خروج الفتيات مع رفيقاتهن .. [الأرشيف]

بنت العايله

09-09-2006, 07:26 PM

السلام عليكم ورحمة الله وبركاته..
رأيت هذا الموضوع في أحد المواقع وهو بالفعل يستحق المناقشة ..

..

كل عائله تختلف عن الأخرى .. وكل عائله عادات بيتهم تختلف عن البيت الآخر..

ولكل عائله رأي مختلف .. إلخ..

المهم ..
هنا فتيات يخرجن مع رفيقاتهن(وليس مع أهلهن) إلى الأماكن العامة ...اممم
مثلاً للذهاب إلى التسوق ..إلخ...

ونحن نود مناقشته هو ...رأي الأخوة والأخوات..

..

سؤال الأخوة ...

_ هل تــرضـــى لأختك الخروج مع رفيقاتها ؟؟ولماذا؟؟

_ مارأيك في منظر الفتيات في الأماكن العامة( يعنـــي شـلــة بـنات ) ؟؟؟

..

وسؤال للأخوات ..

_ مارأيك في الخروج مع رفيقاتك والخروج مع أهلك ..؟؟؟
_ هل تحسين بأمان مع رفيقاتك ؟؟ولماذا؟؟

..

أتمنى من الجميع المشاركة ومناقشة الأمر
__________________

!!جمال الروح!!

09-09-2006, 08:27 PM

شكرا اختي على الموضوع الرائع ..

انا عن نفسي اطلع مع صديقاتي بس في السنه حسنه ..

واذا نروح نروح مطعم صديقتي ..

وغير جذي يعني يوم اللي اروح السوق اروح حزة الضحى عشان اخذ راحتي

ولان الوالد يحفظه الرحمن ما يخلينه نطلع فليل بروحنه مع ربعنه الا اذا حق عشى

بشرط ان يكون المكان جريب ومحترم وما يكون يوم ويك اند ..

يعني باختصار انا اطلع بس بشروط ...

الوقت ... المكان ... الغرض ... والبنات ...

Game Over

09-09-2006, 09:57 PM

الصراحه راحه يالبدره
اي نعم نطلع مع صديقاتنا نتسوق ويا بعض نتعشى ويا بعض وكل شي بحدود مثل ماقالت اختي جمال الروح
واهلنا ماعطونا هالثقه الا لانهم عارفينا زين مازين وعارفين بالضبط الناس الي نمشي معاهم:victory:

بنت العايله

09-09-2006, 09:59 PM

يعطيكم العافيه وتسلموون على المرور :rolleyes:

Ra3yT.AL.KrooZr

10-09-2006, 06:05 AM

انا امي ماترضه اطلع معاهم:999:

virus

10-09-2006, 09:19 AM

انة عادي عندي بس لازم ما تتأخر

.PrincipesSa.

10-09-2006, 09:32 AM

اهيه يا ناس مب على الثقه اهو اذا على اغلبية الاهالي خوفهم علينا من الناس اكثر

مارأيك في الخروج مع رفيقاتك والخروج مع أهلك ..؟؟؟

الخروج مع اهلي ورفيقاتي في نفس الوقت :d

واذا صار معربعي فالطلعه اناسه خفيفه وحلوه :vip_haha: واذا ويا اهلي بعد اناسه :vip_haha:

_ هل تحسين بأمان مع رفيقاتك ؟؟ولماذا؟؟

لا مب دايما كلنا ما نحس بالامان .. ما ندري شاللي بصيدنه واكيد نبي اهالينا .... واذا ويا اهلي بحس بالامان من غير اي خوف

خيـــال

10-09-2006, 09:51 AM

اي عادي اطلع مع رفيجاتي"مب دايما" الضحى
يعني طلعة غدى و انطالع فلم على الساعة 5
انرد بيوتنه

ايام الويك اند ما اطلع-- صلة الرحم -- تره زينه
والسبب الثاني الي مايخليني اطلع في الويك اند
الزحمة و الخز
والسبب الثالث عندنه اسبوع نحكر روحنه اسبوع
و مانطلع الا في هاليومين-- اشحادك يا مسمار--

و هذا رايي

شوووكرا

بنت العايله

10-09-2006, 10:20 AM

ثاااانكس على المروور

el-ba6a

10-09-2006, 04:15 PM

الصراحة اي اطلع
لانه اذا البنية الهدف من طلعتها انها تستانس مع صديقاتها وتشتري اللي تبيه
واهيا مو مسوية شي غلط
عاادي
المهم تكوون اهيا محافظة على رووحها:vip_haha:

~ εммo ~

10-09-2006, 05:03 PM

اول شي مشكوره على الموضوع

وانا بالنسبه لي عادي .. بس بشرط انه متاخر واتفق مع اللى قالته جمال الروح اخر شي الوقت والمكان والغرض والبنات اهم يحددون اذا الاهل يرضون او لا ..

كتكوتة البحرين

10-09-2006, 07:52 PM

_ مارأيك في الخروج مع رفيقاتك والخروج مع أهلك ..؟؟؟

انا ما اطلع وايد للأماكن العامه مع ربعي يمكن المرات الي طلعت وياهم ينعدون على الاصابع .. لكن في فرق مع الصديقات احس بوناسه انه كلنا نفس السن و الفكر و سوالف و غشمره و مع الاهل بعد استانس بعد في فرق بين الطعتين ماعرف شلون اعبر لج عنه :aa_crazy:

_ هل تحسين بأمان مع رفيقاتك ؟؟ولماذا؟؟

اي احس بالامان و لو ما احس بالامان جان ما باطلع وياهم لاني ما باطلع مع اي احد الا لما اكون واثقه من تصرفاتها و اخلاقياتها

و تسلمين ع الموضوع :3fya:

virus

10-09-2006, 07:55 PM

لاااااااااااااا البنيه ليش تطلع ؟؟؟

خل تقعد فالبيت والله بعد اخر زمن البنات يتفرفرون فالشوراع >_> >_> >_> >_>

يلاااااااااااا محلكم يلااااا>_>

حتى بيوت ربعهم ما ارضه :biggrin23

حدها حجرتها و الحمام و الصاله :rofl: :rofl: :rofl:

عويشة

10-09-2006, 08:19 PM

انه عادي اطلع ويا ربعي اروح كل مكان وفي اي وقت :vip_haha: يعني

بس عاد اهم شي انه ماتاخر عن البيت يعني ماتم لين 11 ولا 12 فليل:n:

ولازم يعني البيت يعرفون ويامن رايحة ويا من رادة :vip_haha:

اهوة صج طلعة الربع فن ووناسة بس كلشي له حدود:rolleyes:

وبنسبة حق الطلعة ويا البيت بعد فله ووناسة ومشترى:vip_imwit

بس بعد طلعة الربع بتكون احلى لانه الربع مثلي مثل تصرفاتي وسني

ومثل الي انه افكر فيه فيعني في تقارب بيني وبينهم غير الاهل:aa_crazy:

وبعدين لو انه ماحس بالامان ويا ربعي جان مابطلع وياهم:mf_wink:

بنت العايله

10-09-2006, 08:23 PM

تسلموون على مروركم

فطامي

10-09-2006, 10:39 PM

مشكوورة اختي على طرحج هالموضوع..
وحبيت اشارك فيه....

((مارأيك في الخروج مع رفيقاتك والخروج مع أهلك ..؟؟؟))
اكيد ان اي بنت تحب تكون مع صديقاتها وتطلع معاهم وتكوون الطلعه اونس من طلعتهم مع اهلهم لان افكارهم مشتركه والاماكن اللي يحبونها وحده بس مايعني ان مااطلع مع هلي يعني في اماكن ماتنراح إلا مع الاهل وفي نفس الوقت هالشي مايمنعني اني اطلع مع رفيقاتي.

(( هل تحسين بأمان مع رفيقاتك ؟؟ولماذا؟؟))
اي احس بالامان.. (لماذا؟) لاني اكوون مرتاحه معاهم.

مشكوورة مرة ثانيه على هالموضوع

ღ Bently ღ

11-09-2006, 03:58 AM

مشكور على الموضوع

اكيد كل بنت تستانس ومحتاجه انها تطلع مع ربعها

خاصه للي مايشوفون بعض كلش..
يعني مثلا فصلتهم المدرسه او الجامعه عن بعض..
فيحتاجون انهم يلتقون ..

بس طبعاً بحدوود!

ماتتاخر برع البيت + الاهل يكونون على دراية وين رايحه ..ومع منو ..

بالنسبه للطلعه مع الاهل بعد حلوه وممتعه ..
وانا اكثرية طلعاتي عائليه :blush:

اما بالنسبه للأمان ..
جربت الاثنين

صح اني احس فيهم بالامان
بس طبعا طلعة الاهل اكثر امان ..
عالاقل حد وياج ..بيفزع لج اذا صار شي ماشيات ..

وهذا رايي ..

يسلمووو

بنت العايله

11-09-2006, 10:59 AM

ثاااانكس على المروور

هوووولية و افتخــر

12-09-2006, 03:52 PM

اكيد اطلع مع ربعي وكل وكت يعني بس ما انطول عن 11 واهلنا لازم يعرفون وين رايحين و وين يايين ومن بيودينه ومن بييبنه وطلعة الاهل حلوة بس الربع احلا لاني باكون مع ناس في سني و تفكيرهم نفس تفكيري واكيد احس بامان لان لو ما حس بامان جان ما باطلع وياهم اصلا

ريانة العود

12-09-2006, 04:43 PM

طبعا أأأأأأأأأكيد طلعه الربع وايد حلوه بس انه ماحب طلعات المجمعات وهل السوالف احب انتيمع في بيت احد من ربعنه واذا بنروح مكان انتعشه لازم مانتأخر يعني على الوقت ويكون مكان جرييب وبالنسبه عن الأهل اهووه مو مسأله الثقه اهيه مسأله مبدأ يعني لانه احنه عايشين في مجتمع يمكن شوي له عادات من جذي مو اي مكان ممكن اتروح له البنت عكس الصبي (هياته من الصبح لي فلييل)بس الحمدالله انه اهلي ماعطيني الثقه وعادي اروح اي مكان بس الويك اند ممنوع لانه زحمه والمجمعات بس ايام عاديه عاادي واصلا انه حتى لو بروح اروح الظهر عن الزحمه لاني ماحب اروح اتفرر في المجمعات الا حق قرض :vip_imwit :vip_imwit

][ عووشه ][

12-09-2006, 05:36 PM

انا مايرضون :999:

يعني المجمعات وهل السوالف ويا ربعي لا ..بس مثلا بنتينع في بيت عادي

يسلمو على طرح الموضوع

fido

13-09-2006, 04:35 PM

الصراحة انا كلش ما شوف ان فيها اي شي غلط بالعكس انا اطلع مع ربعي اكثر من اطلع مع بيتنا اصلا نادرا ما اطلع مع بيتنا ولاسباب وااااااااااااااااااايد اهمها ان انا وربعي نفس المود والتفكير

ملك الرجال

12-08-2007, 11:48 PM

ممنوووووووووووووووووووووووع:mad:

خيال طفله

12-08-2007, 11:52 PM

اي عادي دايمـا اطلـع مع ربعـي
بس بشروط طبعـا يعني البنـات امي تعرفهـم وتعرف اهلـهم اكيـد
والوقــت اني ماتأخر :beee:

:biggrin23

ملك الرجال

12-08-2007, 11:53 PM

ممنوووووووووووووووووووووووع:mad:

mashmo5a

12-08-2007, 11:57 PM

عادي شفيها مافيها شي :unsure:

Zombie

13-08-2007, 12:28 AM

:11eatdrop :11eatdrop

انا بصراااحة ما اقدر يمر يوم بدون ما اطلع مع ربعي ..

و اطلع مع اهلي ساعات ..

و الطلعة مع الربع طبعا غير عن الطلعة مع الاهل ..

:aa_crazy: :aa_crazy:

احب اطلع ربعي :unsure: :unsure: ما نقدر ما نطلع ..

و الحمد لله بيتنا ما عندهم مانع على طلعتي مع ربعي ..

و يسلموو

:teehee:

القيصر

13-08-2007, 12:45 AM

شوفوا لكم صرفة مع العضو (ملك الرجال)
قاعد يرفع المواضيع القديمة و الجماعة يردون عليها!!

الطيار

13-08-2007, 12:53 AM

شوفوا لكم صرفة مع العضو (ملك الرجال)
قاعد يرفع المواضيع القديمة و الجماعة يردون عليها!!

طرش حق الادارة يا العضو النشيط
علشان يعرفون
مو تكتب في الموضوع

القيصر

13-08-2007, 01:07 AM

طرش حق الادارة يا العضو النشيط
علشان يعرفون
مو تكتب في الموضوع

الحمد لله اني طرشت قبل لا تطلع فيها و تسوي روحك تنصح :15:

ريم البوادي

13-08-2007, 01:20 AM

عادي هلي يرضون اطلع مع ربعي لان يدرون في بنتهم .. تربيتهـــــم :blush:
و ماتأخر عن البيــت لي نصاي الليل :aa_crazy:

_ مارأيك في الخروج مع رفيقاتك والخروج مع أهلك ..؟؟؟
نفس الشي :vip_haha:

_ هل تحسين بأمان مع رفيقاتك ؟؟ولماذا؟؟
أي , عادي شدعوة وين قاعدين احنا