الاميره المسحورة اللي في المعرض

[السراب]

هلا اعضااااء



شخباااركم شمسوين


المهم بادش في الموضوع على طووول





في فالمعرض اللي مسوينه في الرفاع الشرقي في مثل الصندقه مكتوب عليها (( الاميره المسحوورة ))

الدشه لها بدينار


المهم ...
هاذي تدشون لها اول شي حجره ظلااااااااام وفيها ليت احمر وفيه ستاره وبعدين تنشال الستاره الا بنيه بيضه وشعرها اشقر في ناس يقولون انها مصريه المهم مالها جسم بس ويه في مزهريه حاطينه على طاوله وتحت الطاوله مافي جسمها اهي مالها الا ويه تدشون تقولكم



السلام عليكم وتقعد تقول قصتها ان في واحد ساحرها اهي وخواتها واهم الحين توزعوا علشان ايمعون بيزات حق علاجهم
وتالي تقولكم هل من اسئله في ناس سئلوها شنو تاكلين قالت لهم بس سوائل وجافو ان قاضين تحت المزهريه حق الخروج (( البول )) :aa_crazy:

وفي ناس يبون يصورنها قالت لهم لا ممنوع وواحد سئلها انا ابي اتاكد اذا انتي صج او لا قالت له يب اي وحده من اهلك خل تلمسني عادي




بس الصبيان اللي يدشون يموتون من الخوف والبنات يططلعون ميتين من الصياح




عاد في صبيان وقفوا برع فليل وانخشوا عشان محد يجوفهم الساعه 10 ونص جذي يوم خلص المعرض انخشوا من بعيد وجافو ان دشو هاي الصندقه ثلاث بنات وطلعو اربع





يعني هاي المسحورة طلعت عادي مافيها شي لها جسم وعاديه ادميه مثلنا مثلكم







ابي اعرف رايكم بهالسالفه ؟؟
وفي احد راح دش لها ؟ واذا فيه يقول لنا شصار معاه ؟
واذا كانت صج شلون رضت على نفسها كل خلق الله يجوفونها .. واذا السالفه جذب انزين وين جسمها ؟؟






(( انا للحين داير راسي من هالسالفه )) :vip_haha:

[ToTTi]

:9adma: يمــــــــــــــــــــة ابـــي اروووح اجوووف ...!!

وي يمة خرعتيني ..:sleepy:

شساالفه صج يعني ...ههههههههههههه..دشو 3 طلعو 4 <<عجبتني العبارة ..:biggrin23

اشكرة جذب ...:_confused

انة مااصدق ...يمة بس صج وين جسمها ..:sleepy:

[- Girl -]

:sleepy: :sleepy:

اول مرة في حيااتي اسمع عن هاي الشي

بعد الرفااع عندهم حركااات :biggrin23

[السراب]

اي والله في المعرض الدشه بدينار انا لو اموت مادش



بس السالفه كل من يتحجى عنها :11eatdrop

مايندرى والله

[miss.sleep]

ههه هاي يابوهها الامارات وانا خفت اروح اشوفها بس امي واختي شافوها بس اذا ماعندها جسم عيل ماعندها معده عيل ليش ايبون لها اكل ؟! هذا من الجذب الي فيهم واذا ماتاكل عيل ليش تسوي عملية اخراج ليش ماماتت؟:vip_haha:

[!i!كــوكــي!i!]

يعني بالعقل, من صجج بييبوون جذيه وحده حق الاوادم :unsure:
مو يايبينها الا حق شووو >_>

[السراب]

انا مادري انا مو مصدقه السالفه
بس اللي فر راسي اللي دشو لها يقولون صج ووايد مقتنعين :vip_haha:

ولد خالي دش اكو للحين ميت من الخوف :_confused

[$السنافيـــــة$]

يـــــــــــمــــــــــــه :vip_b9eee :vip_b9eee



اكيــــــد جذب لانه المعرض الدخول بلاااش


يبون يدخلوون فلووس بسببهاا.......

[Ra3yT.AL.KrooZr]

الحمدالله اني ماصدق هل سوالف :closedeye

[بوسعد]

آنه ناوي آروح واشوف شالسالفه طبعا رفيق رحلتي راح يكون القرآن الكريم:Jumpy:

[ايمان الوعد]

يعني بذمتكم صدقتو السالفه يبه هذولي سورين اعرفون اطلعون البيزه من تحت الارض

ولله مصخره كل مره طالعين لنه بشي والاوادم على ويهم

هاهاهاهاهاهاهاهاهاهاها

[ريم ولاكل لحريم]

ولا عمري سمعت عنها هاذي بس اشكره جذب

[вәит αвooџ ‹3]

الاي وناسه ابي اروح

عاد اشدعوه يصيحون

:15: :15: :15: :15:

[توب سيكرت]

انا عمري ما سمعت عن هذي السالفه

اكيد جذب في جذب

لو صج وين الاعلام عنهم و ين الحكومه وين و ين

بتقولون اش دخل الاعلام عنهم و اشدخل الحكومه

انا اقول لكم اش دخلهم

بس اول خلني اروح المعرض و بعدين با قول لكم

انا اليوم باروح و باشوف بنفسي

لاني ماصدق هالخرابيط

[بنت النوخذة]

هذي كله شلخ انا وامي اكتشفنه انها عيارة تبي بس بيزاتا لانه معقول تهد مصر وتيينه عشان نعطيها وتطلع منالسحر ولا بعد تطلع تعشه من الكفتريا(المعصره) الي جنبهم في المعرض وماتقدر تطلع من 12 سنه علينا احنا عاااااد!!!!!! انا وحده ماصدق لانه نااااس موثوووق ابهم قالوا لي انها اهي مووجوده بس هذي العاكس محطوط جنها اهي صغيرة والله!:9adma:
شفتوا انا ذكيه لازم اعرف كلشي:beee:

[sweet angel]

:n: :n: انا بعد ما اصدق هالسوالف :n: :n:

:n: :n: لان اذا ما عندها جسم اشلوون اتنفس .. اشلوون تاكل :n: :n:

:n: :n: و الله خسارة هالدينار في هالاشكال :n: :n:

[السراب]

يـــــــــــمــــــــــــه :vip_b9eee :vip_b9eee
اكيــــــد جذب لانه المعرض الدخول بلاااش
يبون يدخلوون فلووس بسببهاا.......
لالا اهي مو في المعرض داخل

اهي برع عند باب المعرض مكان مايسون الكباب ومكان الالعاب ومادري شنو

[أسووله]

اي انه امس سمعت هالسالفه
و الصراحه استغربت و حسيت انها جذب لان مايصير يعني وين جسمها بيكون ؟؟
و اكيد اهمه مسوين هالحركه حق الفلوس اعتقد اهيه مصريه يعني فاليوم جم بيطلعون من وراها دام الشخص بيدفع دينار حق الدخول و يقولون ناس وايد تدخل حق تشوفها ...
و سمعت ان سالوها من سوا فيج هلون قالت ان الساحر سحرها و بعدين ماعرف يرجعها الى شكلها الطبيعي :walen:

و اتوقع ان هذي حركه مسوينها يعني مثل السحر او خداع بصري او شي جذي لان السالفه كلش كلش ماتدخل مخ العاقل

عاد اللي بيروحون عطونه الاخبار خل نتاكد :blush:

[السراب]

ليدي = مشكوووره ع المرور حبيبتي
بو سعد = اذا رحت قول لنا شصاار معاك ...
ايمان الوعد = اي والله وشاكره لج تفاعلج
ريم ولا كل الحريم = ثنكس حبيبتي ع الطله الحلوه
مساري=ههههههههههههههههههههههه .. ثنكس
توب سيكرت = بليز اذا رديت من هناك قول لنا شصار معاك بالتفصيل الممل
بنت النوخذه = تشتري من المعصره :9adma: انزين شلون عرفتي انتي يعني دشيتي لها او جفتيها واهي طالعه .. واذا عنج معلومات بعد قولي لنا .. اكون شاكره لج حبيبتي ع التفاعل الحلو :vip_wehe:
سويت = اي والله .. ثنكس ع المرور

[السراب]

اي والله يا اسوله حتى انا سمعت مثل ماسمعتي



والله مايندرى عنهم ذيلن :vip_haha:

[السراب]

يالله اللي راحو ماقالو لنا شصار معاهم :_confused

[بــنـت الـنــور]

بييييييييييييه :9adma:

انا ثاني يوم من الافتتاح رحت بس ماجفت ذي الشي :15:

هالمره بنروحه انا وبنات خالاتي ان شالله :aa_crazy:

[ملاك الحزن]

لوعوا جبدنا مع هالقصه اللي تخرع
لوووو الدشه ببلاش مارووووح:11eatdrop

بس انا اللي سمعته انها قاعده على كرسي
ومن نص جسمها لي تحت كله مشوووه
والله مايندرى عنهم....

الله يعافينا م ما ابتلاهم
وتسلمين على هالموووضووع...

مع تحياتي لكم
ملاك الحزن :rolleyes:

[كسيرة الروح]

انه الصراحه امس رايحه واستقربت من هالشي
والي يشرف على المعرض ريل عمتي واكو سوو لهم سالفه شكبرهااا:9adma:
وشكله اليوم بيشلونها خلاص

[بنت النوخذة]

وي حلفي كسيرة ورى هلون تسووون خلها لانه كل شخص يدش ويشووفها يتآثم الساحر او اهي لانه تعتبر خدعه وهذي الخدعه نوعيتها حرااااااااام
الله يحفظكم ويحفظ اعيالنا وياكم وديرتنا البحرين:_Salam:

[virus]

ايييييييييييي هاي جايفها في الامارات........ شلللللللللخ

ما ادري شلون الناس يصدقون

ملخلينها يازعم على طاوله ... اهيا عاديه بس ان تعرفون يعني تكتيكات و هلون مثل الصندوق الي يقصونه بالمناشره

[دلوعه المحرق]

وعليييييييييه احنا في البحرين توه واصل هالاختراع
:closedeye
من جمن سنه آنه كنت رايحه الامارات ودشيت معرض وكان في وحده هلون بس تايلنديه
دشيت ويا خواتي وقعدنه نسبه سب
تالي صدناهه
قلنا لهه جذاابه انتي
كان راسهه محطوط على طاوله وتحت الطاوله كان في مزهريه
عاد هالمزهريه في الصج مو تحت الطاوله آنه حطيت بالي وطالعت عدل جفت ان الطالوه مسوينهه مثلات الصندوق ويتلاعبون في البصر لان حاطين مناظر تحت الطاوله
وطبعا المره منخشه في هالطاوله ومطلعه راسهه بس
والمزهريه كانت محطوطه بعيد ومنعسكه في المنظره والناس عزبالهم تحتها
عاااد معانه واحد ماخلاهه في حالهه قام نتف نتفه كلينكس ودلقم النتفه :vip_wehe:
وحذفهه من الشبك خلاه يطيح جدامهه
وانكشفت لان الكلينكس انعكس في المنظره و بين تحتها
سبيناهه سب :vip_wehe:
قمنا طلعنا من هناك وقلنا حق اللي يقصون التذاكر ييبو بيزاتنه لا نشتكي عليكم يا العيايره :closedeye :closedeye :closedeye
عطونا البيزات غصبن عنهم :11eatdrop

[السنياري]

عياااااااااااااااااااااااااااااااااااااره

[Ra3yt_il_hummer]

آخسر دينار شحقة :closedeye

آروح آشتيلي أكل أحسن :closedeye

[:: آهـــــــااات ::]

يابوها فالامارت من جم سنة ودشيت شفتها بغى يغمى علييي تيبست والله مكاني وكانت تسوولف واللله عااادي حالها من حال الانساان وصوتها كلللش عاادي والله لكن بقييييييييييييييييييييييييييييت أمووووووووووووت والللله مانصح احد يدخل يشوفهااااا:vip_b9eee :vip_b9eee

[Ali.UniQuE]

الااي شكله برنامج :aa_crazy: :aa_crazy: :aa_crazy:

هاي في وين ذي ولي متى المعرض اذا هاي يبيله :Jumpy: :Jumpy:

[آه ... ياقلب]

:closedeye
في وين ذي الصراحه اول مره اسمع عنها
وشالفنتق الي صاير في بلدنه ويييييييييه
بعد يقعدون يسألونها ههههههههههههههههههه
اش هالخرافات :closedeye

يسلموو على الموضوع:flowers:

[flaming fairy]

الصراحه الي دشو وشافوها وصدقو سمحولي اقول لكم تراكم اغبية....

لانها كلها خدع بصريه × خدع بصرية

وحتى لو كان صج ماشوفون جسمها....فان الرياال الي واقف برع او بالاحرى انهم يسحرون عيونكم عشان تشوفون الي اهم يبونكم تشوفونه..واذا تلاحظون انهم يخلونكم داخل بس دقيقتين ..تدرون ليش ..لان السحر يروح عقب 5 دقايق من القاء السحر....


اصلا لازم يشيلونها ..لان كله جذب × جذب....:aa_hosha:

[~ εммo ~]

سمعت عنها بس مادري ماصدق
ومستحيل ادخل اجوفها

:vip_shhho

[~Bahrainia Cute~]

ما سمعت عنها :walen:
اشهالخرابيط :aa_crazy:

[Zombie]

:walen: :walen: :walen: :walen:

ما سمععععععععععععععت عنها ..

:unsure:

أبي أجووووووووووووووف ..

:unsure:

بس احسه 7g show

o eyam3ooon Flooos

:unsure:

[إنسانه بسيطه]

أكيد يعني السالفه جذب ..

شلون بتعيش براس بس :walen: وين قلبها مثلا؟؟ في عينها :aa_crazy:


السالفه جذب مليون في المئه .. وخدع بصر :n:

وهالمصريين والسوريين يعرفون شلون يطلعون البيزه بالجذب والخداع :mad:


انا مريت عليهم امس بس اكيد مادشيت .. لأن ماحب هالسخافات :n:

[Sho0shi]

اول مرة اسمع فيها السالفة

اشكره جذب في جذب

الاااااااااي ابي ارووح اكتشف الحقيقة بنفسي:biggrin23

[SugaR]

وي يمه شنو ذي بعد !! :vip_b9eee

اخاف اجوف هالاشية حتى لو ادري انه جذب :vip_b9eee :vip_b9eee

[so0osa lo0osa]

بيي هههههههههههههههههه لالالا هاي الا شلخ انا رحت شلاخه هاي مصاروه يبون يضربون فلوس مايعرفون شلون
يعني بذمتك حجره حمره والاضاءه خفيفه وفوق هاي ستاره وعفسه لاا والي يضحك يوم دشيتلها راسها فصوب والمزهريه فصوب :closedeye
خخخخخخخخخخخخخخ وين السحر عيل
لاا لاا واتقول الحمدلله انا عندي ايدين ورجلين زي العالم بس صغيريين >>>> اي فعلاااا خخخخخخخخخ :rofl:

[الدوسري]

من صجج السالفه :9adma:
تراني أول مره أسمع فيها

والبلديه شوله مخلينها :biggrin23

[el7azeena]

وييييييي

احس الشي طنااازة

لي هالدرجة ايسوا ويبون يمعوون بيزات:vip_haha:

انه رحت المعرض ومادري ليش بس أول معرض ما يعجبني :n:

بس ما جفت هاي الشي :Doh:

والله جان دشيت مو اهيه تخرعني

:musl:

:Jumpy: انه باخرعها :Jumpy:

واهاهاهاها

[السراب]

هههههههه




مشكووورين حبايبي على تفاااعلكم الحلو معاااااي:d

[محرقاوية وافتخر]

يمـــــــــة هاذي كل من يتحجة عنها في المدرسة ..
اموت اعرف شسالفتها
ثانكس عالموضوع

[MiGo]

اللي راح مكتوب في الصندقة ابداع فني يعني موسحر ولاشي وهذي خدعه قاصين على الناس وحاطين لوحة فيها ابعاد تبين انه في طاوله ومزهريه بس هذي كله رسم , ولو السالفة صجية جان موحاطين شبك وظلام يعني كله جذب في جذب ( كلام مصري)

[ĵя7nŸ žMàЙҰ]

انا سمعت السالفه ...


ربي شكثر دشو لها يقولن صج !!


والله العاااااالم:vip_haha:

[jna7ya]

يه سمعنا اكو معرض
بس شله ايبون هالاشيا
صج ماعندهم سالفة:biggrin23

[Riffa3ia_3NeEeDa]

انا سمعت وماصدقت قالوا لي دشي قلت مافي شي يستاهل ادش عشانه اكيد جذب :beee:

[Spirit Kingdom]

:teehee: حركات بعد بالرفاع

:closedeye هاي كنت جايفها بلامارات طلعت منها وويهي جذي :vip_b9eee

:closedeye الي قلبه ضعيف لا يروح بعد مصريه :biggrin23 وناسه

[السراب]

سمعو سمعو سمعو




انا رحت لها بنفسي بس مادشيت خفت


بس سمعو شصار معاي






اول شي رحت ووقفت برع عند الصندقه اجوف ردود الاوادم لين يطلعون

بعدين رحت ووقفت مع بنات توهم طالعين من عندها يقولون ان لين وانتو برع ماتخافون ويصيدكوم فضول تبون تدشون بس خلكم تقربون يم الباب تصرقعوون من الخوف

المهم الا طالعه وحده تصير حق هاي البنيه اللي وقفت معاها الا تقولها ها سئلتيها تقوولها لالا شاسالها الله يهداج ( وهي ميته من الخوف ) تقوول مادري ماقدر اركز في ويها وجنه جنه جفت وحده في الزاويه عليها غتره بعدين ربعها قامو يتضحكون عليها يقولون لها صادج ماصادنا (( شكله اللي يدش يجوف اشيه مب في الوجود ))

المهم


مااجوف الا ياين رجال دين ( المصري هني مات من الخوف حتى الوانه تغيرت )

المهم بعدين قالو حق المصري الواقف عند الباب بندش (( بس عاد مادفعو ) دشو تموا مددده يمكن ربع ساعه (( المده المحدد دقيقتين بس )) انزين وتالي دش معاهم المصري وصك الباب عليهم (( لمفروض مايصكه بس مادري ليش صكه يوم دشو رجال الدين ))

المهم تالي طلعو عاد انا لحقتهم وتيمعو الناس عليهم

الا طلعو سعوودين :9adma: يقول ان سمعو عنها وياو يبون الاجر ويفكون سحرها (( عبالهم صج )) وبعدين قال السالفه كلها خدع في خدع واكو بعد مكتوب في اللوحه ابداع فني


وسئلوه بعد الناس يعني مو صج قال لالالالا مو صج كله خدع


(( والناس اللي هناك يقولون في ناس يصيرون لهم صوروها ثنين واحد صار على الكيمرا مثل الضباب الاحمر وواحد صارت الصورة ظلام مايبين شي ))

[MR__MERCEDES]

لازم ارووح

بس انه اقوول يمكن تسوي جذي علشان تحصل فلووس

او ثااانكس

[سمو الأميرة]

انا ما رحت ولا بروح ..


فاضيه حق سوالف الجذب والجمبزه !!؟؟:n:

[مخلصة وبايعتها]

اييييييييييييي


سمعت عنها ... بس ميته ابي اروح بس اخاف...

رفيجتي كانت متحدية وحدة من الربع .. على انهم يروحون واللي تخاف .. ؟؟؟؟ ت؟؟؟ الثانية انزين المهم عاد رفيجتي دشت وماتت من الخووف كانت حدها متوهقة ما تبي تخسر :11eatdrop بس اخر شي استسلمت وطلعت .. تقول المكان يخرع كأن فيه ينانوة .. بس مادري شنو السالفة :Jumpy:

[بنت الاصايل]

هذي السالف قدييييييييييييييمه يوم كنت صف الرابع رحت مصر وسمعت عنها بس انا احس ان شلخ

:unsure:

[معالي الوزيرة]

انا قالت لي بنت عمتي عنها بعد

بس ما عطيت الموضوع اهمية كلش

من زمان قايلة لي بس انا عادي سفهت

لان اكيد شلخ ونصب يبون يقصون على الجماعه ياخذون فلوسهم

لو فيه شي غريب او سحر على قولتهم جان تحجوا الجرايد المجلات

بس ما في شي اكيد خخخخ واكا يقولون لكم يابوها الامارات

:teehee: جذب جذب

[أسيرة الثقة]

يه كلة شلخ في شلخ

يشلخون على الاوادم

طالعو اشكثر طلعو اللحين :_confused :_confused :_confused

[بنت أبوها]

ايي رحت لهااا .. ومب سورين مصريين :biggrin23

واصلااا الاعلان الي يم حجرتها كاتبين عليه ابداع فني ..>_>

يعني مو صج بس ابداع فني .. كاتبين لكم .. >_>

بس الواحد ما يقدرر .. انا يوم طلعت قلت حق المصري برافو صج ابدااع ..

الا يقول ( دي الناس الي بتفهم وهو يضحك ) :mf_wink:

بس صج صج عجييب .. جنه صج .. يعني خوووش سحر هع هع :vip_imwit

تسلمون على الموضوو وو ع .. :rolleyes: :flowers:

[بنت الحر الاشقر]

ماعليكم منها ... جذااابه هذي
جايفينها ناااس راايحه اتمشى تشتري شوارما من السوق اللي يم المعرض :vip_kreh:

وانا كنت باادش لان اختي اتحن تبي اتجوفها بس ماخليتها .. لان اشكرة شلخ :aa_crazy: