هل تقبلين الزواج من...هل تقبلين الزواج من..

[سمو الأميرة]

السلام عليكم والرحمه ..


اشلوونكم يا اعضاء المنتدى..


غبت عن المنتدى فتره طويله لظروووف خارجه عن ارادتي.. !


ولكني ييت وعندي لكم موضوع نقاش.. وآبي راي الاولي والتالي فيه للأهميــــه..


اذا تقدم لج شاب خلوق وهادي ومحترم..

من عايلة طيبه .. مربيه اعيالها صح..

والولد طالع على اهله طيب ومتربي ..

ما عنده سوالف بنات ..

ما يشرب جقاير..

ما عنده مني مناك..

بس اهوه ..

جندي..


هل تقبلين الزواج منه ؟؟

والا لان جندي يعني ماله رب ولا يستاهل ان ياخذج !!


آبي رايكم انتو يا شباب ..

مو بس البنات ..

ارجو التفاعل ..

مع تحياتي..

[jna7ya]

جوفي انا اقولج كنظرة عامه ويمكن منتشرة بمجتمعاتنا
خلنا نتكلم بصراحة
يقولول لج هالناس ان اللي بالجيش اكيد مو مكمل مدرسته او انه بس الثانوية
ومو داش الجامعه
عشان جي خذوه الجيش
فالاغلب ما يفضل الجامعي عشن جي تشوفين شوفي حساسية يوم يقولون لج بالجيش
هذا الكلام طبعا البعض مو الكل<< خطين حمر تحت البعض
المهم الريال المتربي والخلوق واللي ماعليه قصور كل مرة تتمناه
وشغل الجيش مثلها مثل باقي الشغلات ما تفرق
والاساس باخلاقه مو بشغله
وبصفة عامه الجيش وظيفة مثل الوظايف الباقي
لكن مجتمعاتنا وهذي نظرتهم

اسفه ع الاطالة

[MiSs LeLe]

أممم


اييه اشفيهاا .. الشغل مو عيب والي يشتغل فس الجيش مو شي عيب بالعكسسسس .. كافي انه مستعد يضحي بروحه عشان وطنه

صج شغله صعبه ولازم اضحي واييد بس عادي مو مشكله عندي الصراحه

[shy girl]

ليه شفيها الشغلة ؟؟:unsure:

بالعكس شغلة محترمة وشريفة

وماعندي اي اعتراض على هالشغلة :d

بس اذا انا كنت ابي هالشخص

[سمو الأميرة]

مشكوريـــن ..


وانتظر المزيد من الردود

[!i!كــوكــي!i!]

:unsure: امممم مادري :unsure:
صج اهيا الشغلة ما فيها شي
لكن .. مادري :unsure:

يعني صراحة الحين كل من هب او دب
ما عنده شهاده دش الجيش :n:

آحس كل الي يشتغلوون فالجيش فاشلين
مو مكملين دراستهم :_confused

او في بعض البنات ما يوفقون لان معاشاتهم ضعيفة
شلوون بيقدر يتقدم حق وحده اذا معاشه ضعيف :11eatdrop

والله مادري ما قدر اناقش هالموضوع :11eatdrop
مشكوورة على الموضوووع:flowers:

[سمو الأميرة]

الي اعرفه ان الي يدش الجيش وهو متخرج من الثانويه .. يا يصير مرشح ضابط .. اذا عنده واسطه..
او انه يصير جندي .. ويرضا لان ما عنده واسطه .. !!


يصير انقول عن هلجندي فاشل !! اذا كان فيه كل المواصفات الي ذكرتها .. بس ما كان له نصيب يصير ضابط !!

[!i!كــوكــي!i!]

بس باقوولج الحين بعض الشباب الي فالجيش
عندهم شهاده اعدادي :Doh:

[آه ... ياقلب]

مشكوره اختي على الموضوع :flowers:
اهو لاعيب ولاحرام بس كل واحد ياخذ على مستواه التعليمي لان الاغلبيه ماعندهم شهادات ثانويه :vip_haha:
فاذا الوحده عندها شهاده فهي ماترضى انه تاخذ جذي :vip_haha:
وفي النهايه اقول كل واحد ياخذ نصيبه :blush:

[سمو الأميرة]

مشكورين ..


في انتظار ردود أكثر ..

[el7azeena]

انه مادري يعني وما قط فكرت اذا احد تقدم لي شباسوي

بس يعني شفيه الجندي اذا اخلاقه زينه مافيها شي

[اسير العذارى]

ويلكم باك سمو الأميره,,,
خوش سالفه والله..
يعني أميره ويتقدم لها جندي,,,:vip_wehe:
أتغشمر ترى..
عمومآ إذا إي بنت سواء إنتي أو غيرك وإتقدم لها واحد
مستواه العلمي أقل منها..
أنا أعتقد إن التفاهم بيكون صعب شوي..
طبعآ الجامعي عمومآ تفكيره يكون أفضل
من اللي ماعنده شهاده..
لكن من ناحية الجنود صراحه أناماأقدر أحكم
يعني أناعندي ربع ضباط وعندي ربع جنود
صراحه ما أشوف فرق فتفكيرهم وفأخلاقهم... كلهم خوش ناس والله
يعني الموضوع أول وأخير يعتمد على الشخص
إن كان متربي أو لا..وعلى إن البنت تبيه ومرتاحه له أو لا..
ومشكوره..

[حمد777]

انا بالنسبة ماجوف فيها اي شي

اهم شي الاخلاق وماعندة سوالف

ومافيها شي اذا كان جندي او ضابط في الجيش

ساعات ايي الجندي احسن من الضباط او حتى مدراء بأخلاقهم وتربيتهم

لاكن اذا الوحدة بتفكر في الفلوس بدون الاخلاق اكيد مابينفع لها الجندي

والشغل موعيب

[الجوهـــــرة]

يعني اهو ما يعيبه شي طبعا :rolleyes:

بس الصراحة :_confused

لا :vip_shhho

[سمو الأميرة]

أشكركم على الردود ..


بس ياما وياما ناس دخلو الجامعه ودرسو لكن تفكيرهم تفكير يهال..

يمكن مستواه التعليمي عالي.. لكن فاشل في حياته الاجتماعيه والعمليـــه !!

ترى ( الجندي ) انسان ولازم ننظر في اخلاقه وتفكيره وطريقه تعامله !! ..

ويستاهل انه ياخذ جامعيه .. اذا كان محترم وطيب ..

وما زلت في انتظار المزيد والمزيد من الردود..!!

[بو جابر]

اهم شي بالزوج

1- الاخلاق
2- الدين
3- القدرة المادية ع الزواج

[سمو الأميرة]

أخوي أسير العذارى ..

هل التفاهم بين زوج وزوجته يكون على اساس ما درسوه بلجامعه .. مثلا اذا كانت ماخذه بكالريوس هندسه معماريه !! وهو جندي .. ما بيقدرون يتفاهمون في حياتهم العاديه .. على الغدا او على الطلعه او على تربيه الاطفال .. علما بان هذا الجندي خلوق وداري بدينه وعارف ربه .. يعني مو ناقص خلق ودين .. والا ما بيقدرون يحلون مشكله عائليه بسيطه .. والا ما بيقدرون يتفاهمون على ميزانيه البيت !!

مدري احس ان المسأله مسأله تفاخر .. وان الجندي اقل رتبه من غيره فما له الاحقيه ان يتزوج بنت اعلى منه مستوى تعليمي !

هل لان ما دش الجامعه ما بيقدر يفتح بيت ويربي اعيال !! ..

ما اشوف الي يالسين (البعض )يدرسون بجامعه البحرين .. يتميزون بشي .. !!

بس الفرق بينهم وبين الي يشتغلون في الجيش .. ان معاشاتهم بتكون ازيد !!

اما اذا بتقارنلي بين مستوى تفكير هذا وذاك .. اعتقد ان ما تقدر تحكم على عقليه الشخص الا بلمواقف الحياتيه .. مو الشهاده الجامعيه !!

واترقب ردود الباقين ..

[مرجوجة كووول]

يكفي انو انتي ذكرتي الأشياء المهمه الاخلاق فقط لا غيرر :rolleyes: لانو هالحين نادر ماتشوفين ناس محافظه على اخلاقهاا ودينه بس ياكثر اللي تلاقيهم ماسكين هالشهادات الجامعيه ويفتخرون فيها بدون اخلاق بدون دين وش الفايده بالله انا اقولك دامك ذكرتي الاخلاق وهي اهم شي مافي شي يعيبه ودامه يشتغل شغله محترمه الحمدالله يقولك الانسان بلا أخلاق كالشجره بلا أوراق :vip_shhho

<<< أخصصص ياحركاااات قمت اضرب امثال :rolleyes: احم احم

[سمو الأميرة]

ما قصرتوا ..

وبعد أطمع في ردود اكثر :blush:

[بــنـت الـنــور]

ماعندي اي مانع اني اتزوج هالشخص

اهم شي انه محترم ومن عايله محترمه ويعرف ربه

شفيها يعني لو الواحد اشتغل جندي :vip_kreh:

[اسير العذارى]

أخوي أسير العذارى ..
هل التفاهم بين زوج وزوجته يكون على اساس ما درسوه بلجامعه .. مثلا اذا كانت ماخذه بكالريوس هندسه معماريه !! وهو جندي .. ما بيقدرون يتفاهمون في حياتهم العاديه .. على الغدا او على الطلعه او على تربيه الاطفال .. علما بان هذا الجندي خلوق وداري بدينه وعارف ربه .. يعني مو ناقص خلق ودين .. والا ما بيقدرون يحلون مشكله عائليه بسيطه .. والا ما بيقدرون يتفاهمون على ميزانيه البيت !!
مدري احس ان المسأله مسأله تفاخر .. وان الجندي اقل رتبه من غيره فما له الاحقيه ان يتزوج بنت اعلى منه مستوى تعليمي !
هل لان ما دش الجامعه ما بيقدر يفتح بيت ويربي اعيال !! ..
ما اشوف الي يالسين (البعض )يدرسون بجامعه البحرين .. يتميزون بشي .. !!
بس الفرق بينهم وبين الي يشتغلون في الجيش .. ان معاشاتهم بتكون ازيد !!
اما اذا بتقارنلي بين مستوى تفكير هذا وذاك .. اعتقد ان ما تقدر تحكم على عقليه الشخص الا بلمواقف الحياتيه .. مو الشهاده الجامعيه !!
واترقب ردود الباقين ..


أختي سمو الأميره مانختلف أبدآ إن الأخلاق والدين أهم شي,,,,
لكن من واقع خبرتي (كني صاير شايب الحين).. ومن واقع المجتمع
ومن اللي أشوفه..زواج البنت من شخص مستواه التعليمي أقل
منها يكون فاشل فأكثر الحالات... بيكون فجوه في التفكير..
صدقيني تفكير الشخص الجامعي يختلف فالحياه
كليآ عن الشخص اللي مو بخريج جامعه...
أنا أتعامل مع مختلف أنواع الناس ..وعندهم مختلف الدرجات العلميه
دايمآ الشخص الجامعي يكون تفكيره أرقى وأهدى..
لو لااحظتي مستحيل يكون في وزير فالعالم مو بجامعي
وللمعلوميه كل وزرا دول الخليج تقريبآ عندهم شهادات من الخارج..
ماهو بس لأجل العلم .. لكن لأجل الخبره فالحياه أيضآ..
يعني ممكن الجامعيه تتزوج خريج ثانوي ويكون طيب
وحبوب وولد ناس... لكن لابد بيكون بينهم فجوه فالتفكير
بتنغص عليهم حياتهم.. أنا بصراحه ماعرفت إنسان أو إنسانه إلا
وتكون نصيحتي الأولى له إنه يكمل دراسته فاالجامعه.. وتحياتي لك..

[AмooиУ]

اييييي عااااااااااااادي اشفيه الجندي اهم شي الاخلاق و التربيه والصلاة

[Sho0shi]

:unsure: امممم مادري :unsure:
صج اهيا الشغلة ما فيها شي
لكن .. مادري :unsure:
يعني صراحة الحين كل من هب او دب
ما عنده شهاده دش الجيش :n:
آحس كل الي يشتغلوون فالجيش فاشلين
مو مكملين دراستهم :_confused
او في بعض البنات ما يوفقون لان معاشاتهم ضعيفة
شلوون بيقدر يتقدم حق وحده اذا معاشه ضعيف :11eatdrop
والله مادري ما قدر اناقش هالموضوع :11eatdrop
مشكوورة على الموضوووع:flowers:


بالضبط رايي من رايج:mf_wink:

مادري صح كلامج كوكي كل هب ودب دش الجيش يعني حتى اللي ماعنده

شهادة تخرج دخل الجيش
فمادري:vip_haha:

[~ εммo ~]

جندي شـريف ولا الف ظابط ولا غيـره مب شـرفاء ومب زينين بحقـي ..

:mf_wink:

[MR__MERCEDES]

اهوة مافيها شي بس اكثر البنات يقولون لك

لا انه اتزوج جندي...........

انه اعرف وايد منهم متزوجين او الحمدالله

مرتااحين ويا مرتهم

[سمو الأميرة]

صح كلامك ..

مادري شيفرق الجندي عن غيره..

الدنيا فانيه والمفروض البنات يفكروووووون بطريقه أرقا من جذي ..

وحده قالت لي سالفه عن اثنين كانو بيتزوجون بس يوم الولد قال حق البنيه ما بسويلج عرس في فندق رفضته!!

اذا الريال زين .. تشترينه .. مو تبيعينه .. عشان سبب تافه !!

الله يهدي بنات هلزمن .. ويصحيهم من النوم الي اهمه فيه !


... وبعد آبي ردود.. !!

[القيصر]

الجندي ممكن يطور روحه و يصير جامعي بمساعدة مرته الجامعية :vip_haha:

[سمو الأميرة]

صح.. !!

كل شي قابل للتغيير ..


أهم شي معدن الشخص نفسه ..

أنتظر ردودكم .. الباقين !! >_>

[أسووله]

يعني اشفيه الجندي اهم شي شغله شريفه
الرياييل مب بشغالهم و مناصبهم بس هالزمن كل شي صاير بالمعكوس الناس يجوفون لفلوس و المناصب و ماعليهم من شي ثاني

انه عادي عندي اهم شي الاخلاق و ماهتم في المظاهر الجذابه :n:

[CooKie]

بأختصار شديد

ذكر في القرآن
ان لازم البنت تتزوج واحد نفس مستواها او ارفع بشوي
لانها تعودت على عيشه معينه
و يمكن هالجندي مايقدر يوفر لها الاشيه اللي اهيه تعودت عليها و تربت عليها
لكن في حال انه يقدر
اوكي عادي

[سمو الأميرة]

ارفع مستوى من الناحيه الماديه !!

ترا الجندي راتبه يوصل 400 دينار !!

ومع السنوات ممكن يزيد ..

بس في هلزمن البنت تدرس وتشتغل علشان تحسن الاوضاع الماديه ..

وتساهم في مصرف البيت ..

بس فكروا يا بنات .. عدل .. لان الزواج مو وناسه أول الايام.. لا .. الزواج يعني تربين اعيال وتكبرينهم وتدرسينهم .. وتطبخين في البيت وتعبين عمرج عشان اعيالج ايصيرون الاحسن .. مسؤوليات الله يحاسبج عليها.. ترى الاوضاع تغيرت وتفكير المتزوجين تغير .. لا اهتمام ولا تربيه صالحه .. اعوذ بالله من شر هلزمن !! وبلاويه !!

السالفه ترى مب هينه ..

أختاري الزوج الطيب الي يعينج على تربيه اعيالج ويهتم فيج ..

ساعات ايوونج ناس يخطبونج تستخسرين تردينهم لانه اخلاقهم راقيه ..

والي مثلهم في هلزمن نادر..

واتمنى ان وصلت لج الفكره ..

......................

في انتظار ..

الردود !!

[CooKie]

فكري فيها 400 دينار
شبتسوي لج هالايام
لتنسين ان نسبة السلع و المواد الغذائيه في البحرين ارتفعت الى نسبة 40%
مادري جنه اكثر بعد
و البيت وين بيسكني؟
و العيال شلون بيصرف عليهم؟
و اغراض البيت من ماجله و غيرها
و الكهربه
و الفواتير
كل ذي ب 400 دينار ؟

اوكي في ناس طيب و اخلاق و صيت و سمعه
نفس مستواي المعيشي
يعني اقولهم لا و اخذ الجندي؟

فكرو بالعقل مب بالقلب
هالايام الاوادم ماتفكر الا بقلبها و بعدين تتحسف

دورو اللي من ثوبكم بأختصار شديدددددددد
و هذي وجهة نظري

[القيصر]

ذكر في القرآن
ان لازم البنت تتزوج واحد نفس مستواها او ارفع بشوي
لانها تعودت على عيشه معينه

وين ذكر في القرآن هالشي؟

[El '3ala]

تسلمين اختي على الموضوع
ومو عيب ان آخذ جندي بس المهم ان مايكون فاشل وماعنده حتى ثانوية لان بجذي بيكون تفكيره اقل مني وماباعرف اتعامل وياه السالفه مو سالفه الشغله السالفه اهيه مستوى التفكير والمستوى الدراسي هذي تره نقطه مهمة واهيه اساس التفاهم بين الاثنين....
يعطيج العافيه الغاليه
ولاهنتي

[جاسوسة المحرق]

مادري ليش بعض الاخوات اطلقو عليهم انهم فاشلين ؟؟
يا ناس ما يصير الانسان يكون فاشل في حياته كلها
يعني فاشل في الدراسه اوكي
لكن اكيد في شي ثاني هو ناجح فيه
وثاني شي اشفيه الجندي ؟؟
راتبه ضعيف ؟؟
يعني عيالنا احنا وين يشتغلون غير انهم جنود في الجيش ؟؟
حتى ألي عندهم شاهادات جامعيه تجوفونهم جنود في الجيش
لأن الشغله الوحيده ألي الحين موجوده للبحرينين
اما باقي الاشغال ما يحتاي اكمل من يشتغلها

يعني كلكم الحين تبون واحد مدير في شركه او موظف في شركه
او راعي مال او عنده معرض او او او او ..الخ
عيل حطو في بالكم عيا ااغنياء ما ياخذون الا عيال الاغنياء
و اغلبيتهم ياخذون بعض يعني عيال عم و عيال خال عن الورث
نادر ما نجوف ناس غير

يعني باختصار انا اقول ..!!
اقبل اني اخذ جندي لأن حده عاااااااادي
و حتى لو كان مستواه التعليمي اقل مني
هذي ما يمنع اني اخذه لأن بأمكاني انا اذا بطريقتي اخليه يخلص
وحتى اذا ما خلص كفايه انه محترمني و مهتم فيني و خايف علي و يحبني
شبيفيدني الضابط و لا غيره اذا ما كان يحترمني و ما يخاف علي ولا يحبني ؟؟

الانسان بأخلاقه مو بماله و جماله

و اذا على معاشه ضعيف
ما اعتقد هو بيقصر في صرفه علي في الاشياء الضروريه
لكن انا اذا بغيت شي اشتغل و ايبه حق نفسي و اصرف على نفسي
مرده الجندي هذي بيترقه و بيترفع
و اعيش مع واحد على خبز و ماي و براحه بال
ولا اعيش كل يوم عيش و لحم و انا مو مرتاحه

شكرا على الموضوع
بس يا ريت من يلغبونهم بالفاشل يعيدون النظر لأن الي يفشل بدراسته مو يعني فاشل بحياته

[Emany]

ماتفرق ضابط ولا جندي,, كلهم فالعسكريه :aa_crazy:

وانه صراحه ماقبل الزواج لا بجندي ولا ضابط.. اذا باتكلم عشان السبب يبيلنا موضوع ثاني :shhh: ..


مع احترامي لجميع سواء جندي ولا ضابط :flowers:

[مخلصة وبايعتها]

رايي من رايج بنت النور .. :vip_imwit

مافيها شي اذا كان جندي .. لأنه هالشغلة مو عيب ولا حرام بالعكس ..
واهم شي اخلاقه و دينه مو الشغلة لأن اذا بناخذ على الشغل كل وحدة تبي ولد ملك او وزير او مدير او رجل اعمال .ز. انزين و بيتمون الجنود يعني مالهم رب ... لا الصراحة انه اوافق اذا كانت اخلاقه مثل ماتقولين لأن نادرا ما تحصلين صبيان في هالزمن ما عندهم سوالف ..


و شكرا على الموضوع ...

[مخلصة وبايعتها]

مادري ليش بعض الاخوات اطلقو عليهم انهم فاشلين ؟؟
يا ناس ما يصير الانسان يكون فاشل في حياته كلها
يعني فاشل في الدراسه اوكي
لكن اكيد في شي ثاني هو ناجح فيه
وثاني شي اشفيه الجندي ؟؟
راتبه ضعيف ؟؟
يعني عيالنا احنا وين يشتغلون غير انهم جنود في الجيش ؟؟
حتى ألي عندهم شاهادات جامعيه تجوفونهم جنود في الجيش
لأن الشغله الوحيده ألي الحين موجوده للبحرينين
اما باقي الاشغال ما يحتاي اكمل من يشتغلها
يعني كلكم الحين تبون واحد مدير في شركه او موظف في شركه
او راعي مال او عنده معرض او او او او ..الخ
عيل حطو في بالكم عيا ااغنياء ما ياخذون الا عيال الاغنياء
و اغلبيتهم ياخذون بعض يعني عيال عم و عيال خال عن الورث
نادر ما نجوف ناس غير
يعني باختصار انا اقول ..!!
اقبل اني اخذ جندي لأن حده عاااااااادي
و حتى لو كان مستواه التعليمي اقل مني
هذي ما يمنع اني اخذه لأن بأمكاني انا اذا بطريقتي اخليه يخلص
وحتى اذا ما خلص كفايه انه محترمني و مهتم فيني و خايف علي و يحبني
شبيفيدني الضابط و لا غيره اذا ما كان يحترمني و ما يخاف علي ولا يحبني ؟؟
الانسان بأخلاقه مو بماله و جماله
و اذا على معاشه ضعيف
ما اعتقد هو بيقصر في صرفه علي في الاشياء الضروريه
لكن انا اذا بغيت شي اشتغل و ايبه حق نفسي و اصرف على نفسي
مرده الجندي هذي بيترقه و بيترفع
و اعيش مع واحد على خبز و ماي و براحه بال
ولا اعيش كل يوم عيش و لحم و انا مو مرتاحه
شكرا على الموضوع
بس يا ريت من يلغبونهم بالفاشل يعيدون النظر لأن الي يفشل بدراسته مو يعني فاشل بحياته




عشتي جاسوسو ... على الرد الروعة ... الصراحة انا اوافقج الرااي 100% ... انتي جوهر تفكيري بالضبط .... :vip_imwit :vip_imwit

[سمو الأميرة]

فكري فيها 400 دينار
شبتسوي لج هالايام
لتنسين ان نسبة السلع و المواد الغذائيه في البحرين ارتفعت الى نسبة 40%
مادري جنه اكثر بعد
و البيت وين بيسكني؟
و العيال شلون بيصرف عليهم؟
و اغراض البيت من ماجله و غيرها
و الكهربه
و الفواتير
كل ذي ب 400 دينار ؟
اوكي في ناس طيب و اخلاق و صيت و سمعه
نفس مستواي المعيشي
يعني اقولهم لا و اخذ الجندي؟
فكرو بالعقل مب بالقلب
هالايام الاوادم ماتفكر الا بقلبها و بعدين تتحسف
دورو اللي من ثوبكم بأختصار شديدددددددد
و هذي وجهة نظري


آقول يلغاليـــه .. الفلوس مثل الوصخ اقدر احصلها..

وبعدين اذا الوحده تشتغل .. وراتبها حلو .. ما بتحتاج حتى حق ال400 دينار !! ههه

وين باسكن .. في بدايه حياتي وبدايه تكوين الاسره افضل اني اعيش ضمن عايله في بيت اهل زوجي..


بس قوليلي .. شلوون اقدر احصل واحد متربي واخلاقه راقيه .. نادر ما احصل ..

الحين اي اهم الفلوس والا الاخلاق ..

وللعلم ..

الواحد يقدر يدور على مدخول اضافي عشان يصرف على البيت .. من مشاريع تجاريه .. وهوايات ..

يعني مو صعب انج تحصلين هلفلووس.. !!!


بنت عايله ولي سمعه .. لي شغلتي المحترمه ولي انشطه وفعاليات في اماكن مخلتفه .. كل الاشيا ما تمنع اني اخذ شخص محترم .. راتبه 400 وزود !!

وبعدين الثوب .. مو فلوس ومستوى اجتماعي!!

الثوب انه عربي مثلج .. انه ولد عيله تناسب عليلتج.. الثوب ان اخلاقه مثل اخلاقج..

اخذيها بالعقل ولا تفكرين في الماده.. ترا الي عنده فلوس باجر ما عنده ..

والي عنده قلب ابيض بيدووم لج ..

اكثر من الي عنده وتيي منه مشاكل..



في هلزمن للأسف!!


صعب تلقين ريال بمعنى الكلمه !!


من يأديدني الراي.. ومن يأيدها..

اترقب الردود .. :vip_imwit

[Zombie]

أولا مشكورة على الموضوع اختي .. ..

احس اذا كان عنده شهادة على الاقل ثنوي راح ارضه ..

اذا كنت احبه اكيد راح ارضه ..

صح معاشاتهم ضعيفة بس انا اكيد راح اشتغل و بساعده ..

و بعدين نحط فلوووسي على فلوووسه و نسوي لنا مشروع على قدنا اييب لنا دخل ثالث غير معاشي و معاشه ..

:blush:


و بس ..


يسلمووووو :flowers:

[حمد777]

الجندي ممكن يطور روحه و يصير جامعي بمساعدة مرته الجامعية :vip_haha:

وفوق ذي ياخوي حتى الجيش يصرف على الجندي

للدراسة لو وين يبي انا اعرف جندي الجيش يصرفون علية مبلغ 8000 دينار للدراسة

[القيصر]

وفوق ذي ياخوي حتى الجيش يصرف على الجندي
للدراسة لو وين يبي انا اعرف جندي الجيش يصرفون علية مبلغ 8000 دينار للدراسة

المشكلة الناس مسوين لهم دورة حياة (ستاندرد):
1- الدراسة الجامعية (إن وجدت).
2- أول ما يخلص الدراسة ياخذ قرض حق السيارة.
3- قبل لا يخلص قرض السيارة ياخذ قرض ثاني حق الزواج.
و بعدين قرض يسحب قرض لين يدفعونهم الورثة عقب وفاته.

نفرض ان عندنا جندي مخلص الثانوي. نادر ما تحصل واحد ايمع فلوسه عشان يواصل دراسته في المسائي أو حتى بالانتساب. على طول يدخل روحه في دورة حياة المواطن العادي. و طول هالفترة ما تحصله يطور روحه أو يحاول يطور روحه.

ترا المشكلة مب في قلة الفلوس, المشكلة في سوء التصرف بها, و الناس ما عندهم الا يا حكومة عطينا و يا حكومة زيدينا, و قليل ما تحصل واحد يفكر يطور روحه بروحه. :vip_haha:

[جاسوسة المحرق]

ماتفرق ضابط ولا جندي,, كلهم فالعسكريه :aa_crazy:
وانه صراحه ماقبل الزواج لا بجندي ولا ضابط.. اذا باتكلم عشان السبب يبيلنا موضوع ثاني :shhh: ..
مع احترامي لجميع سواء جندي ولا ضابط :flowers:


انا عن نفسي ما حددت بس ضابط
كنت اقصد
ضابط - مدير - وزير - وكيل - اي شي من ذيلين

شبيفيدج أذا طلع واحد ما يخاف الله ولا يحبج ولا يحترمج و معيشح في تعاسه

ما اقول لج كلهم بس الاغلبيه

واحنا نجوف بيعيوونا والله

[جاسوسة المحرق]

آقول يلغاليـــه .. الفلوس مثل الوصخ اقدر احصلها..
وبعدين اذا الوحده تشتغل .. وراتبها حلو .. ما بتحتاج حتى حق ال400 دينار !! ههه
وين باسكن .. في بدايه حياتي وبدايه تكوين الاسره افضل اني اعيش ضمن عايله في بيت اهل زوجي..
بس قوليلي .. شلوون اقدر احصل واحد متربي واخلاقه راقيه .. نادر ما احصل ..
الحين اي اهم الفلوس والا الاخلاق ..
وللعلم ..
الواحد يقدر يدور على مدخول اضافي عشان يصرف على البيت .. من مشاريع تجاريه .. وهوايات ..
يعني مو صعب انج تحصلين هلفلووس.. !!!
بنت عايله ولي سمعه .. لي شغلتي المحترمه ولي انشطه وفعاليات في اماكن مخلتفه .. كل الاشيا ما تمنع اني اخذ شخص محترم .. راتبه 400 وزود !!
وبعدين الثوب .. مو فلوس ومستوى اجتماعي!!
الثوب انه عربي مثلج .. انه ولد عيله تناسب عليلتج.. الثوب ان اخلاقه مثل اخلاقج..
اخذيها بالعقل ولا تفكرين في الماده.. ترا الي عنده فلوس باجر ما عنده ..
والي عنده قلب ابيض بيدووم لج ..
اكثر من الي عنده وتيي منه مشاكل..
في هلزمن للأسف!!
صعب تلقين ريال بمعنى الكلمه !!
من يأديدني الراي.. ومن يأيدها..
اترقب الردود .. :vip_imwit

أنا أأيدج و بقووه بعد :blush:

[حمد777]

المشكلة الناس مسوين لهم دورة حياة (ستاندرد):
1- الدراسة الجامعية (إن وجدت).
2- أول ما يخلص الدراسة ياخذ قرض حق السيارة.
3- قبل لا يخلص قرض السيارة ياخذ قرض ثاني حق الزواج.
و بعدين قرض يسحب قرض لين يدفعونهم الورثة عقب وفاته.
نفرض ان عندنا جندي مخلص الثانوي. نادر ما تحصل واحد ايمع فلوسه عشان يواصل دراسته في المسائي أو حتى بالانتساب. على طول يدخل روحه في دورة حياة المواطن العادي. و طول هالفترة ما تحصله يطور روحه أو يحاول يطور روحه.
ترا المشكلة مب في قلة الفلوس, المشكلة في سوء التصرف بها, و الناس ما عندهم الا يا حكومة عطينا و يا حكومة زيدينا, و قليل ما تحصل واحد يفكر يطور روحه بروحه. :vip_haha:


عدل كلامك ياخوي المشكلة بعد موشرط جندي حتى اذا الواحد راتبة ضعيف يقوم ياخذلة سيارة سعرها فوق وعقب احنا ليش جذي وليش مايزيدون راتبنا واحنا وحانا

والزواج بالقرض مافي بركة لانه القرض فلوس حرام لو الواحد يفكر بجمعية وايد ابرك فلوس حلال

ومثل ماقلت المشكلة سوء التصرف

وياما ناس جامعيين مايعرفون يتصرفون

[سمو الأميرة]

أنا ما كنت اتكلم عن انه عن حب.. لا السؤال واضح لو خطبج .. لان اذا حب احتمال الواحد ياخذها بلعاطفه ...

ركزوا في السؤال .. وانا حددت في السؤال ان اخلاقه عاليه .. واكيد متخرج من ثانويه .. انا ما اقصد الي طالعين من المدرسه ..


في انتظار ردودكم ..

[غزالة البحرين]

أقبل في حالة ان هالشخص يناسبني و عقله منفتح اما اذا متخلف و ر جعي لا لا لا :lac:
و ع الاقل يكون عنده شهادة الثانوية ..
و طبعاً أهم شي لازم يكون فيه مميزات تخليني اوافق عليه.. يعني يكون شخص محترم و خلوق و فيه مواصفات تعجبني و تخليني أقبل أرتبط فيه..
بالنسبة للراتب فهاي رزق من الله و شطارة بعد من الواحد و كل واحد يحصل على قد جهده و تعبه و إذا هو مجتهد و يشتغل على روحه ممكن يطور من نفسه و ياما ناس ابتدوا من الصفر و بعدها وصلوا لي أعلى المراتب بس اهم شي الطمــوح :vip_imwit و أنا إنسانة طموحة و أحب إن شريك حياتي تكون فيه هالصفة :mf_wink:

[بنت الاصايل]

:11eatdrop انا عن نفسي عادي اتزوجه بس لو فكرت في عيالي عقب طبعا بارفض

لان مابعيشون نفس العيشه اللي انا كنت عايشتها

و شغلت الجندي في النهايه راتبها قليل

يعني مابقدر اتزوجه

[سمو الأميرة]

هذي اذا المره ما تشتغل..

لكن اذا المره تشتغل!!

شلمانع !!:_confused

والا تبخل تساعد بمعاشها ..

[..•°المحرق أنا قمرها°•..]

ليش ما اخذه شفيهم الجنود
مب ريايل وعليه كاهم يكدون ويشتغلون
بس لان راتبهم ضعيف
لا بالعكس
اهم شي ولد ديرتي ويبيني وشاريني ويخاف علي
وخلووووووق
والله الا اتشرف فيه واخذه واحطه في عيني
:blush: :blush:
شالفايده اخذ واحد عنده فلووس يعزني ويرزني
واهم مايحترمني ولايقدرني
كل يوم معا وحده

ما اتكلم عن الكل
بس هالشي صاير
اهم شي الاخلاق
واما الفقر
((خذوهم فقراء يغنيكم الله))
راتبي على راتبيه يعيشنه ونحمد ربنه
بس اهم شي بينه الاحترام والتفاهم

تسلمين على الموضوع الشيخه

[teddy bear]

يعني محترم و مايدخن وين تحصلون هالصفات هالايام و ماكلم بنيه يعني الشخص ماينخاف منه :musl: و شفيها اذا كات جندي هاذي الجندي مارده بيترفع:vip_imwit

[جاسوسة المحرق]

أنا ما كنت اتكلم عن انه عن حب.. لا السؤال واضح لو خطبج .. لان اذا حب احتمال الواحد ياخذها بلعاطفه ...
ركزوا في السؤال .. وانا حددت في السؤال ان اخلاقه عاليه .. واكيد متخرج من ثانويه .. انا ما اقصد الي طالعين من المدرسه ..
في انتظار ردودكم ..

محد فكر فيها عاطفياً
كلنا قاعدين نفكر بعقولنا

لأن اذا عاطفياً وايد اشيااء بتتغير
يعني ابسط مثال لو وحده حبت جندي بتتحدى العالم كله عشان تاخذه
و الله لو شنو هو بتاخذه

بس عقلياً : احنا نوافق على الجنود اذا كانو متربين و الاخلاق ماعليها كلام و محترمين

اخذ الفقير الي يحترمني و يقدرني
ولا غني يعزني و هيني في نفس الوقت

[سمو الأميرة]

عدل كلامج ..

[!!جمال الروح!!]

اختي الغاليه ..


الفلاح والصواب في سنة رسولنا الكريم وامره ..

قال الرسول صلى الله عليه وسلم :

" اذا اتاكم من ترضون دينه وخلقه فزوجوه ... " الحديث

والغنى والرزق كله بيد رب العالمين والشغل مثل ما نقول مهب عيب ..

الرسل والانبياء كانت اعمالهم بسيطه ومتواضعه ..

اللي كان حداد واللي كان راعي غنم و ...


والرسول الكريم عليه الصلاة والسلام يقول :

" خذوهم فقراء يغنهم الله "


وجزاج الله خير

وعسى الله يوفقكم جميعا ويكتب لكم اللي فيه الخير والصلاح ..

:flowers:

[MiGo]

والله اختي الصراحة الموضوع مهم

والجندي شفيه ماله رب , الجندي شغله عادية احسن من غيرها ولاتنسون ان في ضباط يعتمدون على الجنود في كل شي ، يعني في جنود عندهم دورات تدريبية على كيفية الشغل وعلى الكمبيوتر واحين بعد يدرسونهم انجليزي . وبعضهم ثقافتهم عالية. وانا اعرف جندي متزوج دكتورة (طبيبة) والحمدلله عايشين احسن عيشة .
وبالعكس هذي الشيء مايقلل من قيمة الريال اذا كان مصلي واخلاقة عالية ومتفهم حق الحياة .
لأن الاسلام وضع اول شرط للزواج الدين .

ولكن مع الاسف ان الوضع الي عايشينه احنا حاليا كله مظاهر يعني الوحدة تشرط تبي زوج (فول اوبشن ) وبعضهم تسوي مقارنة مع زوج اختها او رفيجتها عشان تكون احسن منها .

ولا بعضهم تبي تسوي عرسها احسن عرس في العالم فتطلب مهر وايد وعرس ومسرح وحلويات وشغلات العرس من برع .

فمن هل السبب الرياييل اكرهوا الزواج بسبة متطلبات العرس ( مافي اوجع من الم الضرس الا الم العرس) ومن جذي زادت العنوسة .

فلازم الوحدة تفكر في الزواج بشكل واقعي وتفكر في المستقبل ماتطلب اشيا تعجيزية والزوج ياخذ قروض حق الزواج بعدين يتم يدفع اديون العرس طول عمره.

[CooKie]

يعني محترم و مايدخن وين تحصلون هالصفات هالايام و ماكلم بنيه يعني الشخص ماينخاف منه :musl: و شفيها اذا كات جندي هاذي الجندي مارده بيترفع:vip_imwit


:9adma: :9adma:

:closedeye :closedeye :closedeye

صدمتني الصراحه

مافي الا اهمه اللي طايحين مغازل في البنات
و قصة حب
قيس و ليلى

تحجى بالمنطق اخوي

[ريح العود]

اكثر البحرينيين جنود:teehee:

والنعم فيهم كلهم

[ترى كشخة]

:walen: اشفيها يعني

كافي انة من عايلة ومحترم خخخ اشتبين اكثر من جذي

:n: هذا انتو يلعرب بس تبون اتكبرون انا زوجي جذي والثانية ترد تقول انا زوجي جذي خخخخ حالتكم صعبة

:vip_imwit يبة والله مافيها شي كافي انة محترم واخلاقة طيبة

تسلمين اختي

[CooKie]

اشدخل انا زوجي جذي و انا زوجي جذي

احنا نفكر بالمنطق
اوكي اذا بتزوج جندي عادي
انا و اهوه ننياز

لكن لي ياو العيال شلون اصرف عليهم من وين؟
400 دينار ؟

الله يسلمك بس

[الشهد]

أنا الصراحة يوم كانوا يخطبوني ضباط أو في الجيش

كنت أرفض :unsure: بس ليش

لأني كنت أجوف حال رفيجاتي الي تزوجوا شباب في الجيش وضباط

دوام شفتات .. ما يقعد معاها .. في الدوام وأول ما يرجع على طول نووووووم

وساعات يقعد في الشغل بالأسبوع او الأسبوعين

إذا كان عندهم تدريب أو كورس ..

غير أن بعضهم يطرشونهم الخارج يدرسون بالسنة و السنتين :Doh:

وبعضهم ما أقول كلهم .. بعضهم من البلاوي الي يسمعونها من ربعهم في الشغل عن البنات و المسخرة والشرب .. يصيرون شكاكين وايد وما يرضون زوجتهم تشتغل أو تطلع بروحها مكان :mad:

أنا حصلت زف من أبوي لما كنت أرفض الي في القوة .. بس قلت له أبي زوج دوامه عادي الصبح في الشغل و بعدها يكون موجود معاي .. ما أبي يمر أسبوع وأثنين وهو في الشغل أو في حوار أو في ديرة برع :vip_b9eee

ما أبي أقعد بروحي في الشقة .. أو أشيل أغراضي وأرقد عندكم كل ما طلعت عنده وظيفة أو مبيت في حوار للتدريب و غيره :boz:

[Mo7eB eL5aieR]

قال الرسول الكريم عليه الصلاة والسلام :

الحديث الاول :

" من جاءكم من ترضونه دينه وخلقه فزوجوه "

والحديث الثاني

" يا معشر الشباب من استطاع منكم الباءة فليتزوج ،
ومن لم يستطع فعليه بالصوم فإنه له وجاء "

ومعنى الباءة هو الإستطاعه والقدرة على :


1- توفير المسكن المناسب.
2- توفير النفقات التي تتعلق بالمأكل والمشرب.
3- توفير الملبس اللائق بالزوجة.


دام توافرت في الجندي هالامور
خل البنيه تتوكل على الله


:_Salam:

[أم لسانين]

بصراحة دام كل المواصفات هاذي فيد ليش ارفضه والشغل في الجيش مب عيب اهم شئ خوش ريال وعارف ربه

واحسن من ضابط وماعنده خالاق

ومشكور اخوي على الموضوع

[مزيون الدواسر]

شوفي اختي انا بقولج شي اولا (الرجال مخابر وليس مضاهر)

وثانياانصح البنت الي بيتقدم لها مثل هذا الرجل ومثل المواصفات الي قالت عليها اختي الاميره
انصحها انها توافق لان الحين مو مثل اول الحين ما تلا قين الشخص الكامل
والبنت تبي الستر طبعا ولالا

وهذا الي عندي وشكرا ياالامير على الموضوع لان مفيد جدا والله

[لاملاك ولا بشر]

ايي عااادي كلش عاااادي

[قدساويه_كويتيه]

احلى شي لأنه اتحسينه ريال صج وان اهوه فدائي ويعني طبعا طبعا :flowers: :flowers:

[سمو الأميرة]

:vip_imwit