هل تقبلين بالزواج برجل عقيم؟؟ هل تقبل الزواج بإمرأة عاقر؟؟

[غزالة البحرين]

السلام عليكم :)
أكيد كل وحدة منا تتمنى انها تتزوج عشان تكون أسرة.. و يصير عندها عيال و بيت... و تحقق حلم الأمومة اللي هو أكيد حلم كل وحدة فينه :$
نفترض أنه تقدم لج شخص...أخلاقه و دينه ما عليهم كلام... إنسان طيب من عايلة محترمة... يحبج و شاريج... و فيه كل المواصفات اللي تحلم بها أي بنت...
لكن
هاي الشخص عقيم... يعني ما اييب عيال... انتي هني شلون بتصرفين؟
اولا: شنو بيكون موقفج لو عرفتي أنه هو عقيم قبل ما ترتبطين فيه... توافقين عليه على امل أن الله يرزقكم بعيال في المستقبل أو حتى تضحين بأمومتج عشان هذي الشخص أو ترفضينه بحجة أنه أنتي من حقج أن يكون عندج عيال مثل غيرج؟
ثانيا:لو عرفتي هالشي بعد ما تزوجتيه خلاص... شبتسوين؟؟ تواصلين حياتج معاه لانه إنسان طيب و شهم و ما في مثله... أو أنه حبج و شوقج أنج تكونين أم بيكون أكبر من هذي هالشي و بيخليج تفكرين في الانفصال مثلا...
ملاحظة: الموضوع موجه للبنات و الشباب ... يعني الشباب نفس الشي بس يعكسون الوضع عندهم http://www.asmilies.com/smiliespic/happy/007.gif
أتمنى أجوف ردودكم و تفاعلكم مع الموضوع بكل صراحة ;)

[Emany]

وعليكم السلام و الرحمه ..

مابرفض دام انه ريال و شاريني و اخلاق .. مستعده اضحي بأغلى حلم عندنا .. و خصوصا اذا اكنت احبه و يحبني بكل إخلاص ..

عاد اذا عرفت بعد ماتزوجنا .. يمكن يضايقني في بداية الأمر .. ليش انه ماقالي هالشي .. بس بعدين بكون كوول .. و خصوصا انه ماله ذنب في الي يصير .. ماباليد حيله .. هذي قدر و مكتوب مانقدر نغير فيه أي شي .. بس سبحان الله .. يمكن بعد الزواج و سنين تمر الله يرزقني بالذريه الصالحه ..

و اذا كلش ماكان في أمل .. نتبنى لنا ولد والا بنوته :d

ترى كلامي كله صرحه × صراحه ..

مشكورة غزاله ع الموضوع ..

[غزالة البحرين]

هلا Emany ... والله أنه رايي مثل رايج... لو كنت أحب شخص و كان عقيم فهالشي ما بيمنعني من الارتباط فيه... و ما فيه شي بعيد عن الله... يمكن يرزقنا حتى لو عقب 20 سنة... و اهم شي في هالحالة الصراحة بين الطرفين يعني المفروض محد يخش على الثاني انه هو ما عنده القدرة على الانجاب... يعطيج العافية حبيبتي على مرورج :thnQ:

[شيخة الزيــن]

اذا يحبني واحبــه :love2: مستعدة اضحي

لاني متأكدة انه بيعوضني عن كل شي ;)

بس اذا واحد تقدم لي .. يحبني وشاريني وكل شي بس انا مافي شعور اتجاهه :unsure: ماعتقد اني بارضى

[سفوووج]

:) اجوبتكم كوبى من اجابتى

دام فى حب متبادل خلاص :y: تستمر الحياة ;)

[عبداللهEngineer]

بالنسبة حق الشباب اذا الريال يحب مرته ويعزها ومخلص لها بس في نفس الوقت مشتاق حق العيال، يقدر ايتزوج وحدة ثانية اتعوضه عن العيال...

انا اجوف انه ذي حل منطقي...

[غزالة البحرين]

شيخة الزين:يعطيج العافية على مشاركتج معانه ;) و اكيد الحب يلعب دور كبير في مثل هالامور...يعني اللي يحب لازم يضحي... لكن اذا ما في مشاعر معينة تجاه هذي الشخص... اكيد الوحدة بتفضل انها ترتبط بانسان قادر على الانجاب :)
سفوووج: صاج والله :y: مادام الحب موجود كل شي ممكن يتحقق :$
عبداللهEngineer: بووو السالفة فيها زواج ثاني :sad: بس جذي تجرحها الله يهداك... و ما تدري مرتك الثانية شبسوي في الاولية :( بس بعد محد يقدر يلومك اذا تبي عيال :sad: مشكور على الرد أخوي :(

[كتكوتة البحرين]

مابرفض دام انه ريال و شاريني و اخلاق .. مستعده اضحي بأغلى حلم عندنا .. و خصوصا اذا اكنت احبه و يحبني بكل إخلاص ..

عاد اذا عرفت بعد ماتزوجنا .. يمكن يضايقني في بداية الأمر .. ليش انه ماقالي هالشي .. بس بعدين بكون كوول .. و خصوصا انه ماله ذنب في الي يصير .. ماباليد حيله .. هذي قدر و مكتوب مانقدر نغير فيه أي شي .. بس سبحان الله .. يمكن بعد الزواج و سنين تمر الله يرزقني بالذريه الصالحه ..

و اذا كلش ماكان في أمل .. نتبنى لنا ولد والا بنوته

انا وياج في هالشي و مثل ما قال سفوج بعد دام الحب موجود كل شي ممكن :)
:thnQ: غزالة البحرين

[Nancy]

السلام عليكم...
يعني انا امنيتي ان اييب يهلاو احبهمم... لكن دايمن افكر لو ان اطلع انا اسبب.. و دام اني تخيلت ان في واحد بيضحي علشلني.. انا لازم اسوي نفس الشي لأن الله له حكمة في كل شي.. و أكيد بيكون من صالحنا احنا الاثنين.. و نقدر انربي عيال خواتنا و اللا نهتم في اليتامى..
و الله كريم و انشاؤ الله يعطي كل واحد على قد نيته..

و شكرا

[رفاعي عوالي]

مي سيم سيم سفجفج

[Ms. VIP]

اذا في علاقة ..

لو فيه امراض الدنيا كلها بعد ابيه :p

:thnQ:

[عبداللهEngineer]

بس اختي الغزالة هذي اهو الحب انه انضحي بأي شي عشان سعادة الطرف الثاني...

وانا ما اقول ذي الشي لأني ريال، وحتى لو كان العكس ، لو كان الريال اهو العقيم ومرته اتحبه بس تبي عيال ، اظن انه بيكون مستعد ايطلقها عشان ياخذها واحد ثاني واتييب منه عيال...

[بحرينيه عسل]

اذا كان هالانسان احبه و يحبني مستعده انا اضحي بأي شي في سبيله ..

و عقب ماخذته يصير نتبنى عيال :rolleyes:

أما اذا كان شخص متقدم لي و انا كلش مو مايله صوبه و لا اعرفه اهني برفض

[بحرينية عنيدة]

اذا احبه اضحي بكل شي حتى بروحي (مو مجاملة ترى صج)لان اعتقد بعوضني عن العيال
لكن اذا شخص ماحبه مادري يمكن اي ويمكن لا على الوضع

بالنسبة اذا شخص قالي عقب ماتزوجنا اهني اول شي يمكن بطنقر بس عقب بتفهمه وخصوصا ذي الشي الله كاتبه

:thnQ: على الموضوع

[سفوووج]

:y:

[RoSe]

:) انا راي جدااااااا مختلف :d
الصراحه الحب ما يأكل عيش و الحب مب كل شي في الدنيا
في اشياء وايد اهم...
انا عن نفسي اذا واحد ما اعرفه و بس خطبه مستحيل اوافق..
و اذا كنت على علاقه و احبه بعد برفض اذا عرفت هالشي صج بقدره
على صراحته بس يعني اذا تزوجنا لمتى بنقعد بس مجابلين بعض ؟!!!
الزواج مو بس حب الزواج تكوين اسره و اجيال صح؟ و هو بنصحه يتزوج
وحده مطلقه او ارمله عندها عيال عشان يقدر يحس بطعم الابوه و ياخذ
ثواب في تربيه اليتامى...صج بنـتألم في البدايه بس الانسان نساي ابطبعه
بس اذا اكتشفت هالشي بعد الزواج فخلاص يعني بوكل امري لربي و بنصبر
و اللي الله كاتبه هو اللي بصير:)

[PHANTOM-02]

انا من راي سفووج
يعني اذا كانت البنيه PERFECT
دين و اخلاق و جمال
و اهم شي اني احبها و تحبني
بتزوجها لو ما تييب عيال و الله كريم :y:
لكن
اذا كان الزواج فيه خطر على الاولاد <<<<<<<< امراض وراثيه خشنه يعني " الله لا يقول "
بصراحه ما راح اتزوجها
لانه ممكن تتزوج واحد غيري و تييب منه عيال سليمين

:thnQ: على الموضوع

[غزالة البحرين]

ما شاء الله أنا وايد مستانسة بسبب كثرة الردود في موضوعي يعطيكم العافية والله ما قصرتوا و الله لا يحرمني من هالطلة الحلوة :clap: :clap:
كتكوتة البحرين:الصراحة لما أجوف مثل هالنوع من الردود أستانس و أقول الحمدالله أنه للحين الدنيا بخير مادام فيه ناس تقدر الحب و المشاعر :love2: ... و أكيد أي وحدة بتكتشف هالشي عقب الزواج و أنه ريلها عقيم و يدري بهالشي و ما خبرها بتتضايق من هالسالفة لان الصراحة و الوضوح في مثل هذي الامور مهمة جدا... لأن مو كل البنات مثل بعض... مثل ما في بنت مستعدة تضحي و تقبل تعيش بدون يهال فيه بنت ما ترضى بهالشي و تفضل انها تكون ام :)
Nancy:عليكم السلام أختي...شي جميل أنه إحنه نفكر في غيرنا قبل ما نفكر في نفسنا :onlinelon و هاي اللي استنتجته من كلامج... و فكرة التبني بعد مثل ما قلتي ممكن تكون وسيلة عشان الوحدة تقدر تشبع غريزة الامومة عندها ;)
رفاعي عوالي:ههههه حياك الله أخوي و نعم الرأي والله :y:
Ms. VIP:شي أكيد أختي.... مع وجود الحب كل شي يتغير 180 درجة...و التضحيات و التنازلات اللي بيقدمها هالشخص في سبيل الانسان اللي يحبه و منها التنازل عن تحقيق حلم الأمومة او الابوة هي أكبر دليل على صدق المشاعر بين الطرفين http://www.asmilies.com/smiliespic/love/026.gif
عبداللهEngineer:امممم في حالة أنه المرة هي اللي ما تقدر تييب عيال تجوفها في بعض الاحيان هي اللي تطلب من ريلها أن يتزوج وحدة ثانية عشان تييب له عيال.. في منهم اللي يرفض و يقول لا ما اَخذ غيرج حتى لو ما تييبن عيال و منهم اللي لا ياخذ وحدة ثانية و جنه ما صدق مرته تقوله :oo (مع إني أعترف أنه هالشي من حقه) اما بالنسبة إذا كان العيب من الريال فنادرا ما تصير أنه المرة تطلب الطلاق من ريلها عشان هالسبب خصوصا اذا كانت تحبه و تعزه وايد تلاقيها تصبر أنا ما اقول أنه كل النسوان عادي عندهم يتقبلون هالوضع لكن الغالبية يصبرون على هالشي :)
بحرينيه عسل: و حالج من حال باقي البنات اللي قالوا أن الحب هو الاساس في الرفض أو القبول في الارتباط بهذي الشخص :$ اممم الظاهر هذي هو المقياس عند أكثر البنات :)
بحرينية عنيدة:و لو أختي إحنه مصدقينج و قالوها من قبل الحب يصنع المعجزات http://www.asmilies.com/smiliespic/love/002.gif و يعطيج العافية على مشاركتج معانه ;)
سفوووج: أشكر لك مرورك على موضوعي مرة ثانية :)
RoSe:أول راي مختلف عن البقية... بس يمكن الشي اللي ما اتفق معاج فيه إنه (الحب ما يأكل عيش و الحب مب كل شي في الدنيا) و لكن أحترم رأيج جدا و أدري أنه الامومة حلم صعب على الوحدة أنها تتنازل عنه.. بس ما فكرتي في إحتمال انه ممكن الله يرزقكم عيال بعدين مثلا و سبحان الله كل شي ممكن يصير في هالدنيا حتى الاشياء اللي احنه نستبعدها و ما نتوقعها ممكن تصير ...
PHANTOM-02: لما الوحدة تكون مثل ما قلت دين و أخلاق و جمال و الحب موجود و متبادل بين الطرفين في كثير من الاحيان ممن أن الزوج يتغاضى عن هالشي .. اما بالنسبة حق سالفة الامراض الوراثية فأنا بعد ما أأيد انه يتزوجون عشان ما يجوفون عيالهم يتعذبون في المستقبل و خصوصا إذا كانت أمراض وراثية خطيرة لان هالشي بحد ذاته متعب للأام و الابو بعد.. والافضل في هالحالة أنهم ما يتزوجون أو إذا تزوجوا ما اييبون عيال ...

[RoSe]

:d نااانسي اله يهداج اي تبني مااااكو شي اسمه
تبني في الاسلام...لا تصدقونها يا جماعه التبنى عند المسيح بس:)
الاسلام في شي اسمه كفاله يعني الواحد يتكفل ابمصاريف اليتيم
و يربي بس ما يعطي اسمه و لا يورثه شي...
سوري طلعت عن الموضوع بس حبيت اوضح هالنقطه:)
و اختى غزاله انا واقعيه من جذي رايي مختلف عنكم:) انا اؤمن بالحب
و الامل و ذي شي وايد حلو و اقدره بس اكيد ما ببني حياتي على امل انه
يمكن انييب عيال او لا...الامل حلو بس لو كان صج موجود مو بس وهم الواحد
يعيش عليه:)
موضوعج حلو تسلمين :thnQ:

[PHANTOM-02]

انا ما راح ابني حياتي على الامل
انا رايح اضحي باني اكون اب
يعني مـــــــــــــاكــــــــو عيال
بس يمكن سبحان الله تييب عيال
خير و بركه و الحمد لله
بس الاســــــــــاس انها ما بتييب عيال


بووووووووووووووووووو
جنه صج


الله كريم :y: :y: :y:

[غزالة البحرين]

RoSe:أكيد أختي التبني حرام في الاسلام لكن إحنه نستخدم هالكلمة بمعنى الكفالة مثل ما ذكرتي بدون ما ينسب هالشخص الطفل له :)... و يا ريت لو عندي بس شوي من الواقعية لان انا بالعكس النقيض التام حق هالكلمة :n: يعطيج العافية أختي و تسلمين على التواصل :)
PHANTOM-02:الله يعطيك الانسانة اللي تستحق فعلا هالتضحية الكبيرة وان شاء الله ما تنحرم من نعمة الابوة أبدا.. يعطيك ألف عافية أحوي ;)

[za3noon]

السلام عليكم ورحمة الله وبركاته

لو كنت أحبها
عااااااااادي
عساها قرعة
ما أفتكر
واذا على اليهال
أتبنى

[Sarsora]

اذا يحبني واحبه مستعدة اضحي ومثل ماقالت نانسي يمكن هالشي بيكون في صالحنا

[Dana]

اذا احبه بعد شاسوي يمكن عقب مع الايام الله بيرزقنا اعيال مافي شي مستحيل
في ناس عقب 15 سنة توهم يايبين يهال اهم شي نتمسك بالأمل :sad:

[غزالة البحرين]

Dana...Sarsora...za3noon
مشكوورين على المشاركة و عجبتني فيكم استعدادكم للتضحية و الله يرزقكم بالعيال في المستقبل إن شاء الله :)

[بنوته محرقيه]

وعليكم السلام و الرحمه ..

مابرفض دام انه ريال و شاريني و اخلاق .. مستعده اضحي بأغلى حلم عندنا .. و خصوصا اذا اكنت احبه و يحبني بكل إخلاص ..

عاد اذا عرفت بعد ماتزوجنا .. يمكن يضايقني في بداية الأمر .. ليش انه ماقالي هالشي .. بس بعدين بكون كوول .. و خصوصا انه ماله ذنب في الي يصير .. ماباليد حيله .. هذي قدر و مكتوب مانقدر نغير فيه أي شي .. بس سبحان الله .. يمكن بعد الزواج و سنين تمر الله يرزقني بالذريه الصالحه ..


مشكورة غزاله ع الموضوع ..



رايي من راي اختي ايماني :y:

وتسلمين اختي غزاله على الموضوع الحلو :thnQ:

[غزالة البحرين]

:thumbup: مشكووورة أختي بنوته محرقيه على الردو طبعا كل شي يهون عشان الحب :)

[Ne9 el GoMaR]

اذا في حب..
هالاشياء مستحييييل اتاثر عليناااااااااا.. ;)

[غزالة البحرين]

تسلمين على تواصلج معانه اختي نص القمر و الحب هو الاساس :$

[Um-5alifa]

إي كنت أحب هالإنسان إي بقبل .. لأ ن العيال صج زينة الحياة لكن في النهاية بيقطونة؟؟ فعادي باتزوجة و باتبنى لي ياهل

[غزالة البحرين]

ههههههههه لا اشدعوه اختي ام خليفة مو شرط ان العيال بيقطونكم و مشكورة على مرورج حبيبتي :)

[غزالة البحرين]

ههههههههه لا اشدعوه اختي ام خليفة مو شرط ان العيال بيقطونكم و مشكورة على مرورج حبيبتي :)

[العراب]

:vip_imwit اذا في حب أي ليش لا

[Ms. Noony]

انا رااي مثل رااي الاغلب,,,

اذا الشخص يحترمني, يحبني, يقدرني, يخاف علي,,اكييد ما بيكون عندي مانع
وفي الاخير هاي مكتوب علينا والصبي ماله ذنب....
واهم شي اني احس انه بيكون مستعد يضحي نفس هالتضحيه لو كان مكااني..
وشي اكيد كل واحد يبي عيال ويبي يحس باحساس الامومه , لكن الحل ان الواحد يتبنى,,او انه يصبر ودام الايمان بالله موجود,, اكيد الامل موجوود بعد:happy:

يعطييج الف عاافيه اختي على طرحج هالموضووح الحلووو والمفييد :vip_imwit

[Emany]

:vip_b9eee وااي ..

هالموضوع حده قدييم شالله ارفعه؟

:004: ذكرتونا بالذي مضى ..

[~ εммo ~]

ممنوع رفع المواضيع القديمه