.:: ما ابغي الا بنت العائلة ::.

[بحريني للأبد]

فلانة مو من مواخيذنه.

فلان مو من مواخيذنه.

فلان ما ياخذ الا من عوائل معينة.

فلانة ما تاخذ الا من عوائل معينة.

ظاهرة موجودة في المجتمع ولا يمكن انكارها.

يا ما شباب فيهم من الدين والعلم وحسن الخلق الشي الكثير تم رفضهم بسبب عائلتهم او نسبهم وابو البنت قال العبارة المشهورة ( فلان مو من مواخذينه).

مشاكل صارت بسبب خرق بعض الابناء او البنات لهذه القاعدة وتمردهم على ابويهم واتوقع الكل يعرف على الاقل مثال واحد لذلك.

السؤال الآن: ما رأيك بهذه الظاهره؟
ما هي أسبابها؟
اين ذهب حديث الرسول صلى الله عليه وسلم ( ان جائكم من ترضون دينه وخلفه فانكحوه, الا تفعلو تكن فتنة والارض وفساد كبير).؟؟
اين ذهب حديث الرسول صلى الله عليه وسلم ( تنكح المرأة لاربع, جمالها ومالها ودينها ونسبها, فاظفر بذات الدين تربت يداك).؟؟
هل هذه الظاهرة تعتبر نوع من انواع العنصرية وخرقا لحديث الرسول صلى الله عليه وسلم( ان اكرمكم عند الله اتقاكم)؟؟

السؤال الاخير هل سيأتي يوم وتختفي فيه هذه الظاهرة من البحرين؟

الموضوع امامكم والراي لكم فلاتبخلو بالمشاركة.

[بنت الاصايل]

اول شي هذي مب ظاهره هذي شي في عاداتنا و تقالدينا ومانقدر ننكره ومافي يوم بيي بتنتهي هذي العادات والتقاليد وبالعكس انا اعتز ان انا من هذي النوع اللي ابوي ايقول ان فلان مب من مواخذينا والرسول صلى الله عليه وسلم بعد امر بان مانعصي الوالدين فاللي اقولونه الوالدين انسويه وهذي الشي مافي اي شي من الغلط :blush:

[بحريني للأبد]

بنت الاصايل, ثانكس على ابداء الرأي.

احترم رايج رغم اني اتوقع ان هذه الظاهرة, او العادة او التقليد,ايا كان اسمها, اتوقع انها مع الوقت بتختفي , على الاقل في البحرين بس.:d

[بنت الاصايل]

انا اقولك ان ماراح تختفي لان الكل قام يسعى له :d

[بحريني للأبد]

:victory:

[محرقية و النعم]

ما رأيك بهذه الظاهره؟خاطأه
ما هي أسبابها؟إذا كل من بيقول العباره هاذي بيصير المجتمع فيه عنصريه بين المستويات وبيصير في تحطيم لكل فقير او فقيره ياما ناس فقاره وياما ناس اغنياء بس اخلاق الفقير احسن من اخلاق الغني
اين ذهب حديث الرسول صلى الله عليه وسلم ( ان جائكم من ترضون دينه وخلفه فانكحوه, الا تفعلو تكن فتنة والارض وفساد كبير).؟؟
اين ذهب حديث الرسول صلى الله عليه وسلم ( تنكح المرأة لاربع, جمالها ومالها ودينها ونسبها, فاظفر بذات الدين تربت يداك).؟؟
هل هذه الظاهرة تعتبر نوع من انواع العنصرية وخرقا لحديث الرسول صلى الله عليه وسلم( ان اكرمكم عند الله اتقاكم)؟؟ اي

السؤال الاخير هل سيأتي يوم وتختفي فيه هذه الظاهرة من البحرين؟ انه اقول لاء الانه في ناس وايد جافين روحهم ولانه قامت نسبة الفقر تزيد

شكرا

[بنت الاصايل]

محرقيه والنعم احنا مانتكلم عن المستوى المعيشي انتكلم عن العايله :blush:

[بحريني للأبد]

محرقية والنعم ثانكس على الرد.

بس مثل ماقالت بنت الاصايل نتكلم عن العائلة مو المستوى المعيشي.

[Emany]

:walen:

هالشي وايد منتشر ..

أحس ماله داعي أن يكون اسم العايله معروف بين الكل,, شدعوه باخذ اسم العايله انا ولا الريال؟

أهم شي سمعة الريال وأخلاقه,, شلنا بعايلته ! يعني اذا واحد ماكانت اسم عايلته مشهوره يعني اهوه مب زين ؟


ماله خص كلش فـ سالفة الزواجـ ,, وهالظاهره وايد تقهرنـي! :n:

[بحريني للأبد]

ثانكس على الرد والمشاركة ايماني.:vip_imwit

[بحريني للأبد]

نبي مشاركات..
:ampoline:

[shy girl]

رايي من راي اختي Emany
ثانكس على المووضوع

[.PrincipesSa.]

انشالله تتغير هالظاهره :walen:

[~ εммo ~]

اول شي مشكور على الموضوع:happy:

يمكن من اسباب وجود هل ظاهـره انه ولد العايلـه يبي وحده بنت عايـله عشان مايقولون ماخذ اي وحدهـ طبعا هذي في اعتقادهم

اما بالنسبه لي انا باخذ الشخص نفسه مو باخذ عايـلته صح انه عيالي بشيـلون هل اسم اهم شي تكون العايله محترمه ويكون الشخص نفسه شخص عنده اخلاق وكيفيني اهو الشخص من يكون لا اسم عايلته بتفيدني ولا شي يعني مثلا لو كان شخص فيه عيوب ومب زين لكن من عايله معروفه اروح اقبل فيه لان ولد فلان ؟

[صمت الكلام]

ســـــــــــلام...........
اسمح لي اشارك بشي بسيط وهو ان هالعاده خطأ ف خطأ لانه ممكن يكون ف شخص ولد عايله والحاله حاله لكن مو بكفو ياخذ البنت لاسباب شخصيه وممكن نحصل شخص ايضا ولد ناس لكن ع قولتهم مو من مواخيذهم بس يكون كفو ويكون رجال بمعنى الكلمه وقتها من راح يختارون هذا رأيي وانا اقول دام الرجال عنده خلق ويعرف ربه ومتعلم ويقدر كل شي حوله فهذا هو الشخص المناسب بغض النظر عن باقي التفاصيل
وشكـــــــــرا;)

[بحريني للأبد]

مشكورين على المشاركة..

نبي مشاركة اكبر.:vip:9afga

[بــنـت الـنــور]

مشكور اخوي على الموضوع :happy:

بس الي اجوفه لحين ان الناس صاروا احسن من قبل يعني بدوا يتناسون هالشي :3fya:

[مخلوقـــة]

هاذي العدل لازم كل واحد ياخذ البنية اللي تناسبه .. يعني عيال العرب مايخذون الا عيال العرب وفي عايلات ماياخذون الا من نفس عايلتهم وهاذي الشــي العدل عشان ما يختلط دم العرب بال..

انشاء الله الــكل يمشـــي على هالشـــي :vip_imwit

[اسير العذارى]

اول شي هذي مب ظاهره هذي شي في عاداتنا و تقالدينا ومانقدر ننكره ومافي يوم بيي بتنتهي هذي العادات والتقاليد وبالعكس انا اعتز ان انا من هذي النوع اللي ابوي ايقول ان فلان مب من مواخذينا والرسول صلى الله عليه وسلم بعد امر بان مانعصي الوالدين فاللي اقولونه الوالدين انسويه وهذي الشي مافي اي شي من الغلط :blush:


....
من تواضع لله رفعه ...

يقول الرسول صلى الله عليه وسلم :

لايدخل الجنه من كان في قلبه مثقال ذرة من كبر ..

مع إحترامي ..

[اسير العذارى]

اول شي مشكور على الموضوع:happy:
يمكن من اسباب وجود هل ظاهـره انه ولد العايلـه يبي وحده بنت عايـله عشان مايقولون ماخذ اي وحدهـ طبعا هذي في اعتقادهم
اما بالنسبه لي انا باخذ الشخص نفسه مو باخذ عايـلته صح انه عيالي بشيـلون هل اسم اهم شي تكون العايله محترمه ويكون الشخص نفسه شخص عنده اخلاق وكيفيني اهو الشخص من يكون لا اسم عايلته بتفيدني ولا شي يعني مثلا لو كان شخص فيه عيوب ومب زين لكن من عايله معروفه اروح اقبل فيه لان ولد فلان ؟

:vip_imwit :vip_imwit :vip_imwit

[أسووله]

و الله كلام بطوووه صح
اشفايده اقول فلان مب من مواخذينه و اذا خذت اللي من مواخيذنه يلتهني و يطلع واحد مب زين
الناس يطالعون الاخلاق و الصفات عقب يطالعون العايله شنو اهيه اشفايده العايله اذا اللي باخذه ماعنده اخلاق ليكون باتزوج عايلته ؟؟

و حتى فالدين ماعتقد ان في شي او دليل على هالشي لان الناس مب بعايلاتهم الناس باخلاقهم

[xk911]

والله انا شخصيا مادقق في هالامور يكفي انها على خلق ودين ونكون متفاهمين ومنسجمين :d

[نور الإسلام]

هذه ظاهرة ... يقولون يذحبونها ولا يعطونها لهولي أو واحد أقل من مستواهم :999: :999: :999: :999:

[ريح العود]

هالظاهرة موجودة وبتم موجودة على طول

[بحريني للأبد]

شكرا على اثراء الموضوع.:206f:

[بنت الاصايل]

ريح العود مثل راييي وانا عرفت انت شنو
وعلى فكره لصبي عادي ياخذ وحده مب بنت عايله بس يفضل انه ياخذ بنت عايله لان عياله بيحملون اسمه اهوه مب اسم امهم
اما البنت لا لازم تاخذ ولد عايله
اسير العذاري هذي مب كبر هذي عاداتنا وتقاليدنا اللي نمشي عليها من اجداد اجدادنا عرفت :blush:

[CaRaMeL]

كل اللي معارضين الفكرة عندي سؤال لهم

لو جاكم هندي (عنده جواز بحريني) على خلق ودين وخطب بنتكم بترضون به والا لا؟

:rolleyes:

[الهاجس]

مادري وش سبب اثارة الموضوع بشكل مستمر في المنتديات الخليجيه
بشكل خاص مع ان العلم ان المواقع شي والمفروض شي

كلناا نرجع لااادم وادم من ترااب ...

فـ القبيلي قبيلي والخضيري خضيري لا مقارنه بينهم

كثير من القباايل .. او كثير من المتزوجين لا يرضى الا بقريبته كأبنت عمه او خاله .. لانه يعرفهااا حق المعرفه وفيه توافق بينهم في كثير من الاشياء

غير ذلك كله يوجد فرق كبير بين القبيلي (الأجودي) والخضيري (ماله نسب)


صعب جداا بيكون فيه تواافق بينهم من نااحية التقااليد والعااداات الي عاش كل وااحد فيهااا ..
وهذا شي معروووف ..

ومن الظلم ان تقارن بين قبيلي ، قبيلته يشهد لها التاريخ والمؤرخون بـ افعال رجالها ومتداد نسبه إلى عصور قبل عصر الرسول عليه افضل الصلاة واتم التسليم ،
وبين خضيري لا تعلم من هو اصلن .:blush:

والسموحـه ع الإطالـه .. :206f:

[اسير العذارى]

ريح العود مثل راييي وانا عرفت انت شنو
وعلى فكره لصبي عادي ياخذ وحده مب بنت عايله بس يفضل انه ياخذ بنت عايله لان عياله بيحملون اسمه اهوه مب اسم امهم
اما البنت لا لازم تاخذ ولد عايله
اسير العذاري هذي مب كبر هذي عاداتنا وتقاليدنا اللي نمشي عليها من اجداد اجدادنا عرفت :blush:


يطولي عمرك بنت الأصايل عرفت .. وأعرف إن هذي عادا تكم ..
وإن جينا للعادات حنا الاشراف آل البيت عاداتنا ألعن وأسخف
حتا عيال قبايل عاديين مانزوجهم .. يعني عادات فيها غرور ماله داعي ..
لكن طريقتك إنك قلتي أفخر إني من هالنوع كان غلط مع إحترامي ..
لإن كل الناس مثل بعض ومافي فرق بين الناس إلا فالدين والأخلاق .. ولك تحياتي..

[Emany]

كل اللي معارضين الفكرة عندي سؤال لهم
لو جاكم هندي (عنده جواز بحريني) على خلق ودين وخطب بنتكم بترضون به والا لا؟
:rolleyes:

محد قال جذي كارميل ! وأكيد محد يرضاها على بنته ..

بس اللي نقصده أو اللي أنا أقصده شفيها اذا ولد عايله خذاله وحده عاديه وعايتلها ماتكون مشهوره؟

ماعتقد في وجه مقارنه بين الاثنين .. :rolleyes:

[الهاجس]

أسمح لي الأسير ع المداخله

بنت الأصايل ماقالت هالكلام إلا انها عارفه ان ردها وكلامها
فيه حريه شخصيه ومايتوجب على العضو الكلام الرسمي .. !

والسموحه اخوي الغالي حنا نفتخر بعاداتنا وتقاليدنا ونفتخر من هالنوع
دام حنا ربينا على هالشي ليه نطلع من الصراط اللي نمشي عليه

إن شاء الله ماضايقتك مداخلتي .. /

[μaġΐcal•ŵĦisρėrş]

احم
احم
المايك المايك
عند من المايك
احم
قوة آآآآ من لحظة باشوف الاسم :rolleyes:
بحريني للابد
الصراااااااااحة وخطين تحت الصراحة
موضوعك شدي من قلب شديني ....
هال الموضوع اول موضوع ارد عليه >>>وخير يا طير ههه
المهم
الصراحة موضوع مهم ....
وانه اقول
قال تعالى
الطيبون للطيبات والطيبات للطيبون
صدق الله العظيم
كلشي بالقسمة والنصيب
اذا الاهل رفضو بالبداية احتمال يوافقون لان القلب لما يتعلق يتعلق يعني ممايتغشمر ههه
ويعطيكم العوافي.....:victory:
السموحة من الجميع....

[اسير العذارى]

أسمح لي الأسير ع المداخله
بنت الأصايل ماقالت هالكلام إلا انها عارفه ان ردها وكلامها
فيه حريه شخصيه ومايتوجب على العضو الكلام الرسمي .. !
والسموحه اخوي الغالي حنا نفتخر بعاداتنا وتقاليدنا ونفتخر من هالنوع
دام حنا ربينا على هالشي ليه نطلع من الصراط اللي نمشي عليه
إن شاء الله ماضايقتك مداخلتي .. /



بالعكس أخوي الهاجس .. أنا يشرفني ردك ..

وأكيد كل إنسان يعتز بعا داته وتقا ليده .. لكن أهم شي

النيه فنضرتك للعادات هذي .. إذا أنا أو إنت أو بنت الأصايل

نعتبر إنا أفضل وأحسن من غيرنا من الناس فلزمن نتبع هذي العادات

فأشوف إن هذا شي غلط ..لإن الناس كلهم مثل بعض ومحد أكرم من أحد
....لكن أنا وياكم إن هذي العادات لزمن مانخالفها ..
مع إقتناعنا إن مافي فرق بين الناس إلا فالدين والأخلاق..
ولك تحياتي وإحترامي ..

[الهاجس]

تسلم أخوي أسير العذارى على ردك المحترم ..
دليل على شخصك الكريم ..

كلامك صحيح وعين العقل ..

كلنامن آدم وآدم من تراااب ..

[بحريني للأبد]

مشكورين على ردودكم المحترمة.

عندي تعقيبات فقط:

الاخت كاراميل, بصراحة من الغلط مقارنة هندي بولد الديرة مهما كان. عندي لج سؤال انتي تقولين مايصير تاخذين الهندي لانه ماله اصل, شرايج في يمني؟ يقولون اليمن اساس العرب خصوصا من صوب قحطان؟

الاخ الهاجس, شكرا على مشاركتك واسلوبك المحترم, عندي لك سؤالين.
اولا: زوجة الحسين بن علي رضي الله عنه وام عياله( يعني ام السادة) كانت فارسية. شرايك؟
ثانيا: قلت الخضيري ماله اصل, انه اقولك اصله من آدم وآدم من تراب.

نتمنى نشوف مشاركات اكثر.:bye:

[ريح العود]

ريح العود مثل راييي وانا عرفت انت شنو
وعلى فكره لصبي عادي ياخذ وحده مب بنت عايله بس يفضل انه ياخذ بنت عايله لان عياله بيحملون اسمه اهوه مب اسم امهم
اما البنت لا لازم تاخذ ولد عايله
اسير العذاري هذي مب كبر هذي عاداتنا وتقاليدنا اللي نمشي عليها من اجداد اجدادنا عرفت :blush:

شنو :unsure: :vip_mic:

[بنت الاصايل]

الهاجس اشكرك على تاييدك حق رايي وعين العقل اللي قاعد اتقوله
ريح العود انت ولد عايله من ردك عرفت :blush:

[بحريني للأبد]

مشكورين.:bye:

[][وصــايــف][]

السلام عليكم,,,
اولاً اشكرك اخوي بحريني للأبد على موضوعك المتميز,, :001:
وثانيا احب ابدي رأيي في الموضوع بدون حساسيات واتمنى محد يفهمني غلط..
انا افتخر بكوني قبيليه,, واعتز بهالشي واحمد ربي عليه صبح ومسى,, ولا يمكن ارتبط بشخص مب من مواخيذي وانزل سمعة اهلي واتزوج واحد مايشرفهم,, وبعدين الله لايقول لو حد من اهلي فكر يخلط دمنا بدم غريب اتبرا منه للأبد ولا اعترف فيه,, هالشي ربينا عليه ولا راح يتغير للأبد يعني تخيلوا العيال امهم قبيليه وابوهم من ساير الناس!! وين موقعهم من الاعراب؟؟ هم ما شالوا اسم خوالهم عشان يفتخرون فيه,, وتخيلوا موقفهم بين عيال خالهم كل واحد اصله معروف وهم ....
هذا سلكنا من وعينا على الدنيا ولاحد يقدر يغيره لا اليوم ولا باجر ولا بعد الف سنه,, والله يديمها علينا من نعمه,, نعمة العقل وحسن الاختيار,,
يمكن يكون رايي فيه عنصريه او تعصب ولكن افتخر بتعصبي القبلي,,, ولا انكر هالشي,,, ولا حد يفهم اني افضل نفسي على الغير,, ولكن تبقى مسألة نسبه وتناسب,, وحلاة الثوب رقعته منه وفيه,,:blush:
تحياتي..

[بحريني للأبد]

شكرا وصايف..:3fya:

[بنت الاصايل]

[وصــايــف][']السلام عليكم,,,
اولاً اشكرك اخوي بحريني للأبد على موضوعك المتميز,, :001:
وثانيا احب ابدي رأيي في الموضوع بدون حساسيات واتمنى محد يفهمني غلط..
انا افتخر بكوني قبيليه,, واعتز بهالشي واحمد ربي عليه صبح ومسى,, ولا يمكن ارتبط بشخص مب من مواخيذي وانزل سمعة اهلي واتزوج واحد مايشرفهم,, وبعدين الله لايقول لو حد من اهلي فكر يخلط دمنا بدم غريب اتبرا منه للأبد ولا اعترف فيه,, هالشي ربينا عليه ولا راح يتغير للأبد يعني تخيلوا العيال امهم قبيليه وابوهم من ساير الناس!! وين موقعهم من الاعراب؟؟ هم ما شالوا اسم خوالهم عشان يفتخرون فيه,, وتخيلوا موقفهم بين عيال خالهم كل واحد اصله معروف وهم ....
هذا سلكنا من وعينا على الدنيا ولاحد يقدر يغيره لا اليوم ولا باجر ولا بعد الف سنه,, والله يديمها علينا من نعمه,, نعمة العقل وحسن الاختيار,,
يمكن يكون رايي فيه عنصريه او تعصب ولكن افتخر بتعصبي القبلي,,, ولا انكر هالشي,,, ولا حد يفهم اني افضل نفسي على الغير,, ولكن تبقى مسألة نسبه وتناسب,, وحلاة الثوب رقعته منه وفيه,,:blush:
تحياتي..

اشكرج اختي واشوه لقيتج نفس رايي لان الكل مخالفني في الراي :d

[اسير العذارى]

[وصــايــف][']السلام عليكم,,,
اولاً اشكرك اخوي بحريني للأبد على موضوعك المتميز,, :001:
وثانيا احب ابدي رأيي في الموضوع بدون حساسيات واتمنى محد يفهمني غلط..
انا افتخر بكوني قبيليه,, واعتز بهالشي واحمد ربي عليه صبح ومسى,, ولا يمكن ارتبط بشخص مب من مواخيذي وانزل سمعة اهلي واتزوج واحد مايشرفهم,, وبعدين الله لايقول لو حد من اهلي فكر يخلط دمنا بدم غريب اتبرا منه للأبد ولا اعترف فيه,, هالشي ربينا عليه ولا راح يتغير للأبد يعني تخيلوا العيال امهم قبيليه وابوهم من ساير الناس!! وين موقعهم من الاعراب؟؟ هم ما شالوا اسم خوالهم عشان يفتخرون فيه,, وتخيلوا موقفهم بين عيال خالهم كل واحد اصله معروف وهم ....
هذا سلكنا من وعينا على الدنيا ولاحد يقدر يغيره لا اليوم ولا باجر ولا بعد الف سنه,, والله يديمها علينا من نعمه,, نعمة العقل وحسن الاختيار,,
يمكن يكون رايي فيه عنصريه او تعصب ولكن افتخر بتعصبي القبلي,,, ولا انكر هالشي,,, ولا حد يفهم اني افضل نفسي على الغير,, ولكن تبقى مسألة نسبه وتناسب,, وحلاة الثوب رقعته منه وفيه,,:blush:
تحياتي..



بقولك شي يطولي عمرك وصايف ... شي حلو إن الإنسان يعتز بأصله وفصله
لكن سبحان الله .. ربي جعل فوق كل ذي علم عليم
.. وأنا أعتقد هذا من عدل الله ... يعني يجي القبيلي يقول أنا دمي مايختلط
بالناس العاديين .. وفنفس الوقت القبيلي مايقدر يناسب الساده والأشراف
الصجيين.. (ماهم الجماعه اللي خبرك أو اللي يتلزقون )... يعني معروف إن
الشريف محد من القبايل يقدر يرده إذا خطب منهم .. لكن الشريفه مااتزوج
إلاشريف مثلها أو ولد أمرا أو شيوخ وماهم أي شيوخ ...وولد القبايل هذا مستحيل تاخذه إلا فالنادر
اللي أقصده إن كل هذي العادات فيها تفرقه مالهاداعي بين الناس
رغم إنا لازم مانخالفها .. لكن المفروض القبيلي يتواضع ومايشوف نفسه
على الخضيري .. وفنفس الوقت الشريف مايشوف نفسه على القبيلي
لإن الناس كلهم مثل بعض ومافي فرق بينهم إلا فالدين والتقوى..

[بحريني للأبد]

اسبر العذارى, مشكور على اسلوبك المحترم.:3fya:

[بنت الاصايل]

بقولك شي يطولي عمرك وصايف ... شي حلو إن الإنسان يعتز بأصله وفصله
لكن سبحان الله .. ربي جعل فوق كل ذي علم عليم
.. وأنا أعتقد هذا من عدل الله ... يعني يجي القبيلي يقول أنا دمي مايختلط
بالناس العاديين .. وفنفس الوقت القبيلي مايقدر يناسب الساده والأشراف
الصجيين.. (ماهم الجماعه اللي خبرك أو اللي يتلزقون )... يعني معروف إن
الشريف محد من القبايل يقدر يرده إذا خطب منهم .. لكن الشريفه مااتزوج
إلاشريف مثلها أو ولد أمرا أو شيوخ وماهم أي شيوخ ...وولد القبايل هذا مستحيل تاخذه إلا فالنادر
اللي أقصده إن كل هذي العادات فيها تفرقه مالهاداعي بين الناس
رغم إنا لازم مانخالفها .. لكن المفروض القبيلي يتواضع ومايشوف نفسه
على الخضيري .. وفنفس الوقت الشريف مايشوف نفسه على القبيلي
لإن الناس كلهم مثل بعض ومافي فرق بينهم إلا فالدين والتقوى..
احين انتوا طايحين فينا الشريف والساده تقصدون الشيعه والله احنا القبايل ماسمعنا عنهم وحتى احنا ماناخذ الا لشيوخ والقبايل اللي من مواخيذنا وانا وحده اقولج لو اتقدم لي واااحد من اللي اتقولون عنهم الشريف والساده بارفضه على طول من غير تفكير :d

[بحريني للأبد]

اختي بنت الاصايل, السادة معروفين في البحرين وهم من نسل الحسين عليه السلام.

الاشراف ايضا من نسل الرسول صلى الله عليه وسلم, واذا تعرفين الشريف حسين مال العراق قبل. اللي سمعته ان الاشراف من نسل الحسن بن علي علية الصلاة والسلام.

[][وصــايــف][]

افا عليج يا بنت الاصايل حطيني على يمناج,,

ترا الحق حق ولاينزعل منه,, ويا اسير العذارى الاشراف بكيفهم احنا علينا من نفسنا وقبايلنا ماعلينا
منهم صح بنت الاصايل ؟ :blush:

[بنت الاصايل]

[وصــايــف][']افا عليج يا بنت الاصايل حطيني على يمناج,,
ترا الحق حق ولاينزعل منه,, ويا اسير العذارى الاشراف بكيفهم احنا علينا من نفسنا وقبايلنا ماعلينا
منهم صح بنت الاصايل ؟ :blush:
اي فديتك صح
وعلى فركه الساده ياخذونا وناخذ منهم اذا العايله اللي انت تقصدها اما لشراف مب قبايل لعلمك وشكلك ماعندك خبره في الموضوع وااايد وخصوصا تاريخ العوايل لان الاشراف انتهوا احين الموجودين مب الاصليين اللي موجودين مادري من وين يايين :mf_wink:

[إنسانه بسيطه]

بلييييييز يعني لاينقلب الموضوع هوشه وتجريح حق ناس :vip_haha:


عشان ماينقفل الموضوع ;)

[بنت الاصايل]

لا مب هوشه ولا تجريح حق الناس مجرد نقاش حاد :d

[اسير العذارى]

اي فديتك صح
وعلى فركه الساده ياخذونا وناخذ منهم اذا العايلعه اللي انت تقصدها اما لشراف مب قبايل لعلمك وشكلك ماعندك خبره في الموضوع وااايد :mf_wink:



يطولي عمرك إنا ما أتكلم عن الساده اللي عند الشيعه واللي مابي اقول

شي عنهم .. أنا أتكلم عن الساده والأشراف الصجيين .. أحفاد وأهل الرسول صلى

الله عليه وسلم ... كيف ما أعرف شي عنهم وأنا منهم ..

وعمومآ الموضوع مايستاهل أحد يعصب ... كلنا أخوان ومافي فرق بينا...
وعلى راسي كل الناس الزينين المتواضعين ... ومشكورين ..

[إنسانه بسيطه]

من تواضع لله رفعه :vip_imwit

[بحرينيه موت]

انا من رايي ان هذه العاده ماراح تتنتهي لان كل مادشينا سنه يديده زادت الفناتق :d

[بنت الاصايل]

لا عادي والنعم في الكل و محد عصب وكان ابداء راي :d

[بنت الاصايل]

والكل احين يسعى انه يحصل على بنت عايله وولد عايله ولا احد ينكر ذي الشي :d

[الهاجس]

كلنــا لأدم وآدم من تــراب ..

[بو جابر]

ناس تفتخر بالمال
وناس تفتخر باالاهل
وناس تفتخر بالجاه

لكن كلكم راجيعن حق هل حفره الي متر في متر ومرد التراب حق التراب

[*جمر العيون*]

كلنا لآدم وآدم من تراب

انه برايي ((القلب ومايريد)) وهالشي ماهو بيد احد لي تعلق القلب محد يقدر يسوي شي

وانه الصراحة الشور شور أهلي ورضاهم عندي بالدنيا..

بس تصدقون .. انه عندي ربع عيال اياويد وكثار من بنات القبايل من خلال تجاربهم فالحب...

يقولون لي .. لي فكرتي تحبين لاتحبين لج واحد طالع فيها ولد العرب واهو خرطي ((طبعا مهب الكل))

يقولون لي مافي احسن من الهوله وكانوا يحلفون ويقولون لي والله يحطج على راسه ..

وكانت وحده منهم تقول حتى لو اهلي عاضوا انه مستحيل اتخلى عنه ... تقول انه شفت فيه اشيا ماشفتها فعيال العرب...

انه عن نفسي الحمدلله مافكر في هالاشيا توني صغيرة لاحقة على ويع الراس :lol:


والسموحة اذا طولت عليكم

[~ εммo ~]

الأختلاف بالرأي لايفسد الود بالقضيـه
ياريت نفس ما قالت انسانه ماينقلب الموضوع حق موضوع تجريـح ..
بالأول وبالاخير كل واحد وايـهـ واللى يشوفه يعني لو حاولنه نقنع شخص براينه واهو متمسك برايه ماراح يغيـره

[- Girl -]

ناس تفتخر بالمال
وناس تفتخر باالاهل
وناس تفتخر بالجاه
لكن كلكم راجيعن حق هل حفره الي متر في متر ومرد التراب حق التراب


:victory:

[вәит αвooџ ‹3]

و الله انا ما ابي قصب ازوج ولد عايله بس قصبا عني >_> >_>

[بحريني للأبد]

مشكورين كلكم على الحوار الراقي.

وجهة نظري, هالموضوع تحكمه العادات والتقاليد, والخليج بشكل عام يحاسبون حق العادات والتقاليد اكثر من الدين للأسف.

من جذي ما اعتبره غرور بقدر ماهو موروث عن الآباء والاجداد.:bye:

[CHE.GUEVARA]

قاال تعالى : " وخلقناكم شعوباً و قبائل لتتعارفوا " ..

جزاك الله خير يا اخي على الموضوع .. بس انا ما اجوفها ظاهره سيئه .. يعني بالعقل بنيه بنت العايله الفلانيه بييها واحد يحرق في الحجي بس عنده علم و عنده دين .. الصرااحه أهل البنيه لهم الحق انهم يرفضونه ..
دهنا في مكبتنا و كل وااحد ياخذ الي قده و الي في نفس مستوااه ..

و مسامحه للجميع ..

و لي رجعه ..

[بحريني للأبد]

ثانكس اخوي مانجر وننتظر رجعتك.:bye:

[بدويــــه]

رأيي من رأي أختي بنت الأصايل
هذا الشي في دمنا مستحيل نتنازل عنه
الله يعطيك العافيه اخوي بحريني للأبد

:3fya: :3fya:

[بحريني للأبد]

يعافيج اختي بدوية.:bye:

[CaRaMeL]

القصد من كلامي اني ابين لكم ان حتى انتوا ياللي تتعذرون ان كفاءة الشخص بدينه وخلقه فقط ما تطبقون عذركم

أنا أهم شي عندي ان عيالي لين كبروا يقولون لي الحمدلله اللي خذتي الوالد... ما أبيهم يحسون انهم أقل من أقاربهم ولا اني قصرت في حقهم...ولا أبي في يوم من الايام ندم على اختياري....

كل شي تالي نقدر نغيره... الفلوس تروح وترجع واللي مب متعلم يتعلم والشكل يتغير والدين والاخلاق كلها تتغير الا الاصل لو شنو نسوي يتم جيل بعد جيل ما يتغير..... فلازم يكون اختيارنا صح:)

[بحريني للأبد]

ردج مقنع اختي ووصل القصد من وراء كلامج.

تسملين.:clap:

[مخلوقـــة]

القصد من كلامي اني ابين لكم ان حتى انتوا ياللي تتعذرون ان كفاءة الشخص بدينه وخلقه فقط ما تطبقون عذركم
أنا أهم شي عندي ان عيالي لين كبروا يقولون لي الحمدلله اللي خذتي الوالد... ما أبيهم يحسون انهم أقل من أقاربهم ولا اني قصرت في حقهم...ولا أبي في يوم من الايام ندم على اختياري....
كل شي تالي نقدر نغيره... الفلوس تروح وترجع واللي مب متعلم يتعلم والشكل يتغير والدين والاخلاق كلها تتغير الا الاصل لو شنو نسوي يتم جيل بعد جيل ما يتغير..... فلازم يكون اختيارنا صح:)

m3aaaaj fi kiL kLma glteeha :vip_imwit