يبونها تاخذ قرض !!

[سمو الأميرة]

السلام عليكم ..


شلوونكم يا اعضاء منتدى بحرين vip ..


اليوم وحده اشتكت لي .. وقالتي عن مشكلها ويا بيتهم !!

وعورت قلبي !!


ما عرفت اشلون اواسيها أو اساعدها !!:_confused




اهيا تبي تشتغل .. وهي بنيه صغيره .. قدي..


تبي تشتغل علشان تحصل فلووس .. تصرف على روحها .. وما تبي تطلب من اهلها بيزات ..

المهم !!

تخيلووو .. يوم حصلت وظيفه ..

قالت حق بيتهم .. الا يقولون لها..

أوكي اشتغلي بس هلسياره الي شريناها لج لا تستخدمينها هذي سياره البيت !!

حقج وحق اخوانج !! باجر بيروحون الجامعه .. وانتي طلعيلج سياره ثانيه ..

================================================== ========


(( الواحد اذا يحب عياله ما يخلي عليهم قروض))
علاقل يتشاورون العيله مع بعضهم ويشوفون حل بس ما يخلون البنت تاخذ سياره بالقرض !! .. يعني يتساعدون ..لو سياره وحده في البيت مو مشكله .. بس في اكثر من سياره ..واخوانها اذا بيروحون جامعه يقدرون ربعهم يمرونهم .. يعني مب مشكله هذي !
================================================== ========
لااااااااااويقولون لها ... !

اخذي قرض وطلعيلج !!

يعني المسكينه بدايه حياتها سيدا قرض !!

وهي بنت !!

حرام والله الي قاعد يصير فيها عورت قلبي !!!


اتقولي مو مشكله اذا خذيت قرض ..

وشريت سياره !! وبعدين وقت الي ابي اشتري السياره الي خاطري فيها

ابيع هلسياره

واخذ قرض ثاني ..

علشان السياره الي في بالي لانها غاليه !!

انا قلت لها ..

الواحد في بدايه وظيفته ..

ما يطلع قرض احسن ..

لان هلقرض بيسحب قرض غيره وغيره ..

وما بتخلص من القرض ذي الا وراحت حق قرض ثاني !!

يعني حرام الواحد يسوي هلحركه خصوصا بدايه تكوين نفسه ..

المفروض يتساعدون وياها وتقنعهم بكلامها !!


أنتو اشرايكم ؟؟؟؟:vip_b9eee

[ĵя7nŸ žMàЙҰ]

المفروض يتساعدون وياها وتقنعهم بكلامها !! :vip_imwit

[Riffa3ia_3NeEeDa]

مسكينه احس فيها والله الله يكون بعونها

المفروض يساعدونها

[يـغـار قـلـبـي ♥]

:vip_b9eee الله يكون بعونها عورت قلبي

[MR__MERCEDES]

عووورت قلبي والله

حرام يصير جذي

بس ما باليد حيله

او يسلمووووو

[Zombie]

:vip_b9eee :vip_b9eee

مسكيييينه ..

بس انتي هوني عليها ..


ترى معلييييه .. شي سهل ..

تستخدم سيارة البيت لي عقب 3 شهور ..

دامها تشتغل معليه تاخذ قرض حق سيارة انا اجوف ما فيها شي ,, لازم تعتمد على نفسها حتى لو في بداية حياتها ..

و تفكر ان بيتهم يحتاجون هالسارة حق اخوانها ..

بعدين اذا اخوها كبر و احتاج السيارة ؟؟ بيصير شربكة بينها و بينه ..

و لو اهية اصرت انها ما تاخذ سيارة

يعني ابوها لازم ياخذ سيارة ثانية ؟؟؟

حق اخوها او حق اختها ...

هني لازم اهيا تراعي ابوها صح او لاء ؟؟؟

دامها تشتغل تقدر تشييل رووحها بلا حنه و سوالف ..

قولي لها فهميها ان ما فيها شي لو خذت سيارة ...

و مب شرط تاخذ سيارة غالية في سيايير اقساطها اوكي ..

.....


و الله معاها انشالله ..

[el7azeena]

مادري والله

بس اهوه المفروض الواحد بداية حياته ما ييمع على ظهره قروض :n:

والمفروض بيتهم يساعدونها شوي يعني احين ما وقفت الا على هالسيارة انزين طلعولها سيارة صغيرة ومتى ما قدرت بتشتري سيارة >_> رايي:vip_haha:

[~ εммo ~]

مسكـينه ..

انا اتفق مع مس فطووم .. :mf_wink: خلها تستخدم السياره كبدايهـ وبعدين تجوف امورها اذا

اهي بتقدر على القرض او لا وماتدري يمكن ايها ولد الحلال ويتساعد وياها :mf_wink:



يسـلمو

[.::THe Princess::.]

خلنا نحسن الظن
اقصد يمكن صج ما عندهم عدد كافي من السيارات
يمكن عندها اخوان وخوات بالمدارس

يعني انا مثلا لما كنت بالجامعه كانت عندي سياره كل استخدمها بروحي بس لما السياره الثانيه وخلاص ، وما شاء الله ع بيتنا كل من يحتاج سياره وجذي احين ما عندي سياره

بس نصيحتي لها الشخصيه احين مو اذا وايد وايد محتاجه للسيتره خلها تطلع لها سياره مستعمله مؤقتا

وانتي حاولي بعد تهدينها وتنصحينها، ويمكن بيتهم صج ما يقدرون يطلعون سياره ، احين السيرات العدله ع الأقل 6000 ورايح

اصلا بصراحه احسن لها تشتري سياره تكون ملك لها وبس باجر بتتزوج وبعدين بييون العيال ،خل معقوله كل ساعه بتدش بجدال ويا بيتهم

[الشهد]

صديقتي متعذبة مع بيتهم .. لأن السيارة سيارتهم .. وكل فترة تصير مشاكل وحروب على سبة السيارة .. وما أرتاحت إلا لما طلعت لها سيارة خاصة بها .. صج نص راتبها تصرفه على قرض السيارة والبترول والسيرفس كل جم شهر .. بس نفسيتها مرتاحة والمشاكل قلت عن قبل وايد ..

الله يعينها صديقتج .. بس لا تشتري السيارة قبل ما تتأكد أنها تثبتت في الوظيفة .. لأن بعدين لو لا سمح الله ما توفقت في وظيفتها بتتعذب مع القرض .. وأقل شيء البنك بيسحب السيارة من عندها :unsure:

وخل تاخذ لها سيارة على قدها .. أقساطها تكون قليلة حتى ما تتعب بعدين

[- Girl -]

مسكينة والله

صج انه بيتها لازم يساعدونها بس احنا ما ندري ظروفهم

يمكن ما يكون عندهم انهم يطلعون سيارة

واهي اذا صج صج محتاجة خل تاخذ سيارة رخيصة تمشي الحال فيها

وانشالله عقب الله يسهل عليها

الله يعطيها على قد نيتها انشالله :2:

[بنت@@@القبايل]

انا اقول ممكن تخلي لهم السياره

و تتفق مع ذيله الباصات مال التوصيل

ما اعتقد المبلغ كبير حسب علمي

على ما تجمع لها مقدم زين و تشتري اللي تبي !

:vip_imwit

[أسيرة الثقة]

مادري بس هذي البنية مثل تفكيري الصراحة

انة ابي ادرس واشتغل واصرف على روحي ومابي اطلب من هلي بيزات ليمتى يعني

طموحي ادرس واشتغل واخذ قرض حق سيارة اللي خاطري فيها الصراحة
وليما اشتغل بستخدم السيارة اللي بيعطوني اياها بيتنا بس مابيها على طول
على الاقل بحس ابقيمة الشي اللي انة حصلتة ابتعبي

والف يسلمووووووووو ع طرح الموضوع

[قطري وشيخي حمد]

مايسوى عليها اشتغلت

سيده طقعو لها !! ومن ؟؟ اهلها !!

الله يعينها الصراحه

والله انا ماعرف شلون حالتهم الاقتصاديه عشان اقرر شنو لازم تسوي

بس اذا كانو ناس على قدهم ماقول غير انها تحاول تقنع اهلها او تاخذ لها سياره توديها وتجيبها لين ماتكون عندها القدره عالسياره الي فبالها


واذا كانو ناس عندهم الخير فأنا اقول خلها تاخذ قرض لا جذي ولا جذي هي مردها بتاخذ حق السياره الي فبالها

[وجه القمر]

اصلا الواحد ما يبي ياخذ له قرض بس قصبا عليه:aa_hosha: لان ظروف معيشتنا بصراحة مو ذاك الزود :n:

وخلونا واقعيين لان حتى لو اهي بتشتغل اليوم حق روحها يعني بس بتاخذ المعاش لها مابتساعد

اهلها >_> حتى لو في الربع القصد من كلامي انه يمكن صج ما عندهم سيارات كفاية:vip_haha: مثلا وقالوا لها

تاخذ لها سيارة يديدة تروح وترد على راحتها :biggrin23 يعني ما يتقيدون فيها ولا تتقيد فيها واهي عاد بعدين

خلها تتثبت وبعدين تاخذ القرض :_confused خلها تكزر بهالسيارةو لتقريبا ست او ثمان شهور من تتوظف:vip_drill

عشان تضمن وظيفتها وتالي تطلع سيارة وعاد لين طلعت السيارة مو من اول معاش بيقصون من

راتبها ....لا بيخلونها تستانس في سيارتها وفلوسها :aa_Shoppi شهرين وبعدين راح يبتدي قصاص الظهر:fi_025:

وعاد اهي تالي خلها توفر لها من صافي الراتب لينهاية الشهر وبالتالي راح تتعود على الوضع ويصير

عندها عادي اكو وايد ناس ماخذين قروض وعايشين الحمدلله ..... راتبهم كلش ضعيف ومتزوجين

ومرتبطين وحدهم مأيسين من الحياة وماخذين قروض الدنيا وعايشين اهي يعني مو متزوجة

ولا مرتبطة بشي يقيدها اهي سيارة مو لازم تاخذ اكشخ سيارة في العالم يعني يكون سعرها ذيج

الحجاية لا خلها تاخذ لها سيارة عميلة ورخيصة وتناسبها ويديدة في وايد وشكرا على الموضوع وآسفة على الإطالة .:akel:

[تسلل]

خل تاخذلها سياره مستعمله او تروح النقل العام بلاش

تحياتي

[ريح العود]

مسكين كل اللي عليهم قرض

سواء بنت ولا صبي

الله المستعان

[بنت الاصايل]

المفروض اساعدونها بالعكس يعني مب ياخذون منها

[!i!كــوكــي!i!]

ويـــه و عليـــه
الله يعينها :vip_b9eee

يعني شالاهل ذيله, سووري مع كل احترامي :_confused
يعني بدال ما يوقفون معا بنتهم , يسوون لها جذيه :11eatdrop

وانا آقول ما يحتاي تاخذ قرض
اتسلف من احد اتعرفه جمن بيزة
تاخذ لها سيارة مستعملة
لين ما تيمع لها من معاشها , و تسدد الي عليها
و تشتري السيارة الي اهيا تبيها :11eatdrop

[أسووله]

مسكينه كسرت خاطري الله يعينها
الحين اهمه ماخذين لها هالسياره بس المفروض تكون لها
شلون ياخذونها منها اول ماتشتغل ة الحين اللي اجوفه ان معظم الاهالي هلون يسون حق عيالهم
يعني انه من تخرجت من المدرسه خذوا لي سياره و صارت سيارتي و الحين يوم اشتغلت محد قال لي رجعي السياره لان من الاساس مطلعينها لي

و اهيه وعليه عليها توها تشتغل و السياره اقل شي اقل شي 8000 دينار اكيد ماعندها و بتاخذ قرض و بيقصون من راتبها 200 او 300 دينار على 6 او 7 سنين شنو بيتم لها ؟؟ و بتم تدفع في هالفلوس غير المصاريف الثانيه :mad:

الله يساعدها ان شاء الله

[El '3ala]

مسكييييييييييينه والله عورت قلبي
بس جوفي الشيخه تره وايد اهل هلوون مايتعاونون وعبالهم ان اشتغلت يعني خلاص تقدر تسوي كل شي بروحها يعني مايدرون ان بتصير عليها ضغوطات ... اختي انتي واسيها وهدي بالها .. ومانقول غير الله كريم

[توب سيكرت]

ليش ما تتفق مع ذيله الباصات مال التوصيل

ما اعتقد المبلغ كبير حسب علمي

على ما تجمع لها مقدم زين و تشتري اللي تبي !

او انها تدخل احد من الاهل علشان يقنعونهم يخلون لها السياره

((قصدي خالاتها او عماتها او احد من الموثوقين فيهم))

وانشاءالله خير

[حلم سالي]

انا في البدايه كنت استعمل سيارة الوالد وانا اكبر من اخواني وبعدين يوم انا اشتغلت لازم بعد بتكون ظروف البيت صعبه شوي وسيارة الوالد قديمه بعد يعني ثقيله انا ما اقدر عليها قمت وطلعت لي سيارة بس باقساط شهريه بدون مقدم بعد عشان امشي حالي فيها بس ماخذت لي قرض لان الوالد مابيرضى واكو الحين بعد سيارتي مو عاجبتني طاقه في راي جيب اقول حق بيتنا اخذوا سيارتي او ببيعها يقولون لي نطري لين اخوج يرجع من الخارج يمكن ياخذها وابوي يقول انه بياخذها مني السنه الجايه يكمل باقي اقساطها بس بعد ما اضمن ان هم بياخذونها السنه الجايه وصج متغربله في قسطها.
بس هي يمكن ظروف بيتهم صعبه شوي ولان هي تشتغل فقالوا لها انتي اخذيها لان لازم الكبير في العايله هو يتحمل المسئوليه واللي عقبه يرتاح يحصل فايده من اخوه العود او اخته بس هي جذي جذاك محتاجه حق سيارة ولازم تاخذ لها يا ان هي تدبر لها مواصلات مؤقت لين تجمع لها المبلغ المطلوب وتسوي جمعيه ب100 دينار وتقبضها الف دينار يعني في حلول وايد لها او ان اذا بيتهم حالتهم ميسورة بعد يساعدونها شوي الحين الدنيا كلها قروض وكلها ديون ما في احد مرتاح وانا من رايي ان تدر لها مواصلات من صوب الشغل او ان وحده توصلها وتعطيها مبلغ شهريا وتسوي لها جمعيه يعني مثلا تدخل بعدد كبير من المشتركين بالجمعيه علشان تحصل مبلغ اكبر وتدفعه كمقدم وتكمل باقي الاقساط يعني تخف ما عليها شوي لانها بالتاكيد بتاخذ لها سيارة مافي احد بدون سيارة وخلها تصلي استخارة بعد وتطلب من ربها ان كان لها خير انها تاخذ لها سيارة الحين او بعدين وبتشوف الله بيسر لها امورها.
ومسامحه طولت:11eatdrop

[القيصر]

و ليش اخوانها ما يبون يركبون في باص الجامعة أو النقل العام؟

تقدر بعد تاخذ لها سيارة مستعملة.

[سمو الأميرة]

الله المستعان ..

[زيــن الحــلا]

بيي انه اعرف اهل جذي .. بناتهم صغار مادخلوهم الجامعة وخلوهم يشتغلون .. والمشكلة طلعوا لهم سيايير بقرض :sleepy: شنو هالاهالي مايخافون على عيالهم ..
والله انه حدي استغرب منهم يعني مايخافون عيالهم يتوهقون او شي بعدين ..
لكن مانقول اله الحمدلله والشكر ..

[قطري وشيخي حمد]

مافي غير تعطيها المازدا مع هالليتات الي تبرق :teehee: