أريد أن اتزوج !! [الأرشيف]

shy girl

11-12-2006, 03:12 PM

هاااااااااااااي :vip_haha:
شلووووونكم ؟؟!

طــــبــــــعــــــاً لان قبل فترة نزلت موضوع عن الزواج بالاجنبيات
و وااااايد شباب قالوا يبوون تخفيضات من بنات البحرين :shhh: ( تخفيض المهر ):aa_crazy:

فاليوم قلت خلنا نتكلم عن مهر البنية :blush:

اسئلة للبنات :
جم تبين مهر ؟؟

انتي تقررين جم ولا اهلج ؟؟

شتسوين في المهر ؟؟

اذا الشخص متقدم لج على قد حاله تراعين ظروفه وتاخذين جزء بسيط ؟؟

في ناس يتزوجون بكتاب القرآن الكريم كمهر من الزوج للزوجة :rolleyes: شرايكم فيهم ؟؟؟

ممكن انتي تسوين يوم من الايام جذي ؟؟

كلما قل المهر زادت البركة والرزق في زواجكم , انتي شرايج صح او لا ؟؟

شرايج في اهالي العروس الي يساعدون العريس في المهر وتجهيزات العرس ا؟

للشباب :
جم تعتقد المهر المناسب الي المفروض البنية تطلبها ؟

اذا تقدمت حق وحدة وزينة وكلشي بس تبي مهر تعجيزي
تقرض بس عشان تتزوجها او:aa_crazy: تدور على وحدة ثانية ؟؟

ليش تعتقد البنات يطلبون مبلغ كبير حق المهر ؟؟

شنو تعتقد يسوون فيه ؟؟؟

في ناس يتزوجون بكتاب القرآن الكريم كمهر من الزوج للزوجة :rolleyes: شرايكم فيهم ؟؟؟

ممكن اذا البنية كانت تبي المهر قرآن كريم , توافق ؟؟

كلما قل المهر زادت البركة والرزق في زواجكم , انت شرايك صح او لا ؟؟

شرايك في اهالي العروس الي يساعدون العريس في المهر وتجهيزات العرس ا؟

:shhh: :shhh: :shhh: اخر سؤال : جم نسبة التخفيض المناسب لكم ؟:shhh: :shhh: :shhh:

BAHRAINI_COOOL

11-12-2006, 03:21 PM

للشباب :
جم تعتقد المهر المناسب الي المفروض البنية تطلبها ؟
صج انة الذهب هل ايام مرتفع سعرة بس اعتقد انة من 3 لين 4 الاف بس

اذا تقدمت حق وحدة وزينة وكلشي بس تبي مهر تعجيزي
تقرض بس عشان تتزوجها او تدور على وحدة ثانية ؟؟
لا اذا كان المهر تعجيزي يقارب الــ عشرة الاف لايمكن اقرض لان لازم افكر انة وراي صالة وحفلة ومعازيم ........... الخ

ليش تعتقد البنات يطلبون مبلغ كبير حق المهر ؟؟
عشان يراوون الغير انهم يازعم مدللين وكل شي يطلبونة موجود اي مبلغ يبونة وحق الفشخرة

شنو تعتقد يسوون فيه ؟؟؟
يلعبون ,نصة يشترون حق العرس ونصة يخشوونة

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟
لله ف لله

ممكن اذا البنية كانت تبي المهر قرآن كريم , توافق ؟؟
عادي بس لو حق روحي مابارضة لازم باخذ بخاطرها وبلبي شرووطها

كلما قل المهر زادت البركة والرزق في زواجكم , انت شرايك صح او لا ؟؟
والله اول مرة اسمع فية :unsure:

واحسة شوي مقنع

شرايك في اهالي العروس الي يساعدون العريس في المهر وتجهيزات العرس ا؟
اهالي العروس يساعدون العريس في المهر :shock2: :unsure:
:vip_haha:

غريبة

اخر سؤال : جم نسبة التخفيض المناسب لكم ؟
اهوة على حسب الذهب , اذا السوق كان فووووووق .فوق

اذا السوق كان تحتتتتتت .تحت:vip_haha:

يسلموووووووووووو:206f: :rolleyes:

shy girl

11-12-2006, 03:28 PM

:unsure: المهر مو بالذهب
كااااااااش :walen: ولا شنو !!!
اول مرة اسمع ان المهر ذهب :unsure:

المهم ثااااااااااااااااانكس على الرد

بو جابر

11-12-2006, 03:30 PM

:biggrin23

لي رجعه

برب:vip_imwit

shy girl

11-12-2006, 03:41 PM

:happy: تيت

هاي دليل على ان كلما قل المهر زادت البركة في الزواج :rolleyes: عشان :aa_crazy: محد يقول مو صج ولاشي

أن بعض المهور قد يصل إلي مبالغ خيالية وهذا خلاف السنة .ففي صحيح مسلم عن أبي هريرة رضي الله عنه أن رجلا أتى النبي صلى الله عليه وسلم فقال :( إني تزوجت امرأة من الأنصار. فقال النبي صلى الله عليه وسلم : ( على كم تزوجتها ؟ ) قال : على أربع أواق . فقال النبي صلى الله عليه وسلم :(على أربع أواق كأنما تنحتون الفضة من عرض هذا الجبل ) (3) وأربع الأواق مائة وستون درهما أي أقل من نصاب الزكاة ، والمغالاة في المهور سبب لنزع البركة من النكاح ، فإن أعظم النكاح بركة أيسره مؤونة . ومتى حصلت المغالاة أصاب الزوج هم وغم لكثرة ما أنفق خصوصا إذا كان مدينا بذلك ، فكلما ورد على قلبه السرور بزوجته ثم تذكر ديونه التي عليه انقلب سروره حزنا وسعادته شقاء .
ثم لو قدر الله تعالى أن لا يتلاءم مع زوجته لم يسهل عليه فراقها ، وبقيت معه في عناء وشقاء ، وبقيت معلقة لا زوجة و لا مطلقة . وإذا قدر أن تطلب الزواج منه الفسخ لم يسمح غالبا إلا برد مهره عليه ، فإذا كان كثيرا صعب على المرأة وأهلها الحصول عليه ألا بمشقة شديدة .لذلك ننصح إخواننا المسلمين من المغالاة في المهور والتفاخر بها حتى يسهل الزواج للشباب ، وتقل أسباب الفتن والله المستعان .

shy girl

11-12-2006, 03:46 PM

دليل اخر

قال رسول الله (ص) (اقلكم مهرا اكثركم بركة)

.::THe Princess::.

11-12-2006, 03:54 PM

البنيه الخجوله شهالمواضيع الروعه
يعطيج العافيه حبيبتي

بس والله ما قادر اجاوب على كل الأسئلةتعبانه
بس باختصار لو تقدم لي واحد شاريني أكيد راح اقدر هالشي وبنخليه على راحته يعني ما باتشرط مهر معين او فوق المعقول

وفي الحقيقه راح اراعي ظروف زوجي بالمستقبل سواء كان مقتدر او غير مقتد وراح اساعده بعد ،هو بالنهايه ريلي يعني جزء مني،فلازم أعينه واقدر ظروفه والشي الأكيد ماراح اضغط عليه ولا اخليه يتسلف
اللي تحب ريلها ما تخلي يعاني لامن مشاكل ماديه او غير ماديه
وعلى الفكره فعلا كلما قل المهر زادت البركه، لأن الله يابرك في حياة الزوجين وانا حقيقه اعتبر الأخلاص والوفاء هو المهر الحقيقي

اسير العذارى

11-12-2006, 03:57 PM

أعرف واحد دفع مهر حق وحده حوالي ثلاثمائة ألف ريال غير الذهب والهدايا

,,,, زاعم بنت ناس وأصل وفصل ... الأخ عقب ثلاثه شهور لقاها ويا كومار

السواق فوضع ... قلة أدب :shhh: ... طبعآ وكوماروه مادفع ولا مهر ولا شي:wow:

طبعآ الأخ الحين (فاصل العداد ).. معناها إنه عقله خف ,,:lol:
والحرم المصون بنت الحسب والنسب
صاحبة المهر الخيالي مدري وين أهلها إخفوها..

فعلآ ايسرهن مهرآ أعظمهن بركه ....وثانكس ..

shy girl

11-12-2006, 03:58 PM

اردج ارووووووع من الموضوع
جواب نموذجي الصراحة
الله يعافيييج
مشكورة على حبيبتي بس ان شالله لج رجعة للأسئلة;)

shy girl

11-12-2006, 04:02 PM

اسير العذارى:shock2: :shock2: :shock2:
:aa_crazy: مالقت الا كومار:n:
الله يهديها
طبعاً اخلاق المرأة مو في مهرهاااا :walen:
في ناس عبالهم جذي
كلما تطلب اكثر مهر :shhh: احسن واحسن في اخلاقها وتربيتها ودينها و و و

:n:

ثااانكس على الرد
يعطيك العافية

Zombie

11-12-2006, 04:03 PM

جم تبين مهر ؟؟
1000/ 1.500 / 2000

انتي تقررين جم ولا اهلج ؟؟
Both ana o baitna

شتسوين في المهر ؟؟
Madry :d

اذا الشخص متقدم لج على قد حاله تراعين ظروفه وتاخذين جزء بسيط ؟؟
:d etha kent a7ba eee :blush:

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟
:unsure: madry
Bs b3d el Bent t7taaj floos fy yadha :unsure:

ممكن انتي تسوين يوم من الايام جذي ؟؟
laaa

كلما قل المهر زادت البركة والرزق في زواجكم , انتي شرايج صح او لا ؟؟
مب كل ما قل .. اهم شي ان ما يكوون وايد و زيادة عن اللزوم بحيث ان اهوة يهز ميزانية الرجل >_>

شرايج في اهالي العروس الي يساعدون العريس في المهر وتجهيزات العرس ا؟
خووووووووووووش ناس :d

ثااااانكس :victory:

- Girl -

11-12-2006, 05:29 PM

اقلكم مهرا اكثركم بركة

,,

هذي اللي اقدر اقوله

.::THe Princess::.

11-12-2006, 05:40 PM

اردج ارووووووع من الموضوع
جواب نموذجي الصراحة
الله يعافيييج
مشكورة على حبيبتي بس ان شالله لج رجعة للأسئلة;)
انتي الأروع :blush:
ثانكس حبوبه

بنت الاصايل

11-12-2006, 05:40 PM

جم تبين مهر ؟؟
ماقدر احدد على حسب ظروف الزوج الماديه:d

انتي تقررين جم ولا اهلج ؟؟
ولا انا ولا اهلي احنا مانشرط جم المهر:blush:

شتسوين في المهر ؟؟
اشتري فيه اغراض لي حق لين تزوجت:rolleyes:

اذا الشخص متقدم لج على قد حاله تراعين ظروفه وتاخذين جزء بسيط ؟؟
اكيييييييييييييييد:blush:

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟
كل ناس و على طريقتهم:d

ممكن انتي تسوين يوم من الايام جذي ؟؟
امم ليش لا :mf_wink:

كلما قل المهر زادت البركة والرزق في زواجكم , انتي شرايج صح او لا ؟؟
اكييييييييييييييد لان الرزق على رب العالمين :d

شرايج في اهالي العروس الي يساعدون العريس في المهر وتجهيزات العرس ا؟
خوش ناس والكل احين اساعد:vip_imwit

shy girl

11-12-2006, 07:15 PM

:vip_imwit ثااااااانكس على ردكم
يعطيكم الف عافية

Sho0shi

11-12-2006, 07:52 PM

جم تبين مهر ؟؟
مادري, على حسب ظروف الزوج

انتي تقررين جم ولا اهلج ؟؟
انا ولا اهلي كله واحد

شتسوين في المهر ؟؟
طبعا اتشرى فيه كل مايحتاجني من اغراض للعرس

اذا الشخص متقدم لج على قد حاله تراعين ظروفه وتاخذين جزء بسيط ؟؟
اذا احبه اكييد اي:blush:

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟
ماادري:vip_haha: بس احس لازم البنت تحتاج بعد فلوس

ممكن انتي تسوين يوم من الايام جذي ؟؟
لا

كلما قل المهر زادت البركة والرزق في زواجكم , انتي شرايج صح او لا ؟؟
:vip_imwit

شرايج في اهالي العروس الي يساعدون العريس في المهر وتجهيزات العرس ا؟
اي والله خووش ناس

يسلموو:001:

xk911

11-12-2006, 08:26 PM

جم تعتقد المهر المناسب الي المفروض البنية تطلبها ؟
والله الي اقدر عليه راح ادفع ليش لا, زوجتي تستاهل كل خيييير...
يعني مبدئيا 3000دينار واذا بغت اكثر من عيوني الثنتين...:d

اذا تقدمت حق وحدة وزينة وكلشي بس تبي مهر تعجيزي
تقرض بس عشان تتزوجها او تدور على وحدة ثانية ؟؟
والله الوحده الزينه من الاساس راح تراعي ظروف زوجها وما تحمله فوق طاقته :biggrin23

ليش تعتقد البنات يطلبون مبلغ كبير حق المهر ؟؟
يمكن حق التجهيزات وهالشغلات يعني من حقها انه يكون يوم عرسها يوم مميز وفريد بكثر المستطاع...

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟
شي طيب :d

ممكن اذا البنية كانت تبي المهر قرآن كريم , توافق ؟؟
مافي اعتراض مانقدر نخالف الزوجة :biggrin23

كلما قل المهر زادت البركة والرزق في زواجكم , انت شرايك صح او لا ؟؟
اكيييييييييييييييييد....

شرايك في اهالي العروس الي يساعدون العريس في المهر وتجهيزات العرس ا؟
والله اذا يات منهم ليش لا يعني بالنهاية هم يصرفون على بنتهم في مناسبة مهمة...

اخر سؤال : جم نسبة التخفيض المناسب لكم ؟
لو علي 50% خخخخ

لا يعني 3000 يتروالي مهر مناسب....

وشكرا خويتو على الموضوع الرائع مثلج...

وعساج عالقوه :bye:

shy girl

11-12-2006, 08:53 PM

Sho0shi: شكرا على الرد اختي :vip_imwit

xk911: العفووووو
ردك اروع :vip_haha:

شكرا على الرد والمرور :001:

zo0oz

11-12-2006, 09:15 PM

جم تبين مهر ؟؟
امممم مافكرت بس على حسب امكانيات الصبي ..
انتي تقررين جم ولا اهلج ؟؟
اهلي يقررون ..
شتسوين في المهر ؟؟
يمكن اشتري لي اغراض او اخليهم للضرورة ..
اذا الشخص متقدم لج على قد حاله تراعين ظروفه وتاخذين جزء بسيط ؟؟
بصرااحة مو دايم اراعي لانه مهما يكون هذي زواج .. لازم على الاقل يعرف انه متزوج يعني الزواج من اوله مصاريف واهو لازم بعد يراعي ان البنت تحتاج المهر ..
في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟
شي زين بس بالنسبة لي مابرضى ..
ممكن انتي تسوين يوم من الايام جذي ؟؟
لا .. ماتوقع ..
كلما قل المهر زادت البركة والرزق في زواجكم , انتي شرايج صح او لا ؟؟
اهو صح .. بس بنفس الوقت انا اقول المهر اهو من قدر البنت ..
شرايج في اهالي العروس الي يساعدون العريس في المهر وتجهيزات العرس ا؟
هذي الشي جيد لانه مساعدة بس يعني مو كل شي على اهل العروس
ومشكووورة حبيبتي على الموضوع :vip_wehe:

shy girl

11-12-2006, 11:37 PM

العفو
ثانكس على الرد اختي :)

بو جابر

12-12-2006, 12:01 AM

جم تعتقد المهر المناسب الي المفروض البنية تطلبها ؟
جوفوا يعني المهر قولوا الفين دينار كحد اقصى و شبكه يعني بين 500 دينار لي 800 دينار :vip_imwit
اذا تقدمت حق وحدة وزينة وكلشي بس تبي مهر تعجيزي
تقرض بس عشان تتزوجها او تدور على وحدة ثانية ؟؟
لا ما اتزوجها ما يسوى اتم طول حياتي ادفع في هل قروض عشان هل زواج:vip_haha:

ليش تعتقد البنات يطلبون مبلغ كبير حق المهر ؟؟
اشدراني فيهم يحبون يفلفسون الفلوس على تشري الثياب والعفسه :n:

شنو تعتقد يسوون فيه ؟؟؟
تشري ثياب واكسسوارات بأثمان غالية:walen:

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟
في وحده اعرفها مهرها قرآن من فضة:)... احس هل زوج بيحط زوجته في العيون والعكس صحيح.. الله يوفقهم :2:

ممكن اذا البنية كانت تبي المهر قرآن كريم , توافق ؟؟
ليش ما اوافق الا بالعكس تكبر في عيني البنت واحاول ما افرط فيها :mf_wink:

كلما قل المهر زادت البركة والرزق في زواجكم , انت شرايك صح او لا ؟؟
اهم شي البداية اذا بداية الزواج صح ان شاء الله الله بيبارك في القليل.. قليلاً دائما ولا كثيراً منقطع:vip_imwit

شرايك في اهالي العروس الي يساعدون العريس في المهر وتجهيزات العرس ا؟
بادره طيب من الاهالي الي يساعدون الزوج ... الواحد ما يبي في هل دنيا الا الستر حق البنت :)

وانا الحمدالله الوالد توه معرس اختي ما خله شي في خاطرها وساعد زوجها في بعض المصاريف.. الله يخليه لنه الوالد:2:

اخر سؤال : جم نسبة التخفيض المناسب لكم ؟
اشكثر اهيا اسوى عندها اهيا تقدر لي التخفيض:aa_crazy:

shy girl

12-12-2006, 12:05 AM

:biggrin23 :biggrin23 :biggrin23
ثااااااانكس راعي الاكورد على الرد :vip_imwit
يعطيك الف عافيييييييييية :happy:

! 100 Fil$ !

12-12-2006, 11:21 AM

للشباب :
جم تعتقد المهر المناسب الي المفروض البنية تطلبها ؟

اللي تبيه...كل شي فدا عيون الغالية..
اذا تقدمت حق وحدة وزينة وكلشي بس تبي مهر تعجيزي
تقرض بس عشان تتزوجها او تدور على وحدة ثانية ؟؟
يعني كم تعجيزي؟؟؟
ادفع لها اللي تبيه.. دام انها مستوفيه الشروط

ليش تعتقد البنات يطلبون مبلغ كبير حق المهر ؟؟
الصراحة... من حقها البنت!

شنو تعتقد يسوون فيه ؟؟؟

تشتري فيه اغراض اظن... ويمكن تخبي شوي لليوم الاسود.. الله لا يجيبه

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟

عين العقل..
بس بعد لازم اعطيها اشياء مادية

ممكن اذا البنية كانت تبي المهر قرآن كريم , توافق ؟؟

اوافق..

كلما قل المهر زادت البركة والرزق في زواجكم , انت شرايك صح او لا ؟؟

صحيح... ويعيشون حياة فيها خير وبركه

شرايك في اهالي العروس الي يساعدون العريس في المهر وتجهيزات العرس ا؟

شي طيب.. بس قد يكون محرج شوي للشاب

اخر سؤال : جم نسبة التخفيض المناسب لكم ؟

الصراحه مدري... لان انا عادي عندي..

بس اللي احب اقوله.. ان البنت مارح تتزوج كل يوم، ويمكن مارح تشتغل فحياتها..فشي طبيعي انها رح تحتاج فلوس لنفسها وماحد ياخذها منها..شي زي الضمان.. فيمكن اهي ماتشتغل او شي على الاقل تكون مرتاحه من ناحية الماديات ان عندها شي لليوم الاسود.. لان محد يضمن دنياه!

*ــفـــلــــ 100 ـــســــــ*

shy girl

12-12-2006, 01:53 PM

:001: :001: :001:
ثانكس على الرد

ولد ديرتـي

12-12-2006, 01:57 PM

جم تعتقد المهر المناسب الي المفروض البنية تطلبها ؟

مادري والله :walen: يعتمد على ماليتهم

اذا تقدمت حق وحدة وزينة وكلشي بس تبي مهر تعجيزي
تقرض بس عشان تتزوجها او تدور على وحدة ثانية ؟؟

اممم ماأظن اني راح اواجه هالشي ;)

ليش تعتقد البنات يطلبون مبلغ كبير حق المهر ؟؟

يتغلوون بعضهم و بعضهم يبون يشوفون شكثر الشاب مستعد يززووجها

شنو تعتقد يسوون فيه ؟؟؟

الله اعلم :walen:

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟

احسن شي :vip_imwit

ممكن اذا البنية كانت تبي المهر قرآن كريم , توافق ؟؟

امم ما اظن في بنت هالأيام تبي جذي :shhh:
أسغفر الله

كلما قل المهر زادت البركة والرزق في زواجكم , انت شرايك صح او لا ؟؟

مو شرررط :rolleyes:

شرايك في اهالي العروس الي يساعدون العريس في المهر وتجهيزات العرس ا؟

طيب منهم و الله يجازيهم :3fya:

shy girl

12-12-2006, 02:01 PM

ممكن اذا البنية كانت تبي المهر قرآن كريم , توافق ؟؟
:happy: امبله في وايد:rolleyes:
اغلب الي اعرفهم تزوجوا بقرآن كمهر لها

شكرا على الرد اخوووي
يعطيك الف الف عافية

مستر السلوس

12-12-2006, 02:32 PM

انا رايي بصراحه اللي تطلب مهر غالي محد بيزوجها
لان الحين شباب اليوم كلهم على قد حالهم ومافيهم شدت غرووض وديوون واللي فيهم يكفيهم

أسيرة الثقة

12-12-2006, 08:59 PM

جم تبين مهر ؟؟
والله احنا نشتري اخلاق الريال مايهم جم المهر
انتي تقررين جم ولا اهلج ؟؟
انة واهلي
شتسوين في المهر ؟؟الله اعلم
اذا الشخص متقدم لج على قد حاله تراعين ظروفه وتاخذين جزء بسيط ؟؟اكيد ليش لا اذا راعي اخلاق ويستاهل ارعيه ليش ما راعيه؟!!
في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟
مادري
ممكن انتي تسوين يوم من الايام جذي ؟؟
لا استغفر الله مو انزل من القرآن بس انة بدش حياة جديدة ولازم اتجهز لها
كلما قل المهر زادت البركة والرزق في زواجكم , انتي شرايج صح او لا ؟؟
لا يسمعونج الشباب ياخذونها حجة عشان يقللون المهر
شرايج في اهالي العروس الي يساعدون العريس في المهر وتجهيزات العرس ا؟

هاذي عاد ماعمرنا سمعنا فيها

الف يسلمووو ع الموضوع

shy girl

12-12-2006, 09:05 PM

مستر السلوس :
صح كلامك مايسوى الريال يطيح في الديون والقروض لمدة طويلة عشان مهر !!

شكرا على الرد اخوي :happy:

----------------------------

أسيرة الثقة :

:shhh: مايحتاي يعرفون مافي احد مايعرف :aa_crazy:
(( اقلكم مهراً اكثركم بركة )) :rolleyes:

شكرا على الرد حبيبتي ;)

virus

12-12-2006, 10:09 PM

جم تعتقد المهر المناسب الي المفروض البنية تطلبها ؟
المفروض ما تطلب مهر
اذا تقدمت حق وحدة وزينة وكلشي بس تبي مهر تعجيزي
تقرض بس عشان تتزوجها او:aa_crazy: تدور على وحدة ثانية ؟؟
تبي مهر تعجزيري ؟؟ كيفها عيل بالطقاااااااااااااق

ليش تعتقد البنات يطلبون مبلغ كبير حق المهر ؟؟
عبالها اذا طلبت مهر وايد بتصير غاليه في نظر الريال

شنو تعتقد يسوون فيه ؟؟؟
تكنزه على قلبها ههههههههههههههه او تطلع لها سياره اذا كانت سبورتيه

في ناس يتزوجون بكتاب القرآن الكريم كمهر من الزوج للزوجة :rolleyes: شرايكم فيهم ؟؟؟
اي اوكي ليش لا .. بدينار خخخخخخ

ممكن اذا البنية كانت تبي المهر قرآن كريم , توافق ؟؟
يعني احفظ القران او اعطيها قران ؟ اذا احفظ لااا مخي مجيييم

كلما قل المهر زادت البركة والرزق في زواجكم , انت شرايك صح او لا ؟؟
والله هاي حديث ما اقدر اعلق عليه

شرايك في اهالي العروس الي يساعدون العريس في المهر وتجهيزات العرس ا؟
شي جييييييد

:shhh: :shhh: :shhh: اخر سؤال : جم نسبة التخفيض المناسب لكم ؟:shhh: :shhh: :shhh: drawGradient() 100%

هههههههههههه

بس بيني و بيينكم اذا احبها .. لو تبي عيني مهر اعطييهاا :blush::blush::blush:

دنياك دنياي

12-12-2006, 10:28 PM

جم تبين مهر؟
ثلاث الاف أو ونص في هالحدوود.:aa_Dance2
انتي تقررين والا أهلج؟
أهلي بس اذا ما عجبني رايهم اكيد انه.:rofl:
شتسوين في المهر؟
أشتري اللي أحتاجه واللي بخاطري واللي يزيد اخليه بالبنك للضرورة.
اذا الشخص متقدم لج على قد حاله تراعين ظروفه وتاخذين جزء بسيط ؟؟والا اذا ياني بفكر...:aa_crazy: :blush:
في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟اذا هم راضيين عادي وكان على ايام الرسول(ص) يتزوجون حتى بالتمر.
ممكن انتي تسوين يوم من الايام جذي ؟؟
لا
كلما قل المهر زادت البركة والرزق في زواجكم , انتي شرايج صح او لا ؟؟هو صح لأن في احاديث تثبت هالشي .
شرايج في اهالي العروس الي يساعدون العريس في المهر وتجهيزات العرس ا؟اذا كانو يقدرون مافيها شي عادي

Hassan Z

12-12-2006, 10:51 PM

للشباب :
جم تعتقد المهر المناسب الي المفروض البنية تطلبها ؟

مايزيد عن 2000 دينار حق الشبكة والمهر، لان المسكين راح يدفع حق حفلة الملكة قولوا مثلا بين 500 الى 1500 دينار ، والعرس يبيله 1500 الى 3000 مع الفستان ، يعني توتال 6000 دينار تقريبا .

لا تنسون اذا في شهر عسل بعد 2000 دينار ، ويمكن حفلة استقبال 500 دينار الى 1500 دينار.

يعني توتال 10000 دينار :vip_b9eee

اذا تقدمت حق وحدة وزينة وكلشي بس تبي مهر تعجيزي
تقرض بس عشان تتزوجها او تدور على وحدة ثانية ؟؟

اذا منجبر فيهه وتحبهه اكيد بتقترض ، بس اذا كان اكثر من المعقول ، يفضل ان يشوفله وحده غير ، لان البنت اذا ماتراعى من البداية فما تراعيك بعدين.

ليش تعتقد البنات يطلبون مبلغ كبير حق المهر ؟؟

عشان سبب واحد ، تطلع فيهه جدام صديقاتهه واقاربهه.

شنو تعتقد يسوون فيه ؟؟؟

يعتمد.

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟

ابرك واحسن.

ممكن اذا البنية كانت تبي المهر قرآن كريم , توافق ؟؟

اكيييييييد

كلما قل المهر زادت البركة والرزق في زواجكم , انت شرايك صح او لا ؟؟

صح

شرايك في اهالي العروس الي يساعدون العريس في المهر وتجهيزات العرس ا؟

هذي الشي لازم يصير ، لان اذا كان الشخص على قد حاله ، اكيد بيحتاج مساعدة

اخر سؤال : جم نسبة التخفيض المناسب لكم ؟

1000% >_>

Emany

12-12-2006, 11:01 PM

هلوووووو ,,

جم تبين مهر ؟؟

والله اللي اجوفه متعارف فـ العيله من 1000 لي 3000 ..

انتي تقررين جم ولا اهلج ؟؟
باباتيه ..

شتسوين في المهر ؟؟
في ناس ماتصرفه وتخليه لي بعدين.. خهخخخ مادري شباسوي فيه

اذا الشخص متقدم لج على قد حاله تراعين ظروفه وتاخذين جزء بسيط ؟؟:blush: مادري ..

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟

ممكن انتي تسوين يوم من الايام جذي ؟؟
:unsure: أنا عمتي تزوجت جذي بس عطاها مبلغ زوود .. والله ماعندي مانع .. عادي يعني

كلما قل المهر زادت البركة والرزق في زواجكم , انتي شرايج صح او لا ؟؟
دام الأحاديث تثبت هالشي احنه مالنه راي!

شرايج في اهالي العروس الي يساعدون العريس في المهر وتجهيزات العرس ا؟

عاديييييييي ... في وايد ناس جذي وأحس أحلا يشاركونا الشعور هههه ..

shy girl

12-12-2006, 11:49 PM

Emany: ثانكس اختي على الرد يعطيج العافية :001:

Hassan Z: شكرا على الرد اخوي:happy: يعطيك العافية:vip_imwit

virus:
:shhh:
ماتحفظ القرآن , تعطيها كتاب القرآن
بس
اتذكر مرة قريت في مادري وين
ان كان في واحد ايام الرسول (ص) كان يبي يتزوج وماعنده شي يعطيها حق المهر
فقال له الرسول يحفظ العروس سورة مادري آية من القرآن كمهر لها :rolleyes:

شكرا على الرد اخوي
يعطيك العافية على المرور

shy girl

12-12-2006, 11:50 PM

دنياك دنياي: شكرا على الرد حبيبتي ’ يعطيج الف عافية

إنسانه بسيطه

13-12-2006, 10:22 AM

جم تبين مهر ؟؟

حسب ظروف اللي متقدم .. بس عادةً اهلي ياخذون بين 2000 لي 3500

انتي تقررين جم ولا اهلج ؟؟

لا انا ولا اهلي .. اهل المتقدم :vip_haha:

شتسوين في المهر ؟؟

اكيد اتجهز فيه حق العرس:blush: .. اشتري ثياب واغراض ولوازم العرس يعني:blush: .. اكسسوارات وعطور ومكياج .. والشبكه وهالسوالف:happy:

اذا الشخص متقدم لج على قد حاله تراعين ظروفه وتاخذين جزء بسيط ؟؟

اذا ابيييه .. واخلاقه طيبه وملتزم بصلاته ويعرف ربه وشاريني .. اكييييد اتنازل عن اشياء وايد عشانه

بس مب كل شي طبعا .. لأن في اشياء احلم فيها من يوم انا صغيره

في ناس يتزوجون بكتاب القرآن الكريم كمهر من الزوج للزوجة شرايكم فيهم ؟؟؟

والنعم فيهم والله .. بس بعد الوحده تحتاج تجهز روحها لو بمبلغ بسيط .. بس صج الوحده ماتبي غير الستر

ممكن انتي تسوين يوم من الايام جذي ؟؟

يجوز .. الله العالم

كلما قل المهر زادت البركة والرزق في زواجكم , انتي شرايج صح او لا ؟؟

اكييييد .. هاي كلام الرسول الكريم صلى الله عليه وسلم:2:

شرايج في اهالي العروس الي يساعدون العريس في المهر وتجهيزات العرس ا؟

كفوا عليهم .. خله يساعدونه ليش لاء .. اهوه بيناسبهم مابيصير عدوهم عشان مايساعدونه ;)

مشكوره على الموضوع المفيد والحلو :victory: