مسامحة البنت محجوزة ..!!

[فرسان البحرين]

السلام عليكم

شخباركم

اتمنى منكم ان

تفيدوني بأرائكم

في هاي الموضوع



مسامحة البنت محجوزة ..!!

كثيراً ما يسمع الشاب هذه العبارة ,, حينما يدق باب عروس جديده لخطبتها من أهلها .!
حيث أصبح الشباب الآن يعتمدون نظرية )( احجز البنت قبل فوات الأوان )( ...!!!
وصارت هذه النظريه شيئاً متعارفاً عليه في مجتمعاتنا الخليجيه خصوصاً ..!!


أسبابٌ كثيره هي التي مهدت لانتشار هذه الظاهرة الاجتماعيه منذ القِدم ..!!

ففي الزمان القديم كانت البنت تخطب لإبن عمها وهي صغيره لا تفقه في لغة الحياة حرفاً ..!!
وبعد ان تكبر قليلاً تتزوجه وهي لا تعلم لِم ذلك ..!!
سأخبركِ غاليتي .. ذلك لأنكِ سُميتي لإبن عمكِ منذ الصِغر ..!!

وأحياناً لا تسمح ظروف الشاب الماديه والاجتماعيه لهُ بالخطبةِ والزواج حالياً ..
لذلك يسعى لحجز البنت التي يريد من أهلها .. وتبقى مسماةٌ له لأجلٍ غير مسمى ..!!


والآن

مع تطور مجتمعاتنا و معيشتنا في عصرٍ تبدلت فيه تلك المفاهيم القديمه للزواج .!
وصار للزواج معناً آخر .. وصارت طُرقه مختلفه تماماً بعيده عن مشاورة الأم والأخت في شأن من يخطب الولد ..!!
صارت ظاهرة الحجزِ اعمقُ بكثير ..!!

نحن وبلا اختلاف ندركُ كيف أن علاقة الشاب بالفتاة اصبحت معقده كثيراً ..!!
وهذه الظاهره لا يخفى على أحدٍ منا كيف انتشرت بين الشبان والفتيات ..
ولكن بعيداً عن أعين الأهل دائماً ..!
فمن يتعرف على فتاة ويحبها يسعى لحجزها من اهلها كي يطمأن على انها ستبقى لهُ وحده .!

من هذا المنطلق .. أحببت أن ننقاش هذه الظاهره الاجتماعيه
التي قد نسميها وليدةُ الزمن الماضي .. ولكنها اليوم تبدلت بتبدل مفاهيمنا لها .!



اليكي أيتها الفتاة ..!!

هل أنتِ محجوزة ( اختياري ) .؟!
هل تؤيدين مسألة الحجز .؟!
لو سعى أحد الشباب لحجزكِ هل توافقين .!؟
كيف تنظرين للفتاة المحجوزه .؟!
ما سلبيات وايجابيات الحجز في نظركِ .؟!
هل تعتقدين بأن الحجز يؤثر على سمعة الفتاة .!؟
لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!

اليك أيها الشاب ...!!

هل حجزت فتاةً ( اختياري ) .؟!
هل تؤيد مسألة الحجز .؟!
اذا لم تحجز من تريد هل تفكر في ذلك مستقبلاً .؟!
كيف تنظر للفتاة المحجوزة .؟!
ما سلبيات وايجابيات الحجز في نظرِك .؟!
هل تظن بأن الحجز يؤثر على سمعة الفتاة .!؟
لو سعى شاباً لحجز اختِك ماذا ستكون ردة فعلِك .؟!
لو حجزت فتاة ووافقت ثم تقدم لخطبتها آخر فوافقت عليه لأنه الأفضل ما ردة فعلك .؟!


مع تمنياتي القلبيه

للجميع

و الحوار بالمنطق

تحياتي لكم

فرسان

[وجه القمر]

مشكور اخوي على طرحك لذي الموضوع

انا من رايي الشخصي ان سالفة الحجز ما حجز وهالسوالف مالت اول صراحة لان مافي احين احد متحضر ويحجز بنت عشان انه يبيها :walen: شنو ذي؟!!!!!! .... شنو داش مكتب سفريات انت والا شنو ...

انزين فرضا الولد راح وحجز البنت عساس انه يحبها ويبيها له بس مايقدر احين ياخذها ويبي اهلها يصبرون عليه لان حضرة الافندي ماعنده الحين .. انزين بيصبرون سنة .. سنتين .. ثلاث .. اااااااااااااه مو خطوبة ذي لاعت جبد البنية واهي يالسة فغيرة تترياه وآخرتها صارت عليه قروض ومتلعوز بالديون وعقب ماشاب شعرؤ راسها يقول لها روحي ويا نصيبج :shock2: شلون جذي :walen:

تخلف الصراحة :vip_kreh:

احنا عايشين في ديرة متطورة ودارسة وواعية وللحين في ناس جي فغارة الله ينور عقولهم انشالله بالتطور .

وسامحوني انا ابديت رايي بس :vip_haha:

تسلم اخوي على طرحك لذي الموضوع بصراحة ديرتنا ديموقراطية ولازم تنكلم بصوت مسموع :vip_haha:

:vip_imwit :vip_imwit :3fya: :3fya:

[!!جمال الروح!!]

هل أنتِ محجوزة ( اختياري ) .؟!

كنت .. كنت محجوزه حق ولد عمتي .. بس يوم كبرنه تأكدنا ان مانقدر نعيش

مع بعض كزوجين لأن تربينه مع بعض فقررنا ان نبقى مثل الاخوان .. و روح بعيد وتعال سالم ..

هل تؤيدين مسألة الحجز .؟!

امممممم .. على حسب .. يعني مو يحجزها ستين الف سنه .. يعني بالكثير

سنه او لين يخلص جامعه .. بس طبعا اذا كانت البنت تبيييييه .. مو بس على كيف اهلها ..

لو سعى أحد الشباب لحجزكِ هل توافقين .!؟

اذا كان زين ونيته طيبه وعريس لقطه على قولة المصريين اي ليش لا ...

بس ان يكون عذره مقنع .. مثل ما ذكرت مساعه ...

كيف تنظرين للفتاة المحجوزه .؟!

عادي . اشفيها .. ؟؟؟ >_>

ما سلبيات وايجابيات الحجز في نظركِ .؟!

السلبيات اذا كانت البنت مغصوبه على هالحجز ..


اما الايجابيات مادري والله تختلف من موقف لي ثاني ...

هل تعتقدين بأن الحجز يؤثر على سمعة الفتاة .!؟

لا لا لا كلش لا .. اللي يفكر بهالطريقه انسان متخلف .. :n:

لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!

سالفه اهيه .. اذا جذي ولا عمري باتزوج .. كل ما خطبني واحد باقول لا لا اكيد

بييني اللي احسن .. اكيد باتم على وعدي ... وفي النهايه ترا كلشي على النصيب ...


شووووكرن على المووووضووووع

:vip_imwit

[بو جابر]

اليك أيها الشاب ...!!

هل حجزت فتاةً ( اختياري ) .؟!
والله الاهل بداية يقولون حجزنا لك وحجزنالك ...بس انا معطهم السين :aa_crazy:

هل تؤيد مسألة الحجز .؟!
انا ما احبذ هل فكره الرجعية :vip_imwit

اذا لم تحجز من تريد هل تفكر في ذلك مستقبلاً .؟!
والله ما افكر.... ولا ابي احجز لين بغيت اتزوج ذيج الحزه بدور ..اشلي بعوار الراس:victory:
كيف تنظر للفتاة المحجوزة .؟!
ههههه... مادري تذكرني جني حاجز سيارة:aa_crazy: .....ops:shhh: ما سلبيات وايجابيات الحجز في نظرِك .؟!
ما عندهم سالفة يمكن الواحد يغير راية ...الواحد ما يضمن روحه بيعيش بكره او لا.\
هل تظن بأن الحجز يؤثر على سمعة الفتاة .!؟
امممممممم..... ما اعتقد بياثر :vip_mic:

لو سعى شاباً لحجز اختِك ماذا ستكون ردة فعلِك .؟!
هههههه... برفض .... اذا يبيها بتقدم مرة وحده:vip_kreh:

لو حجزت فتاة ووافقت ثم تقدم لخطبتها آخر فوافقت عليه لأنه الأفضل ما ردة فعلك .؟!
هههههههه... الطقاق في غيرها مئات>_>

[نمولة]

هل أنتِ محجوزة ( اختياري ) .؟!

لا انا مو سلعة أنحجز >_>

هل تؤيدين مسألة الحجز .؟!

لا كلش ما أحبذ هالمسألة .. محد يضمن ان الشاب والشابة يظلون يبون بعضهم
يمكن الشاب في أي لحظة يغير رايه
والبنت اهني الضحية ،، تقيدت بلقب المحجوزة وعقب ما امتنعوا الناس انهم يطقون بابها خلاص ما يبيها وتظل طول عمرها محرومة

لو سعى أحد الشباب لحجزكِ هل توافقين .!؟
لا طبعا ..

كيف تنظرين للفتاة المحجوزه .؟!

انظر لها على أساس انها سلعة معروضة للبيع :shhh: " مع احترامي "
بس ماكو فرق بين السلعة اللي يحجزونها ليما الله يفرج الحال وبين البنت اللي تنحجز ليما الخطيب يكون نفسه ويستعد للزواج >_>
اذا يبيها يقدر يخطبها رسمي ومثل الناس واذا اهي تبيه تقدر تنتظره بس مو جذي :unsure:
اصلا فشلة يقولون "محجوزة" :shock2: :shhh:

ما سلبيات وايجابيات الحجز في نظركِ .؟!

السلبيات ان البنت تعلق نفسها على شي يمكن ما يصير مستقبلا ،، واذا فجاة الشاب غير رايه بتصيدها حالة نفسية وما بتسلم من كلام الناس ،، حتى لو اهي ما فيها عيب بيعيبونها وبيقولون ما قال ما يبيها الا شايف فيها شي وجذي :walen: تعرفون كلام الناس ما يخلص ،، وغير هذا خلاص بتظل دون زواج طول عمرها :unsure:
والايجابيات ما اعتقد فيه ايجابيات:unsure:

هل تعتقدين بأن الحجز يؤثر على سمعة الفتاة .!؟

يمكن يؤثر على سمعتها في حالة اذا فجأة الشاب غير رايه ،، مثل ما قلت قبل كلام الناس ما يخلص
والناس تحب تفسر الأمور على كيفها ،، بيقولون ما غير رايه الا شاف عليها شي ،، او شي من هالقبيل يعني

لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!

ما اقدر احط نفسي بالموقف لأني مستحيل أقبل انحجز
لكن يمكن لو احد ايي ويقول يبي يحجزني وانه للحين ما كون نفسه ،، بقول له يبيني خل يكون نفسه وايي وحزتها يصير خير بس طبعا لازم يعرف اني ما بعلق نفسي فيه وما بنطره و اذا ياني احد غير واحسه يناسبني اكيد بوافق ،، لأني ما اضمن اذا ذاك الشخص فعلا للحين يبيني او لا
ما بعلق نفسي في ارجوحة ما لها نهاية :rolleyes:

:blush: وفي الختام السلام

[احلى رفاعية]

هل أنتِ محجوزة ( اختياري ) .؟!
لا :aa_crazy:




هل تؤيدين مسألة الحجز .؟!

عادي يعني سعات على طروف الشخص يمكن اكون ابيه واهو ما يقدر خلاص يعني ارفضه واقول انا مب سلعه هو ما قصد يقلل من قيمتي اهو قصد يخليني له لين ما تتعدل ظروفه وماظن ان كل الرياييل مثثل بعضهم سعات يعني في ريال زين عادي لو قال والله انتي انا ابيج بس انا مب قادر ويحجز عادي كلش المساله مافيها تقليل من نفسي دامه هو يبيني وانا ابيه والاصابع اليد مب سوى مب كل ريال بحجز بهد الي قال يبيها :walen:


لو سعى أحد الشباب لحجزكِ هل توافقين .!؟
على حسب اذا كان ريال زين واخلاقه زينه ومحترم وانا ابيه وراضيه فيه اي ليش لا !! على الاقل احسن من ما يجيني ويخطبني وبعدين ننفصل :vip_haha:


كيف تنظرين للفتاة المحجوزه .؟!
مثل المخطوبه هذا بنظري :mf_wink:



ما سلبيات وايجابيات الحجز في نظركِ .؟!

اممم الحجز السلبي هو مثلا مثل ولد العم لبنت العم واهم ما يحبون بعض او انه ينظر لها اخته وهي تنظر له اخوه بس لازم ياخذها هذا وايد يعور قلبي يعني الغصب وطبعا الزواج ما فيه غصب :(


هل تعتقدين بأن الحجز يؤثر على سمعة الفتاة .!؟
لا كلش على الاقل احسن من البنت الي تكلم لها واحد سنين ويوعدها بييها وبعدين لا ايي ولا
او انه صج يبي ايي بس بالنهايه الزمن يفرقهم يعني احس بوايد احسن :206f:



لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!
امممممم اخذ الثاني يعني اذا افضل اكيد انا ادور الافضل بس مادري لي صار اخبرك :vip_haha: :aa_crazy:

[فرسان البحرين]

لي عوده بالتعليق

تحياتي للجميع

فرسان

[(((نحوووله)))]

أنا أمي كانت هاذي حجتها اذا أحد تقدم لي وما تبيه

تقول لهم ( والله بنتي متكلمين عليها ) يعني هاذي ترفضهم بذرابه

[الزينة أنا]

هل تؤيدين مسألة الحجز .؟!
اذا البنت تبيه واهو زين ومستعده تنطره مافيها شي :vip_haha:

لو سعى أحد الشباب لحجزكِ هل توافقين .!؟
ااي اذا زين بس طبعا اذا هلي راضيين وماعندهم مانع فسالفة الحجز هاذي :aa_crazy:

كيف تنظرين للفتاة المحجوزه .؟!
امممم عادي على انها مخطوبه !!

ما سلبيات وايجابيات الحجز في نظركِ .؟!
سالبياته فنظري انه البنت والولد ينظلمون اذا السالفه كانت غصب
وبعد يمكن تضيع عالبنت فرص اذا انتظرته سنتين او 3 او اكثر وعقب م الله يكتب بينهم نصيب :n:
وايجابياته اذا كانت البنت تبيه والولد ماينتفوت وعنده ظروفه مثلا ليحين ماتخرج :victory:

هل تعتقدين بأن الحجز يؤثر على سمعة الفتاة .!؟
اممممممم لالا لأنها تعتبر مخطوبه !

لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!
اتم على الأولي لأنه عيب وهب عدله علي اني اترك الأولي واهون عنه عشان الثاني
اذا كانت البنت مسميه حق احد يعني السالفه تعتبر خطبه والرسول عليه الصلاة والسلام ناهي عن الخطبه على خطبه لأنها تغلظ القلوب :2:


مشكووور عالموضوع وايد حلو:3fya:

[غلا الروح]

هل أنتِ محجوزة ( اختياري ) .؟!
لا :blush:


هل تؤيدين مسألة الحجز .؟!
اذا كانت البنت مواقفه وليس بغصب:unsure:


لو سعى أحد الشباب لحجزكِ هل توافقين .!؟

اذا ما عليه كلام ليش ما اوافق:blush:
كيف تنظرين للفتاة المحجوزه .؟!
عادي ما فيها شي>_>


ما سلبيات وايجابيات الحجز في نظركِ .؟!

ما اعقتد انه اكووو شي شي طبيعي عادي :mf_wink:
هل تعتقدين بأن الحجز يؤثر على سمعة الفتاة .!؟

لا :mf_wink:
لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!

اظل على رائيي الاول :blush:

[مزيونة العين]

السلام عليكم
جزاك الله خيراً أخي ع الموضوع المستحق للمناقشة

هل أنتِ محجوزة ( اختياري ) .؟!

بصراااااااحة لاء
هل تؤيدين مسألة الحجز .؟!

أبداً
لو سعى أحد الشباب لحجزكِ هل توافقين .!؟

يمكن هيه اذا دين و خلق و اصل و الأغلبية لاء يعني يتم معلقة لسنه او سنتين امممم والله يبالها تفكير و تتحتمل الجوابين

كيف تنظرين للفتاة المحجوزه .؟!

كأخت لي و عادي مثلي مثلها و بالعكس أحترمها أكثر بدال ما تكون علاقات لا تحل فالاسلام

ما سلبيات وايجابيات الحجز في نظركِ .؟!

فيه سلبيات و اجابيات الايجابيات انه الوحدة ممكن تطمأن انه محجوزة يغني هب عانس و السلبيات ممكن واحد يخطب و يكون احسن من القبلي

هل تعتقدين بأن الحجز يؤثر على سمعة الفتاة .!؟
لا ما أظن

لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!

ما أعرف الحديث و لكن معناه انه رسول الله صلى الله عليه و سلم قال لا يخطب الأخ المسلم فوق خطبة اخوه المسلم و بالنسبة لي ما راح اوافق ع الثاني لني عطيت كلمة ورد للقبلي و ما أحب ارجع في كلمتي و اكون قد الكلمة اللي عطيتها

و تسلم اخوي ع الموضوع

[.PrincipesSa.]

هل أنتِ محجوزة ( اختياري ) .؟!
--- لا
هل تؤيدين مسألة الحجز .؟!
--- ممكن في بعض الاحيان
لو سعى أحد الشباب لحجزكِ هل توافقين .!؟
--- الله اعلم
كيف تنظرين للفتاة المحجوزه .؟!
--- مسكيينه
ما سلبيات وايجابيات الحجز في نظركِ .؟!
--- من السلبيات ممكن ترفض ريال احسن من هاللي حاجزينه لها --- الايجابيات مادري والله يمكن ان البنت اتحس بالامان اكثر
هل تعتقدين بأن الحجز يؤثر على سمعة الفتاة .!؟
--- والله اللي بقولونه والله يا حليلها هالابنيه محجزوه لفلان
لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!
--- يمكن اصير جذي ->:007: لان مادري اشبيكون شعوري

[الخداع]

هل حجزت فتاةً ( اختياري ) .؟!
اي بس عيت الظروف بعكس مجاريها

هل تؤيد مسألة الحجز .؟!
اذا تستاهل و جد .. اي

اذا لم تحجز من تريد هل تفكر في ذلك مستقبلاً .؟!
.........

كيف تنظر للفتاة المحجوزة .؟!
بنت يتمناها من حاجزها !

ما سلبيات وايجابيات الحجز في نظرِك .؟!
يعلق قلب الشاب و الشابه .. وقد تحدث امور و يتغير نصيبهم فعيشون في احباااط

هل تظن بأن الحجز يؤثر على سمعة الفتاة .!؟
بالخير فقط !

لو سعى شاباً لحجز اختِك ماذا ستكون ردة فعلِك .؟!
اذا من الاهل و عن طريق امه و امي او ابوه و ابوي .. اي !

لو حجزت فتاة ووافقت ثم تقدم لخطبتها آخر فوافقت عليه لأنه الأفضل ما ردة فعلك .؟!
اكتشف اني مغفل !

شكرا اخوي على الموضوع


ونــصــيحة :
لاتعلق قلبك بشخص الا بعد اتمام الملجه !!!
لان ماتدري شيصير !!

نصيحة لوجه الله !!

تحياتي

[احلى رفاعية]

ونــصــيحة :
لاتعلق قلبك بشخص الا بعد اتمام الملجه !!!
لان ماتدري شيصير !!
نصيحة لوجه الله !!
تحياتي[/QUOTE]
:3fya: :3fya: :3fya:

لان مشكله اذا تعلق قلبك باحد وتنفصل :vip_b9eee

[Emany]

مرحبـا ..

أنا مافضل الحجز الا اذا كانو كبـار ويبون بعض صج مب انه يبي يحجزها وخلاص ! يعني يكونون بعمـر مسموح لهم بالزواج فيه 21 وفوق !

مب واحد يروح يحجز له وحده واهيه 17 والا 16 سنهـ ! :walen: .. صعبهـ وايد ترى.. البنت بتكون في مرحلة المراهقه وبعدين بتكبر وبتطلع وتدش وتجوف الدنيه وخصوصا اذا دشت الجامعه وجافت الجنس الآخر وتأثرت في واحد منهم ! وخصوصا" اهيه ليلحين مشاعرها مب مستقره !

أنا بـوافق ع واحد يحجزني بس مثل ماقلت قبـل,, يكون كبيـر - مب بس بسنه حتى بعقله - هاي لو كانت عنده طروف تأجل الملجه ..

والا فـلا .. البنيه مابتم تنطر مليون سنه عشان اللي حاجزها ايي ويخطبها :rolleyes:

[الخداع]

ونــصــيحة :
لاتعلق قلبك بشخص الا بعد اتمام الملجه !!!
لان ماتدري شيصير !!
نصيحة لوجه الله !!
تحياتي
:3fya: :3fya: :3fya:
لان مشكله اذا تعلق قلبك باحد وتنفصل :vip_b9eee[/QUOTE]

كلمة مشكلة شوي .. تقدرين تقولين مصيبه ! كارثه !

سامحوني اذا قلت هالبيتين !!

لاتحب يا صاحبي اليوم .. مات الحب بهل الزمـان
مايفيد ياخوي اللوم !! ... والخل ماله اليوم امـان !!

واشكرك اخوي فرسان على الموضوع
وان شاء الله نتواصل في القصيد قسم الشعر:vip_imwit

[Emany]

ايهـ والله ..

صح لسانك الخداع .. ;)

[احلى رفاعية]

:vip_b9eee

صح لسانك
الله يعين هالناس الي يفترقون وقلوبهم معلقه ببعض :vip_b9eee

[الخداع]

صح الله بدنكم !

الله يعطي كل واحد على قد نيته !!

و اللهم أرزقنا الزواج الصالح و الذرية الصالحة يا رب

تحياتي

[فرسان البحرين]

هاااااااااااااااااا

اشووف فليتووهااا

اشعاار من وراناااا

ونحن ماندري

تعاااال يالدب هنااك

اراويك مب هني

يالله اتريااك بالتحدي

ولا تطول عليييي



وتسلمون اخواني

واخواتي

على المرور

و الرد ولي عوده

للتعليق

مع تحياتي

فرسان

[الخداع]

هاااااااااااااااااا
اشووف فليتووهااا
اشعاار من وراناااا
ونحن ماندري
تعاااال يالدب هنااك
اراويك مب هني
يالله اتريااك بالتحدي
ولا تطول عليييي
وتسلمون اخواني
واخواتي
على المرور
و الرد ولي عوده
للتعليق
مع تحياتي
فرسان

لا بس حبيت اسوي جو شاعري في الموضوع :vip_kreh: :rofl:

[jasim]

هل حجزت فتاةً ( اختياري ) .؟!
هل تؤيد مسألة الحجز .؟!
اذا لم تحجز من تريد هل تفكر في ذلك مستقبلاً .؟!
كيف تنظر للفتاة المحجوزة .؟!
ما سلبيات وايجابيات الحجز في نظرِك .؟!
هل تظن بأن الحجز يؤثر على سمعة الفتاة .!؟
لو سعى شاباً لحجز اختِك ماذا ستكون ردة فعلِك .؟!
لو حجزت فتاة ووافقت ثم تقدم لخطبتها آخر فوافقت عليه لأنه الأفضل ما ردة فعلك .؟!

انا ما يصير ارد على الاسئلة الا سؤال واحد وطبعا برد عليه :rolleyes:

لو سعى شاباً لحجز اختِك ماذا ستكون ردة فعلِك .؟!

طبعا... ارفض .... وخصوصا ان هالمسألة بالذات مسألة الحجز صارت عقدة عند عائلتنا >_>
وطبعا هذي المثل اللي يقول
اذا خانك صديق مرة فالحق عليه هو واما اذا خانك مرة ثانية فالحق عليك انت ....

وشكــــــــــــــــــــــرا عالموضوع :rolleyes: :vip_imwit

[الخداع]

دمع الندم مايفيد لا فات الفوت

تحياتي

[ريــمــه]

هل أنتِ محجوزة ( اختياري ) .؟!
لا ..بس يعني الاهل كانو يبوني حق فلان من عايلتنه ويبونه لي وهلون يعني
بس مو انه محجوزه واهو محجوز لا ..يعني جاف غيري جفت غيره كان بها
هل تؤيدين مسألة الحجز .؟!
طل ..>_>
لو سعى أحد الشباب لحجزكِ هل توافقين .!؟
,,,,,,,,,,,,,,,,,,,,,,,,,,,,,,,,>_>
كيف تنظرين للفتاة المحجوزه .؟!
الحجز اول ممكن ..يعني كان الحجز انه عن طريق الاهل
مو احد غريب او شاب غريب لانه اظن ذي السالفه فيها مشاكل وشنو معنى انه يحجزني شنو انا!!>_>
ولو صار ماصار ..سمعه البنيه خراب ..والصبي ينسى ولا في اذنه ماي >_>
ما سلبيات وايجابيات الحجز في نظركِ .؟!
اهو اغلبه سلبياات لانه على اي اساس اختارو فلان حق فلان
من يوم اهمه زغار! على اساس قد بعض! على اساس من الاهل!!
الايجابيات ..اذا ثنين كانو متفقين 100% بيكون ذي الشي ايجابي لانه اهو يكون عنده فكره عن الانسان اللي بيرتبط فيه من البدايه
هل تعتقدين بأن الحجز يؤثر على سمعة الفتاة .!؟
اذا من الاهل ماظن ..صار ماصار يبقى ولد عمج ولد وخالتج ولد ولد ..
بس اذا مو من الاهل مشكله ..!! صعب تلقى شخص تثق فيه
واذا وثقت فيه والامور صافيه بينكم ..ماتدري طينته حزت الفراق
لو حجزكِ شاباً ووافقتي على ذلك ثم خطبكِ آخر بمواصفات افضل كيف تتصرفين .؟!
اذا الشاب اللي حاجزني 100% واثقه منه واحبه واقدره واجوف فيه اللي ابيه
واهو بعد معاي نفس الشي ..عسى اييني غيير وغيير ..بتم على وعدي وياه
بس انا قلت 100% واظن صعب ذي الشي وايد ..خاصه اذا صدت على الطرف ثاني
زله او تصرف ماعجبك ...
بعدين اجوف مصلحتي وافكر في الامور ..واللي الله يكتبه وخلاص

تســــلم اخوي فرسان على الموضوع :vip_imwit