•° يـتكلمون لهجه غير لهجتهم °•

[~ εммo ~]

قوه ,,



شحالكم :$


:aa_crazy:


الموضوع الله يسلمكم شرايكم في الناس اللى تتكلم لهجه غير لهجتها ..


يعني مثلا تدشون مره المنتدى تجوفون بطو تتكلم كويتي ولا انها ترمس اماراتي ولا تحجي عراقي:aa_crazy:



شبتقولون حزتها ..


اني قاعده اتصنع .. ولا عاجبتني اللهجه الفلانيه ..



انتوا شرايكم في هل فئه من الناس



رايكم هل اهم يتصنعون والمفروض يفتخرون بأصلهم ويتكلمون بلهجتهم وطريقتهم ..


او في اسباب ثانيه تخليهم يتكلمون بطريقه ثانيه ؟؟




في انتظار ردودكم


بطبط:001:

[Emany]

:lol:

أنا أحس عادي يمكن هالشخص عاجبته لهجه معينه وحاب انه يتكلم فيها! يعني مب شرط انه يتصنع !

يعني انا عندي رفيجه اتحب اتحجى اماراتي,, بس ماتتصنع - مب لانها رفيجتي بادافع عنها - بس اهيه تحب حجيهم!

سو عاديـ ههه :vip_imwit بس في ناس مايعجبهم هالشي ..

بس حلات الثوب من رقعته وفيه ! :aa_crazy:

[shy girl]

انتوا شرايكم في هل فئه من الناس
كللللللللش ماحب ماحب >_>


رايكم هل اهم يتصنعون والمفروض يفتخرون بأصلهم ويتكلمون بلهجتهم وطريقتهم ..
اي احسن مادري شلون
يعني اتكلموا بلهجتكم ولاتتدلعون علينا

او في اسباب ثانيه تخليهم يتكلمون بطريقه ثانيه ؟؟
انا رفيجتي تتكلم كويتي مع رفيجتها كويتية :shhh:
بس كل مرة افشلها واقولها تكلمي عدل نفس لهجتنا
شدعوة مابتفهم عليج
ماجوف اهيا غيرت لهجتها معاج >_>


اسميه دلع واصطناع


ثانكس على الموووووضووووووع
يعطيييييج الف الف عافيييييييية

[CHE.GUEVARA]

في النت شي عاادي ..

بس المشكله في الصج ..

انا عن نفسي سعاات اتكلم مصري كـ نووع من المزااح ..

و انا ما يظحكوني الا السوريين اذا يسوون مسلسل بدوي ..

[بديع الزمان]

رايكم هل اهم يتصنعون والمفروض يفتخرون بأصلهم ويتكلمون بلهجتهم وطريقتهم ..
او في اسباب ثانيه تخليهم يتكلمون بطريقه ثانيه ؟؟
في انتظار ردودكم
بطبط:001:


على حسب الشخص .. أحيانا تلقى مثلا خليجي يتكلم مصري مع المصريين فقط .. أو يتكلم سوري مع السوريين بس .. يعني يمكن هذا الشخص يعتبرها احترام وتقدير إذا تكلم بلغة الشخص الثاني .. أو من باب المداعبه للشخص الآخر ..

وأحيانا يكون بالعكس .. لما يتكلم لغة الشخص الآخر يكون قصده الاستهزاء والسخريه مو التقدير .. فيختلف من شخص لآخر ..

أفضل شي إن الواحد مايتصنع ويتكلم باللغه مالته ..

أو يتكلم باللغه العربيه الفصحا ويريح نفسه ..


شاكرلج عالموضوع مشرفتنا بطبط:001:

[بنت@@@القبايل]

خلكم من ذي كله :rofl:

الشسمهم اللي عندنا في البحرين :biggrin23

صاروا يتكلمون بكلامنا و اشكره مصطلحات مانستخدمها الا حنا :rofl:

[Ms. Noony]

امممممممممممم موضوع حلو الصرااحه,,:victory:
انا من رايي من ان في ناس يتصنعووون وهلشي يبيين ,,:shhh:
لكن في نااس عادي يصير خاطرهم يقولون جمله بلهجه ثانيه مثلا ,, او يجربون رووحهم اذا يعرفون يتكلموون بهاللهجه ,, بالعكس شي حلوووو:aa_crazy:
انا عن نفسي في جمل ساعات اقولها بلهجات ثانيه بس جذي يعني تغيير:aa_crazy:

[~ εммo ~]

:aa_crazy: تسـلمون ع ردود

[دانــــة]

الصراحة عاادي صارت موضة:aa_crazy:

انااا هلي نصهم يتكلمون اقطري لان ابوي اصله اقطري:vip_imwit

مشكوره ع الموضوع

[Zombie]

:d انا اجووف عادي مافيهااا شي

انا عن نفسي اكلم كل واحد بلهجته

انقلينزي بكلمه انقلينزي
مصري بكلمه مصري
كويتي بكلمه كويتي
اماراتي برمسه اماراتي
سعودي نفس الشي
عجمي بكلمه جمي

:d

انا اجووف السالفة مب سالفه ان لازم يفتخر بلهجته او هالسوالف

:walen:

احس عادي يعني :walen:

مشكووورة بطة :vip_coool

[نمولة]

انا احس انه عاااااااااادي

مو عيب الواحد يكتسب لهجات الغير :biggrin23 :lol:

اما عني انا اتكلم مع كل شخص على حسب لهجته :happy:

[crazy girl]

عادي ما فيها شي :vip_haha:

ما احس انه عيب يعني :vip_haha:

[~ εммo ~]

تسـلمون على الردود وجهات نظر :happy:

[Sho0shi]

في بعضهم يتصنعون ومادري شنوو

وبعضهم يحبوون ذي اللهجه مثلا فأحسه كلش عادي

وربعي اللي في صفنه تقريبا يتكلمون بالهجه الكويتيه لانهم يحبون لهجتهم

ثاانكس بطبط على الموضوع:001:

[- Girl -]

عادي عندي

لانه اللهجة عمرها ما بتثبت شي

بس ساعات في اوادم يزيدون

وكلشي يزيد عن حده ينقلب ضده

:001: ميرسي على الموضوع

[s @ d 4.Life]

أحس إنها شئ عادي
حب باللهجة أنا مثلي
شرقاوي أتكلم حجازي كتير
يعطيك العافية

[مزيونة العين]

المفروض كل واحد يفتخر ويعتز ويرفع راسه بأصله ولغته لأنه أولاً هو من ذريه آدم وبعدين امه وابوه من أصل فليش يغير لهجته ويطمس أصله و ويييييييين انتمائه لوطنه ؟؟؟ :999:
وبــــــــــــس :aa_crazy: :aa_crazy: :aa_crazy:
تسلمين بطوط ع الموضووووع ثااااااااانكس

[!!جمال الروح!!]

انا صراحه احب التنويع ..

بس مو لي درجه التصنع ..

يعني مرات تتداخل مع كلامي مفردات كويتيه او سعوديه او اماراتيه ..

بس كنوع من التنويع وحبا في اللغه مو انتقاصا للغتي الاصليه ...

صراحه وايد خاطري اتعلم اتكلم عراقي .. وايد اميل للهجه العراقيه والاماراتيه ..

احسهم فن .. يعني شي يديد شوي عن لهجة البحرين والكويت ...

;)

[~ εммo ~]

:happy: تسلمون على الردود

[بنت الاصايل]

والله انا اعتربه نوع من عدم الثقه وماعندهم سالفه و المفروض انهم يفخرون بكلامهم و مايتصنعون :blush:
اما اذا كان من باب المزاع فهوه عااااااااادي :vip_wehe:

[~ εммo ~]

:happy: تسلمين على الرد

[مداري هموم]

اعتقد انه شي طبيعي يجاري الموجودين


والف شكر على الموضوع

[~ εммo ~]

:happy: تسلم اخوي ع رد

[راعي الماكس]

عادي مافيهاا شي أن الواحد يتكلم بأكثر من لهجه :rolleyes:

وفيها نوع من التغيير :biggrin23

و البعض لهجتهم فشيله من جذي يتكلمون بلهجه ثانيه :vip_haha:

[! FraPpUchiNo !]

كيفهم!!

بس في ناس يقههههههههههرووووووووووووون!!!!:999: :999: :999:

[(عابر سبيل)]

والله اختي بطه احنه مانقدر انلوم الناس على طريقة كلامهم

لانه في ناس عن جد اصلهم مب بحرينين ,,, ونفس مايقولون العرج دساس كلن يرجع الي اصل ديرته ,, وتبين الصج انه ساكن في الرفاع واسمع لهجات غريبه ,, بس اكبر مشكله الناس الي بدون في البحرين قامو يصيرون صيه مع العلم مابقي احد في الديره الا وعنده الجواز .. حتى الهندي مال برادتنه عنده الجواز .. واوجه لج سؤال صريح هل احنه انلوم الناس وله انلوم _ _ _ _ .

( والي في الجدر يطلعه الملاس ) بتعرفين اذا كنتي محاوره جيده :closedeye

[قدساويه_كويتيه]

وشفيها اللهجة الكويتيه اتهبل وانا مستحييييل اتكلم غير لهجتي واموووت عليها اتهبل واتونس

وما اقدر اغيرها