المساعد الشخصي الرقمي

مشاهدة النسخة كاملة : ماهو السبب لضياعهم ..بنات .. شباب حياكم

العمري
27-01-2005, 01:03 AM
السلام عليكم ورحمة الله وبركاته

ليؤلمني كثيرا أن تكون تلك اللحظات العابرة في حياتي


أخط خطا وارسم أوراق حياتي بين كومة من الذكريات


تلك الكلمات مازال يرددها في همسات بسيطة بعض شبابنا اليوم


تجدون البعض قد اعتكف بالقرب من المسجد مع اصحابه ... ودخن له تلك السيجارة وبدأ يتحرش في الذاهب والغادي

بينما الأمام والمصلين يؤدون صلاتهم .. يأتي الآخر ليرفع صوت الأغاني قاصدا إزعاج المصلين !!


هذا مشهد من المشاهد المؤلمة التي رايتها


انتقل المشهد إلى ساحة الجامعة لترى العجب


بنات الجامعة مو مقصرين كانهم رايحين حفلة تنكرية او عرس .. كل وحدة شنطتها وياها ومطلعه شعرها وسوالف ماتنهتى مع رفيجاتها بس هدفها انها تكون محل الاعجاب حق الشباب في الجامعة وازيدكم من الشعر بيت لازم تآخذ لها علوج حق تصير ok

ومشهد ثالث اسرده لكم

واحد رايح يفتر في شارع .... و شارع .... الحبيب رايح فيها ... مسوي له رنقات عدلة حق سيارته وصابغها ذاك اللون اللي مايحتاي

ومخلي رايبون على سيارته ... وكشخة مايحتاي .. بس هدفه ان الناس تتكلم عنه .. ويوم نسأله ليش تسوي جي ..؟؟ قال لك يبه هاي اصول الزواج (( وأهو 100 دينار ماعنده في مخباه))

والمشهد الرابع يزعجني واااااايد

تروح تتمشى في السيف .. بتشوف لك عرض أزاء بس متحرك ... وحدة توها في الإعدادية .. لابسة بدلة I LOVE YOU

شبتسوي فيها ؟؟ بتخليها حق تكون في لفت أنظار الشباب ولما تسأل ولي الامر ليش تخلي بنتك جي ؟؟ قال لك يبه هاي عيد خلها تفرح شوي


في اعتقادي مواقف وايد تصيح الناس بس من المسؤول في نظركم وشنو العلاج الأمثل لهاي النوعيات من الناس ... ما أملك الا الدعاء لهم بالهداية واسمحوا لي طولت عليكم

وسمحوا لي بهاي المقطع

http://www.almeer.net/audio/7adeqat_Al-Aֻlaaq/7adeqat_Al-Aֻlaaq_-_01_-_Hadbodah.ram


أخوكم

العمري
za3noon
27-01-2005, 03:05 AM
السلام عليكم ورحمة الله وبركاته


سلمك الله يا عزيزي تصرفات الشاب وسلوكه يمثلون البيئه اللي ياي منها
وطبعا لكل قاعدة شذوذ
لكن السواد الأعظم من الشباب اللي وصفتهم يايين من بيئة
تقدر تقول عنها موبوءة
فممكن تلقى الأبو نفسه ما يدرى عن الصلاة
وغيرها من المصايب اللي ربك مبتلي هالناس بها

اللهم لاتجعل مصيبتنا في ديننا

أما بخصوص البنات وما يسوون
فحدث ولا حرج
تلقى البنيه متعدله أحسن تعدل
وحاطه الأصفر والأخضر
وحافه حواجبها وغيره
وهي توها ياهل ما طافت الاعدادي
يعني بااله عليك اش بتسوي لين كبرت
ونفس الكلام ينطبق على بنات الجامعه بالله عليك
أي أجيال ممكن تطلع من تحت يدهم
صدقني ما راح يربون الا أمثال الشباب اللي ذكرتهم فوق
أو ممكن (أحط )

خلني أقول لك سالفه :

مرة كنت من المنظمين لفعاليه في جامعة البحرين
وكانت في الصخير
كوني منظم كان لازم اني أكلم الحضور وأساعدهم
وأحتكيت بكل أنواع الطلبه ومنهم البنات(الباربي)
صدقني ياخوي هالبنات ما يعرفون يرتبون جملتين على بعض
ولين تكلموا ما تعرف تاخذ منهم حق ولا باطل
واذا تناقشهم في أي شي
طبعا يطالبون بحقوق المرأة
بالله عليك أي حقوق ؟
وهم مسفلين في روحهم
ومسوين العجايب


والله المستعان
PHANTOM-02
27-01-2005, 03:43 AM
ما اقول الا " الله المستعان "
العمري
27-01-2005, 03:50 AM
za3noon : ردج كان والله مفخرة لي بالكلام الطيب اللي ذكرتيه والله يزيج خير وينور دربج بالايمان

والله يعزج دايما مثل ما انتي عزيزة بتمسكج باسلامج

:PHANTOM-02 شكرا على المرور بس نبي رايك او رايج ؟
za3noon
27-01-2005, 05:49 AM
:9aya:
عزيز ياخوي
بس آنه ريال مو بنيه
;)
العمري
27-01-2005, 07:59 AM
:$ مسامحة يا الحبيب عيل ;)

وبارك الله فيك ..:)
يـغـار قـلـبـي ♥
27-01-2005, 11:47 AM
بصراحة راي العمري صح لان اعيال هل زمن صايريين خراطة........
Marioma
27-01-2005, 12:07 PM
اي والله صاج يا اخوي...


ذاك اليوم رايحين السيف فالعيد .. مودين اليهال يبون يلعبون.. تعرف شنو اكثر شي قهرني؟؟

صبيان اكبرهم فالاعدادي.. يدورون الظيج ويتدعسون ويبون اي فرصه علشان يلصقون فالبنيه :@



وبعد بنات هالايام منكر :n:

ذاك اليوم مارين عند مدرسه اعداديه 80% منهم حافين حواجبهم ولابسين لي قميص شوي ويصير sleevless والكحل واصل لي اذنهم :@


يوم كنا كبرهم مانعرف هالسوالف.. اصلا كنا نستحي نطلع جذي..


وين راح الحيا !! :@




انا اقول الشرهه مب عليهم.. الشرهه على اهلهم
يـغـار قـلـبـي ♥
27-01-2005, 01:11 PM
اية والله صح كلامج Marioma
PHANTOM-02
27-01-2005, 02:16 PM
انا اعتقد ان الحل لهذه الظواهر و التصرفات يكون بايجاد القدوه الحسنه
مثل اعلى يعني

من واقع تجربه شخصيه مع شباب
اللي يقعدون جريب المسجد و ما يدشون وقت الصلاه

ما كان بيني و بينهم الا كل خير يعني كنا ربع

عاد كنت كله اقعد معاهم و لما يقيمون الصلاه اقولهم بروح اصلي

و مرت الايام و احنا على هالحال
و شوي شوي قامو الشباب يداومون على الصلوات بدون ما اكلمهم حتى في موضوع الصلاه
و الحمد لله الحين كلنا محافظين على صلاه الجماعه في المسجد

:thnQ: على الموضوع خيو
Emany
27-01-2005, 02:45 PM
موضوع الشباب .. غياب الأب و الأم عنهم و التوجيه الأسري .. مصاحبة أصدقاء السوء .. بعضهم عناد .. ليش تقولون لي سو هلون ..

و الله يهديهم ان شاء الله ..

موضوع البنات .. مثل الشي بعد .. فاقدين التوجيه الأسري .. تجوف الأم لاهيه في صوب و الأبو مايدرون وين الله حاذفه .. و طبعا حبهم للتقليد ..

والله يهديهم بعد ..

مشكور أخوي ع الموضوع ..

:cheer: إيماني :cheer:
العمري
27-01-2005, 02:55 PM
لي عودة لأرد على الموضوع بالتفصيل إن شاء الله ترقبونا
كتكوتة البحرين
27-01-2005, 03:04 PM
والله مادري شنو اقول كل الكلام حقيقة موجودة في حقيقة موجودة هالايام الشباب و البنات كله يبون يلفتون الانتباه بأي طريقة بس شنسوي مافي احد يمنعهم
و حبيت اقول شي اذا الشاب او البنت ما اكنوا ملفتين للنظر ما راح ينوجدون في المجتمع بسبب الشباب و البنات الي قاعدين نتكلم عنهم
انا وايد مو زينة في التعبير فانا مو عارفة اشلون اوصلكم الحجي الي في قلبي بس اكتفي بلي كتبته
العمري
28-01-2005, 04:11 AM
`*-GiRl ThUg-*`: عيال هالزمان ماصاروا خراطة الا من اهاليهم
العمري
28-01-2005, 04:13 AM
Marioma: الشباب ضاعوا تعرفين من شنو .؟ اهاليهم ومافي بديل عن الطلعات للسيف بالله عليكم وين يروحون الناس !!

والبنات حفوا الحواجب من هالغزو اللي يعيشونه كل وحده تقلد فنانة ولا مغنية وتخليها راية لها في حياتها ولو الفنانة عطست قامت قلدتها البنت بس لان الفنانة عطست
العمري
28-01-2005, 04:42 AM
`*-GiRl ThUg-* :thnQ:


PHANTOM-02

محاولتك جميلة في الدعوة الى الله بالتي هي احسن .. بارك الله فيك ومعنى كلامك الالتزام بالصحبة الصالحة والنصح لهم في الاوقات الصعبة
العمري
28-01-2005, 04:44 AM
:Emany تطرقتي للتوجيه الاسرى الذي يغيب في بيوت الكثير في هذا اليوم

وبالعكس اصبح الاب يوصل ابنته للمجمعات وليتركها خروفا سهلا للذئاب البشرية !!
العمري
28-01-2005, 04:53 AM
كتكوتة البحرين : تطرقتي اختي الكريمة لضعف الوازع الديني اللي خله شبابنا يتحرك بهاي العاطفة واللي خلاهم يعتبرون ان حياتهم مجرد رموز .. وخلت الحياة شخصيات مشهورة تحبها في دنياهم

وصار للحب المجال الاكبر لما ضعف الوازع الديني فبدلا من حب الله وطاعته اصبحت المحبة لاهواء رخيصة المدى

نسال الله العافية
ولد الشيـخ
28-01-2005, 05:54 AM
:@
بحرينيه عسل
28-01-2005, 01:44 PM
اهو السبب انهم يقلدون الغرب في لبسهم تصرفاتهم..

حتى بعضهم ياخذون حركاتهم من الأفلام و المسلسلات الي يجوفنها

و التقليد الأعمى و ضعف الإيمان من الأسباب الرئيسيه

مثل في يميم يهال في الأعدادي كل وحدة مسويها في روحها منكر حنها رايحه عرض أزياء :@

انا صرت ماحب اروح هالمطعم علشان ما يرتفع ضغطي من هالأشكال :(

:thnQ: على الموضوع
شيخة الزيــن
28-01-2005, 02:14 PM
الشرهه مب عليهم .. على اهلهم :@
Marioma
28-01-2005, 04:19 PM
صرت ماحب اطلع من هالاشكال اللي كل يوم تزيد.. :@


الله يهديهم ان شاء الله
RoSe
28-01-2005, 09:20 PM
!!!!!! وايد مبالغه في الموضوع!!!!
اولا شلون تصير البنت خروف سهل اذا راحت مجمع!!!!
اشلاااا قصااب رايحه لو مجمع!!!!! و اذا الناس ما راحو هالمجمعات
بالله وين تروح!!!! وايد مبالغين سالفه المجمعات الصراحه و مب عدله انه
تتهمون كل بنت او شاب رايح مجمع!!!! كل مكان اكو الشين و الزين يا جماعه :@
انا ما قاعده ادافع عن اللي انشوفه بس لا تبالغون احنا ديرتنا فرضت عليها هالحريه
و التمدن فخلاص يعني عادي انه البنت تطلع مجمع او تطلع سفور احنا مجتمعنا متقبل
هالشي فخلاص يعني ليش نتهم الاهل او المجمع ذي شي البنت او الشاب تربو عليه
و هالحريه في البحرين موجوده من دهر ..
و ثاينا عن بنات الاعدادي ذي طبعا شي وااااااايد طبيعي لسبب بسيط جدا الا و هو
انهم في سن المراهقه و خربطه الهرمونات يعني البنت مب داريه هل هي طفله الحين
او كبرت خلاص فيصير تشتت فعادي يعني ليش مكبرين السالفه معظم البنات في هالسن
يحاولون يقلدون امهم او اختهم الكبيره و اهني يجي دول الاهل و المراقبه لانه هالسن
حرج و يحتاج مراقبه و نصيحه دايمه عشان الواحد يطلع منها الواحد بسلام..
مسامحه طولت عليكم بس وايد مكبرين سوالف ما بقول تافهه بس صغيره...
نسيتو المواضيع المهمه اللي في الديره و يات الحين على السيف و بنات مراهقات!!!!!!
اكو اشياء اهم يا ريت تناقشون فيها
و السمووووووووحه:)
RoSe
28-01-2005, 09:31 PM
اي صح نسيت سالفه الرايبون و الرنجات!!!!!!!
ذي حريه شخصيه و كل الواحد كيفه انا مو ويا الرايبون
بس مب ضده اكااا الاماراتييين و القطاره ولا واحد سيارته مب مريبنه
يات علي شباب البحرين الحين!!!!!
اما القز في الشوارع فهذي مشكله اغلبها الشاب الفاضي يسببها
و اظنتي السبب الفراغ و الديره مافيها اماكن وايد فالواحد يمل و يفتر في
هالشوارع....
و الخين موضوع الجامعه اولاااااا اغلب بنات الجامعه محجبات و يلبسون عباه
يعني الاغلب محتشم و ثاني شي حتى اللي مو متحجبات ذي ما يعني انهم
بنات سهلات و ما يستحون بالعكسسسسس مرات اللي مب متحجبه احسن مليون
مره من اللي مغطيه روحها بالسواد من فوق لتحت..
و انا كلش ضد انه الواحد يقول عرض ازياء عيب هالكلام :@ الثياب مسأله جدا جدا شخصيه
محد لحق يحاسب شخص على لبسه الا اذا الواحد امضخها حدا حداا و شاذ جدا عن الناس
و ذي الاشكال جدا نادره بجامعتنا..
السموحه اخوي العمري انتا فاهمه انه قصدك توضح بعض الظواهر اللي برايك
سلبيه و خاطئه بمجتمعنا بس موضوعك وايد متداخل لانه تطرقت لمواضيخ مخلتفه
كثيره و اغلبها ظواهر عاديه و طبيعيه و خاصه ابمجتمع نفس المجتمع البحريني..
سامحني اذا ما عجبك كلامي و السموحه مره ثانيه!
رفاعي عوالي
29-01-2005, 12:41 AM
يا شيخ هاي كله
سببه الفراغ القاتل اللي يمرفيه الشباب
الواحد من الوقت الفارغ اللي عنده تشوفه ما يعرف شيسوي في روحه
بنوته محرقيه
29-01-2005, 09:49 PM
ضعف الوازع الديني وقلة اهتمام الأهل .. وترك اولادهم في حريه تامه .. والثقه الزايده بعيالهم الي تخليهم يشترون لهم تلفونات في وقت مبكر لهم وخط تلفون خاص والانترنت في غرفة الولد وعدم استغلال وقت الفراغ في اشيه نافعه .. وماننسه الغزو الفكري والذي يتم عن طريق وسائل الإعلام المنتشرة مثل التلفزيون، الفضائيات .. الي تخلي الشباب ينسون دينهم وعاداتهم وتقاليدهم الي تربو عليها .. هل الأشيه كلها تساهم في انحرافهم :n:

شكرا لك اخوي على الموضوع المفيد :thnQ: واتمنى اني ماطولت عليكم :bye:
Ne9 el GoMaR
03-02-2005, 02:16 AM
غيااب الرقابة و الاهل اهو الي وصل شبابنا لهالمستوى...

يعني انه الي معاي بالسكووول.. و الله قبل لانطلع تنترس الحمامات الي تحط الكحل ولا الشدو او البودر.. عجااااااااااايب و الله..

لا و كل وحدة تنافس الثانية بمريولها الضيج..

من كثر مانجوف هالاشياء و الله صار الموضووع عادي..!

اذكر مرة جفت وحدة يعني اعرفها بالاسم بس..

لابسة توب حدة مصكك و برمودا.. اوكي لين اهني تنبلع السالفة..

لكن مرة وحدة رفعت توبها بحيث يكون بطنها طالع.. و تمت تتمشى بين الف صبي..

الرايح و الراد ايجوفهاا.. يوم قلنالها ترى عيب الي تسوينه.. اتعرفون شردت..

قالت امي راضية انتو شكوو.. :unsure:

قلت لها حبيبتي بطلعين بطنج لبسي توب اهو من الاصل قصير مو ترفعينه جذي ..

أففففففففف.. قهرتني والله :@ ..!!

نعييييييش و نجووووووووف..

ثنكز عالموضوووع..

و الله يصلح شبابناا.. ;)

:bye:
العمري
03-02-2005, 04:56 AM
:thnQ: شكرا لكم على الموضوع .. .ومازلنا ننتظر ارائكم وردودكم
Um-5alifa
06-02-2005, 05:05 PM
مشكورين على الموضوع ..
والله هاذي الحالة .. هالبنات (الباربي) مايتحون على ويهم !!
الويه متروووس مكياااج و المخ خالي و فاضي ؟ و مخهم وصخ .. عبالهم ولد الحلال بييهم إذا كانوا جذي بالشكل؟ مكياج مال عرس و الثياب ضيجة و قصيرة و حفرة و حالة !! الله يهداهم بس!!
العمري
10-02-2005, 03:49 AM
:thnQ:
راعي المعاني
10-02-2005, 04:04 AM
اخوي العمري الصراحه كفيت ووفيت ,,, فعلا المناظر اللي قاعدين نشوفها تلهب القلب وتبكي العين بس ليش ما نسال نفسنا ليش هالشي صار ,,,,,

الحرب اللي شنها الغرب على فكر الشباب والنشا واللي محى هويتهم ونساهم تقاليدهم ولبسهم ثوب ما هو بثوبهم تحت شعارات زايفه مثل الحريه ونفس ما نعرف ان قمة الحريه ما تكون بتقليد الغرب والتخلي عن عاداتنا وتقاليدنا وشرائع ديننا الاسلامي ,,,

الشاب من اللي يتحرشون ما يحط نفسه اخ وهذي اخته يتحرشون بيها كان كره نفسه قبل لا يعيدها ببنات الناس وهالبنت اللي تلبس البس الضيق واللي يفتن الناس لجل تسلب الانظار اليها نست انها جوهره حماها الاسلام وصانها لما شرع لها الحجاب واللبس الاسلامي اللي حفظ لها مكانتها وشرفها ......... واذكر بيت للشاعر ناصر القحطاني يقول

اتشحن بالسواد ... فتفردن بالبياض

المشكله اخوي هو البعد عن الدين والتخلي عن العادات والتقاليد الاصيله اللي تربى عليها آبائنا واجدادنا من قبل ,,,,

الله يحفظ شبابنا وبناتنا من كل فتنه ومن كل شيطان ويعزهم بالاسلام
تحياتي
Dana
10-02-2005, 04:50 PM
اخوي العمري..

آنة عن نفسي اقولك المخرب الاساسي حق الجيل اهوا التلفاز!!

كل حركة كل فعل حق شبابنا و بناتنا ناتج عن فلم جايفينه ولا مسلسل ولا فيديو كليب !

و كل كلمة خارجة عن عاداتنا من وين ماخذينها؟؟ اكيد من هالتلفزيون

الله يحفظنا و اعيالنا من سمومه
اللهم آمين