ما سبب ضياع المعنى الحقيقي لكلمة احبك [الأرشيف]

Marioma

26-01-2005, 03:21 PM

هل انت تحب؟

هل انت تحبين؟

كلمة احبك.. ما اجملها من كلمة ولكن من يقولها بصدق
هل تحس بمعنى هذه الكلمة عندما تقال لك
مع الاسف لم نعد نعرف من الصادق الذي يعني هذه الكلمة

صارت لاتعني سوى المجاملة
لذالك اغلبنا يسأل من يحبني
لا اعرف من يحبني بصدق

لم يكونو بالسابق في حا جة لهذة الكلمة او العبارات
لانهم كانو يكتفون بكلمة احبك ولايشكون في صدقها
لحظه واحده لانها كانت تملك مكانه كبيرة ومستوى راقي..

كلمة رائعة تحمل كل العاني الجميلة

(فمعنى كلمة احبك)

انا احترمك؟
انا مخلص لك؟
ان احتاجك؟
انت مميزة؟
انا افضلك على نفسي؟
انا اخاف عليك؟
لااحب ان اراك حزين؟
لا احب ان اراك وانت تبكي؟
والى اخررررررررررررررررررررررره.....

وهنا السؤال

هل تقصد انت كل هذه المعاني عندما تقولها..؟

واهم سؤال

ما سبب ضياع المعنى الحقيقي لكلمة احبك ؟

منقول مع تحياتى

Nancy

26-01-2005, 05:24 PM

مشكوره على الموضوع..
الحب اختفى لأن صار عادي كل من يحاجي كل من .. و الوحدة اليوم اتحاجي واحد باجر بتحاجي غيرة و بتحس ابنفس الشعور.. و بس صار عادي أحبك يعني كأنة انا معجبة فيك..

لكن لو الواحد مايحاجي بنات دايما.. لين حب بيعرف ان اهو يحب.. لان بيكون شي مميز..
يمكن ماقدرت أوصل قصدي لكن انشاالله بتفهمون..

بحرينيه عسل

26-01-2005, 08:03 PM

صارت هالكلمة مالها معنى في هالزمن لان الكل صار يقولها بدون مايعرف معناها و بدون ما يقصدها .. لكن يقولها علشان ما يخسر احد

و الواحد لين يبي يلعب يقول هالكلمة و اهوا مايعنيها لكن الطرف الثاني عباله انه يعنيها و يضحي علشانه و يطلع في الأخير ما يستاهل هالتضحيه !

هالكلمة المفروض تنقال في وقت مناسب .. و لما يقولها يكون يعنيها .. و لا بتفقد معانيها اذا كانت مو في وقتها او اذا كان الي قالها ما يعنيها ..

ثانكس على الموضوع :thnQ:

Marioma

26-01-2005, 09:23 PM

:thnQ: للمشاركه

سفوووج

26-01-2005, 10:55 PM

الحب احلى شئ بحياتنه ومن دونه ما تستمر الحياة :y:

غزالة البحرين

26-01-2005, 11:41 PM

الحب صار شبه معدوم لان إحنه صرنا في زمن كلمن يفكر في نفسه و مو مهم مشاعر غيره لان إحنه في زمن صارت فيه الخيانة و الجذب و التلاعب بالمشاعر شي عادي و بسبب كل ذي صار الواحد ما يصدق أي أحد يقوله ( أنا أحبك ) لأانها صارت تنقال بدون ما الواحد يحس معناها و يقصدها و يقولها من قلبه كل هلاشياء خلت هالكلمة تفقد معناها الحقيقي و انا عن نفسي بافكر مليون مرة قبل لاأصدق أي شخص يقولي كلمة أحبج عشان ما أكون انا الخسرانة و الندمانة في النهاية :(

العمري

27-01-2005, 03:56 AM

ضياع كلمة احبك ومعناها الحقيقي كان جميلا

هي المحبة في الله والتي يستظل بها المتحابون يوم القيامة تحت عرش الرحمن سبحانه

كلمة احبك خربتها المسلسلات الهدامة والقصص الرومانسية والافلام المدبلجة والقصص الرومانسية اللي تعرضها الشاشات التلفزيونية واولها ام بي سي 2

كلمة احبك ما احلاها لما تكون في الله من شخص يودك في حياته لا اجل مصلحة بل من اجل الله تعالى

اخوكم محبكم في الله

عمار

RoSe

28-01-2005, 09:38 PM

ما سبب ضياع المعنى الحقيقي لكلمة احبك ؟

السبب انه معظم الناس نسو انه هالكلمه مب مجرد حروف و انما افعال..
و اللي يحب صج مستحيل ينطق كلمه احبك بالعكس بيثبها بأفعاله و تضحياته
و نظرات عينه و اخلاصه...الحب مو كلام ينقال و اغاني تنهدى على الاف ام او سوالف
تلفونات في نصايف الليل...الحب ارتباط و مسؤوليه و التزام من الطرفين بالارتباط الرسمي
و الشرعي!!

رفاعي عوالي

29-01-2005, 12:43 AM

موضوع معقد و يبيله قعده
لأن كلمة الحب وايد معقده و مو سهله الواحد يخوض فيها بس جذي

Sarsora

29-01-2005, 12:44 AM

لان ساعات ماتكون من قلب

Nancy

29-01-2005, 01:55 AM

teslemeeeeeeeeen rose ;)

3ammar:
tara mbc 2 mob awalhom wala shay.. ohmwa fel no9 lol

za3noon

30-01-2005, 04:19 AM

السلام عليكم ورحمة الله وبركاته

طبعا الحب معناه غزير وعميق
ومب كل من طق الصدر وقال أحب صاج

المشكله بل المصيبة أن أحنا ما نحط بالنا على الحب الا في المسلسلات
والأفلام وغيرها من البلاوي

ومل نسمع الا من اليهالو اللي هابين في الحب ها الأيام
أحب أسأل سؤال
من فيكم دور الحب عند العيايز
قعدوا وياهم والله بتسمعون العجب

متى الواحد يقدلر يقول أنه يحب
طـــــــــــــــــــــــــــــــبعا لما يوصل للرشد العقلي والادراكي
والسن طبعا يختلف من شخص للثاني

لا والحين طالعين كرمكم الله (ها الخمام ) بحب اليهال الصغار (الصبيان )
والله المستعان

Marioma

30-01-2005, 11:21 AM

:bye: مشكورين على هالتفاعل الحلو

Dana

30-01-2005, 03:07 PM

صج في زمنا صارت هالكلمة تنقال بكل بسهولة .. بس مو معناته مافي شي اسمه حب
الحب معناته احب الشخص بعيوبه مهما كانت و اجوفه كامل
الحب معناته اسوي أي شي عشان الي احبه و افرح دامه قريب يمي
و بدون الحب الحياه ولا شي .. لانه الحب الي يحليها اهوا الي يخلينا نبي نعيش نبي نتنفس نبي انكمل مشوارنا لي اخر شي مع الي نحبه
لكنن للأسف معظمهم يقول احبك جذي عالفاضي بس عشان يبي يلعب!
تسلمين على الموضوع الحلو

:thnQ:

بنوته محرقيه

30-01-2005, 09:31 PM

ضياع كلمة احبك ومعناها الحقيقي كان جميلا

هي المحبة في الله والتي يستظل بها المتحابون يوم القيامة تحت عرش الرحمن سبحانه

كلمة احبك خربتها المسلسلات الهدامة والقصص الرومانسية والافلام المدبلجة والقصص الرومانسية اللي تعرضها الشاشات التلفزيونية واولها ام بي سي 2

كلمة احبك ما احلاها لما تكون في الله من شخص يودك في حياته لا اجل مصلحة بل من اجل الله تعالى

اخوكم محبكم في الله

عمار

اوفقك الراي اخوي عمار وللأسف كلامك صح 100% مافي احسن من الحب في الله :)

وفي فئه من الناس مايفرقون بين الحب والاعجاب .. وهالكلمه متداوله وايد هالأيام والناس يقطونها من غير مايثمنون معناها .. شكرا لج على الموضوع اختي :)

Ne9 el GoMaR

03-02-2005, 02:05 AM

مشكوره على الموضوع..
الحب اختفى لأن صار عادي كل من يحاجي كل من .. و الوحدة اليوم اتحاجي واحد باجر بتحاجي غيرة و بتحس ابنفس الشعور.. و بس صار عادي أحبك يعني كأنة انا معجبة فيك..

لكن لو الواحد مايحاجي بنات دايما.. لين حب بيعرف ان اهو يحب.. لان بيكون شي مميز..
يمكن ماقدرت أوصل قصدي لكن انشاالله بتفهمون

معااااج بكل كلمة قلتيهاا ;)

Um-5alifa

06-02-2005, 05:32 PM

انا قبل ما أقول كلمة أحبك !! لازم أقول له:

انا احترمك؟ لأنك تستحق الإحترام
انا مخلص لك؟ وم أفكر ان اخونك
ان احتاجك؟ و اشتاق لك و لكلماتك المعسولة على قلبي
انت مميز؟ انا اراكفي عيني بأنك أفضل من الجميع
انا افضلك على نفسي؟ و أفدااااك ... و لا اكون انانية
انا اخاف عليك؟ اخاف عليك من الحسد و الناس و الشر و أن تصاب بأذى
لااحب ان اراك حزين؟ لأن حزنك يحزنني و يؤثر فيني
لا احب ان اراك وانت تبكي؟ فإن دموعك غالية علي
والى اخررررررررررررررررررررررره.....

و لا أحبك لجسدك او لشكلك و ستايلك و لباسك ؟ فإن الجمال جمال الرووح اما الشكل يتغير بتغير العمر..

مذهلــه

07-02-2005, 01:26 AM

مشكوره اختي على الموضوع ..
والحب مب مجرد كلمه تنقال ..
الحب مشاعر واحاسيس يتبادلها الطرفين ..
واذا الحب خلى من التضحيه .. والدفاع عن الحبيب .. وتفضيل الحبيب على النفس ..
نقطه بحر احسن :p

night_rider

07-02-2005, 10:49 AM

والله ماقصرتو كفيتو ووفيتو :y:

بس آنه ودي اقول حكمة صغيرة تعلمتها من الحب ;)

الي يحب شخص يعطيه الحق ان يجرحه!!! :balloon:

وتسلمو على الموضو الحلو Memeto :aa_crazy:

هوليه نوتي

01-04-2007, 02:24 PM

والله ما خرب معنى هذي الكلمه الا الجذابين:999: (بنات و صبيان)

القيصر

01-04-2007, 02:31 PM

ليش ترفعون المواضيع القديمة >_>

جاسوسة المحرق

01-04-2007, 03:09 PM

هل تقصد انت كل هذه المعاني عندما تقولها..؟

اكيد مج راح يقول حق احد احبك الا انه قاصد المعاني الي ذكرتيهم

ما سبب ضياع المعنى الحقيقي لكلمة احبك ؟

بصراحه الياهاله في الزمن
الحين الياهال عمره 11 او 12 سنة يقول لج انا أحب و طبعا اللعبه
ناس و ايد خذت كلمة أحبك حق تسليه

ترى والله الحب مو لعبه يا ناس و من يبي يحب لازم يحب من قلب مو حب اليوم و باجر و عقب باجر تقولون مع السلامة
الي يفكر يحب لازم يحط في باله 100 اعتبار عشان يحب مو تعال و حب
الحب مو حجي الحب افعاال
الحب مو كلمة احبك

~ εммo ~

01-04-2007, 04:03 PM

ممنوع رفع المواضيع القديمه