الهاجس
03-01-2007, 12:24 AM
الا يالله عفوك لا معي بيجر ولا جوال
ولا عندي وضيفه والتجاره فاشلٍ فيه
ولا عندي شهادات ولا حرفه تسد الحال
ولا حظ كبير لا اخطت الجره يقديها
مخابي الثوب تومي ما دخلها من زمان ريال
بها فاتورة الكهرب ولايمديني اقضيها
على ذيك العراوي تتعب الحادي مع الجمّال
ثلاث اشهور فالورشه وشهرينٍ مغطيها
ابيها لو تجمّل يوم واجلبها على الدلاّل
يجيها واحد حظه مثل حظي ويشريها
نصيت العسكريه يوم قالو للنظام رجال
وقدمت الملف وصورة متشخّص فيها
خذا الاوراق مني واحدٍ ما عند ابوه دلال
سلوم الناس واهل المعرفه والطيب مخطيها
قراها في دقيقه والتفت عجلٍ علي وقال
شهادتك العظيمه ياولد وين انت مخفيها
هزّيت الراس ما عندي تقول اني من البنقال
وقمت احب خشمه واطلبه بالله تمشيّها
نطلها من يده شين الطبيعه والنبا والفال
وقال ازيّن تعوّد صوب نوقاتك تعشيّها
تناوشته من الكرسي وعفت الحل والترحال
وظربته بالبياله عقب ما بيّحت شاهيها
خذوني للسجن لانيب لا ظالم ولا محتال
مجرد واحدٍ جا يكحل عيونه فيعميها
ويوم اني خرجت اقفيت لارض الله وسيع الجال
على برٍ هواه يداوي العله ويبريها
ادوّر قصعة الجربوع والضب الفتي يختال
والارنب يا شفاة الروح ما احلاها وطاريها
بلا كهرب ولا بيجر ولا غازٍ ولا نقال
قوانين الحضاره لا تبي شوفي ولا ابيها
للأمانه الادبيه منقول من منقول بدون ذكر اسم شاعرها
الهاجس
ولا عندي وضيفه والتجاره فاشلٍ فيه
ولا عندي شهادات ولا حرفه تسد الحال
ولا حظ كبير لا اخطت الجره يقديها
مخابي الثوب تومي ما دخلها من زمان ريال
بها فاتورة الكهرب ولايمديني اقضيها
على ذيك العراوي تتعب الحادي مع الجمّال
ثلاث اشهور فالورشه وشهرينٍ مغطيها
ابيها لو تجمّل يوم واجلبها على الدلاّل
يجيها واحد حظه مثل حظي ويشريها
نصيت العسكريه يوم قالو للنظام رجال
وقدمت الملف وصورة متشخّص فيها
خذا الاوراق مني واحدٍ ما عند ابوه دلال
سلوم الناس واهل المعرفه والطيب مخطيها
قراها في دقيقه والتفت عجلٍ علي وقال
شهادتك العظيمه ياولد وين انت مخفيها
هزّيت الراس ما عندي تقول اني من البنقال
وقمت احب خشمه واطلبه بالله تمشيّها
نطلها من يده شين الطبيعه والنبا والفال
وقال ازيّن تعوّد صوب نوقاتك تعشيّها
تناوشته من الكرسي وعفت الحل والترحال
وظربته بالبياله عقب ما بيّحت شاهيها
خذوني للسجن لانيب لا ظالم ولا محتال
مجرد واحدٍ جا يكحل عيونه فيعميها
ويوم اني خرجت اقفيت لارض الله وسيع الجال
على برٍ هواه يداوي العله ويبريها
ادوّر قصعة الجربوع والضب الفتي يختال
والارنب يا شفاة الروح ما احلاها وطاريها
بلا كهرب ولا بيجر ولا غازٍ ولا نقال
قوانين الحضاره لا تبي شوفي ولا ابيها
للأمانه الادبيه منقول من منقول بدون ذكر اسم شاعرها
الهاجس