الدراسه في البحرين او خارج البحرين [الأرشيف]

مشاهدة النسخة كاملة : الدراسه في البحرين او خارج البحرين

~ εммo ~

09-06-2005, 05:48 PM

السلام عليكم
عندي موضوع حوار ابي اخذ رايكم في
الموضوع عن الدراسه انا تخرجت الحين من الثانوي ومحتاره وين ادرس وشنو
تعتقدون ان الدراسه في البحرين احسن او برع البحرين
واذا في البحرين تأيدون الجامعات الخاصه او جامعه البحرين

انشالله استفيد من ارأئكم

Coffee

09-06-2005, 05:54 PM

انة اقولج لاتدرسين في البحرين :n:
او اذا على جامعة البحرين ..جوفي الي درسو فيها والي احين يدرسوون شنو يقولون لج عنها :shhh:

والله اذا تابين راايي درسي برع ..الدرسة احسن :)

صج انة شهاادة البحرين قوية .. بس اذا اهلج راضيين تدرسين برع درسي :)

في الامارات او الاردن :)

انتي شنو تبيين اي تخصص ؟؟

~ εммo ~

09-06-2005, 06:42 PM

انا شنو ابي اتخصص مادري اي شي مافي دراسه وايد لاني مو ويهه دراسه :$ ودي ادرس شي مثل ادب انجليزي ديكور اي شي جذي :y:

مـــــلاك

09-06-2005, 06:49 PM

الدراسة في البحرين افضل حق البنت :y:

اقوى شهاده هي شهادة جامعة البحرين .. بس اذا فيج صبر وتستحملين الكدر وضيقة النفس دخليها :shhh:

عشان جذي في وايد جامعات خاصة في البحرين تقدرين تدخلين .. وجريب بعد بفتحون جامعات يداد :)

وبالنسبة للدراسة بالخارج .. اذا معاج محرم (احد من اهلج) تمام :y: .. بس اذا بروحج مايجوز ;)

وبالتوفيق ان شاء الله في دراستج :)

يفضل ان ينقل الموضوع لقسم المدارس والجامعات (ليستفيد طلبة الثانوي المتخرجين منه ولتحريك القسم) :thanx2:

تحياتي لج ..

][ عووشه ][

09-06-2005, 06:57 PM

انا رايي من راي مــلاك ;)

رفاعية كول على طول

09-06-2005, 07:24 PM

اختي في جامعه البحرين تقول درسي في جامعه غير البحرين احسن لج

لانه صارت مثل رامز :p :p

:y:

^_^ мεмo

09-06-2005, 10:07 PM

بطووو انه قايلت لج تعالي معاي كندا ماتبين اتين :sad: لاتهديني بروحي وقفي معاي فالحلوه والمره:sad:

تعاللي جفتي الكل يقول درسي برع احسن ;)

:y:

~ εммo ~

09-06-2005, 10:29 PM

اوكو زرافوا نروح كندا عاد قولي مته خل ابرز شنطتي :d
== وله تعرف شنو بتدرس وتقول اوكي بتروح برع :walen:

ESSO_ACCORD

09-06-2005, 11:34 PM

والله رايي يقول انج تدرسين بالبحرين لان بتكونين
جريب من اهلج وربعج، ولا قدر الله وصادج شي على
الاقل في احد موجود، لكن برع من لج؟؟!

واذا بتدرسين بالبحرين يفضل (بدون تفكير) انج تدرسين
بجامعه خاصه،وهذي شي راجع لج انتي، اذا تبين تخلصين
في 4 سنوات طبعا جامعه خاصه، لكن اذا خاطرج تطولين
وماتتخرجين الا بعد 7 سنوات (3 دبلوم و4 بكالريوس)
أنصح بجامعة البحرين :p
(دام مافي وظايف مافي تخرج)

مخاوي الغربة

10-06-2005, 02:30 AM

حلو الموضوع
بس للأسف مكرر للمرة الثالثة
وآنه دورته في المواضيعى القديمة وما لقيته
مادري شنو راي مشرفاتنا

تحياتي
مخاوي الغربة

ESSO_ACCORD

10-06-2005, 02:55 AM

مخاوي اخوي اهوه السالفة مو سالفة مكرر
بس ان الاخت عضوة يديدة تبي تستفسر، وماعتقد
ان اهيه بتروح تدور في مواضيع سابقه-قديمة-
يعني شي بيفيدها اهيه مو احنه..والمنتدى مفتوح
حق اي واحد يبي يسأل....

....بس اخوي مخاوي لا تحط في خاطرك على الي قلته حبيت اقول رايي وانشالله ماضيقتك.... :$

~ εммo ~

10-06-2005, 04:09 AM

سامحووني اذا حطيت موضوع مكرر مادري انا مثل ماقال الاخو عضوه يديده ومادري عن القديم بس حبيت اقول مشكلتي واذا احد بيعطني افكار :)

فزاع البحريني

10-06-2005, 04:33 AM

بالنسبة لي اعتقد الدراسة في الخارج هي الأفضل لكن هاذي يعود عليج اذا تتحملين الغربة والأعتماد على النفس

وعلى حسب الجامعة انها تكون قوية وأفضل من اللي موجودين في البلاد

وبالنسبة للأخت ملاك على أي اساس تقولين الدراسة في الخارج ماتجوز ؟؟؟ والله وهاذي فتوى جديدة لأول مرة اسمعها ؟؟

ياليت تعطيني مصدر او فتوى دينية صحيحة بهل موضوع لأنه اعتقد كلامج عار من الصحة

مـــــلاك

10-06-2005, 05:50 AM

وبالنسبة للأخت ملاك على أي اساس تقولين الدراسة في الخارج ماتجوز ؟؟؟ والله وهاذي فتوى جديدة لأول مرة اسمعها ؟؟

ياليت تعطيني مصدر او فتوى دينية صحيحة بهل موضوع لأنه اعتقد كلامج عار من الصحة
ماعرف ليش هجمت علي بردك .. بس ان شاء الله اخوي .. انا باعطيك المصدر اللي على اساسه قلت ان مايجوز .. أو بالأحرى حــــرام :)

هذي مو فتوى جديدة مني .. كلامي قلته بعد ماقريت احاديث الرسول صلى الله عليه وسلم وتحريمه لسفر المرأه بدون محرم ..

اكيد الأهل مايطرشون بناتهم للدراسه برع الا لأنهم واثقين فيهم وواثقين انهم رايحين للدراسة وتكوين مستقبلهم ومايبون يوقفون في دربهم ..

انا ماقصدت بكلامي سوء الظن بالبنت وأخلاقها.. انا اقصد الخطورة تصير لين بنية تكون بعيدة عن اهلها في ديرة غريبة .. اذا صبيان مروا بمواقف صعبة ومشاكل بسبب شعب هالديرة وماسلموا منهم، فشلون البنية اذا مرت بهالمواقف؟؟ من بساعدها وبيوقف معاها حزتها؟؟

الله حرم هالشي احتياطاً حق سمعة البنت وكرامتها .. وهالزمن مافيه أمان .. في ناس يصيدهم الطمع لأن قلوبهم مريضة ويعتدون على الأعراض ..

وهذي حديثين يدلون على تحريم سفر البنت بدون محرم ..
قال رسول الله صلى الله عليه وسلم:
" لا تسافر المرأة إلا مع ذي محرم، ولا يدخل عليها رجل إلا ومعها محرم "
" لا يحل لامرأة تؤمن بالله واليوم الآخر أن تسافر مسيرة يوم وليلة ليس معها محرم "

هذي الأدله سبق وذكرتها في موضوع اخوي مخاوي الغربة :)

تحياتي لك ..

ESSO_ACCORD

10-06-2005, 05:53 AM

:y: يعطيج العافيه اختي ملاك، وكلمة الحق تنقال

مـــــلاك

10-06-2005, 05:58 AM

الله يعافيك Esso_accord .. تسلم اخوي :)

ESSO_ACCORD

10-06-2005, 06:24 AM

;) حاضرين يالشيخه

مخاوي الغربة

10-06-2005, 12:07 PM

مخاوي الغربة

10-06-2005, 12:10 PM

آنه رايي من راي ملاك

وهي ردت علي نفس الرد تقريباً في الموضوع القديم

والصراحة صعب البنت تتحمل الظروف اللي راح تواجهها في الغربة
بالاضافة الى ان سفرها من غير محرم لا يجوز

تحياتي
مخاوي الغربة

~ εммo ~

10-06-2005, 06:13 PM

مشكوورين كلكم على المرور :)

^_^ мεмo

10-06-2005, 06:24 PM

انه اقول عادي الدراسه برع انه اكا درست برع ورجعت وبروح مره ثانيه ادري انه صعبهه بس راح ترتاحين لين اتخلصين وبتحصبين شغل احسن من غيرج

ماعليج منهم تعالي عندي بطو اهلي كلهم معاي :y:

صلوووحي

10-06-2005, 07:38 PM

انا اقول لو تدرسين في سريلانكا احسن لج

هناك اذا جافوا زرافة عبدوها

RANA88

10-06-2005, 09:04 PM

انــــــــه رايي من راي مــــــــــــــــــــــــــــــــــلاك و esso accord

~ εммo ~

11-06-2005, 04:54 AM

شدخل زرافوو

انا نكي بطه متلثمه

صلوحي

وعلعموم مشكوورين عل مرور زرافو شكلي بي وياج كندا:y:

MaRBoooSh

11-06-2005, 03:46 PM

انه باروح الأردن :)
انشالله على بداية سبتمبر :)

~ εммo ~

11-06-2005, 04:11 PM

تروح بسلامه وبتوفيق انشالله :y:

ذيب المحرق

11-06-2005, 06:00 PM

ملاك انتي جذي:y:

بطه قعدي في ديرتج احسن لج عن الغربه:)

وسمعي كلام ملاك ترى اللي اتقوله عدل

Coffee

11-06-2005, 07:27 PM

MaRBoooSh :sad:

رغم الأحزان

11-06-2005, 08:23 PM

انا اقول خارج البحرين

..لان جامعة البحرين ..اختي كله تقول لي مو شي

..والجامعات الخاصة..يبيلهم مصرف..وهل مصرف بيكفي ويوفي ويزيد في الخارج

واتي حرة..

تيك كير..اختج
أمونه

الدلوعه

11-06-2005, 08:54 PM

انه ما اايد الدراسه بالخارج لانج بنت او صعبه بتصير الحياة وانتي وحيده هناك,,

انه انصحج تكملين دراستج بالبحرين او في جامعة نيويورك وااايد جامعه ممتازة:y:

MaRBoooSh

12-06-2005, 02:05 PM

تروح بسلامه وبتوفيق انشالله :y:
وياج انشالله :) .. مشكورة وماقصرتي بطووووو

MaRBoooSh :sad:
افا عليج كوفيو :) .. مابانسى العصابة :y:
:walen:

بحرينية مغتربة

13-06-2005, 03:11 AM

هلا اختي

والله انا افضل انج تدرسين في البحرين لان الغربة صعبة وايد

فمهما حاولتي تتاقلمين الا انج في اخر اليوم يوم ترجعين للسكن بروحج وتدخلين الشقة وتشوفين نفسج بروحج

ومافي احد معاج هني تضيق عليج الدنيه وتتمنيين لو قعدتي في جامعة البحرين 100 سنة ولا سافرتي

لكن بالنهاية انا اقولج شوفي مستقبلج وين وقرري

والله يوفقج انشالله

تحياتي

جناحي كيوت

14-06-2005, 02:15 AM

هااااااااااي..
انا اقول الدراسه برع البحرين..احسن..لان انا مجرب الوضع...
جامعه البحرين ما منها فاااااايده..كلهم طلعو و راحو Ama

مثل كل شي في الدنيا ...
فيه سلبيات و ايجابيات
الايجابيات..
هناك بتحطين علي روحك اكثرلان بتنصرف عليك مبالغ عوده ..
اتحسين بلمسؤليه.. لان انتي رايحه حق شي معين...
الاعتماد علي النفس..
.....الخ

السلبيه..
فراق الاهل...و هذي شي..وااااااااايد عووووووود
ما تعرفين من الزين و من الشين..الا بعد مرور وقت..
الخ......

بس نصيحه مجرب...برع احسن لك..واااااايد
بس يفضل انك اتروحين مع احد او اتعرفين احد هناك..
علشان تتيسر لك الامووووور

اخوووووووك
جناحي كيوووووووووت