زوجته تمدح بالمذيع قدام زوجهااااا؟؟شو تتوقعون سوى

[بنت العايله]

السلام عليكم ورحمة الله وبركاته
0
0
0
0

تخيل وانت جالس تتفرج على التلفزون مع زوجتك او اختك اوبنتك
والمذيع يقدم نشرة اخبار او يظهر احد الشخصياات او ممثل او مغنى
وتبدا اللى جالسه معك تعدد بمحاسنه
شوف كيف الطول ولا السماره ولا ولا<<<
ههههههههههههههههههههههه مانى قادره اكمل
وش تكون ردة فعلك

مشكلة الرجل بمجتمعنا الخليجي انه يظن انه لا يوجد به عيوب
وان العيوب بالمراءه
فهو لا يراعي مشاعرها لا اقول الكل ولكن الكثره
يعنى لمن تجي وحده بالتلفزون اقرب شى قام يتمدح فيها
وقدام زوجته المسيكينه ممكن هو فيه عيوب الدنياء
بس من جد(الجمل مايشوف عوج رقبته)

مع تحياتى

[!!جمال الروح!!]

احترام شعور الاخرين .. واجب ...

اذا يينه حق حكم الشرع .. فهو لا يجوز لان الله امر بغض النظر ..

الدليل من الكتاب الحكيم ...

قال الله تعالى : ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ

بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ) الآية (النور:30-31) .


واما بالنسبه للفطره البشريه ..

وخاصه الرجل الشرقي معروف بغيرته ..

فلازم الوحده منا تحسب الف حساب ..

وبعدين لازم كل وحده منا تحط في بالها ان :

" كما تدين تدان "

واذا المرأه ماتبي زوجها يقهرها بالنظر الى غيرها فاهيه المفروض تبتدي من نفسها

وتصون بصرها وتحافظ على شعور زوجها ..


ومشكوره اختي على الموضوع ...

[بنت العايله]

تسلمين على مرورج يالشيخه

[~ εммo ~]

بصراحه وايد غلط اللى سوته المفروض تحط احترام لنفسها قبل ماتخلي احترام حق زوجها اللى معاها .. وخل تخلي روحه مكانه واهو قاعد يمدح في مذيعه ولا ممثله ولا اي بنت .. اكيد ماراح ترضى ..

تسلمين على الموضوع

[سارونه]

اذ كان المدح في حدود المعقول كأن مثلا تقول ترى المذيع الفلاني تعجبني طريقة تحاورة مع الضيف انا ما اجوف فيها مشكله ... لكن اذ مبالغ فيه اهني يكون الغلط لانها ماتراعي شعور ريلها

[little_fairy]

اذا متزوجه لازم في حدود مثلا اذا طريقة الحوار واشياء هلون ...
بس طبعا مااتتطرق حق الشكل والوسامه....:aa_crazy:

بس اذا بنت عاديه مااحس ان فيها شي .... لان بنت بتعبر عن مشاعرها اشفيها...؟؟؟
بس اكيد بحدود اذا مع الاهل ..... بس اذا ويا الربع كيفها!!
:vip_haha:

[بنت العايله]

ثاااانكس على المرووور :rolleyes:

[.::THe Princess::.]

من الأمور المهمه في العلاقه الزوجيه عدم المقارنه وعدم ذكر محاسن رجل آخر امام الزوج
الأحترام ثم الأحترام ثم الأحترام

[بنت العايله]

يعطيج العافيه اختي

[CooKie]

وعليه على النسوان

الرياييل هالايام اللي مايقصرون بالحجي

الا جفتي روبي ولا نانسي و لا عله و علانه

ماعنده الا :
جوفي ويهه ليش ماتحطين مكياج ذي
ليش ماتلبسين نفسها جدامي
ليش ماتسوين جذي

و المره وعليه ساكته

[بنت العايله]

ثاااانكس على مرورج اختي

[weld layaweed]

الصراحه لازم تحط حدود لنفسها و حق زوجها مو عدله تمدح واحد في شكله و كل شي فيه جدام زوجها الزوج له احترام اهو ابو اعيالهاا يعني ماتجووف غيره .

بـــس في رياييل يمدحوون مذيعاات في شكلها وفي مشيتها وكل شي بعد هاذي غلط زوجتك اهم شي في حياتك مايصير تجرح مشاعرها .

شـــــكــــراً على الموضووع

[fido]

انا ماشوف فيها شي بالعكس كلش عادي الله جميل يحب الجمال يعني اذا في شي حلو جدامك ما تقول هاي حلو مايصير
:mf_wink:

[ملك الرجال]

يجب احترام مشاعر الطرف الاخر

[Zombie]

>_> >_>

ممنوع رفع المواضيع القديمة ..

[Zombie]

>_> >_>

ممنوع رفع المواضيع القديمة ..