Cafe
06-05-2005, 08:41 PM
*** رحلة البحث عن الشيخ خالد ***
اننا كمن يبحث عن أبرة فى جبل من القش
فهذا هى الحكاية مع صديقى العزيز Esperanza فى بحثنا عن الشيخ خالد الذي أختفى من مدة ليست بقليلة
- الجزء الاول -
- الحلقة الاولي -
Cafe: الو ،، الوووو Esperanza، الو ، Esperanza،،، صحصح معي يا اخي قم قامة عصبك و تحنت ركبك ياخيشة النوم ،، عندي موضوع مهم ابغاء اكلمك فية.
Esperanza: انت وش تبي يا الغثيث ،، احد يتصل و الناس نايمين اربع العصر ، انت ما عمرك سمعت بالقيلولة. هاه وش عندك وألا أقول ضف وجهك عني وخلنى اكمل نومي.
Cafe: أسمع يالثور اليوم الصبح يوم دخلت على المنتدى لقيت رسألة خاصه من عضو جديد مدري منهو ،، يقول في الرسألة انه يبغاء يكلمني في موضوع مهم جداً موضوع حياة او موت ، و حط رقم جوالة في الرسالة.
Esperanza: طيب وش الغريب يمكنه واحد من الشباب و يبي يهبل فيك ، ولا استبعد ان يكون واحد من الشلة ورا الحركه هذي ،،تراه احياناً تطلع عليهم حركات غريبة.
Cafe: ما طلع واحد من الشباب ،،، هذا طلع الشيخ عبدالرحمن
Esperanza: هاه!! نعم!! انت شكلك طايح على راسك او واحد صاصك بالمقلاة على جبهتك ،، قال إيش قال الشيخ عبدالحمن اتصل علية ،،، وش يبي بك انت و جهك يتصل عليك ،، خل عنك المزح الثقيل يا Cafe.
Cafe: وش امزح فيه ،، صدقني انه اتصل على شخصياً وصدقني الموضوع أكبر مما تتصور اتصدق إنه عرض على سفره لشرق أسياء على حسابة وعرض علي مبلغ مكافاءه كبير.
Esperanza: هاه!! سفره شرق !!! مكافاءه $$ ،،، لا شكلك منت تمزح عطني كامل التفاصيل و بسرعة ,,, وإلا تدري ضبط الشاهي عشر دقايق وأنا عندك .
Cafe: هلا بـ Esperanza زارتنا البركة ماجيت إلا يوم سمعت سالفة الفلوس والسفر هذي عوايدك والله والنعم فيك
Esperanza: لا والله أفى عليك أخوي cafe بس موضوعك يحير ومافهمت عليك قلت أجي منها نشوفك ومنها تذبح لنا السالفة.
Cafe: والله السالفة مثل ماقلت لك وأنا إلى الحين بين مصدق ومكذب. ياطويل العمر الرجال اتصل علي وعرفني بنفسه وقالي أبغى أقابلك ، فيه موضوع مهم مايصلح بالتلفون ، وبالفعل رحت له وقالي إن ولده خالد له خمس سنوات مختفي في شرق أسياء ويتوقع أنة فى الفلبين ولا عنده عنه أي أخبار وأمه المسكينة مالها طاري غير طارية ،، وماخلا طريقة إلا ودوره فيها ولكن للأسف انقطعت كل أخباره ولا عاد يدري عنه وقالي بحكم خبرتي بالفلبين يبغاني اسافر على حسابه وجميع تكاليف سفريتي مدفوعة وإجازتي من العمل بيدبرها،،، بس قال هاه لاترجع إلا ومعك أخبار عن ولدي خالد وأملننا بالله ثم فيك.
Esperanza: أف أف وش قاعد تقول إنت ؟؟؟ معقوله !!!!!!! كمل كمل تكفى.
Cafe: اصبر خل أجيب الشاهي وأجي.
Cafe: ابد زي ما قلت لك ،، ولده في الفلبين من خمس سنوات ومن سنة مايدري عنه اي شي ،، ما يدري هو حي او ميت ،، ولده خالد كان مسافر للفلبين علشان يوقع عقد للشركة ويفتتح فرعها بمانيلا و سيبو ،، و كان دأئمآ يتصل ولة حوالى سنة ما اتصل عليهم ولا يدرون وينه فيه ،، يقول الشيخ عبدالرحمن ان السفارة في الفلبين دورت عليه و بلغت الشرطه الفلبينية عشان يدورون عليه ،، لكن عجزو يلقونه او يعرفون عنه اي اخبار.
ويقول ان ام خالد من ذاك الوقت وهي مريضه و دايم في صياح و نواح على ولدها ،، و انه سمع اني اعرف الفلبين زيين و دايم اسافر لها من بعض موظفينه اللي مشاركين معنا في المنتدي ،، و قرر كاخر امل عشان يلقاء ولده انه يطلب مني ادور علية ،، و قال للي ان كامل مصاريف الرحلة بتكون على حسابه ،، بالاضافه الي انه بيدفع لي مبلغ كبير وإنه بيعطيني يخت وشاليه وفيلاة في "البحرين" وكذلك فيلاة فى "الخبر" اذا لقيت ولده حي .
Esperanza: والله يا خوي Cafe هذي سالفة ولا في الخيال ،،
Cafe: أدري والله وأنا محتار ما أدري وش أسوي ،،، علشان كذا قلت لك الموضوع لأني أبغاك تخاويني وتساعدني في البحث عن خالد ،،، و انا قلت له اني باخذك معي ،،، وهو على طول وافق و قال للي خذ معك اللي تبي.
Esperanza: الله لا يخليني منك يا Cafe،، انا كنت واثق انك منت ناسيني ،، بس يا Cafe وش بنسوي في دواماتنا ،، ما هقيت انهم يعطونا اجازات،، و يمكن يفصلونا ،، صحيح ان مبلغ المكافاءه زين ،، بس اخاف ما نلقاء ولده ،، ولا ناخذ المكافاءه و ننفصل من عملنا.
Cafe: وش فيك متنح إنت ،،، أنا قايلك قبل إنه قال لا تشيل هم و انه بيتصل على جهات عملنا و يامرهم يعطونا اجازات مفتوحه ومع الراتب ،، و ممكن نرجع لم عملنا اي وقت نبي.
Esperanza: حلو ،، حلو جداً ،، متا نمشي للفلبين.
Cafe: يقول للي الشيخ عبدالرحمن انه بيرسل للي الليله شيك بقيمة مئة الف ريال نجهز فيها أنفسنا للسفر ،، ولازم نسافر بعد يومين من الان ،، و يقول اول ما ناصل للفلبين لازم نفتح حساب في احد البنوك ،، و اذا نقصت علينا الفلوس على طول بيحول علينا اي مبلغ نبية. المهم انت جهز نفسك للسفر ونا بتصل على مكتب السفريات و اسوي الحجوزات اللازمة،،، عشان نسافر بكره او بعده كاقصي حد. قبل ما انساء انت عندك ملابس للسفر
Esperanza: ابد ازهلها انا جاهز امشي من الحين ،، حتي ما عندي نية اتصل على مديري في العمل خله يموت قهر اذا ما داومت. اما من ناحية الملابس انا جاهز ،،، الترنق موجود و بوت الاديداس جديد مالي الا اربع سنين شاريه.
Cafe: اقول اذلف انت و خشتك ،،، ترنق و بوت اديداس ،،، انت وين شايفنا رايحين له ،،، شايفنا رايحين نلعب دوري حواري في رمضان... مافيه الا إننا نروح بكره الصبح للسوق و نشتري لك ملابس ولا اقولك ليش السوق خلني ادلعك المره ذي واشتري لك من محلات ZARA فى الراشد ، تدلع ياعمي أنت وشعرك الى واقف ذى حرف الألف
Esperanza: يا شينك اذا بديت تنافخ ،،، ايييييييييه مقدر ارد عليك انت غالي.
بعد أن انتهاء Cafe من التحدث الي Esperanza ،، قام بلاتصال على مكتب الطياران للسفر و السياحة و عمل الحجوزات الازمة للسفر يوم الأربعاء ،، و وصل مبعوث الشيخ الي منزل Cafe و سلمه الشيك بالإضافة إلي بطاقتي ائتمان غير محدده المبالغ باسم Cafe و Esperanza.
وفي صباح اليوم التالي توجه كلن من Cafe و Esperanza الي محلات ZARA لشراء احتياجات السفر.
Cafe: قبل ما نروح نشتري ملابسك يا Esperanza لازم ناخذ لنا كم كرز تتن لان التتن في الفلبين خايس ولا ينفع بالمره ،،، و يبي لنا ناخذ قطمة رز و شوي كليجا ملكي و اهم شي سكري القصيم.
Esperanza: بس انت تعرف يا Cafe اني ما اتتن ،،، انا راعي مزاج انا ابخذ معي شيشتي و كم كيلو معسل الباشاء ،،، بعدين انا مدري انت وش تبي بالكليجاء و السكري ولا قصدك بتحتك بالقصمان،،، و تراك نسيت تذكر البهارات ،،، الا كان الفلبينيين عندهم بهارات.
Cafe: والله والنعم بالقصمان ،،، ولا صح انت منت قصيمي انت شقراوي تجرح و تداوي،،، اما من ناحية الشيشة انا ما انصح فيها لانه مافيه فحم زين في الفلبين ،،، الا كانك ناوي تاخذ معك خيشة فحم معنا بعد ،،، و البهارات لا تشيل همها انا مزبنن لي كم كيلو و حاطه في قوطي نيدو.
Esperanza: هاه يا Cafe شريت تتنك و قضيت جعلك المر ،،، يله خلنا نروح نشتري ملابسي عشان اكشخ في الفلبين.
Cafe: طيب انا بخليك عند المحلات هذي و بروح اشتري للي بعض الاغراض من محل ثاني ،،، انتبه لا تروح منا ولا منا وتضيع و ابحل بك.
وغاب Cafe عن Esperanza ما يقارب من الساعة ،،، فهو لم يرد ان يعلم Esperanza بانه قد ذهب لشراء بعض الهداياء الخاصة من العطور النسائية لكي يستخدمها في الفلبين للحصول على المعلومات اللازمة التي تساعده في البحث عن خالد ( ترا الكلام هذا كله خراط في خراط ، انتم عارفين وشيله العطور).
Cafe: وجع وش ذا ،،، انت شريت السوق كله ،،، وذي وشي!!! انت وشوله شاري جاكيت.
Esperanza: انا ما شريت شي زايد ،،، كلها كمن قميص و كمن بنطلون ، يقولي اللبناني اللي في المحل ذاك انها راكبه على و اني تقل وائل كفوري اذا لبستها،،، اما الجاكيت فهو عن البرد ،،، انت لاتنسي ان احنا رايحين في الشتاء ،،، ونت عارف ما يداوي الهبوب الشمالي الا هذا الجاكيت الثقيل.
Cafe: يا ثور لعب عليك اللبناني و باعك بناطيل و قمصان مقلمة ،،، و بتصير وائل كفوري بعد!!!،،، و زود على كذا تاخذ جاكيت ثقيل للفلبين،،، الفلبين ما يجيها برد يا الدثوي ،،، الفلبين طول السنة رطوبه و حر وان كثر مطر واعاصير.
و في يوم الاربعاء توجه Cafe و Esperanza الي مطار الملك فهد الدولي ليبدؤوا مغامرتهم الطويلة في الفلبين للبحث عن الشيخ خالد.
المذيع الداخلي في مطار الدمام : تعلن شركة الخطوط الجوية الفلبينية عن موعد اقلاع رحلتها رقم 411 و المتجهه باذن الله الي مانيلا ،،، على جميع الركاب المسافرون التوجه الي بوابة السفر رقم 26.
Cafe: يله Esperanza خلنا نروح نركب الطياره و نلحق على كراسينا قبل ما ياخذها احد غيرنا.
Esperanza: الشغلة فيها اخذت كراسي ،،، خلنا اجل نحط رجلينا بسرعة قبل ما يجي واحد افنس و يعشش في الكرسي حقي.
Esperanza: يا زين الكراسي الكبيره ،،، شف شف يا Cafe اقدر اتربع على الكرسي ،،، والله الفلبينيين هذول ماهم بسيطين ،،، كل ذا كرسي.
Cafe: شكلك يا Esperanza ما عمرك سافرت درجة اولا ،،، ترا الكراسي في الدرجة الاولي دايم كبيره.
مضيفة فلبينية حلوة (شعرها اشقر و عيونها خضر): اكسكيوز مي سر وت واد يو لايك تو درنك.
Esperanza: هاه!!!!!!!!!!
Cafe: تقول وش ودك تشرب يا الدثوي ،،، صك اثمك يا Esperanza ترا سعابيلك اغرقتEsperanza: وش اشرب؟؟ قلها كلشي يجي من يديها الزينه زين.
Cafe: ون ببسي اند ون بيبسي سبيشل.
المضيفة فلبينية : اوكي سير ،،، هير از يور درنكس.
Esperanza: اقول Cafe!! ورا ببسيك يزابد اكثر من ببسيي!!!.
Cafe: ببسيي يزابد اكثر من ببسييك!!!،، لا ابد هي رجت ببسيي قبل ما تصبه في الكاس. (لا تشرهون ترا Esperanza ما عمره سافر برا السعودية).
كابتن الطياره: ليديز اند جينتلمن وي ار ابروتشنق نينو اكينو انترناشونال ايربورت ،، بليز فاستن يورا سيت بيلتس ان بربريشن تو لاند.
Cafe: يا Esperanza قم من النوم ،، وجع كل هذا نوم من يوم طلعنا من الدمام ونت في سابع نومه،،، قم الطياره بتوقع الحين،،، يله اربط حزامك.
وهبطة طايرة الخطوط الجوية الفلبينية في مطار مانيلا الدولي او كما يسمي
NAIA) Ninoy Aquino International Airport) ، و كاد Esperanza ان يفقد وعية من جمال الطبيعة وهو ينظر للخارج من نافذة الطيارة.
(نلتقيكم في الحلقة القادمة ، و بداية المغامره في مدينة مانيلا)
اننا كمن يبحث عن أبرة فى جبل من القش
فهذا هى الحكاية مع صديقى العزيز Esperanza فى بحثنا عن الشيخ خالد الذي أختفى من مدة ليست بقليلة
- الجزء الاول -
- الحلقة الاولي -
Cafe: الو ،، الوووو Esperanza، الو ، Esperanza،،، صحصح معي يا اخي قم قامة عصبك و تحنت ركبك ياخيشة النوم ،، عندي موضوع مهم ابغاء اكلمك فية.
Esperanza: انت وش تبي يا الغثيث ،، احد يتصل و الناس نايمين اربع العصر ، انت ما عمرك سمعت بالقيلولة. هاه وش عندك وألا أقول ضف وجهك عني وخلنى اكمل نومي.
Cafe: أسمع يالثور اليوم الصبح يوم دخلت على المنتدى لقيت رسألة خاصه من عضو جديد مدري منهو ،، يقول في الرسألة انه يبغاء يكلمني في موضوع مهم جداً موضوع حياة او موت ، و حط رقم جوالة في الرسالة.
Esperanza: طيب وش الغريب يمكنه واحد من الشباب و يبي يهبل فيك ، ولا استبعد ان يكون واحد من الشلة ورا الحركه هذي ،،تراه احياناً تطلع عليهم حركات غريبة.
Cafe: ما طلع واحد من الشباب ،،، هذا طلع الشيخ عبدالرحمن
Esperanza: هاه!! نعم!! انت شكلك طايح على راسك او واحد صاصك بالمقلاة على جبهتك ،، قال إيش قال الشيخ عبدالحمن اتصل علية ،،، وش يبي بك انت و جهك يتصل عليك ،، خل عنك المزح الثقيل يا Cafe.
Cafe: وش امزح فيه ،، صدقني انه اتصل على شخصياً وصدقني الموضوع أكبر مما تتصور اتصدق إنه عرض على سفره لشرق أسياء على حسابة وعرض علي مبلغ مكافاءه كبير.
Esperanza: هاه!! سفره شرق !!! مكافاءه $$ ،،، لا شكلك منت تمزح عطني كامل التفاصيل و بسرعة ,,, وإلا تدري ضبط الشاهي عشر دقايق وأنا عندك .
Cafe: هلا بـ Esperanza زارتنا البركة ماجيت إلا يوم سمعت سالفة الفلوس والسفر هذي عوايدك والله والنعم فيك
Esperanza: لا والله أفى عليك أخوي cafe بس موضوعك يحير ومافهمت عليك قلت أجي منها نشوفك ومنها تذبح لنا السالفة.
Cafe: والله السالفة مثل ماقلت لك وأنا إلى الحين بين مصدق ومكذب. ياطويل العمر الرجال اتصل علي وعرفني بنفسه وقالي أبغى أقابلك ، فيه موضوع مهم مايصلح بالتلفون ، وبالفعل رحت له وقالي إن ولده خالد له خمس سنوات مختفي في شرق أسياء ويتوقع أنة فى الفلبين ولا عنده عنه أي أخبار وأمه المسكينة مالها طاري غير طارية ،، وماخلا طريقة إلا ودوره فيها ولكن للأسف انقطعت كل أخباره ولا عاد يدري عنه وقالي بحكم خبرتي بالفلبين يبغاني اسافر على حسابه وجميع تكاليف سفريتي مدفوعة وإجازتي من العمل بيدبرها،،، بس قال هاه لاترجع إلا ومعك أخبار عن ولدي خالد وأملننا بالله ثم فيك.
Esperanza: أف أف وش قاعد تقول إنت ؟؟؟ معقوله !!!!!!! كمل كمل تكفى.
Cafe: اصبر خل أجيب الشاهي وأجي.
Cafe: ابد زي ما قلت لك ،، ولده في الفلبين من خمس سنوات ومن سنة مايدري عنه اي شي ،، ما يدري هو حي او ميت ،، ولده خالد كان مسافر للفلبين علشان يوقع عقد للشركة ويفتتح فرعها بمانيلا و سيبو ،، و كان دأئمآ يتصل ولة حوالى سنة ما اتصل عليهم ولا يدرون وينه فيه ،، يقول الشيخ عبدالرحمن ان السفارة في الفلبين دورت عليه و بلغت الشرطه الفلبينية عشان يدورون عليه ،، لكن عجزو يلقونه او يعرفون عنه اي اخبار.
ويقول ان ام خالد من ذاك الوقت وهي مريضه و دايم في صياح و نواح على ولدها ،، و انه سمع اني اعرف الفلبين زيين و دايم اسافر لها من بعض موظفينه اللي مشاركين معنا في المنتدي ،، و قرر كاخر امل عشان يلقاء ولده انه يطلب مني ادور علية ،، و قال للي ان كامل مصاريف الرحلة بتكون على حسابه ،، بالاضافه الي انه بيدفع لي مبلغ كبير وإنه بيعطيني يخت وشاليه وفيلاة في "البحرين" وكذلك فيلاة فى "الخبر" اذا لقيت ولده حي .
Esperanza: والله يا خوي Cafe هذي سالفة ولا في الخيال ،،
Cafe: أدري والله وأنا محتار ما أدري وش أسوي ،،، علشان كذا قلت لك الموضوع لأني أبغاك تخاويني وتساعدني في البحث عن خالد ،،، و انا قلت له اني باخذك معي ،،، وهو على طول وافق و قال للي خذ معك اللي تبي.
Esperanza: الله لا يخليني منك يا Cafe،، انا كنت واثق انك منت ناسيني ،، بس يا Cafe وش بنسوي في دواماتنا ،، ما هقيت انهم يعطونا اجازات،، و يمكن يفصلونا ،، صحيح ان مبلغ المكافاءه زين ،، بس اخاف ما نلقاء ولده ،، ولا ناخذ المكافاءه و ننفصل من عملنا.
Cafe: وش فيك متنح إنت ،،، أنا قايلك قبل إنه قال لا تشيل هم و انه بيتصل على جهات عملنا و يامرهم يعطونا اجازات مفتوحه ومع الراتب ،، و ممكن نرجع لم عملنا اي وقت نبي.
Esperanza: حلو ،، حلو جداً ،، متا نمشي للفلبين.
Cafe: يقول للي الشيخ عبدالرحمن انه بيرسل للي الليله شيك بقيمة مئة الف ريال نجهز فيها أنفسنا للسفر ،، ولازم نسافر بعد يومين من الان ،، و يقول اول ما ناصل للفلبين لازم نفتح حساب في احد البنوك ،، و اذا نقصت علينا الفلوس على طول بيحول علينا اي مبلغ نبية. المهم انت جهز نفسك للسفر ونا بتصل على مكتب السفريات و اسوي الحجوزات اللازمة،،، عشان نسافر بكره او بعده كاقصي حد. قبل ما انساء انت عندك ملابس للسفر
Esperanza: ابد ازهلها انا جاهز امشي من الحين ،، حتي ما عندي نية اتصل على مديري في العمل خله يموت قهر اذا ما داومت. اما من ناحية الملابس انا جاهز ،،، الترنق موجود و بوت الاديداس جديد مالي الا اربع سنين شاريه.
Cafe: اقول اذلف انت و خشتك ،،، ترنق و بوت اديداس ،،، انت وين شايفنا رايحين له ،،، شايفنا رايحين نلعب دوري حواري في رمضان... مافيه الا إننا نروح بكره الصبح للسوق و نشتري لك ملابس ولا اقولك ليش السوق خلني ادلعك المره ذي واشتري لك من محلات ZARA فى الراشد ، تدلع ياعمي أنت وشعرك الى واقف ذى حرف الألف
Esperanza: يا شينك اذا بديت تنافخ ،،، ايييييييييه مقدر ارد عليك انت غالي.
بعد أن انتهاء Cafe من التحدث الي Esperanza ،، قام بلاتصال على مكتب الطياران للسفر و السياحة و عمل الحجوزات الازمة للسفر يوم الأربعاء ،، و وصل مبعوث الشيخ الي منزل Cafe و سلمه الشيك بالإضافة إلي بطاقتي ائتمان غير محدده المبالغ باسم Cafe و Esperanza.
وفي صباح اليوم التالي توجه كلن من Cafe و Esperanza الي محلات ZARA لشراء احتياجات السفر.
Cafe: قبل ما نروح نشتري ملابسك يا Esperanza لازم ناخذ لنا كم كرز تتن لان التتن في الفلبين خايس ولا ينفع بالمره ،،، و يبي لنا ناخذ قطمة رز و شوي كليجا ملكي و اهم شي سكري القصيم.
Esperanza: بس انت تعرف يا Cafe اني ما اتتن ،،، انا راعي مزاج انا ابخذ معي شيشتي و كم كيلو معسل الباشاء ،،، بعدين انا مدري انت وش تبي بالكليجاء و السكري ولا قصدك بتحتك بالقصمان،،، و تراك نسيت تذكر البهارات ،،، الا كان الفلبينيين عندهم بهارات.
Cafe: والله والنعم بالقصمان ،،، ولا صح انت منت قصيمي انت شقراوي تجرح و تداوي،،، اما من ناحية الشيشة انا ما انصح فيها لانه مافيه فحم زين في الفلبين ،،، الا كانك ناوي تاخذ معك خيشة فحم معنا بعد ،،، و البهارات لا تشيل همها انا مزبنن لي كم كيلو و حاطه في قوطي نيدو.
Esperanza: هاه يا Cafe شريت تتنك و قضيت جعلك المر ،،، يله خلنا نروح نشتري ملابسي عشان اكشخ في الفلبين.
Cafe: طيب انا بخليك عند المحلات هذي و بروح اشتري للي بعض الاغراض من محل ثاني ،،، انتبه لا تروح منا ولا منا وتضيع و ابحل بك.
وغاب Cafe عن Esperanza ما يقارب من الساعة ،،، فهو لم يرد ان يعلم Esperanza بانه قد ذهب لشراء بعض الهداياء الخاصة من العطور النسائية لكي يستخدمها في الفلبين للحصول على المعلومات اللازمة التي تساعده في البحث عن خالد ( ترا الكلام هذا كله خراط في خراط ، انتم عارفين وشيله العطور).
Cafe: وجع وش ذا ،،، انت شريت السوق كله ،،، وذي وشي!!! انت وشوله شاري جاكيت.
Esperanza: انا ما شريت شي زايد ،،، كلها كمن قميص و كمن بنطلون ، يقولي اللبناني اللي في المحل ذاك انها راكبه على و اني تقل وائل كفوري اذا لبستها،،، اما الجاكيت فهو عن البرد ،،، انت لاتنسي ان احنا رايحين في الشتاء ،،، ونت عارف ما يداوي الهبوب الشمالي الا هذا الجاكيت الثقيل.
Cafe: يا ثور لعب عليك اللبناني و باعك بناطيل و قمصان مقلمة ،،، و بتصير وائل كفوري بعد!!!،،، و زود على كذا تاخذ جاكيت ثقيل للفلبين،،، الفلبين ما يجيها برد يا الدثوي ،،، الفلبين طول السنة رطوبه و حر وان كثر مطر واعاصير.
و في يوم الاربعاء توجه Cafe و Esperanza الي مطار الملك فهد الدولي ليبدؤوا مغامرتهم الطويلة في الفلبين للبحث عن الشيخ خالد.
المذيع الداخلي في مطار الدمام : تعلن شركة الخطوط الجوية الفلبينية عن موعد اقلاع رحلتها رقم 411 و المتجهه باذن الله الي مانيلا ،،، على جميع الركاب المسافرون التوجه الي بوابة السفر رقم 26.
Cafe: يله Esperanza خلنا نروح نركب الطياره و نلحق على كراسينا قبل ما ياخذها احد غيرنا.
Esperanza: الشغلة فيها اخذت كراسي ،،، خلنا اجل نحط رجلينا بسرعة قبل ما يجي واحد افنس و يعشش في الكرسي حقي.
Esperanza: يا زين الكراسي الكبيره ،،، شف شف يا Cafe اقدر اتربع على الكرسي ،،، والله الفلبينيين هذول ماهم بسيطين ،،، كل ذا كرسي.
Cafe: شكلك يا Esperanza ما عمرك سافرت درجة اولا ،،، ترا الكراسي في الدرجة الاولي دايم كبيره.
مضيفة فلبينية حلوة (شعرها اشقر و عيونها خضر): اكسكيوز مي سر وت واد يو لايك تو درنك.
Esperanza: هاه!!!!!!!!!!
Cafe: تقول وش ودك تشرب يا الدثوي ،،، صك اثمك يا Esperanza ترا سعابيلك اغرقتEsperanza: وش اشرب؟؟ قلها كلشي يجي من يديها الزينه زين.
Cafe: ون ببسي اند ون بيبسي سبيشل.
المضيفة فلبينية : اوكي سير ،،، هير از يور درنكس.
Esperanza: اقول Cafe!! ورا ببسيك يزابد اكثر من ببسيي!!!.
Cafe: ببسيي يزابد اكثر من ببسييك!!!،، لا ابد هي رجت ببسيي قبل ما تصبه في الكاس. (لا تشرهون ترا Esperanza ما عمره سافر برا السعودية).
كابتن الطياره: ليديز اند جينتلمن وي ار ابروتشنق نينو اكينو انترناشونال ايربورت ،، بليز فاستن يورا سيت بيلتس ان بربريشن تو لاند.
Cafe: يا Esperanza قم من النوم ،، وجع كل هذا نوم من يوم طلعنا من الدمام ونت في سابع نومه،،، قم الطياره بتوقع الحين،،، يله اربط حزامك.
وهبطة طايرة الخطوط الجوية الفلبينية في مطار مانيلا الدولي او كما يسمي
NAIA) Ninoy Aquino International Airport) ، و كاد Esperanza ان يفقد وعية من جمال الطبيعة وهو ينظر للخارج من نافذة الطيارة.
(نلتقيكم في الحلقة القادمة ، و بداية المغامره في مدينة مانيلا)