جريمة شرف ..

[Zombie]

سلاااام علييييييييييكم ,,

شلونكم شعب ؟؟؟

http://www.sirmi.ic.cz/smajl/11.gif

اليوم حبيت اناقشكم في موضوع ..

جريمة شرف ..

http://www.sirmi.ic.cz/smajl/56.gif

وايد نقره عن أخ .. ذبح اخته .. في جريمة شرف ..

و اللي ذبح اخته و عشيقها .. جريمة شرف ..

و اللي حرق اخته .. بعد جريمة شرف ..

يقولون انهم يغسلون شرف العيلة اذا ذبحوهم ..

http://www.sirmi.ic.cz/smajl/91.gif

ما سمعت ان هالشي صار في مجتمعنا ..

بس صارت وايد ..

....

اش رايكم في هالسالفة ؟؟؟

...

هل اتجوفون ان من حقهم انهم يذبحوون خواتهم .. لأنهم اخطأوا ؟؟

...

يعني الله يغفر الذنوب ,, و يسامح ؟؟

و اهما يذبحون ؟؟

.....

يمكن صج الريال يعصب اذا جاف اخته مسويه شي ..

و يفقد أعصابة و يطقها ؟؟

بس ان يوصل لحد القتل ؟؟؟

http://www.sirmi.ic.cz/smajl/84.gif

-------------

http://www.sirmi.ic.cz/smajl/61.gif

والمشكلة اذا طلع الأخو برووحة حالته حاله .. شراب و حالة ..

:shhh:

بروحة يبي له ذبح .. و نقول جريمة شرف ..

http://www.sirmi.ic.cz/smajl/95.gif

بس داسما الشباب .. ما يجوفون تصرفاتهم و يذبحون خواتهم ..

>_>


انطر تفاعلكم ..
شعبي الكريم ..
:flowers:

[<<..الـغـلا..>>]

اهم شي اني اول وحدة ارد:vip_haha:

جرايم الشرف احسهم مايصيرون الا لما البنت تكون مسوية شي جاااااااااااااااااااااااااااااااااااايد:aa_hosha:

واحس ان هالشي ماصار الا كرد فعل من كبر الصدمة

ولهاسبب لازم البنات مايحطون روحهم في هالمواقف

ولازم كل شخص يحط في باله ان الي راح يذبحها هاي بنته او اخته لازم يفكر قبل لايسوي اي شي لان اي تصرف ممكن ان يندم عليه طول عمره

وماينسى ان الانسان خطاء

يعني دايما في مجال للتوبة يعني ممكن يكلمها وينصحها هب سيده يذبحها

لان اذا ذبحها ماراح يستفيد شي غير انه يشتت عيلته اكثر

طولت في الرد بس لان هب عارفة اوصل الي ابي اقوله

مشكورة على المورضوع حبوبة:flowers:

[حمد الهاجري]

موضوعج وايد عجيب

المسلم يحرم عليه قتل النفس الا اذا اعتدوا عليه .. فما بالج بـ احد من الاهل وقريب ! حتى لو غلطت يمكن هالشي عوود وقوي ومحد يتقبله بس الله غفور رحيم .. اهم شي انها تتوب وتغسل نفسها من هالذنب وتطهر ذاتها .. والمفروض الواحد ما يتسرع ويصدر الحكم .. الهون ابرك ما يكون مثل ما يقولون ..

مشكوره الشيخه

[virus]

انا عندي فلسفه مو فاهما .. ليش لين البنت غلطت تقتل و الصبي اذا غلط ... عاادي !!
ليش في حالة "الزني" النت تروح فيها و الصبي عادي !!


مو الاثم على الاثنين .. و البنت زانيه و الصبي زاني ..

!!

[flaming fairy]

اصلا من الاساس غلط..

اقصد القتل من اساسه غلط × غلط.....

اهو هلون نسى عذاب الله من قتله هالبنت...

وشرع الله لو يتطبق جان ماصارت هالجرائم الي تنقال باسم الشرف..

ياما ناس راحوا تحت اسم جرائم الشرف...واهم ماعليهم غبار...بس لان الابو او الاخو شك في اخته انها تطلع مثلا حق بيت رفيجتها من غير اهو ما يدري...

اخوي فايروس لان البنت من زمان يعني من ايام اول تعتبر اهي شرف العيله يعني لو اغلطت في شي بسيط راح تلطخ اسم العيله باكملها..من شذي لما تغلط البنت يكون الشي عود ولما يغلط الولد يكون شي عادي..>_>

بس اثنينهم عذابهم عند رب العالمين ... محد راح يفلت من عذابه سبحانه...

مشكورة اختي على الموضوع..ومسامحه طولت بس اشتطيت لان...:11eatdrop :biggrin23

يحفظج ربي:2:

[MiGo]

والله اختي الصراحة موضوع مهم ,
جرائم الشرف تكون 90% منها يكون الاب او الاخ شاهدو البنت او الاخت في حالة تلبس الجريمة ( يعني شافو البنت تزني مع واحد او اي مشهد يوحي بانه زنى) ففي هذه الحاله يكون الشخص منهار وغضبان فلو قام باي تصرف يحميه القانون حتى لوكان تصرفه القتل , وذلك لان القانون يراعي الحالة النفسية للقاتل , ويحمي القانون الزوج الذي يشاهد زوجته وهي تزني مع شخص أخر فلو قام الزوج بقتل الزوجه والفاعل فيحميه القانون وذلك لحالته النفسية وهو يشاهد زوجته وشريكة عمرة تخونه واقل عقوبة يمكن ان تقوم هي الحبس مدة سنة وذلك لحمايته من اهل الزوجة او المقتول .
ولكن لايسري هذا الحق في حال شاهدت الزوجة زوجها يزني مع امراة اخرى وذلك لان الاسلام حلل الزواج بأربع ويمكن التي تكون التي مع الزوج زوجته .

اما جريمة الشرف التي تقوم على اقاويل وكلام يخص البنت او شرفها من قبل اشخاص يقولون للاب او الاخ فهذي لاداعي لها ولايحميها القانون لأن لايوجد دليل قاطع او شهود على قيام البنت بالجريمة.
ومسامحة طولت عليكم ( وارحموا من في الارض يرحمكم من في السماء)

[Zombie]

:flowers: :flowers:

تسلمون على مرروووركم .. و أوافقكم الراي في كل كلمة قلتووها ..

شاكرة لكم مروووركم ..

نورتوا موضوعي ..

:blush:

[shy girl]

يعني اهيا تستاهل بس هاي مو طريقة يتعاملون فيها لازم يكون في حدود


شكرا فطومة

[Zombie]

:unsure:

شايووو ؟؟

تستاهل تنذبح ؟؟؟

لا عاد !!!!

اوكي تنطق تتعاقع .. معليه بس لي درجة القتل .. احس مب من حقهم ..

الله يسامح ... و المفروض يعطونها فرصة انها تكفر عن ذنبها و اتوب .. مب يذبحونها ..

:vip_b9eee

تسلمين على مرووورج حبي ..

:flowers:

[#нαsн#]

اولا عن هالموضوع الله لا يحطني فيه
وثانيا عن سالفة اذا صبي شراب غالبا ما ينستر عليه
اما انتو يالبنات (females كلكم)
تنتقل بينكم السالفة اسرع من ما تنتقل الحريجة في الخشب
وحتى لو
المجتمع يقبل فكرة ان الولد يغلط ويقولون معليش يعدل غلطه
بس اذا بنت بيقولون ان هذي بيبقه في شرفها وما بتقدر تصلحه
ومثل ما الكل يعرف مجتمعنا ذكوري فما نقدر نغير افكارنا الا اذا غيرنا هالنظام

[el7azeena]

هاي الشي وايد يصير في مجتمعاتنا

اهوه صج يمكن الشي ردة فعل من صدمة
وحزتها الانسان ما يدري اهوه شيسوي
بس بعد العاقل اللي يعرف يتحكم بروحه
ويعرف انها ما توصل للذبح
الله سبحانه يرحم عباده ويغفر لهم
من احنه عشان نذبحهم ونعاقبهم بانهم يخسرون حياتهم

وميرسي عالمواضيع الروعة:flowers: اللي مثلج

[Zombie]

:blush: :blush:

تسلمون على مروووركم ..

:blush: :blush:

[السنياري]

الله يرحمها :aa_crazy:





والله اللي يزني يجلد


ويقتل يرجموونه بالحصى لين ما يموووت

[الطيار]

بصرااحة اعتقد
هذه
جهل من الشخص نفسه

حتى لو اختي شنو سوت يعني ماقوم اذبحهاا اهي جريمه تعتبر

وايد طرق تخلي الواحد يستر على الشرف بس توصل لا اذبح

ومحد يسويهاا الا مصر وادي (( الصعيد ))

عشتي على الموضوع

[حمد777]

هالشخص مريض نفسياً

دام انه يبي يصلح الغلط بالغلط

جذي يكبر السالفة ويعقدها
وحتى طق البنية مابينفع معاها راح تنتقم وبتسوي الي اكبر

ويمكن اكبر من الي جافة وهاذي نتيجة تصحيح الغلط بالغلط

اخذها بالكلام والتفاهم واذا مانفع عليك بها بالطق <<<موكأنه كلامي متناقض

لانة موقف لايحسد علية اذا احد يجوف اختة بالهمواقف

مشكورة مس فاطمة على هالموضوع

الله يعطيج الف عافية انشالله

[بدر البحرين]

حبيت اشاركم الموضوع

كل انسان يغلط يستحق العقاب :aa_hosha:


بس بطريقة الي ذكرتيها بصراحة مو حل :_confused



في ناس عقولها متحجرة لمى يصير الغلط يقع العقاب على الغلطان ويتحمل كل انواعة وهاذي غالبا ما تكون في المجتمعات الريفية .


شكراا

[بــنـت الـنــور]

باختصار شديد

كل شي حرام علينا وحلال علييهم :mad:

[Sho0shi]

اهو اكييد من الصدمة كل شي يصير
بس ما توصل لي درجة القتل هاي يمكن في حالة نفسية وله شي

المفروض يسوي فيها اي شي بس مو يقتلها واهي تتطهر وتوب عن اللي سوته
واذا الله يسامح واهم يقومون يقتلونهاhttp://www.bahrainvip.com/vb/images/smilies/a0501.gif

يسلموو اختي ع الموضوع:flowers:

[Zombie]

:blush: :2: تسلمون على مرووركم الكريم ..

و نورتوا موضوعي ..

حياكم الله ..


:blush:

[za3boolaa]

صح فطوم
يعني الادمي اذا يبي يجوف الناس اول خل يجوف روحه
مو سيده الناس
المشكله مجتمعنه الحين مايجوفون روحم
سيده يجوفون الغير :mad:
وايد يبط جبدي الموضوع الصراحه
وشنو يذبح عشان شرف
في شي اسمه تفاهم :aa_hosha:
او اذا كلش مثل ماقلتي توصل لي الطق
عاد الذبح مره وحده
اشدعوه
عوده عاد
اذا الله سبحانه وتعالى يغفر الذنوب حق العبد
عيل اشلون العبد مايغفر حق العبد الي مثله:shhh:
صح وله لا
يعني ما ادري اشلون الناس صارو
والله ماينطاقون كلش صايرين
جوف ذي وجوفي ذي
انتو جفتو روحكم قبل ماتتكلمون على الناس وقبل حتى ماتجوفونهم:mad:
حده ينرفزني الموضوع
ولا احنه يالعرب وايد عندنه هل اشيه بينون بعد
بتقولين ماعنده
باقول لج
جوفي النسوان لين يروحون عرس
شهر يتمون يعقرون على ذي ويتطنزون على ذي
حتى الرياييل بعد
ويمكن بعد نفس النسوان
بتقولين لا
باقول لج
خل وحده اتكلم واحد
مو يروح يفظحهه جدام ربعه
صح وله لا
وتصير المشاكل بعد
وبعد خل البنيه اتطوف غير مايخزون فيهه وعقب ماتطوف يتطنزون وما ادري شنو
صح وله لا
وادري هذرت وايد بس من الحره الي فيني
ما ادري ليش الناس يسون جذي:mad:

[Zombie]

:biggrin23 :biggrin23 :biggrin23

بيييه زعبوولة كأنه قهر في قلبج ..


اي والله صدقتي في كل حرف ياختج ..

:beee:

الأوادم صاروا ما يجوفون نفسهم ..

ما عندهم ولا يهمهم غير جوفوا فلان و جوفوا مادري من ..

:sleepy:

و نفس الشي الاخوان وايد منهم ما يجوفون نفسهم ؟؟

عينهم بس على خواتهم ما يخلووونهم يتنفسون ..

:boz:

ماااالت ..

تسلمين زعبووولتي على مرووورج ..

:flowers:

نورتيييني

[za3boolaa]

جفتي اشلون صج صج باطين جبدي
والله يا اختج
حتى بعد مايرظون ويطنقرون اذا قلتي لهم بسكم :aa_hosha:

[..•°المحرق أنا قمرها°•..]

الصراحه ماعندهم سالفه
الله يسامح ويغفر
وبني ادم مايسامح
صج غباء يعني اهم الي بيروحون النار

تسلمين مسوو ولج ودي:flowers:

[ولد الشمالي]

تسليمين أختي على الموضوع الطيب الحساس الملموس على أرض الواقع ،، ولكن لنضيف عليه بعد إذنك خيانة الزوجة لزوجها وإليك قصة خيانة زوجة القاضي

هذه قصه مشهورة وقعت بإحدى مدن المملكة العربية السعودية ..

القصة مفادها انه كان هنالك طالب جامعي يدرس بقسم القضاء بإحدى الجامعات السعودية

رجع ذات يوم إلى بيته فإذا بزوجته تخونه على فراشه مع شخص أخر

فلما رأوه أصابهم الخوف وكأنما نزل عليهم صاعقه من السماء

فقال للرجل: البس ثيابك

فقال له الرجل: اقسم بالله العظيم أنها من أغرتني

فقال: البس ثيابك وستر الله عليك

وأخرجه من منزله وهو يجتاش غيظا وقهرا ولكن أراد ما عند الله

فلما خرج الرجل ابتسم ابتسامه ربما تعجبن من نجاته أو سخريه من ذلك الإنسان الملتزم

فما كان من ذلك الطالب الجامعي إلا أن قال: حسبي الله ونعم الوكيل بكل حزن وقهر مما الم به

وهذا موقف يتمنى الواحد أن يموت ولا يعيش في مثل هذا الموقف

ورجع إلى زوجته وقال لها: اجمعي ملابسك وأشيائك وأنا انتظرك بخارج الغرفة لكي تذهبي إلى اهلك

جلست تبكي وتفسر ما أصابها وأنها من نزوات الشيطان وتختلق كثير من الأمور

المهم التزم الصمت الين انتهت من كلامها

وطلقها ثلاث طلقات وقال لها: ستر الله عليك وحسبي الله ونعم الوكيل

انتظرها بخارج الغرفة وسافر بها حوالي 300 كلم إلى أن أوصلها بيت أهلها

وعندما أوصلها لبيت أهلها قال لها ستر الله عليك واتقي الله الذي يراكي وسوف يرزقك من أوسع أبوابه

فقالت له: فعلا أنا لا استحقك وجلست تلطم في نفسها

وأعاد الكلام السابق عليها .. ومن ثم ذهب للمدينة

ويقول لي ذلك القاضي

مرت علي السنين حتى تخرجت من جامعة الملك عبد العزيز بجده ولم أفكر قط حضور أي مناسبة

من مناسباتنا بجيزان ورغم تلك السنين لم تغب عن عيني للحظه واحده تلك الضحكة الساخرة من ذلك الرجل

تزوج من امرأة ثانيه وأنجب منها .. وتم تعيينه كقاضي بالمحكمة

ويذكر مدى تفاني زوجته الثانية وما فعلته من اجله

ويقول: عوضني الله بإنسانه لم احلم بيوم من الأيام بها فكانت عظيمة بكل ما تعنيه الكلمة

وطلب منه أن يدّرس بالجامعة لأنه حاصل على مرتبة الشرف الثانية ولكنه رفض واكتفى بالقضاء

ومن ثم أكمل دراسته حتى حصل على الدكتوراه بالقضاء الإسلامي

ووصل إلى المحكمة الكبرى بجده

يقول: طلبت من الله في كل صلاه أن أنسى ذلك الموقف .. ولكن دائما يمر بي كل مارايت شخص يضحك

فاستعيذ بالله العظيم من الشيطان الرجيم



يقول وفي ذات يوم أتت لي أوراق القضايا كالعادة وأدخلت علي .. وكان الدور على قضية قتل للبت فيها

وهنا كان دوائي علتي وثمرة قولي لكلمة حسبي الله ونعم الوكيل

كان هو نفس الرجل الذي وجدته ببيتي وقام بقتل شخص أخر ومكبل بالحديد وحالته يرثى لها

فلما دخل علي

بدء حديثه يا شيخ أنا دخيل الله ثم دخيلك

فقال القاضي: ماذا أتى بك إلى هنا وما هي مشكلتك

فقال الرجل: لقد وجدت رجل في فراشي مع زوجتي وقتلته

فقال له القاضي: ولماذا لم تقتل زوجتك كي تكون الشجيع ابن الشجيع

فقال الرجل: لقد قتلت الرجل ولم اشعر بنفسي

فقال القاضي: لماذا لم تتركه وتقول له ستر الله عليك

فقال الرجل: هل ترضاها يا شيخ على نفسك

فقال القاضي: نعم أرضاها على نفسي ولا أقول إلا حسبي الله ونعم الوكيل

فما كان من الرجل إلا أن فتح فمه وقال لقد سمعت هذا الكلام من قبل

فقال القاضي: نعم سمعته مني عندما غدرت بزوجتي وتستغل ذهابي للتحرش بها حتى أوقعت تلك المسكينة بالزنا

هل تذكر ضحكتك علي وأنا أقول ستر الله عليك حتى تركتني أتحسب عليك والقهر يقطع جوفي

نعم ترك الله لك المهلة ولكنك تماديت بعصيانك وسفورك حتى أراد الله أن يقتص منك عباده

اقسم بالله العظيم أنني اعلم انه كل ما طالت حياتك لن تنسى ذلك الموقف

ومن ثم سكت القاضي قليلا

وقال ماذا تظن أنني أستطيع أن افعل

ليس بيدي شيء إذا لم يتنازل عنك أهل القتيل

والآن سأصدر فيك حكم شرع الله عز وجل

فقال الرجل: اعلم ذلك ولكن لا أريد منك إلا شيء واحد

فقال القاضي: وماذا تريد

قال الرجل: أريدك أن تسامحني وتدعوا لي بالرحمة نعم أطعت شيطاني وهذا اقل من جزائي

ويعلم الله أنني من ما قالته لك زوجتك صحيح فانا من تحرشت فيها بوسائل عده

وكل ما تفشل وسيله ائتي بوسيلة شيطانيه أخرى وهذه الحقيقة

ويا ليتك قتلتني ذلك الوقت ولم أرى ما رأيته

فما كان للقاضي إلا أن قال: سامحك الله دنيا وأخره



ولم ينتهي القاضي عند هذا الحد

يقول القاضي: ما عشته لحظة الصدمة الأولى لم يكن بالشيء الهين لولا ذكري لله عز وجل

ولذلك سعى من ضمن أهل الخير الذين يريدون إقناع أهل المتوفى في التنازل

ولكن حكمة الله فوق كل شيء

أراد الله عز وجل أن يقتص من ذلك الرجل

بقلم ذلك القاضي الذي كان يحمله لكي يتعلم به علوم الشريعة الإسلامية سبحان الله الحكيم العليم

[نسايم]

اول شي بعض الناس يفكرون ان هالشي عار على العايلة فيتخلصون منها

وصج ان البنت اخطأت وارتكبت خطأ في حقها وحق عايلتها لكن اوافق اخوي حمد الهاجري اذا الله

كان غفور رحيم ويرحم عباده ليش احنا مانرحم ونسامح صج ان الخطا كبير لكن شوفوا القران

الكريم شنو بين لنا في حد الزنا ، وهو الجلد ماقال ذبحوهم

قال الله تعالى : (والزاني والزانية فاجلدوا كل واحد منهما مئة جلدة ولا تأخذكم بهما رأفة في دين الله إن كنتم تؤمنون بالله واليوم الآخر وليشهد عذابهما طائفة من المؤمنين)

شسمه مس فطووووم

واااايد متأثرة من المسلسل اول امس :aa_crazy:

وتسلمين على الموضوع القيم ....:flowers:

[Zombie]

بنت عز و زعبووولة .. شاكرة لكم مروووركم ..

ولد الشمالي .. القصة اللي كتبتها قشعرتني من قلب ,, و نعم العقل والله .. و صج الله ما يطق بعصى .. و تسلم على القصة الرائعة ... يعطيك الف عافية على مرووورك ..

نسااايم .. :biggrin23 :biggrin23 تسلمين على مرووورج .. و حدي متأثرة .. :biggrin23 صدتييني .. :biggrin23

[حلم سالي]

انا ابي اعرف يعني شنو يغسلون شرف العيله يعني شرفهم يحطونه بغساله ويصبون عليه صابون تايد للغسيل:biggrin23
انزين اذا اخته سوت شي غلط وهو يعني كلش ماسوى شي غلط اكيد سوى البلاوي في حياته حتى لو كان معصب لدرجة الجنون بعد الواحد يتحكم باعصابه
اي والله الصبيان عندهم حلال عليهم وحرام على غيرهم ويقولون هم رياييل وهم:beee:

[Daizy]

اعووووووذ بالله..
بعيييييييييد الشر..
في ناس صج هلووووون ميااانييييييين؟؟
ربوا عيالكم عدل>> بيكونوون بشر مستقيمييييين..

والمثل يقوووووووووول: لا تبووق>> لا تخاااف..
يعني ما يصييير ان الريااااااااااال مصايبه كثر شعر راسه>> بس محد يقوله شي لانه ريااال..
و قاعد يتشييييييييطر على خواااته وبناته واهله:beee: >_>
ولا شرايكم :_confused

[MR__MERCEDES]

لا ماتوصل السالفة لي الذبح

اول شي التفاهم ترة مب كل شي ايي بالقوة

او ثااانكس على موضوعج القيم

[قـطـ dal3 ــر]

..::..

اشكرج خيتو فطومه على الموضوع

وانا معاكم 100% يعني ما اشوف انها توصل للقتل

يعني هالاخ او الاب لا ينسى انه فيه رب للعباد

وان رب العالمين قادر انه يعاقبهم ...

لكن في نفس الوقت ما اقول لهالاخ او الاب انهم مايزعلون ولا اقولهم لا يعصبون :aa_hosha:

بالعكس ماراح الومهم على اي شي بس مو القتل ... :9adma:

لان رب العالمين حرم قتل النفس .. وأظن لو فكر فيها بالعقل ماراح يستفيد شي

لانه اهو بيروح النار لانه قتل نفس وبنته بتروح النار لانها زنت ....:_confused

يعني ما استفاد شي بالعكس زاد الطينه بله..:Doh:


واتمنى من الكل يفكر عددددددددددددل قبل لا يخطو اي خطوه

ويذكر ربه بأي شي


ووو بس السموحه طولت بالرد

كل الود والتقدير

دلع قطر

..::..

[Zombie]

:blush: :blush:

تسلموون على مروووركم و تفاعلكم شعبي الكريم ..

اي والله دلع قطر ..

هني اهوه بيكون سوه جريمه و ذنب اكبر من ذنب اخته او بنته ..

>_>


و تسلمووون كلكم على مروووركم مرة ثانية ...

:_Salam:

[CooKie]

هلوووووووووووو

موضوعج حلووووو وااايد

يالله نبتدي بالرد

احم احم

اللي صاير في مجتمعاتنا عفسه في عفسه

واحد ذبح اخته
واحد ذبح امه
واحد ذبح اخته و عشيقها

اوكي نوقف هني

يا بطل انته طايح لنا تذبح
بتقول ماعمرك غلطت؟

ليش البنت وحدها تتحمل عواقب فعلتها
ليش مو الريال بعد؟

يعني الحين الرياييل طالعين و كل يوم متعرفين على وحده
عقب التليفونات علاقه
عقب العلاقه يازعم حب و يقص عليها
يوعدها بالزواج
ياخذ اللي يبيه
و يقولها ولي

عبالك ربك غافل؟
ترى ترد في عيالك او هلك و خواتك

لاتدين كي لاتدان

انا ماأيد سالفة جريمة شرف
لو كان صج يخاف على شرفه
جان ماذبح اخته و فضح قضيتها و اسم عايلتهم
الستر زين يا ناس الستر زين
ستروا على الناس الله يستر عليكم

و اذا هي غلطت
في شي اسمه توبه
رب العالمين يغفر ذنوبها

ياما ناس طاحو في دواهي و رب العالمين انزل عليهم الهدايه


سوري على الاطاله :blush:

[ريح العود]

الغلط ما يعاقب بالغلط

[ولد عراد الحزين]

من قتل يقتل :beee:

[Zombie]

:blush:

تسلمووون على مروووركم و تفاعلكم و معاكم في كل كلمه ..

:blush:

و اوافق Kookie في كل حرف قالته ..

و تسلمووون

:_Salam:

[بنت الاصايل]

موضوع مهم و وااايد نسمع عنه بس و اخواني كفو ووفو ماباضيف شي يديد عليهم