ماعندنه بنات يسافرون بروحهم

[Zombie]

قوة شعب

,,,

حبيت اطرح موضوع حده يصير في مجتمعنا وانا تناقشت فيه مرة بس مو في االمنتدى واستغربت الى نظرة الشباب

اتكلم عن دراسة البنيه بره الديره

اجوف ان معظم الناس رافضة هالشي وبالذات الذكور

بحجه ان الدنيا مالها امان وينخاف على البنيه وتخترب سمعتها وغيره

انزين البنيه مب رايحه تلعب << اهي رايحه تدرس ليش يعني تسوء سمعتها لأنها تدرس

ويقول لك فيه ناس يقولون لا البنيه اذا تروح دول اجنبيه تقعد تلعب ويقصون عليها عيال الحرام

والصبي ما يلعب؟؟!! شخصيا اجوف ان الصبيان اكثر استهتار لما يسافرون بره

وهو عموما ما يعتمد كون الواحد بنيه او صبي عشان يخترب لما يسافر

هذا يعتمد على شخصيته وتربيته

<< وانا شخصيا اجوف ان اللي مب واثق من عياله المفروظ ما يسفرهم

هذا اذا كانوا فعلا راح يختربون

اما اذا كانوا محل ثقه وبعد مب راضي<< فهني اهو قاعد يقلل من قيمة تربيته لهم

,,





والحديث يطول في الموضوع

واتمنى اجوف تفاعلكم وياه

[~ εммo ~]

اول شي مشكوره على الموضوع :happy:

بالنسبه حق اذا كان هدف البنت اهو الدراسه مو هدف ثاني فمحد بيقدر يخربـها ولا حتى المكان

اللى اهي بتكون فيه برع بيأثر عليها لانها مومسافره تلعب مسافره عشان هل هدف وعشان

تحصل شهاده ونتيجه مشـرفه .. لكن اذا البنت رايحه يازعم حق دراسه وهناك تسوي اشيه ثانيه

مالوم اهلها اذا منعوها عن ذي الشي اذا يدرون انها موقد الثقه ..


التربيه صح لها دور في هل شي لكن بعد البنت او الولد نفسهم اهم اللى يقدرون يغيرون

هل تربيه بتصرفاتهم يمكن اهلهم ربوهم احسن تربيه لكن صادفو اصحاب السوء في دراستهم ..

يعني الواحد يتعمد هل شي عليه قبل مايتعمد على تربيته واصحابه واهو اللى يقدر يرسم صوره

لنفسه سواء زينه او شينه ويعطي الناس انطباع عـنه ..


عن نفسي ماجوفه عيب بنت تروح تدرس برع اذا كانت قد هذي الثقه والمسؤليه وتقدر تتحمل


ظروف الحياه برع وفي نفس الوقت تقدر تحافظ على نفسها ..

[بنت الاصايل]

اول شي مشكوره على الموضوع الحلو :blush:

ثاني شي ان عادي البنت تدرس برع و مافيها شي والبنت اذا كان في بالها ان اتسوي شي حتى عند اهلها بتسويه و مابيهما شي و اذا ماتبي اتسوي شي حتى لو عايشه في سكن كله اصبيان ومحد الا اهيه البنت مابتسوي شي فالدراسه برع تعتمد على البنت وشخصيتها وهدفها و البنت اذا بتخترب سواء كانت في ديرتها او برع ديتها بتخترب فماله علاقه ان البنت اتسافر تدرس و تخترب
والاهل واااااااااااااايد اخافون على بناتهم لان دايما في بالهم ان بنتهم ماتدري بدنيا وايخافون عليها :d

[! FraPpUchiNo !]

الصراحة...
انا مستحيل ارضى ان بنت تطلع تروح تدرس برا بروحه..
لو على اي قدر من الثقة اهيي بعد بقول لا..
تروح مع زوجها مع اخوها مع ابوها
بروحها لا..

[s @ d 4.Life]

صعبه كولي أمر
يسمح لبنته تدرس بره
هالشبابا البنت مع أهاليها وبينهم مو ملحقين عليها
تبينها بره ومهما قلتي البنت رايحة تدرس ماعليه في أمور
البنت تبي تستانس وخاصة إنها بتكون بغربه بتطلع تجي وشئ يسحب شئ سهر وهيك

[Sho0shi]

كلش عادي البنت لما تروح تدرس الى الخارج برووحه

ماحس فيها شي , اهي رايحه عشان دراسته , والبنت سواء هي في بلدتها

اوفي الخارج بتسوي اللي بتسويه ولابتهتم , بس البنت المحترمه سواء كانت في بلدتها او الخارج نفس الشي

وهي رايحه تدرس وتحصل على شهاده , ولما تسافر بروحه تعتمد على نفسها

وتتحمل المسؤوليه وبتقوى شخصيته .

ثاانكس اختي على الموضوع:001:

[إنسانه بسيطه]

انا ما أأيد ان البنت تدرس بروحها برع


الا في حالات معينه


وحسب معرفتي للبنت ..



مشكوره البدره على الموضوع :victory:

[Zombie]

;)

شكرا على المروور.. و الآراء تختلف بين المؤيد و المعارض :d

[نور الإسلام]

(( لا يحل لمراة تؤنت بالله واليوم الآخر أن تسافر مسيرة ثلاثة أيام وليلة بغير ذي محرم )) أو كما قال صلى الله عليه وسلم ولابد لنا من أن نلتزم أوامر الشرع هذا والله تعالى أعلى وأعلم

[بديع الزمان]

يا جماعة الخير .. الموضوع هنا ليس عدم ثقة في البنت من الدراسه في الخارج ..

الموضوع هنا مدى الحاجة لتلك البنت للسفر لوحدها إلى الخارج؟؟ولماذا؟؟


هل الشهادة الجامعية للفتاة من هذه الدول الأجنبيه التي ستدرس فيها ضرورية جدا لدرجة انها

ستقف عجلة التقدم في الرقي في بناء الوطن إذا لم تحصل على تلك الشهاده؟!!


أو أن هذه البنت لن تستطيع أن تعمل في مجال وظيفي في دولتها إلا عن طريق حصولها على تلك

الشهاده التي تكون من هذه الدول الأجنبية ؟؟!


مع العلم أن بإمكان الفتاة أن تدرس في دولتها وبين أهلها وأقرباءها ..


اللي أحب أقوله إن مافي داعي لسفر البنت إلى الخارج للدراسه والخيار موجود في ديرتها والباب

مفتوح جدامها إنها تكمل في بلدها بين ناسها وأهلها وأخوانها ..


شاكرلج اختي مس فطوم على طرحج لهذا الموضوع المهم:001:



تحياتي/ بديع الزمان

[Zombie]

:happy:

شكرا على المرووور ;)

[Zombie]

:happy:

شكرا على المرووور ;)