معي منهي صلاحيته ؟؟!!

[المجروحــه]

كتبت الحرف .. يمكنٌه .. يريحني ويحييني ..
يرد الروح للمجروح ويصفي له على نيته ..

ابرثي به زمانٍ فات / فيه الحظ ناسيني ..
جفاني لين صحٌاني .. وماجاني تمنيته ..

وفيه اثني على قلبٍ مع الايامـ طاويني ..
تجبٌر يومـ.. زاد اللومـ .. وجملٌني وحييته

.. رفعت بشيمتي قدرهـ عن اللي راح جافيني ..
يقول: (( اقفل على بابٍ معكـ بالطيب خشيته ))..

وقال: (( انت السبب / فـ اللي جرا لاعاد تطريني ..
مشيت لعينكـ بدربٍ مدري شلون خطيته ..

انا ماني على خبركـ .. كبرت وزادت سنيني ..
سمعت وشفت مايكفي ومنكـ القرب مليته ..

كثير اللي تعدوولكـ ياولد الناس خليني ..
ابي تمسح عناويني جفاكـ اليومـ حبيته ))!!

وهذا غيض من فيضٍ سمعته وكان يكفيني ..
اقول اسف حسافه يازمن وشلون قسيته ..

انا اللي كنت في عينه كبير وكان في عيني ..
يساوي كل من حوله .. مع الغالين خصيته ..

صفالي وكنت صافي له وكان بجد يغليني ..
يحس بخاطري لاضقت ولامن ضاق حسيته .!!.

حسبته حسبة اخواني عفيف وعزني ديني ..
وكان الخوف من لحظه يصير اللي تحاشيته ..

غلطت وغلطة الشاطر/ كادت صدق تنيهني ..
مشيت بعكس تيارٍ .. عليه الهمـ خاويته ..

جرفني ضغطه العالي بصافي الجو مغريني ..
ولكن يومـ ساومني .. بكل ماجاهـ هنيته ..

وكنت بعيد عن من هو لوحدهـ كان يعنيني ..
هقيت انه بيعذرني .. اذا ابطيت ماجيته ..

صبرت وكنت متامل مع الصدفه يناديني ..
يطمني على احواله .. يهلٌي يومـ لاقيته ..

وشفته ليت ماشفته .. عجزت اغسلٌ يديني ..
فجاهـ بان عذروبه .. كشفته له وغطيته ..

ودار العامـ وكلمته .. ابي شرحه يوٌفيني ..
جلسنا ساعتين الا .. (( كرهني لين همٌيته !! )) ..

حقيقه زادني حيرهـ .. يصيب ومرهـ يخطيني ..
ولكن زبدة الموضوع معي منهي صلاحيته ؟؟!!

اذا هي جاتني منه .. انا عقلي مخاويني ..
واقول ارجوكـ ياعقله .. تطفي عود كبريته ..!!!!!!!!!!!!

مادامه صادق بقوله انا وشهو معنٌيني ..
ابتناسى على بالي .. وبانسى ماتناسيته ..

انا من عافني عفته .. ولو فرقاهـ تكويني ..
اذا المعروف جامعنا .. يازين الطيب في بيته ..

وانا لامن عطيت اصفي اوٌفي مدة يميني ..
واذا مابيٌن فـعينه جميلي فيه مااحصيته ..

وانا لامن مشيت بدرب تمٌيز فيه رجليني ..
اسير بخطوتي واثق .. وحدي ماتعديته ..


منقوول

[هـواوي]

شاعرتنا المتألقه

المجروحه

حتى في نقلج للقصايد ذوووق

نتنظر جديدج

تسلم يدج ويعطيج العافيه
:_78:

[فرسان البحرين]

تسلمي الغلا

الغايبه عنااا

ع النقل الروعه

ولا هنتي

تحياتي لج

فرسان

[5o5a]

من طول الغيبات جاب الغنايم


كلك ذوق يالغلا


تسلمين

[__Musta7iL__]

نقل ولا اروع
لذوق هو الأروع

تسلمين يا المجروحــه

[مذهلــه]

انا من عافني عفته .. ولو فرقاهـ تكويني ..
اذا المعروف جامعنا .. يازين الطيب في بيته ..


روعــه ياالمجروحه .. :_67:

[نسايم]

غلطت وغلطة الشاطر/ كادت صدق تنيهني ..
مشيت بعكس تيارٍ .. عليه الهمـ خاويته ..



يعطيج العافيه اختي الغاليه

ولا هنتي

[راعي المعاني]

حقيقه زادني حيرهـ .. يصيب ومرهـ يخطيني ..
ولكن زبدة الموضوع معي منهي صلاحيته ؟؟!!

اذا هي جاتني منه .. انا عقلي مخاويني ..
واقول ارجوكـ ياعقله .. تطفي عود كبريته

صح الله لسان قايلها وناقلها

ماتجيبين الا الزين مشرفتنا

يعطيج ربي الف عافيه

تحياتي

[Hot chile]

صح لسانج اختي

[Baby Angel]

صح لسان من قال ونقل .._95:

نقلج دليل ذوقج ..:_25:

والصراحه ما يختار هالقصيد الا صابح الذوق العالي والرفيع وهاذي اكيد مافي غيرها مجروحتنا ..:_94:

كلمات القصيد معبرة وحلوه ومملؤة بالمعاني .. :_36:

صح لسان من قال ونقل والصراحه اكثر بيتين عجبوني هاذيله ..:_67:

انا من عافني عفته .. ولو فرقاهـ تكويني ..
اذا المعروف جامعنا .. يازين الطيب في بيته ..

تسلميييييين مجرووحتنا .. :_67:

[قلب وافي]

شاعرتنا والتى لا معنى لشعر إلا حينما يكتب من بين اناملها
استطيع ان ادخل واجد نفسي قادرا على الرد ما دام من أختيارك
لا من كتاباتك فدائما حينما ادخل مشاركة حروفها مكتوبة من بوحك
لا اجد الرد او اجد فيها دروبا لا استطيع ان امشي فيها لقصر قامتي
عن مقامك ولهذا وبعد شوق طويل لمعانقة حروفك انثر بعضي لا حروفي
هنا في سمائك والتى قد امتلأت بباقاتك العطرة والتى أخترتها لنا


صح لساااااااااااانك ولسااااااااااااااان من قاااااااااااال
وأن كان قد لبست ثوب الروعة وحلل الجمال
باختيارك لها اكثر مما لو وجدت في مكان آخر