولج يالبدره
في من العادات والتقاليد اتم ثابته وماتتغير مع الوقت يتمون العرب يسلكونها
لكن في عادات وتقاليد ماتنطبق على جيالنا احنا العيال فتتغير
طبقوها اهلهم عليهم لكن احنا ماينفع ويانا فنش فنقش يعني قيم اوفر
وهني دور العيال انه يفطنون اهلهم ويقولون لهم ترا الي مشى عليكم مايمشى علينا عاد بأسلوب ذرب يعني :rolleyes:
والدنيا تغير وهلون وجذي وجذاك

بس بعد يعني الوحده ولا الواحد يتمون في شور اهلهم ويمشون سلكهم احسن
ولا يتعنفقون لانه راحو فوق ولا تحت اهلهم مايبون الا مصلحتهم

- Girl -

09-09-2006, 02:43 PM

انا معاكم 100%

يعطيكم العافية

:victory:

~ εммo ~

10-09-2006, 05:07 PM

اذا الاهل كانو متحفظين او يمنعون بناتهم او عيالهم انهم يسون شي او يطلعون فمابسون جذي الا اهم خايفين عليهم ... لكن البنت بتفكر دام منعوني يعني مايبوني استانس بس هذي غلط لما قعدت وفكرت بينها وبين نفسها بتعرف ان اهلها اهم الصح واهم اللى يعرفون وين مصلحتها اذا كانت اهي غافله عن هل شي ..

تسلمين على الموضوع:mf_wink:

ღ Bently ღ

10-09-2006, 07:06 PM

اول شي بما ان احنا عايشين في دوله من دول الخليج ..

يعني اكييد .. اغلبيه العوايل تمشي على العادات والتقاليد ..

صح ان بعض هالاشياء وقوانين الاهل مممكن نتضايق منها ..
لكنها صدقوني في مصلحتنا ..

ومن خوفهم علينا .. بيمنعونا من اشياء هم يحسون انها بتأثر علينا ..
او بتضرنا ..

هم الاكبر .. وهم الادرى .. وهم اللي يدرون بمصايب الدنيا اكثر منا ..
عاشوا اكثر منا .. وعرفوا اشياء وايد يمكن احنا حاطين في بالنا انها شووي !!

واذا فيه شي مب عاجبنا .. خل نتناقش وياهم بس بهدووووء وبدون صراخ ..
يقلل من احترامنا لهم !!

يسلمو على الموضووع

كتكوتة البحرين

10-09-2006, 07:45 PM

تسلمين اختي على هالموضوع

الصراحة وايد بنات يبون الحريه و يمكن لدرجة انه ما يبون اهلهم يسالونهم وين رايحين و ليش او اي شي من هالقبيل .. يعني بالاختصار المفيد مو عاجبتهم تقاليد عايلتهم و تحفظها .. بس في رايي لو قعدوا شوي و تأملوا في الي قاعد يصير من حولهم و تأملوا في قعداتهم العايله مثلا او قعدوا يحطون بالهم سبب معارضة الاهل لهم في الشي الي يبون يسونه بيلقون انهم في خطأ و العايله صح يمكن ساعات تحس البنت الي الي تبيه مافيه شي عيب ولا تحسه سمبل و عادي بس اذا جافت معاضة الاهل اعتقد شي اكييد انهم عارفين شي ,, و بقولج شي عن تجربه شخصيه انا كنت مشتركه في شي و كنت حاطه امل كبير انه بينفعني في المستقبل لكن شوي ما لقيت التوافق الكامل مع اهلي و حسيت روحي مجبورة اني اطلع من هالشي لكن الحين اقول في نفسي الحمدلله ارتحت (( و عسى ان تكرهوا شرا و هو خير لكم ))

السـ م ـوحة طولت عليـ ك ـم

- Girl -

11-09-2006, 04:20 PM

:victory:

منورين الموضوع

إنسانه بسيطه

11-09-2006, 08:17 PM

انا ادري ان اي شي بيمنعوني عنه هلي اكيد لأنه ممكن يضرني

ادري انهم يبون مصلحتي والخير لي

انا عاجبيني هلي فديتهم.. صج ان بعضهم فيهم عرج زفرررر ..

بس امي فديتها الله يخليها لي راضيه انا بأي شي بتمنعني عنه :victory:

11-09-2006, 10:52 PM

اول شي لان دياتنا اسلاميه
و المجتمع اسلامي عربي له عادات و تقاليد تميزه عن باقي المجمعات
فلازم الاهل يتقيدون فيها و يعملون بها
مثل ماسوو اجدادهم و اجداد اجدادهم

و الاهل مايقولون لا او ممنوع او زفه على الطاير الا و هي في مصلحة عيالهم

صدى الحرمان

12-09-2006, 02:41 PM

الأهل اكيييد ما بيمنعووون بناتهم من شي إلا إذا حسو أو شكوا حتى لو 1% انه يضرها أو يمسها بسووء....

فأنا اعتقد ان البنت الي تتشكا من تصرفات أهلها و تشكك في حبهم لها و حب السعاده لها بأنها مرييضه نفسياًَ ( و سامحوني على هالكلمه )....