ماهو افضل سن للزواج؟؟؟

[بنت العايله]

السلام عليكم ورحمة الله وبركاته

الزواج المبكر مستحب مندوب ، كما أمر النبي صلى الله عليه وسلم الشباب فقال : ( يامعشر الشباب ، من استطاع منكم الباءة فليتزوج ، فإنه أغض للبصر وأحصن للفرج . ومن لم يستطع فعليه بالصوم فإنه له وجاء)

ويقول الله تعالى: (وَأَنْكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ)


هذه مقدمه لموضوعي المطروح للنقاش ...بعد ان لفت نظري خبر وهو

اصدر عمدة مدينة فتوجيري (في جنوب ايطاليا) إنذارا غريبا لعزاب مدينته هددهم فيه بالزواج والإنجاب - أو فرض ضرائب باهظة واستثناء من فرص التوظيف والاستثمار.. والسبب الذي دفعه لإطلاق هذا التهديد هو كثرة العوانس في بلدته والإغلاق المتصاعد للمدارس بسبب انخفاض معدل الإنجاب..

وقرار العمدة هذا ليس إلا مثالا للحرب غير المباشرة التي تشنها كل الأمم ضد العزوبية والعزاب

من هنا يأتي سؤالي متى تطلق.(..تطلقين.).. العزوبية ...؟؟؟

او بمعنى آخر ما هو افضل سن للزواج في رأيك ؟؟؟


انتظر نقاشاتكم

[.PrincipesSa.]

يمكن الحين :aa_crazy: 19 :aa_crazy: :blush:

لا احس انسب شي 22 - 23 - 24

[الخداع]

والله انا الاهل ماكليني بثيابي من ناحية الزواج :vip_kreh:
يبوني اتزوج اليوم قبل بكره



هههههههههه:biggrin23

بس انا افكر اتزوج بعد سنتين .. ابي استانس بشبابي :biggrin23

[~ εммo ~]

مشكوره على الموضوع

انه من رايي انه مانقدر نحدد انسب سن للزواج لان في بنات صغار بالعمر 15 16 سنه يقدرون يشيلون مسؤليه بيت كامل وفي العكس بنات فوق ال 20 سنه لكن لحين تحسينهم يهال ..
يعني يعتمد على البنت نفسها وقدره تحملها المسؤليه :mf_wink:

[- Girl -]

انا رايي من راي بطوطة

انا في رايي ما جوفها غلط اذا البنت اول ما تخلص المدرسة تنخطب اذا كان ريلها كفوا وا يقدر يتحمل المسئولية وحالته الحمدالله زينة من ناحية كلشي

يعطيج العافية

[كتكوتة البحرين]

بطه جوابج حلو .. بس ما احسها حلوه في حق وحده عمرها 15 او 16 تتحمل مسؤلية ,, يمكن على زمان أول هاي شي طبيعي بس الحين الوحده اول شي لازم تكمل تعليمها على الاقل ثانويه .. و الزواج قسمه و نصيب و الوحده اذا ياها النصيب ودها في الستر .. بس احس انه البنت حتى لو كانت قد المسؤليه تبتدي تفكر في موضوع الزواج من بعد سن الرشد يعني بعد 21 سنه

و شـ ك ـرا ع الموضــ,,,ــوع اختي ,,

[بنت@@@القبايل]

24 25 :victory:

[احلى رفاعية]

24 :vip_imwit

او اهم شي على البنت واذا تبي تزوج بعمر محددته لنفسها او اذا تبي تكمل دراستها
:rolleyes:

[ريم]

19

بس اهم شي اتكون قد المسؤليه

[FeaR The FirE]

البنت 23
الولد 27

:rolleyes:

[Ra3yT.AL.KrooZr]

انا اقول كل وحده ومسؤليتهااا اذا تقدر ولا لاء اصراحه

[روح الـــبــــداوة]

آنه آقول 23
سن معقول ومناسب لزواج البنت وطبعا الريال لازم اكبر منها يعني 25 26 :vip_imwit

[SugaR]

بين ال 22-25 آحس :unsure:

[شيخة الكل]

انه من رايي ان العمر مايتحدد بس مو معنى ان تتزوج البنت و هي 16 ...19
لا البنت تتزوج اذا كانت مستعده للالتزام و قادره على تحمل المسؤليه و العمر يكون مناسب من 24...مالا نهايه..

و نفس الكلام للريال لازم يكون يقدر يتحمل مسؤليه بيت و اسره ..


و سلامتكم..:blush:

[غــــــــــــرور]

>_> كل واحد ونصيبه والواحد ما يقدر يحدد متى وقت زواجه

هذا كتبة رب العالمين

بس برايي ان البنت لها من 23 ورايح

والولد من 24 ورايح

[:!: Pinky Girl :!:]

مثل ماقالت غرور كل واحد ونصيبه

بس عندي البنت 22 واكثر

والصبي 24 واكثر

:mf_wink:

[بنت العايله]

يعطيكم العافيه :rolleyes:

[بوسعد]

رايي أن سن الزواج يكون 22 إلى 24 في دول ثانية الرجال عندهم اذا تيسر عندهم الحال راحو يخطبون على طول بدون تأخير للأسف أحنه عندنه في البحرين في هاذي الأعوام تأخر في الزواج وانه من وجهة نظري آقول أن الزواج يكون من22 إلى 24 طبعا يكون الزوج قد المسؤلية ، في مجتمعنا ليش الرجال ينجذبون للفتن طبعا الفتن موجوده في كل محل الآن ، لأن الرجال يمل يبي يتزوج لكن يقولك ماعندي حق زواج ماعندي حق مهر وله وهالأشياء فينحرف وخصوصاً اذا كان لايصوم ، فأنا أنصح الشباب بالزواج المبكر.
وإن شاء الله ماطولت عليكم في الرد..
ويزاج الله خير أختي على طرح الموضوع..

[Mr.CrazY]

انا اقوووووول سن الـــ24 وايد مناااااااسب

[راعي الهمر]

انه رايي من راي بوسعد :vip_imwit

ومشكورة على الموضوع:3fya:

[بـ الأجاويد ـنت]

:rolleyes: السن المناسب للزواج من 23-25 :rolleyes:
:2: وبنات هالأيام يبون يتزوجون من 19 :2: بس الافضل تكوين النفس
والزواج حياه وفيها مسؤليه

ومشكورة ع الموضوع :vip_imwit :vip_imwit

[little_fairy]

مافي سن محدد...
بس دائما ايقولون بداية العشرين احسن شن...
بس انه اقول متى ماالله يكتب للشخص..

[bos3ood]

البنات 23 وفوق ..

والاولاد 27 وفوق ..


:_05:

[مـــــلاك]

وعليكم السلام ورحمة الله وبركاته ..


من وجهة نظري :

البنت >> 22 - 26
(تكون مستعده لمسؤولية الزواج والارتباط بشريك الحياه أولاً .. وبعدها يتحدد السن)

الشاب >> 25 وفوق
( يكون مكون روحه ومستعد لمسؤولية الزواج بعد أولاً .. وبعدها يتحدد السن)


تحياتي لج .. :)

[بنت العايله]

تسلمووون على الردوود

[!i!كــوكــي!i!]

انا صرااحه الي اجووفه
البنات الحين عمرهم 16 و يملجوون و ريالهم يمكن 20 - 21
انا الي اجووفه انسب سن اهوا 23 او 24
على الاقل في هالسن قدر الصبي يكوون رووحه
والبنيه اتخلص دراستها
:_78:

[Zombie]

24 او 25 للبنتو 26 لي 35 للولد

و السبب في رايي .. لأن البنت في عمر 24 او 25 بتكوون واعية و عاقلة بما فيه الكفاية انها تتزوج و بتكون رزينة و عاقلة و شبعانه من حياة العزوبية يعني في هاي الحالة راح تعطي زوجها حقة ..
غير عن البنت اذا اتزوجت و عمرها 19 او 18 تكون وايد صغيرة و مو قد مسؤولية و زواج ..

و عن الولد .. طبعا كل الشباب يحبوون الطلعات و الروحات و السهر و قعدات الربع يعني اذا اتزوج في عمر صغير راح يعطي اهمية حق زوجته في البداية لكن بعدين بيقوول لا انا ما شبعت من ربعي ابي اطلع معاهم و اسهر مثل قبل !!! يعني بوضووح راح يضلم زوجته معاه .. و ما راح يعطيها الوقت الكافي من وقته .. لكن اذا تزوج في سن كبير شوي يكون فيه عاقل و واعي و عايش حياته و عنده تجارب بيكون شبعان من حياة العزوبية و يبي من جد يرتبط و يستقر يعني ما راح يضلم زوجته معاه..

هاي رايي في هاي الموضووع ..

ميرسيييي ..

[بنت العايله]

تسلموون على الردوود

[بنت الغالي]

انسب شي 22-25 لنساء

ورجال .. بين 25-30

[!!جمال الروح!!]

الحديث الشريف انقال في شباب اول .. مو شباب هالايام مع احترامي ..

" بعضهم مو كلهم "

عشان لا تزفوني ..

اللحين محد يقدر يحدد كفاءة شخص ما في سالفة الزواج وتحمل المسؤليه من باب

العمر .. كلش لا

ياما رياييل جثث .. والعمر طاق الثلاثين بس اهمه ولا شي... يعني وصه ولا تعتمد عليه ...

وياما شباب ما صكوا العشرين .. ينشد فيهم الظهر .. تعطيه بنتك ولا اختك وانته مغمض ..

ومآمن ..

يعني باختصار في رأيي ان الشخصيه اهيه اللي تحدد مو العمر ..

وتسلمين على الموضوع ...

[!!جمال الروح!!]

وكلامي ينطبق على البنات بعد .. مو بس الشباب ...

[نبض القلوب]

والله انا من رايي لين اتخلص البنت الجامعة على الاقل 24 سنة تكون عاقلة فاهمة وعندها شهادتها الجامعية للزمن ( سبحان الله ما تدرون شنو يصير )
وسلامتكم

[الدمعه]

انا من رايي متى ماخلصت دراستها واشتغلت وتمت في وظيفتها سنتين على الاقل

بعدين اتفكر بالزواج مجرد تفكير:_66: وبعدين اهي حرة:_67:

[ahmadc5]

بالنسبه لي لن ارضى ببنت اكبر من 22 سنه
وكل ما تساهلت البت في الزواج كل ما جربت من العنوسه
والعنوسه الان مرتفعه وفي تزايد..والسبب انشغال البنت بالدراسه وغيرها

مجرد رأي