اسمع كلامي زين لو كنت ماقصدك [الأرشيف]

مشاهدة النسخة كاملة : اسمع كلامي زين لو كنت ماقصدك

راعي المعاني

30-09-2006, 08:26 PM

السلام عليكم والرحمه

قصيده لجزل القصيد عبدالله المرشدي

بعناون

اسمع كلامي زين لو كنت ماقصدك

ياسامعٍ قولي عسـى الله يسعـدك
عسى الولي يكفيك شر المصايـب

اسمع كلامي زين لو كنت ماقصدك
بعطيك موجز فيه درس وغرايـب

الموت لو قفيـت تلقـاه يطـردك
ولابد ماتركـز عليـك النصايـب

بالاخـره مافيـه شـيٍ يساعـدك
الا رضى ربـك وفعلـك سبايـب

نفسك هواها يم الاخطـار يـوردك
لاصرت تتبعهـا بلايـا حسايـب

حاسب ضميرك واذكر اللي يشاهدك
الواحد القهـار منـش السحايـب

من شان دينك جاهد اللي يجاهـدك
الماكر الغـدار سـاس النشايـب

ابليس بالتظيل والكـذب يوعـدك
ويترك في يـومٍ تضيـع القرايـب

سود الليالي لوصفت لـك تعانـدك
وان طال عمرك شفت فيها عجايب

ماينفعك لاحتجت ياكـود ساعـدك
وجيبك يفكك من كثيـر الطلايـب

ان فاض مالك نايد الخلق تـاردك
وان قل مالك قالو النـاس عايـب

لاذاع صيتك قاصر الباع يحسـدك
ويفرح بفعلك عزوتـك والحبايـب

من لاعرف قدرك لياغبـت يفقـدك
ويبكيك لاصكـت عليـه النوايـب

اعرض عن اللي في كلامك يراددك
حتى ولو في هرجتك كنت صايـب

واعرف كلام الناس ماهوب زايدك
ماتنقص الهرجه عطيب الضرايـب

اسمع كلامي زين لو كنت ماقصدك
ترا كلامـي فيـه درس وغرايـب

وسلامتكم

تحياتي

promise

30-09-2006, 08:36 PM

تسلم اخوووووووووي
يعطيك الف عاااااااااااااافية:_67:

عويشة

30-09-2006, 08:51 PM

يعطيك العافية اخوي

صح لسان من قال وتسلم يد من نقل:_67:

5o5a

30-09-2006, 09:07 PM

ان فاض مالك نايد الخلق تـاردك
وان قل مالك قالو النـاس عايـب

لاذاع صيتك قاصر الباع يحسـدك
ويفرح بفعلك عزوتـك والحبايـب

نصائح رائعه تحتويها القصيدة

الف شكر لك

alasmranya

30-09-2006, 09:13 PM

تسلم يا الغالي والله خوش كلام

__Musta7iL__

30-09-2006, 09:29 PM

تسلم يا راعي المعاني وما قصرت

نقل ولا اروع

فرسان البحرين

01-10-2006, 02:53 AM

تسلم والله الغالي

ع النقل الجميل

وهل من معتبر؟؟؟؟؟؟؟

تحياتي لك

فرسان

راعي المعاني

01-10-2006, 07:05 PM

شاكر حضوركم الرائع اعزائي

يعطيكم ربي الف عافيه

تحياتي

Hot chile

01-10-2006, 08:27 PM

يعطيك العافية اخوي

Baby Angel

01-10-2006, 09:37 PM

صح لسان من قال ونقل ..
_95:
الموت لو قفيـت تلقـاه يطـردك
ولابد ماتركـز عليـك النصايـب

بالاخـره مافيـه شـيٍ يساعـدك
الا رضى ربـك وفعلـك سبايـب

تسلم لنا اخوي الغالي على الاختيار المبدع لهذي القصيده ..:_94:

الصراحه من معانيها تعجزك عن وصفها ..:_36:

جيت ابي اشكرك على القصيد عجزت اعبر عن قدر معانيها .. :_74:

تسلم لنا يا شاعرنا وما قصرت ويعطيك الله الف عافية على المجهود .. :_67:

:: آهـــــــااات ::

18-10-2006, 01:50 AM

يعطيك العافية اخوي:_67:

راعي المعاني

18-10-2006, 08:39 AM

يعطيكم ربي الف عافيه اعزائي

وشاكر حضوركم العطر اللي اسعدني كثير

تحياتي