رجاءا ..أنت بالذات لا تتدخل !!

[بنت العايله]

بسم الله الرحمن الرحيم

السلام عليكم ورحمة الله وبركاته

غالبا اللي يصنع القرار بالنسبة للبنت أو بمعنى آخر يتدخل فيه هو أحد الوالدين أو الاثنين معا .. وبعدها البنت تتخذ القرار النهائي وتمشي عليه .. أحيانا نجد في بعض العوائل تدخل كبير من قبل الأخ الكبير على القرارت اللي تخص أخته .. ما أقصد في هذا الموضوع إبداء رايه .. لاء يعطي القرار النهائي للبنت .. بالرغم من وجود الأم ولأب على قيد الحياة .. بحيث أنه يمشي رايه عليها .. رضت البنت ولا ما رضت ..

مثلا البنت فكرت تسافر للدراسة خارج بلادها .. الأم والأب ما عندهم ما نع أبدا .. والبنت افرحت لأنه راغبة بهالشي ..

لكن فجأة يجي الأخ الكبير .. ويقولها ما تطلعين .. ما عندنا بنات يدرسون برة ... لا وجامعة خلط بعد .. ولا رايحة بروحها بعد .. ويهددها .. وممكن حتى يكسر الدنيا بس عشان البنت ما تسافر ..



..أسئلة للشباب ..


1- هل أنت من اللي يؤثر بشكل كبير على قرارت تخص أخته ؟

2- التأثير هذا يكون عن طريق إبداء رأي .. أو عن طريق صناعة وتنفيذ القرار ؟؟

3- شنو السبب في ذلك ؟

4- تعتقد أن اللي ما تسمع أخته رايه ضعيف شخصية ؟؟

5- متى تعتقد أن الواجب عليك تدخل في القرار وتحدث شئ ؟؟

6- شنو رايك بشخصية الأخ اللي انذكر في المثال واشلون تتصور مستقبله ومستقبل أخته وعيلته ؟؟]



.. أسئلة للبنات ..


1- هل انحطيتي مرة في هالموقف ؟؟

2- اشلون راح تتصرفين لو عشتي هاللحظة ؟

3- من اللي عادة يصنع لج القرار أو يساعدج في اتخاذ القرار النهائي ؟

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟

6 شي حابة تقولينه لأخوج الكبير والشخصية اللي في المثال؟


بالنسبة لرايي الشخصي ..

أعتقد القرار الأول والأخير قبل لا أتحذه وأمشي عليه .. يكون بعد ما آخذ جميع الآراء .. ولكن اللي ممكن يتدخل ف يالقرار ومثلا يمنعني بشكل صريح من إني أسوي أي شي هو الأم والأب فقط .. والأخ ممكن يتدخل لكن برأي .. وبعدها القرار الأخير لي ..

إلا في حالة أن مثلا ما عندي غير هالأخو .. وفقدت أمي وأبوي " الله لا يجيب هاليوم " .. بعدها ممكن أقبل قرارته ..


أتمنى أن الموضوع حاز على إعجابكم .. وفي انتظار مشاركاتكم ..
^_^

[آه ... ياقلب]

1- هل انحطيتي مرة في هالموقف ؟؟
لا والله لايقول :2:

2- اشلون راح تتصرفين لو عشتي هاللحظة ؟
هاذي مستقبلي واذا انا رايحه برع رايحه ادرس مو رايحه العب راح اتفاهم معاه بانه هاذي مستقبلي وماله دخل فيني مادام امي وابوي عايشين وراضيين علي وواثقين مني فهو مايتدخل فيني >_>

3- من اللي عادة يصنع لج القرار أو يساعدج في اتخاذ القرار النهائي ؟
انا اصنع القرار بنفسي والي يساعدني امكن امي او اختي الكبيرة

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟
الصراحه ماعنده سالفه او يمكن انه محتر منها لانه اهي تدرس برع واهو يدرس في البحرين
اممم اتصور انه اذا ماخلاها تدرس اكيد راح اتصير مشاكل مع بعضهم وراح يتخاصمون على هالسالفه

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟
امكن يخاف على اخته في الغربه وخصوصا انه بتروح بروحها وامم واذا بيتدخل يتدخل وقت انا اقوله شي اهو اهني يتدخل في الموضوع

6 شي حابة تقولينه لأخوج الكبير والشخصية اللي في المثال؟
اقوله اذا انت اتحب مستقبلك فحب مستقبل اختك وعلى قولت المثل حب لاخيك ماتحب لنفسك
واقوله اذا انت رافض هالشي لانك خايف عليها فرافقها واتكون ضامن انها تحت رعايتك
وشكرا على الموضوع :001:

[الوافية]

1- هل انحطيتي مرة في هالموقف ؟؟

اي تصير سعاااات

2- اشلون راح تتصرفين لو عشتي هاللحظة ؟

عااادي بقوله امي وابوي راضين انت شيخصك

3- من اللي عادة يصنع لج القرار أو يساعدج في اتخاذ القرار النهائي ؟

عادة بروحي بس اشاور امي وابوي اكييييد بس الراي الي اعتمده راي ابوي اكثر

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟

شخص معقد وماعنده سالفة وفاضي ويبي يثبت شخصيته انا اعتقد انه بيكون مع زوجته احسن لان واايد شبااب يطلعون قوتهم عالخوات وحق المرة ولاجنه واعتقد اذا تزوج بيخف على اخته :mf_wink:

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟


مادري يمكن يبي يحس انه صار رياال ويمكن من الغيرة انا اعتقد انه ممكن يتدخل باشياء وايد بس بحدوود ومن غير مايفرض رايه 6 شي حابة تقولينه لأخوج الكبير والشخصية اللي في المثال؟

6 شي حابة تقولينه لأخوج الكبير والشخصية اللي في المثال؟

اممم بقوله شلك خص اذا خايف علي وااايد تعاال معااااااي واذا مو فاضي
اتيي بس خلني اروج اجوف مستقبلي واكمل دراستي:999:

[Zombie]

Thanks 3ala el maw'9oo3 sistaa ;)

. أسئلة للبنات ..



1- هل انحطيتي مرة في هالموقف ؟؟
La2 :$

2- اشلون راح تتصرفين لو عشتي هاللحظة ؟
ma7ad lah da5al feeny dam ras Omy o abooy yshm el hawa ;)

3- من اللي عادة يصنع لج القرار أو يساعدج في اتخاذ القرار النهائي ؟
My sisters yn97oony o ana aqarer

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟
ma lah da5al ..
lah da5al faqa6 enah yabdy rayah bs ena yqarer yes or no ,, la2 malah 7ag

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟
a3tqd ena el Om o el Ab y3rfoon ma9la7at 3yaaalhm akthr mn el a5 ..

6 شي حابة تقولينه لأخوج الكبير والشخصية اللي في المثال؟
ma bagool shy ..

bs low ana el shay elly basaweeh 5a6a2 hny lah el 7ag ena ytda5al

thanks again sistaa

[بنت العايله]

هلا وغلا
تسلمون على المرور

[آه ... ياقلب]

الله يسلمج اختي:happy:

[بنت الاصايل]

.. أسئلة للبنات ..


1- هل انحطيتي مرة في هالموقف ؟؟
لا الحمدالله

2- اشلون راح تتصرفين لو عشتي هاللحظة ؟
بازفه وباقوله انت مالك شغل اذا امي وابو راضيين

3- من اللي عادة يصنع لج القرار أو يساعدج في اتخاذ القرار النهائي ؟
امي و احيانا ابوي

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟
انسان متخلف و مريض نفسيا

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟
اذا الوالدين راضيينن اهوه ماله شغل واخر واحد يتكلم الا اذا كان مسؤول عني هذي شي ثاني و الاسباب انه مايوثق في اخته وعلى باله ان العالم فوضه

6 شي حابة تقولينه لأخوج الكبير والشخصية اللي في المثال؟
راجع نفسك او اعرض نفسك على دكتور نفسي
drawGradient()

[لاملاك ولا بشر]

- هل انحطيتي مرة في هالموقف ؟؟
لا لكن اختي اي بس ابوي مارضى قال لها ماعليج منه اذا انا موافق اهو ماله راي

2- اشلون راح تتصرفين لو عشتي هاللحظة ؟
طبعا اذا انا كان عندي طموح وامي وابوي موافقين ماظن اخوي له راي
3- من اللي عادة يصنع لج القرار أو يساعدج في اتخاذ القرار النهائي ؟
امي طبعا

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟

اهو اكييد خايف على اخته وخايف انها تنحرف لانها بتعيش في بلد غريبة وبروحها بس اظن انه لازم يوثق فيها ويخليها تكمل دراستها

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟

لانه خايف عليها من الانحراف يتدخل في اشياء اللي ابيه يتدخل فيها لكن باقي القرارات مثل هذي القرار مثلا اكييد انا اللي رح اقرر وبمساعدة امي وابوي

6 شي حابة تقولينه لأخوج الكبير والشخصية اللي في المثال؟

بقوله ادري انك خايف على بس لازم توثق فيني وفي تربية امي وابوي اللي اهم امك وابوك

مشكوورة على الموضوع الحلو
تقبلي تحياتي

[لاملاك ولا بشر]

- هل انحطيتي مرة في هالموقف ؟؟
لا لكن اختي اي بس ابوي مارضى قال لها ماعليج منه اذا انا موافق اهو ماله راي

2- اشلون راح تتصرفين لو عشتي هاللحظة ؟
طبعا اذا انا كان عندي طموح وامي وابوي موافقين ماظن اخوي له راي
3- من اللي عادة يصنع لج القرار أو يساعدج في اتخاذ القرار النهائي ؟
امي طبعا

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟

اهو اكييد خايف على اخته وخايف انها تنحرف لانها بتعيش في بلد غريبة وبروحها بس اظن انه لازم يوثق فيها ويخليها تكمل دراستها

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟

لانه خايف عليها من الانحراف يتدخل في اشياء اللي ابيه يتدخل فيها لكن باقي القرارات مثل هذي القرار مثلا اكييد انا اللي رح اقرر وبمساعدة امي وابوي

6 شي حابة تقولينه لأخوج الكبير والشخصية اللي في المثال؟

بقوله ادري انك خايف على بس لازم توثق فيني وفي تربية امي وابوي اللي اهم امك وابوك

وووووبس مشكوورة على الموضوع الحلو

[عماديه]

1- هل انحطيتي مرة في هالموقف ؟؟
لاا

2- اشلون راح تتصرفين لو عشتي هاللحظة ؟؟
اصلاا اخوووي مستحيل يتعامل معااي بهالطريقه والحمدلله ماعندي اخواان اكبر مني :biggrin23

3- من اللي عادة يصنع لج القرار أو يساعدج في اتخاذ القرار النهائي ؟
امي وابوووووي

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟
كلش ماداني هالاشكااال و اللي يتحكم في اخته وامه و ابوووه عايشين معنااته هب ريااال ذي !!

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟
ناااقص رجووووله

6 شي حابة تقولينه لأخوج الكبير والشخصية اللي في المثال؟
اامممم انه ماعندي اخو اكبر مني بس حق اللي مثل ذي بقووله عن هالحركاات السخيفه اللي مالهاا معناااا :aa_Dance2

يسلمووو

[بنت العايله]

:001:

[اسير العذارى]

أولآ شكرآ على الموضوع المميز بنت العايله..
أناصراحه ماعندي تعليق على موضوع إن البنت تدرس بروحهافالخارج
أنا من الناس مابرضى إن إختي تسوي هالشي
... عمومآ الناس أحرار فاللي يرضون فيه لبنتاهم
... أنا درست فبريطانيا وفي مصر
والحين فالبحرين..
وصراحه شفت مصايب من البنات اللي يدرسون بروحهم
سواء من السعوديه أو الكويت او دول الخليج...
أناماأتكلم عن بوي فرند أو حب وسوالف غرام
هذي شي عادي وأعتقد أي شخص يرضى إن بنته
أو إخته تدرس برا بروحهاراضي بهالشي.. وهذا فرايي حريه شخصيه..
لكن فيه أشيا اسوأ يسوونها البعض توصل للمخدرات وإحتراف البزنس..
لكن والله الصراحه فيه بنات محترمات.. لكن قلييييل جدآ..
أنابس أحب أعلق على العلاقه بين الأخ وأخواته..
عن نفسي أنا أخواتي أحطهم فعيوني .. أناأخوهم وأمهم وأبوهم وولدهم
... أناعندي أخت توأم ..على إنهامتزوجه وبعيد عني فكندا
إلا إن لزمن أكلمها كل يوم أو على الأقل مسج
..أحلى شي فلدنيابعد الأم هي الأخت والله..وثانكس..

[محرقاويه حداويه]

1- هل انحطيتي مرة في هالموقف ؟؟
في موقف الجامعه لا ليلحين بس نفس الشي الأخوان أحسهم لازم يتدخلون

2- اشلون راح تتصرفين لو عشتي هاللحظة ؟

مادري ا؛س بطلع من طوري يعني انه مو مخلص المدرسه علشان قعدت البيت والمهم امي وابوي راضين على هالشي

3- من اللي عادة يصنع لج القرار أو يساعدج في اتخاذ القرار النهائي ؟

أمممممممم أختي وربعي ساعات

4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟

لا ما أحب اللي يتصرف غير الناس

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟

مادري ليش بس من خوفه على أخته يمكن اسوي هالشي او في بعض الناس يحبون يتعنترون وماعندهم الا خواتهم . إذا كان اللي راح اسوي شي غلط وهلي مو موافقين واذا سألته علشان أخذ رايه

6 شي حابة تقولينه لأخوج الكبير والشخصية اللي في المثال؟

أخوي خلني أسوي أو آخذ اللي أبي دام أمي وأبوي موافقين <<<<< تره اقصد الليسن :d

[- Girl -]

1- هل انحطيتي مرة في هالموقف ؟؟
لا الحمدالله ما عندي اخو اكبر مني :2:


2- اشلون راح تتصرفين لو عشتي هاللحظة ؟
مادري والله

بس بقوله عندي ابو على ما اظن


3- من اللي عادة يصنع لج القرار أو يساعدج في اتخاذ القرار النهائي ؟
محد القرار دايمن يعود لي و عندي امي الله يخليها لي وايد تساعدني


4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟

مادري والله

بس الله يساعده ويساعد الاخت وزوجته وبناته

5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟

يمكت غيرته على خواته
واحس لازم يدخل لما يجوف شي غلط

6 شي حابة تقولينه لأخوج الكبير والشخصية اللي في المثال؟

ماعندي اخوان كبار
بس اقولهم لا تعقدون روحكم وتسوون روحكم فنتك :biggrin23

[za3boolaa]

1- هل انحطيتي مرة في هالموقف ؟؟
وايد وايد وايد
2- اشلون راح تتصرفين لو عشتي هاللحظة ؟
اممممممممممم تبين الصارحه
امممممممممم ماقول شي لأنه اغلب الاوكات اتكون اختي العوده في صفي
3- من اللي عادة يصنع لج القرار أو يساعدج في اتخاذ القرار النهائي ؟
خواتي الي اكبر مني
4- شنو رايج بشخصية الأخ اللي انذكر في المثال واشلون تتصورين مستقبله ومستقبل أخته وعيلته ؟؟
وعليه
بما اني ماعندي اخ جذي بس اختي العوده اهيه اذا قالت لي اي يعني اي ولاء يعني لاء
بس في ذي مسكينه اختهه وبييهه يوم وبتنفقع في ويهه واهوه بيتم جذي انه العود انه الي ماترد كلمتي الارظ
5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟
يمكن والله اعلم انه كله يحسبون الي اصغر وحده في البيت اهيه ماتعرف الدنيا عدل بس المشكله في مجتمعنا الحين الاصغار يعرفون اكثر من الكبار واجب عليه يتدخل في قراراتي اذا جافني امشي في طريج غلط
6 شي حابة تقولينه لأخوج الكبير والشخصية اللي في المثال؟
حق اختي الي اكبر الصراحه ماقصرت وياي واذا اسوي الغلط اتقول لي واهيه معاي في صفي يعني لو ابي شي اقول لهه واهيه توافق او ماتوافق
والي في الشخصيه يبيله جذي ذبحه على الطاير:aa_crazy:

[فري بيبي]

1- هل انحطيتي مرة في هالموقف ؟؟
الصراحة لا مستحيل لانه انا دلوعة بابا وماما عندي اخوان اكبر مني بس اساسا اخواني كيوت احبهم وايد ضحكتني الفكرة وقاعدة اتخيل اخواني واهم بهالمنظر مستحيل الحمد لله اخواني كوول وكلوز معاي يعني انا احيانا اتدخل بحياتهم مب اهم والله تصير احيان ايه عليهم فديتهم والله الله يخليهم لي يارب 2- اشلون راح تتصرفين لو عشتي هاللحظة ؟
مادري يمكن افهمه ولا اعطيه السييييييييييييييين 3-
من اللي عادة يصنع لج القرار أو يساعدج في اتخاذ القرار النهائي ؟
انا وامي وابوي
4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟
تافه وماعنده سالفة ويبليه طق
5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟
يبي يسوي روحه ريال ولا يبي يتعلم ان يكون يازعم ريال على حساب اهله
6 شي حابة تقولينه لأخوج الكبير والشخصية اللي في المثال؟
الله يهديك

[غـ الرفاع ـلا]

1- هل انحطيتي مرة في هالموقف ؟؟
لا وما راح انحط لان ما عندي اخو كبير
2- اشلون راح تتصرفين لو عشتي هاللحظة ؟
ما راح آخذ برايه لان رايه ما يهمني
3- من اللي عادة يصنع لج القرار أو يساعدج في اتخاذ القرار النهائي ؟
ابوي وامي بس الراي الأول والأخير لي
4- شنو رايج بشخصية الأخ اللي انذكر في المثال واسلون تتصورين مستقبله ومستقبل أخته وعيلته ؟؟
احسه انسان معقد شوي واذا ظل يتخذ مثل هذي القرارات راح يعيش خواته في حزن لانه ما بيخليهم يتخذون القرار اللي هم يبون واللي يرتاحون له ويفرحهم
5- في رايج شنو الأسباب اللي تخلي الأخ يتصرف بهالطريقة ومتى واجب عليه أنه يتدخل في قرارتج ؟؟
اللي يخليه يتصرف بهالطريقة انه حاسب روحه اهو ريال البيت وانه رزم يفرض كلمته , بس اهو لازم ما يفرض رايه اذا كان ابوي موجود والحمدلله
6 -شي حابة تقولينه لأخوج الكبير والشخصية اللي في المثال؟
انه لازم يدير باله على هالتصرفات وانه يبدي رايه بس ما يفرضه

يسلمووووو على هالموضوع الروعه

[FaHoOoDKAKA]

:vip_imwit

[Different]

1- هل أنت من اللي يؤثر بشكل كبير على قرارت تخص أخته ؟
لامو بشكل كبير
2- التأثير هذا يكون عن طريق إبداء رأي .. أو عن طريق صناعة وتنفيذ القرار ؟؟
إبداء رأي
3- شنو السبب في ذلك ؟
لان اذا انا صنعت القرار يمكن قراري يكون غلط أو اختي ماتقتنع فية.
4- تعتقد أن اللي ما تسمع أخته رايه ضعيف شخصية ؟؟
لا ألا اذا كان تعريفج لشخصية اقناع الاخرين بالقوة فايمكن
5- متى تعتقد أن الواجب عليك تدخل في القرار وتحدث شئ ؟؟
اذا جفت شي غلط صاير او القرار الي اتخذ مب صح
6- شنو رايك بشخصية الأخ اللي انذكر في المثال واشلون تتصور مستقبله ومستقبل أخته وعيلته ؟؟] شخصية استبدادية . لان اهو اذا انحط في مكانها اكيد يبي يسافر و يدرس برع فليش يخرب عليها